Dagur - 18.09.1990, Page 5

Þriðjudagur 18. september 1990 - DAGUR - 5
lesendahornið
Þjófnaður á Akureyri
Hr. ritstjóri.
Mig langar til að segja þér frá
þjófnaði. Petta hljómar ef tii vill
svolítið sérkennilega, en þessi
þjófnaður er þess eðlis að ég tel
að þú ættir að vita af honum - og
um leið lesendur Dags.
Ég bý við Víðilund, nánar til-
tekið í öðru af tveimur stórhýsum
sem reist voru fyrir gamla Akur-
eyringa. Það er afar gott að búa
þarna og stutt í verslanir. Rétt
fyrir vestan okkur er Hrísalundur
og austan er að finna verslunar-
miðstöðina Kaupang.
Þrátt fyrir að stutt sé í Hrísa-
lund, en þangað förum við mörg
til að kaupa brýnustu lífsnauð-
synjar, er það raunin að gamlir
og fúnir fætur þurfa hvíldar við á
leiðinni. Þess vegna reyndum við
að fá bæjaryfirvöld til að setja
bekk við göngustíginn sem liggur
upp með Þingvallastræti. Ekki
tókst það og því fór einn íbúanna
á stúfana og keypti lítinn trébekk
sem hann lét setja mitt á milli
Víðilundar og Hrísalundar.
Ég fór skömmu síðar í Hrísa-
lund og naut þess mjög að geta
sett mig niður því pokinn seig í.
Sömu sögu geta aðrir íbúar sagt -
bekkurinn var hreint raritet. En
Adam var ekki lengi í Paradís.
Ég held að bekkurinn liafi verið á
sínum stað í tvo eða þrjá sólar-
hringa. Dag nokkurn þegar við
örkuðum upp með Þingvalla-
stræti í Hrísalund kom í ljós að
bekkurinn var horfinn. Ekki sást
tangur né tetur af honum.
Spottaræfill hafði verið notaður
til að festa bekkinn við girðingu
sem umlykur KA-völlinn, en
spotti þessi hafði greinilega ekki
verið nein fyrirstaða. Þarna hafa
greinilega verið hraustir menn á
ferð.
Hvað veldur því að fólk stelur
svona bekk? Hvað veldur því að
samborgarar okkar geta ekki lát-
ið svona hluti í friði? Spyr sá sem
ekki veit. En ég geri fastlega ráð
fyrir því að bekkurinn góði prýði
nú einhvern garðinn á Akureyri
eða hafi jafnvel fengið virðulegt
hlutverk innanhúss. Ætli nýr
„eigandi" sé ánægður með
gripinn? Alveg er það makalaust
að virðing fólks fyrir eigum ann-
arra er ekki meiri en raun ber
vitni.
Ekki á ég von á því að nokkur
íbúa við Víðilund treysti sér til að
kaupa annan bekk, því gera má
ráð fyrir að örlög hans yrðu þau
sömu. Nú vil ég leyfa ntér að
skora á bæjaryfirvöld að útvega
annan bekk og þyngri sem yrði
hlekkjaður við KA-girðinguna.
slíkur bekkur hlýtur að fá að vera
í friði fyrir fingralöngum sam-
borgurum. Án efa hlýtur bæjar-
sjóður að geta fjármagnað kaup á
nýjum bekk - andvirði hans mun
tæplega setja stórt skarð í buddu
bæjargjaldkerans.
Að lokum: Ég vona að sá - eða
þeir - sem tóku gamla bekkinn
lesi þessar línur. Eg vona líka að
bekkurinn verði þeim til ánægju
og yndisauka - en ég vona jafn-
framt að samviska þeirra ónáði
þá öðru hvoru. Ef sú verður
raunin (og ef bærinn kaupir nýj-
an bekk!) hefur bréf þetta náð til-
gangi sínum.
Ibúi við Víðilund.
Strigadruslan á Akureyrarvelli
Kæri Dagur:
„Ég var að lesa í Degi að verið
væri að laga til á Akureyrarvelli
fyrir Evrópuleik K.A. og CSKA
Sofia, og er það gott, þótt fyrr
hefði það mátt vera.
En nú langar mig til að spyrja
hvort þeir ætli ekki að fjarlægja
þennan striga sem búinn er að
hanga uppi í girðingunni í tvö ár.
Hann er engin prýði fyrir bæinn,
völlinn eða áhorfendur. Lítið
gagn er að honum. Ég hef horft á
alla leiki til tuga ára og styð að
eitthvað sé gert til að hindra sýn
inn á völlinn, en það hlýtur að
vera hægt að fá segl eða eitthvað
betra en þessa ómynd."
