Dagur - 28.12.1988, Blaðsíða 6

6 - DAGUR - 28. desember 1988
V. «1 lr> «*•) aopt- Ot'
Vinningstölur 23. desember 1988.
Heildarvinningsupphæð kr. 2.707.624.-
Þar sem enginn var með 5 tölur réttar á föstudaginn
var, færist 1. vinningur yfir á 1. vinning á föstudaginn
kemur, sem var 2.314.614.-
Bónustala + 4 tölur réttar kr. 401.675.-
Skiptist á milli 5 vinningshafa kr. 80.335.- á mann.
4 tölur réttar kr. 692.820.-
Skiptist á milli 135 vinningshafa kr. 5.132.- á mann.
3 tölur réttar kr. 1.613.129.-
Skiptist á milli 4703 vinningshafa kr. 343,- á mann.
Dregið verður í lottóinu föstudaginn
30. desember klukkan 20.30.
Sölu þann dag lýkur klukkan 20.15.
Gleðilegt nýár.
Leikandi og létt! Upplýsingasími: 685111
Auglýsendur athugið
Síðasta blað fyrir áramót kemur
út föstudaginn 30. desember.
Skilafrestur auglýsinga í það blað er til kl. 11.00
fimmtudaginn 29. desember, nema um stærri aug-
lýsingar sé að ræða, en þær þurfa að berast fyrir kl.
16.00 miðvikudaginn 28. desember.
auglýsingadeild, sími 24222.
V________________________________________/
Smári Sigurðsson með tvo fjölskyldupakka frá Hjálparsveitinni. „Þýðir ekki annað en vera bjartsýnn á söluna.“
Myndir: GB
Hörð barátta í flugeldasölunni á Akureyri:
„Höftim engan áhuga á stríöi
vegna flugeldasölunnar“
- segir Smári Sigurðsson hjá Hjálparsveit skáta
Ungir áhugamenn um flugelda voru mættir í bíti í gærmorgun til að líta á
úrvalið hjá Hjálparsveitarmönnum í Lundi.
„Þessi flugeldasala hjá okkur
verður með Iíku sniði nú og
síðastliðin 16-17 ár. Vissulega
fáum við samkeppni að þessu
sinni en henni svörum við með
enn betri þjónustu og lipurð í
okkar sölu,“ sagði Smári Sig-
urðsson hjá Hjálparsveit skáta
á Akureyri um flugeldasölu
sveitarinnar fyrir áramótin.
Eins og kunnugt er munu
íþróttaielögin á Akureyri, KA
og Þór, einnig verða með flug-
eldasölu í bænum næstu daga
og segir Smári að með því hafi
þau farið inn á markaö sem
Hjálparsveitin hafi verið ein
um síðustu þrjú árin.
Svikin loford
„Vissulega skerðir þessi sala
félaganna tekjur okkar af flug-
eldasölunni. Við höfum verið
einir á þessum markaði síðastlið-
in þrjú ár, eða frá því kaupmenn
hættu að versla með flugelda, og
vitum því nákvæmlega hversu
stór þessi markaður er. Fyrir síð-
ustu árainót höfðum við tekið
loforð af íþróttafélögunum um
að þau yrðu ekki með flugelda-
sölu fyrir þessi áramót án þess að
láta okkur vita þannig að við gæt-
um minnkað okkar pantanir sam-
kvæmt því. Þessi loforð voru
svikin og allt sem þessi félög
panta og selja þýðir stækkandi
lager fyrir okkur vegna þess að
markaðurinn stækkar ekkert þó
þessir aðilar bætist við,“ segir
Smári.
Smári segir að menn verði að
gera sér grein fyrir því að þar sem
flugeldasalan sé um 95% af tekj-
um Hjálparsveitarinnar þá hljóti
minnkandi tekjur af henni að
leiða til þess að sveitin leiti ann-
arra fjáröflunarleiða, leiða sem
t.d. íþróttafélögin hafi setiö að
undanfarin ár. „Við höfum engan
áhuga á að vera í einhverju
stríði út af þessum hlutum en ef
einhver samdráttur á að verða í
þessari tekjuöflun okkar þá verð-
um við að leita nýrra leiða til að
geta staðið við okkar skuldbind-
ingar. Við höfum nýverið sett
okkur í skuldbindingar vegna
kaupa á nýjum snjóbíl og veru-
lega minnkandi tekjur koma því
iila við.“
Fimm tonn af
áramótavörum
Smári segir að um hver áramót
noti Akureyringar um 5 tonn af
áramótavörum. „Flugeldasalan
tók kipp fyrir fimm árum og hef-
ur haldist stöðug síðan þá. Annars
ræður veðurspáin mestu um flug-
eldasöluna og getur ráðið úrslit-
um um hvernig útkoman verður.
í fyrra var yfirlýst flugeldaveður í
sjónvarpinu og það hafði greini-
lega áhrif en því er heldur ekki
að leyna að komið hefur fyrir að
salan dugi ekki fyrir kostnaðin-
um,“ segir Smári.
Með hverju árinu eykst fjöl-
breytnin í fírverki áramótanna.
Verðlag á þessum vörum í ár
verður mjög svipað því sem var í
fyrra. Eins og venja er til verður
boðið upp á fjölskyldupakka en
Smári segir að margir vilji þó
velja sér sína flugelda sjálfir og
oft komi í ljós að menn hafi
ótrúlega þekkingu á flugeldun-
um. „Okkar bestu kúnnar eru
fullorðnir menn sem eru enn með
„maníu“. Það eru fjöldamargir í
þessum flokki, menn sem aðeins
vilja það stærsta og kraftmesta og
muna frá ári til árs hvernig flug-
eldarnir hafa verið og láta okkur
óspart heyra það ef þeim hefur
ekki líkað varan. Þetta er hrein
della hjá mörgum."
Mjög er mismunandi hve mik-
ið hver viðskiptavinur kaupir af
þessum áramótavörum en Smári
telur að meðalkaup geti verið um
2500-3000 krónur. Greinilegt sé
að upphæðirnar fari mikið eftir
fjölda barna á heimilunum en hér
er bæði um að ræða vörur sem
notaðar eru innan- og utanhúss.
Létt yfír mannskapnum
í flugeldasölunni
Vinnan við flugeldasöluna er
mikil og eins og önnur störf hjá
Hjálparsveit skáta er pökkun og
sala sjálfboðavinna félaganna.
Síðustu vikurnar hafa félagarnir
pakkað og flokkað sendingarnar
og í gær hófst salan á Akreyri á
fjórum stöðum. í kvöld fá síðan
bæjarbúar forsmekkinn af ára-
mótagleðinni þegar sveitarfélag-
ar halda flugeldasýningu við
Lund, húsnæði Hjálparsveitar-
innar á Akureyri.
„Maður fær hálfgerðan fiðring
þegar kemur fram á þennan
tíma. Það er létt yfir mannskapn-
um á meðan á flugeldasölunni
stendur enda þýðir ekkert annað
en hafa gaman af þessu. Fjöldinn
allur af félögum okkar hverfur
suður yfir heiðar á veturna til
náms en kemur heim í jólafrí og
hjá mörgum er mesta tilhlökkun-
in að komast heim í flugeldavinn-
una. Það má eiginlega segja að
við fáum „kikkið“ út úr þessu á
meðan aðrir fá það á gamlaárs-
kvöld,“ segir Smári Sigurðsson.
JÓH