Dagur - 21.12.1990, Blaðsíða 7

I
066 iv jt;■o!' ' \ vimfcbuíí>öri — HUOAO - 3
Föstudagur 21. desember 1990 - DAGUR - 7
í DAGS-ljósinu
Frestun á uppboði á eignum Sana hf. í fyrradag:
í loftfimleikum
með lagabókstaf
Eins og komið hefur fram í
Degi og öðrum fjölmiðlum
fékk lögfræðingur Sana hf.
frest á nauðungaruppboði á
eignum fyrirtækisins í fyrra-
dag með því að áfrýja
úrskurði bæjarfógetans á
Akureyri, frá öðru og síðara
uppboði þann 30. nóvember
sl., til Hæstaréttar. Lögmað-
urinn ver þessa áfrýjun með
því að annað og síðara upp-
boð hafi ekki verið nægilega
auglýst en í greinargerð sinni
rekur hann fleiri atriði sem
hann telur vera athugaverð
og vill frá úrskurð Hæsta-
réttar um.
f greinargérðinni segir Hrafn-
kell Ásgeirsson að í nauðungar-
uppboðsauglýsingunni komi ekki
fram hvað sé átt við með „ofl.“
Þá segir hann ekki hægt að sjá að
veðhöfum og þinglýstum eiganda
hafi verið sendar þær tilkynning-
ar sem beri að gera samkvæmt
lögum um nauðungaruppboð en
þessi gögn beri að senda þegar
um sé að ræða uppboðsmeðferðá
fasteign. Þessu til viðbófar sé
ekki hægt að sjá að þessara
ákvæða hafi verið gætt við fyrra
uppboð á fasteigninni sem fram
fór 26. nóvember 1989. Og loks
segir hann að uppboðið sé ekki
auglýst í landsblöðum eins og
beri að gera skv. 7 gr., 2. mgr.
laga nr. 12 frá 1987.
„Þegar ofangreind atriði eru
höfð í huga er ljóst að vísa beri
uppboðsmálinu frá,“ segir hann í
greinargerðinni.
Stangast auglýsingin
á við lög?
í byrjun má staldra við auglýsing-
una í Degi sem lögfræðingur
Sana hf. heldur hvað hæst á lofti
í afrýjun sinni. Eins og áður segir
telur hann að ekki hafi verið aug-
lýst eins og lögin kveði á um. í
málsástæðum og lagarökum í
greinargerðinni segir Hrafnkell
orðrétt:
„Uppboðið hefur ekki verið
auglýst í dagblöðum sbr. 2. mgr.
7. gr. laga nr. 12/1987 sbr. 29 gr.
laga nr. 57/1949. Skýra ber orðið
dagblöð sem landsblöð en ekki er
nægilegt að auglýsa í staðbundn-
um blöðum, sem út koma einu
sinni eða oftar í viku og hafa
aðallega eða eingöngu útbreiðslu
á staðbundnu svæði. Þessi skýr-
ing hefur stoð í greinargerð með
frumvarpinu sem urðu síðan lög
nr. 12/1987. í greinargerðinni
segir svo meðal annars: „Um 2.
mgr.: í... lögum. Þess skal getið
að ákvæði þetta ráðgerir þá meg-
inreglu, að annað uppboð sé aug-
lýst í dagblaði, en ekki er útilok-
að að önnur samsvarandi opinber
auglýsing geti komið í staðinn, til
dæmis útvarps- eða sjónvarps-
auglýsing..." Hér er ljóst að lög-
gjafinn gerði ráð fyrir því, að
auglýsingin næði til landsins alls
en ekki aðeins til staðbundins
svæðis, þar sem eignin er
staðsett. - Það er öllum aðilum,
bæði eiganda og lánadrottnum í
hag, að sem flestum sé kunnugt
um uppboðið, til þess að sem
hæst verð fáist fyrir eignina. -
Ljóst er að ekki hefur verið fylgt
þessu ákvæði," segir lögfræð-
ingurinn.
