Dagur - 28.07.1990, Blaðsíða 18

18 - DAGUR - Laugardagur 28. júlí 1990
The Stone Roses:
Rísandi stjama í bresku poppi
Manchesterborg og næsta ná-
grenni hennar hefur í gegnum
tíöina verið helsta vígi bresku
nýbylgjunnar. Þaðan koma sveit-
ir á borð við The Fall, Joy Divis-
ion (sem seinna varð New Order)
og The Smiths hafa allar sett
mikinn svip á nýbylgjuna en nú í
seinni tíð eru það hljómsveitir
eins og Inspiral Carpets og svo
ekki síst The Stone Roses.
Upphaf The Stone Roses má
rekja allt til bernskuára söngvar-
ans lan Brown og John Squire
gítarleikara en þeir tveir hafa
þekkst síðan þá. Á miðjum ungl-
ingsárum sínum stofnuðu þeir
fyrstu hljómsveitina sína sem
kallaðist The Patrol og voru í
henni ásamt þeim Andy Cousens
sem söng og spilaði á gítar
(Brown lék þá á bassa) og Simon
Wostencroft sem lék á trommur.
Var tónlistin sem The Patrol lék
blanda af frumsömdu pönki og
gömlum slögurum eftir aðra s.s.
eins og Johnny B. Goode. Lifði
The Patrol sem slík í tvö ár
(1980-’81) en árið 1982 er þeir
Brown og Squire hættu í skóla
þróaðist hún út í English Rose
sem var í grundvallaratriðum
sama hljómsveitin en í stað Wol-
stencroft var kominn náungi sem
kallaðist Wazza á trommurnar.
En lítið varð úr English Rose
og næstu tvö árin lá samstarf
Umsjón:
Magnús Geir
Guömundsson
þeirra Brown, Squire og Cous-
ens niðri. 1984 hefur Brown sam-
band við hina tvo á ný og stofnun
The Stone Roses verður form-
lega að veruleika. Með henni
fylgdu ýmsar breytingar frá Eng-
lish Rose. Tók lan Brown við
hlutverki söngvara af Cousen og
hætti jafnframt sem bassaleikari.
í hans stað kom þar Pete Garner
og á trommur varð slðan fyrir val-
inu Alan „Reni“ Wren. Þessi
skipan hélst þó ekki til langframa
því Cousens hætti 1986 og
Garner ári síðar. Kom enginn í
stað Cousens en í stað Garners
kom Manny á bassann. Ferill
Stone Roses fyrstu fjögur fárin
var eilíf barátta við að skapa sér
nafn og á þessum tíma var
hljómsveitin á mála hjá þremur
útgáfufyrirtækjum en engin plata
leit dagsins Ijós, komu einungis
þrjú lög út á smáskífum allan
þennan tíma eitt frá hvorri
útgáfu. En með útgáfu þriðja
lagsins Elephant Stone árið 1988
á vegum Silvertone útgáfupnar
fara hjólin að snúast fyrir alvöru
hjá hljómsveitinni. Er skemmst
frá því að segja að þegar loksins
varð af útkomu fyrstu breiðskífu
Stone Roses í maí í fyrra voru
móttökurnar ekki af verri endan-
um. Kepptust gagnrýnendur við
að hrósa plötunni og margir
þeirra sögðu að hér væri loksins
komin hljómsveit sem gæti fetað
í fótspor Bítlanna og Rolling
Stones. Síðan platan kom út hef-
ur komið ýmislegt misjafnt fyrir
hjá Stone Roses, meðal annars
hefur hún komist í kast við lögin
og eldað grátt silfur við banda-
'ríska blaðamenn eins og áður
hefur verið sagt frá hér á popp-
síðunni. En vinsældirnar hafa
ekki lengur látið bíða eftir sér því
nýlega fór nýjasta lagið frá hljóm-
sveitinni One Love beint í fjórða
sæti breska vinsældarlistans.
Svo er bara að sjá hvort
fjórmenningarnir frá Manchester
nái að fylgja þessum vinsældum
eftir og þar með standa undir
vonum gagnrýnenda.
Stone Roses. Hjá þeim er það ein ást sem gildir.
poppsíðon
Prince varð að lúta í lægra haldi fyrir fótboltanum.
