Dagur - 04.03.1989, Blaðsíða 2

2 - DAGUR - Laugardagur 4. mars 1989
„Það er gott
að ég þekki
það ekki“
Þá er komið að þriðja einvíg-
inu okkar hér í helgarblaðinu
og að þessu sinni eru það
kapparnir Tómas Búi Böðvars-
son slökkviliðsstjóri á Akur-
eyri og Björn Snæbjörnsson
varaformaður Einingar sem
eigast við. Spurningarnar eru
almenns eðlis eins og áður og
hafa þær mismikið vægi. Ekki
þarf að taka fram leikreglurn-
ar, einfaldur sigur nægir og sig-
urvegarinn vinnur sér rétt til
að taka þátt í átta manna úr-
slitakeppni síðar. Tveir aðilar
hafa þegar áunnið sér þann
rétt, en það eru þau Erlingur
Sigurðarson menntaskóla-
kennari og Elfa Ágústsdóttir
dýralæknir.
Eins og slökkviðliðsmanna er
vani, brást Tómas Búi skjótt við
beiðni um þátttöku og vildi bara
byrja strax. Sama var uppi á
teningnum hjá Birni enda er þar
kominn áhugamaður um sh'kar
keppnir.
Fyrsta spurningin vafðist fyrir
þeim báðum. Stutt og laggott hjá
Tómasi Búa, „hef ekki skímu um
það,“ og Björn sagðist því miður
ekki hafa lesið Dag nógu vel upp
á síðkastið vegna anna. Hann
giskaði á Þorvald Örlygsson en
hann lenti einmitt í fimmta sæti í
valinu.
Björn var mjög nálægt því að
geta svarað því hversu margar
öldósir hafi selst á Akureyri á 1. í
bjór. „Þær voru 46 þúsund,“
sagði hann öruggur. „Voru þær
ekki 18 þúsund,“ spurði Tómas
Búi en eflaust hefði einhver ósk-
að þess að þær hefðu ekki verið
fleiri.
Hvorugur keppanda vissi hver
nýkjörinn formaður KA er, enda
stutt síðan Sigmundur Þórisson
tók við og þar er á ferð hæglætis-
maður, a.m.k. til þessa.
„Ég hef ekki hugmynd um
hvað hann heitir, en hann er rúss-
neskur er það ekki? Hann er
a.m.k. frá austantjaldslandi,"
sagði slökkviliðsstjórinn. Það
svar reyndist því miður ekki
nægjanlegt, en Björn gerði held-
ur betur hann mundi að þjálfar-
inn væri frá Júgóslavíu og giskaði
á að hann héti Júrisjov, enda alls
ekki ólíklegt nafn. Þar með var
fyrsta stig keppninnar orðið
staðreynd og staðan í einvíginu
1:0 fyrir Björn.
„Mýgir“! Báðir hugsuðu sig vel
um, Björn þó heldur lengur en
Tómas Búi. Björn giskaði á að
orðið merkti leiðindi en Tómas
Búi gaf það frá sér. „Það er gott
ég þekki það ekki,“ sagði hann
þegar við skýrðum honum frá
réttu svari, sem er kúgari.
Ekki stóð á svari hjá þeim
félögum um nýtt nafn á Hótel
Varðborg. „Hótel Norðurland,"
sögðu þeir báðir án umhugsunar
enda er það gamalt rótgróið nafn
í bænum og mörgum kært.
Betur að þeir Björn og Tómas
Búi hefðu mátt leggja saman lið
sitt við næstu spurningu. Tómas
Búi sagði það eitt að vita og ann-
að að muna. „Ég á nú að vita
þetta. Bíddu nú við . . . Steins-
son, já hann heitir Guðmundur
Steinsson höfundurinn að Sólar-
landaferð. Hitt veit ég ekki, ef ég
nota útilokunaraðferðina veit ég
að það er ekki Helgi Skúlason,"
sagði Tómas og það mátti næst-
um því heyra hann glotta! Björn
vissi að Hlín Agnarsdóttir myndi
leikstýra verkinu og giskaði á að
höfundur væri Svava Jakobsdótt-
ir.
„Hvað kostar einn lítri af
mjólk í dag?“ Tómas Búi giskaði
á 45-48 krónur, en sagðist jafn-
framt ekki hafa keypt mjólk síð-
an hún hækkaði. Björn hafði
þetta á hreinu. „Hún kostar 60
krónur og 10 aura,“ sagði hann
og viðurkenndi jafnframt að
hann væri nýbúinn að lesa þetta
einhvers staðar. Pegar hér var
komið sögu, stóðu stigin þannig
að Björn hafði forystu með 4 stig
á móti 2 stigum Tómasar Búa.
„Bíddu nú við. Mæting er
klukkan tíu mínútur fyrir þrjú,
hún hlýtur þá að fara kl. 15.20!“
Rétt svar hjá Tómasi Búa, þarna
skeikar 5 mínútum eins og
skekkjumörkin leyfðu, en hann
gaf sér að mæting væri hálftíma
fyrir brottför eins og venja er.
„Æ, það er um þrjúleytið," sagði
Björn, „ég segi að það sé kl.
14.55!“ Þarna varð honum aðeins
á, því hér er um mætingartíma að
ræða og ekki hægt að gefa rétt
fyrir það. Engu að síður er það
Björn sem sigraði í þetta skipti.