Elías I. Elíasson bæjarfógeti á Akureyri og Eyþór Þorbergsson fulltrúi ræða
stöðu mála í húsnæði Sana við Norðurgötu. Mynd: Goiii
Hér vitnar Hrafnkell aðeins til
greinargerðar með frumvarpi til
laga nr. 12 frá 1987 en birtir
hvergi orðrétt úr þessum
umræddu lögum eftir að laga-
frumvarpið hlaut afgreiðslu
Alþingis. Um auglýsingu á öðru
uppboði segir orðrétt í lögum um
nauðungaruppboð frá 1987, 7
gr-:,
, „I auglýsingu um annað upp-
boð skal þess geta að það sé ánn-
að og síðara uppboð. Auglýsing-
in um annað uppboð skal birt hið
minnsta í einu dagblaði eða á
annan hátt sem uppboðshaldara
þykir til hlýða.“
Þeir lögfróðu menn sem blaðið
ræddi við í gær voru sammála um
að þessi lagagrein gæfi uppboðs-
haldara öll völd til að ákveða
hvernig hann auglýsti uppboð á
þann hátt sem hann teldi bestan.
Þetta atriði sem uppistaða í
áfrýjunarmálinu sé þvf haldlítið.
Einnig má spyrja hvaða áhrif
það hafi ef Hæstiréttur kæmist að
þeirri niðurstöðu að þessi
umrædda auglýsing hafi ekki ver-
ið nægjanleg. Væru þá ekki allar
uppboðsauglýsingar fógeta-
embættisins á Akureyri ólöglegar
þar sem embættið birtir þær í
Degi? Og á hvaða forsendum
ættu Reykjavíkurblöðin frekar
að teljast landsblöð þó að þau séu
gefin út í Reykjavík en Dagur á
Akureyri? Mætti þá ekki alveg
eins spyrja á hvaða forsendum
eigi að skilgreina t.d. Morgun-
blaðið sem landsblað en Dag
ekki?
Hvað er framundan?
Uppboð á Sana hf. á Akureyri
verður ekki að sinni, svo mikið er
víst. Þessi frestur gefur eigendum
fyrirtækisins tíma til aðgerða,
t.d. með sölu á fyrirtækinu eða
að nýr aðili komi inn í rekstur-
inn. Margir þeirra sem glöggt
þekkja til stöðunnar telja fátt
annað framundan en gjaldþrot
eigendanna, jafnvel innan
skamms tíma vegna þess hve
slæm staðan sé. Hvað áfrýjunar-
málið varðar þá tæki bústjóri við
því og félli væntanlega frá því,
æxluðust mál á þennan veginn.
En hvað þá yrði um bjórfram-
leiðsluna í verksmiðjuhúsinu við
Norðurgötu er óljósara. Á þess-
ari stundu eru þó allir sammála
um að eitthvað hljóti að gerast í
málum Sana hf. og eigenda fyrir-
tækisins innan mjög skamms
tíma. JÓH
Jólagjöf
vélsleðamannsins færðu hjá okkur
Fjölbreytt úrval af Polaris vörum t.d.:
Peysur, skyrtur, sleðaskór, hanskar, hjálmar,
nýrnabelti og ótal margt fleira.
Polarisumboðið á íslandi:
Hjólbarðaþjónustan,
Hvannavöllum 14 b, sími 22840.
Líthi á verðið
Dole ananas sneiðar Vi dl....69.
Lambahamborgarlæri......... 679.
Rækjur 1 kg ............... 549.
Luxus skafís M.S. 1 lítri . 295.
Konfekt 400 gr Nói......... 729.
Koronet kökur og hnappar....129.
Kalkúnar................... 998.
Kjúklingar................. 568.
Úrval af svínakjöti, hangikjöti og
lambahamborgarhryggjum.
Veríð velkomin.
HAGKAUP Akureyri