Hitt og þetta
Fotboltinn fer illa með
tónleikahald á írlandi
Á meðan heimsmeistarakeppnin
í knattspyrnu stóð yfir er óhætt
að segja að írska þjóðin hafi
staðið á öndinni af hrifningu
vegna frammistöðu sinna manna
þar en írar náðu að komast í átta
liða úrslit keppninnar. Þó eru til-
finningar tónleikahaldarans
Olivers Barry heldur blendnar yfir
þessum árangri írska liðsins því í
þann heila mánuð sem keppnin
stóð yfir tapaði hann stórfé
vegna dræmrar miðasölu á tón-
leika sína sem varð síðan að
fresta af þeim sökum. Það sem
er svo sárast fyrir Barry í málinu
er að á ferðinni voru engin smá-
nöfn í tónlistarheiminum heldur
nefnilega fíolling Stones og Prince
sem undir venjulegum kringum-
stæðum fylla allar tónleikahallir.
Steve Vai að hætta
í Whitesnake
[ kjölfar fregna um komu White-
snake hingað til lands heyrist nú
að gítarsnillingurinn Steve Vai sé
um það bil að segja skilið við
hljómsveitina. Sólóplata Vai
Passion and Warfare hefur hlotið
gífurlega góðar móttökur í
Bandaríkjunum og þegar þetta er
ritað er hún ein af tuttugu best
seldu plötunum þar í landi.
Vai sem upphaflega gekk til liðs
við Whitesnake sem varaskeifa
fyrir hinn gítarleikarann Adrian
Vandenberg er hann (Vandenberg)
átti við veikindi í hendi að stríða,
verður þó væntanlega með
Whitesnake á tónleikunum hér á
landi þar sem hann hyggst ekki
hætta fyrr en eftir að hinni svo-
kölluðu Monsters of fíock tón-
leikaferð er lokið en hún hefst á
Donningtonhátiðínni og stendur
fram eftir hausti. Hyggst Vai þá
hefja undirbúning að eigin tón-
leikaferð sem farin verður í okt-
óber til að fylgja sólóplötunni
eftir.
Pixies
Nýbylgjusveitin vinsæla frá Boston
í Bandaríkjunum, Pixies er komin
með nýtt lag eftir nokkurt hlé.
Heitir það „Velouria“ og er það
undanfari nýrrar plötu Pixies
þeirrar þriðju í röðinni. Mun hún
heita Bossanova og er áætluð
útgáfa í ágúst.
LedZeppelin
Poppsíðan skýrði frá því fyrir
skömmu að enn og aftur væru
komnar á kreik sögusagnir um
endurlífgun Led Zeppelin og í
bígerð væri heljarmikil tónleika-
ferð um Bandaríkin. Hafa þessar
sögusagnir nú fengið frekari byr
undir báða vængi því í október
mun koma út kassi með fjórum
geisladiskum sem geyma munu
ein sextíu lög og eru þar á meðal
öll þekktustu lögin sem Zeppelin
hefur sent frá sér í gegnum tíð-
ina auk nokkurra sem ekki hafa
verið gefin út áður.
The Mission
The Mission hefur fengið gítar-
leikara í stað Simon Hinklers sem
hætti eftir eina tónleika á ferða-
lagi hljómsveitarinnar um N-
Ameríku fyrir skömmu. Er það
gítarleikari All About Eve Tim Bric-
heno sem kominn er í stað Hink-
lers en hann aðstoðaði The Miss-
ion á nokkrum tónleikum í Evr-
ópu vegna brotthvarfs Hinklers
og Poppsíðan hefur áður greint
frá.
Michael Jackson
Michael Jackson er að því að best
er vitað búinn að ná sér af milli-
liðagigtinni sem hrjáði hann fyrir
skömmu og er hann nú byrjaður
að vinna að gerð nýrrar plötu í
New York af fullum krafti. Ekki er
vitað hvenær platan kemur út en
á henni hefur Jackson enn einu
sinni notið aðstoðar gítarleikara
úr þungarokkinu og er það að
þessu sinni enginn annar en
Slash úr Guns ’N’ ttoses. Áður hafa
þeir Eddie Van Halen og Steve
Stevens spilað á plötum
„Jackos“, Van Halen á Thriller en
Stevens á Bad.
Fabulous Thunderbirds
Gítarleikarinn knái Jimmie Vaugh-
an sem ásamt bróður sínum
Steve Ray hefur að undanförnu
verið að vinna með Bob Dylan við
nýja skífu hans, hefur sagt skilið
við hljómsveitina sína The Fabu-
lous Thunderbirds. I stað hans eru
komnir tveir gítarieikarar sem
heita Kid Bangham og Duke Robi-
lard. Kann poppsíðan lítil skil á
Bangham en Robilard er vel þekkt-
ur innnan blúsins.