Félögunum þökkum við drengi-
lega keppni og bjóðum Björn
velkominn á ný þegar kemur að
átta manna úrslitakeppni. VG
Tómas Búi Böðvarsson
Björn Snæbjörnsson
Rétt svör
1. Dagur útnefndi nýlega íþróttamann Norðurlands og varð skíðakonan Guðrún H. Kristjánsdóttir í
fyrsta sæti. Hver íenti í öðru sæti? (1)
Hef ekki skímu Þorvaldur Örlygsson Lilja Marfa Snorradóttir sundkona á Sauðárkróki
2. Hvað scldust margar öldósir á Akureyri fyrsta bjórdaginn? (1)
Voru það ekki 18 þúsund dósir 46 þúsund 44 þúsund (skekkjumörk +/— 1 þúsund)
3. Hvað heitir nýkjörinn formaður KA? (1)
Veit það ekki Man það ekki Sigmundur Þórisson
4. Þórsarar hafa ráðið til sín nýjan knattspyrnuþjálfara? Hvað heitir hann og hvaðan er hann? (2)
Hann er rússneskur, en ég man Hann er frá Júgóslavíu og heitir Milan Duricic frá
ekki hvað hann heitir eitthvað Júrisjov Júgóslavíu
5. Hvað merkir nafnorðið „mýgir“? (1)
Það veit ég ekki Það hlýtur að þýða leiðindi kúgari
6. Hvert verður hið nýja nafn Hótel Varðborgar? (1)
Hótel Norðurland Hótel Norðurland Hótel Norðurland
7. Síðasta verkefni Leikfélags Akureyrar í vetur verður verkið Sólarlandaferð. Eftir hvern er það og
hver mun lcikstýra verkinu? (2) Þetta á ég að vita. Höfundur er Hlín Agnarsdóttir leikstýrir og er Höfundur er Guðmundur
Guðmundur Steinsson en hinu er það ekki Svava Jakobsdóttir sem Steinsson og leikstjóri er
alveg stolið úr mér skrifaði? Hlín Agnarsdóttir
8. Hvað kostar einn lítri af mjólk í dag? (1)
45 krónur, eða eru það 48 krónur? 60 krónur og 10 aura 60 krónur og tíu aura
9. Klukkan hvað er áætluð brottför svokallaðrar „kaffivélar“ Flugleiða frá Akureyri? (1)
Klukkan 15.20 Klukkan 14.55. Kl. 15.25 (skekkjumörk 5 mínútur)
Stig samtals:
3 4 11
matarkrókur
Gimilegir helgarréttir
Þá er bjórinn kominn en
hann hefur engin áhrif á
uppskriftirnar, nema hvað
sumum finnst gott að drekka
hann með mat og geta haft
þann möguleika í huga. Við
ætlum að bjóða ykkur upp á
kjúklingapott í aðalrétt og
ostaköku sem ábæti og síðan
látum við fylgja með upp-
skrift af skonsum sem þið
getið haft með sunnudags-
kaffinu.
Kjúklingapottréttur
frá Mílanó
4-5 dl soðið kjöt af kjúklingi eða
unghænu
3 sneiðar bacon
1 stór laukur
3 msk. hveiti
1 dl mjólk
1 dós (400 g) tómatar
1 dós sveppasúpa
2 dl rifinn ostur
120 g spaghetti
200 g frosnar grœnar baunir
Fyrst brúnar maður baconið og
laukinn á pönnu, setur þetta síð-
an í pott ásamt tómötum,
sveppasúpu og mjólk. Hveitinu
er stráð yfir og rétturinn látinn
sjóða þar til hann þykknar. Þá er
kjöti, osti, soðnu spaghetti og
baunum bætt í. Rétturinn er sett-
ur í eldfast mót, rifnum osti stráð
yfir og er þetta bakað í u.þ.b. 30
mínútur. Gott brauð og salat
hentar vel með þessum kjúkl-
ingapottrétti.
Sœnsk ostakaka
3 egg
'ó dl sykur
300 g kotasœla
V/2 dl hveiti
1 dl mjólk
V2 dl rúsínur
V2 dl saxaðar möndlur
Þeytið saman egg og sykur. Hinu
hráefninu er blandað saman við
og þetta sett í smurt eldfast mót.
Bakað við 180 gráður í 40 mínút-
ur. Ostakakan er borðuð volg
með hrærðum berjum og e.t.v.
þeyttum rjóma.
Skonsur með rúsínum
250 g hveiti
100 g smjörlíki
1 tsk. lyftiduft
2 msk. sykur
1 tsk. kardimommur
1 egg
50 g rúsínur
IV2 dl mjólk
Myljið smjörlíkið saman við
hveitið ásamt lyftidufti og kardi-
mommum. Bætið við rúsínum og
sykri. Eggið er léttþeytt saman
við mjólkina og deigið hnoðað
saman. Breitt út ca VS cm á þykkt
og stungnar út kringlóttar kökur
með glasi. Þær eru síðan penslað-
ar með eggi eða mjólk og bakað-
ar í miðjum ofninum í u.þ.b. 15
mínútur. Skonsurnar eru bestar
nýbakaðar. Verði ykkur að góðu.
SS