Athugasemd við lesendabréf:
Hægt að fá morgunkaffi
- á leiðinni Mývatnssveit-Egilsstaðir
Lesandi hringdi og var ekki par
hrifinn eftir að hafa lesið kvörtun
í lesendahorninu um að hvergi
væri hægt að fá morgunkaffi á
leiðinni Mývatnssveit-Egilsstað-
ir. Lesandinn vildi leiðrétta
þennan reginmisskilning og
benda á að hægt væri að fá kaffi á
tveim stöðum á þessari leið yfir
sumarmánuðina. „Ég er oft á
ferðinni á þessari leið og hef
fengið mérskínandi kaffi í Fjalla-
kaffi í Möðrudal og á Brúarási í
Jökulsárhlíð. Á þessum stöðum
hef ég fengið morgunkaffi og ég
átta mig ekki alveg á því hvaða
leið hann fór þessi maður sem var
að kvarta í blaðinu," sagði les-
andinn.
Þar með er það kornið á hreint.
Á leiðinni milli Mývatnssveitar
og Egilsstaða er hægt að fá sér
morgunkaffi á að a.m.k. tveim
stöðum, þ.e. í Fjallakaffi í
Möðrudal og Brúarási í Jökuls-
árhlíð.
Grímsey:
Bflaeignin van-
talin um helming
Sigurður Bjarnason í Grímsey
hringdi til blaðsins og óskaði
eftir að vegna skrifa Kára Elíson-
ar í helgarblaði Dags þann 1.
september þar sem fjallað var um
lyftingamót í Grímsey komi fram
að bílaeign Grímseyinga er
ekki 8 bílar eins og Kári hafi sagt
heldur 16. Þá muni ekki alfarið
rétt farið með áhorfendafjölda á
móti þessu því nær sé að tala um
30 en 60 manns enda hafi mótið
verið haldið á laugardegi og
Grímseyingar nær undantekn-
ingalaust uppteknir við vinnu,
bæði á sjó og landi.
LETTIH
h
Léttísfélagar!
Almennur félagsfundur verður í Skeifunni, fimmtu-
daginn 20. september kl. 20.30.
Fundarefni:
Inntaka nýrra félaga.
Lýst eftir tillögum til þings L.H.
Félagshesthús og unglingastarf.
Önnur mál.
Félagar fjölmennið. Stjórnin.
RAFVEITA AKUREYRAR.
Nú gefst viðskiptavinum
Rafveitu Akureyrar
kostur á að greiða rafmagnsreikningana með því að
láta SAMKORT sjá um millifærslu á gjaldinu.
Hafðu samband við innheimtuskrifstofu Rafveitunn-
ar, gefiðu upp númerið á SAMKORTINU þínu og þú
ert laus við áhyggjur af ógreiddum rafmagnsreikn-
ingum og dráttarvöxtum.
Rafveita Akureyrar.
Bridgefélag Akureyrar
Bridge
Startmót SS Byggis hf. og Bridgefélags Akureyrar
verður haldið þriðjudaginn 18. sept. kl. 19.30 að
Hamri, félagsheimili Þórs (við Skarðshlíð).
Spilaður verður eins kvölds tvímenningur.
Mætið stundvíslega, skráning fer fram á staðnum.
Uppl. í síma 24624 (Ormarr).
Allir velkomnir.
byggir hf.
1
m\M A HEIMSMÆLIKVARBA
Opið 10 - 18 alla daga
ISLENSKA SJAVARÚTVEGSSÝNINGIN, sem nú er
haldin í þriðja sinn í Laugardalshöll, hefur fest sig í sessi
sem alþjóðleg stórsýning á sviði sjávarútvegs. Sýningin í
ár verður glæsilegri en nokkru sinni fyrr og er von á þús-
undum gesta hvaðanæva að úr heiminum. Á 10 þúsund
fermetra rými munu á fimmtahundrað íslenskra og er-
lendra sýnenda kynna allar helstu nýjungarnar í veiðum,
vinnslu og markaðssetningu sjávarfangs.
Á meðan sýningin stendur yfir bjóða Flugleiðir sérstakan afslátt á innanlandsflugi fyrir
sýningargesti utan af landi. Nánari upplýsingar fást hjá ferðaskrifstofum,
sölumönnum og umboðsmönnum um land allt. _____
FLUGLEIDIR