Dagur - 29.12.1990, Blaðsíða 10

10 - DAGUR - Laugardagur 29. desember 1990
FréttaannáJl ársíns
Skurðgrafa sokkin á kaf í húsgrunni við Vestursíðu á Akureyri.
Þá höldum við áfram
þar sem frá var horfið í
gær við að rifja upp
nokkrar helstu fréttir
Dags af atburðum árs-
ins sem er að líða.
1. Mun fleiri börn hafa fæðst í ár
á Fjórðungssjúkrahúsinu á Akur-
eyri en á sama tíma í fyrra. Síð-
astliðinn miðvikudag höfðu fæðst
þar 193 börn samanborið við 158
börn á sama tíma í fyrra.
6. Nýr meirihluti hefur verið
myndaður í bæjarstjórn Akur-
eyrar. Bæjarfulltrúar Sjálfs-
stæðisflokks og Alþýðubandalags
standa að meirihlutanum og
segja oddvitar flokkanna að
atvinnumálin verði sett á oddinn.
7. Landssamtök fjarvinnu-
stofa stofnuð á Hvammstanga.
Að samtökunum standa fjórai
fjarvinnustofur. Markmiðið með
stofnun samtakanna er að
skilgreina hvað fjarvinnustofa er
og koma sameiginlega fram gagn-
vart ríkisvaldi og stærri stofnun-
um. Samtökunum er einnig ætlað
að vinna að samstarfi við sam-
bærileg erlend samtök.
8. Það hefur kostað 10 millj-
ónir króna að halda Ólafsfjarðar-
múla opnum frá áramótum.
Heildarkostnaður við snjómokst-
ur í umdæmi Vegagerðar ríkisins
á Akureyri varð 112,6 milljónir
króna og af einstökum leiðum
var kostnaðarsamast að moka
veginn um Ólafsfjarðarmúla og
Öxnadalsheiði.
9. Vopnfirðingar eru ákveðnir
í að byggja upp sitt eigið slátur-
hús. Eitt sameiginlegt slátursam-
lag fyrir svæðið frá Húsavík til
Vopnafjarðar, með nýbyggingu
sláturhúss á Þórshöfn, verður því
ekki að veruleika.
13. Uggvænlega horfir í
atvinnumálum því um síðustu
mánaðamót voru 233 á atvinnu-
leysisskrá hjá Vinnumiðlunar-
skrifstofunni á Akureyri. Á
fyrstu dögum júnímánaðar komu
56 nýskráningar. Um helmingur
þeirra er vegna ræstingakvenna,
sem unnið hafa fyrir skólana og
eru atvinnulausar yfir sumarmán-
uðina en flestar hinna eru vegna
skólafólks.
15. Iðavelli verði lokað. Að
mati heilbrigðisfulltrúa er hús-
næði dagvistarinnar Iðavalla svo
illa farið að verði ekki gerðar
endurbætur á því fyrir næsta vet-
ur verði dagvistinni lokað.
16. „Við viljum stærri bita af
kökunni,“ sagði Kristján Möller,
forseti bæjarstjórnar á Siglufirði,
varðandi væntanlega ferðaþjón-
ustu í bænum. „Þetta er óplægð-
ur akur og mál sem við Siglfirð-
ingar höfum ekki sinnt undanfar-
in ár,“ sagði Kristján.
19. Gestabók Sesselíubúðar
fannst á sorphaugum Sauðkræk-
inga. í síðasta mánuði kom í ljós
að bókin var horfin úr Sesselíu-
búð en um hvítasunnunna var
hringt í konu í slysavarnardeild
kvenna á Akureyri, sem annast
umsjón með Sesselíubúð og sagt
að bókin hafi fundist á fyrr-
greindum stað. Spurningunni um
hvernig hún komst þangað hefur
hins vegar ekki verið svarað.
21. „Ég er mjög svartsýnn í
dag,“ sagði Sigurður Jónsson hjá
Meistarafélagi byggingamanna á
Akureyri. Byggingaverktakar
geta ekki hafið framkvæmdir af
fullum krafti og múrarar eru
bundnir við innivinnu í sumar.
Undirverktakar sjá fram á verk-
efnaskort með haustinu. Sigurð-
ur dró upp dökka mynd af stöðu
byggingamanna á Akureyri og
sakaði bæjaryfirvöld um að sýna
ekki nein viðbrögð.
23. Nokkrir Þjóðverjar, sem
fóru fyrir Ólafsfjarðarmúla til að
virða miðnætursólina fyrir sér,
lentu í kröppum dansi þegar
grjótskriða féll á húsbíl sem þeir
voru í. Þeir höfðu lagst til svefns
í bílnum eftir að liafa notið
kvöldsólarinnar og vöknuðu upp
við að stórgrýti buldi á bílnum.
Þeir sluppu án meiðsla en með
skrekk og skentmdan farkost.
26. Um 1000 skráningar liggja
fyrir frá norðlenskuni ung-
mennafélögum um þátttöku í
Landsmóti Ungmennafélags
íslands sem fram fer í Mosfellsbæ
12. til 15. júlí.
27. Byggingarland við Vestur-
síðu á Akureyri reyndist renn-
blaut mýri. Um helgina sökk
beltagrafa á bólakaf í mýri við
Vestursíðu. Jarðvegurinn er
ákaflega gljúpur og sagði Þorgeir
Jóhannesson, einn aðila að bygg-
ingafélaginu Fjölni, að lóðirnar
væru greinilega ekki í byggingar-
hæfu ástandi.
„Maður var eins og barinn
harðfiskur fyrstu dagana,“ sagði
Siggerður Bjarnadóttir, sem tók
sér hlé frá fiskmatsstörfum og
ekur 40 tonna grjótflutningsbíl í
Grímsey. Hún kvaðst aldrei hafa
ekið slíku farartæki áður en lært
á 10 tonna Scaniu og æft sig af og
til á lítinn vörubíl. Siggerður
sagði að þetta gengi mikið betur
en hún hefði átt von á.
29. Gullæði á hestamanna-
móti. Ævintýralegar fjárhæðir
hafa verið nefndar varðandi leigu
á húsnæði í Skagafirði meðan á
landsmóti hestamanna á Vind-
heimamelum stendur. Dagur
fékk staðfest í gær að eitt dæmið
hljóðaði upp á 130 þúsund krón-
ur í leigu fyrir einbýlishús í fimm
daga ásamt morgun- og kvöld-
verði.
3. Forseti íslands, frú Vigdís
Finnbogadóttir, lagði hornstein
að Blönduvirkjun að morgni
sunnudags. Athöfnin fór fram í
iðrum jarðar, 230 metra undir
yfirborði. Áður en hornsteinninn
var lagður fluiti Jóhannes
Nordal, formaður stjórnar
Landsvirkjunar, ávarp þar sem
hann rakti sögu Landsvirkjunar
og skýrði frá hvernig Blöndu-
virkjun tengist henni.
4. „Þetta er múgæsingur,"
sagði Kristinn Hugason, hrossa-
ræktarráðunautur, um óánægju
hestamanna vegna hrossadóma
fyrir Landsmót hestamanna.
Hann sagði að alltaf væri mikið
um óraunsæi í mati á eigin grip-
um hjá fólki.
5. Fimm þúsund manns voru á
Landsmóti hestamanna á Vind-
heimamelum í gær og búast má
við því að í dag fjölgi verulega.
Mikill fjöldi útlendinga er einnig
kominn til að vera viðstaddur
mótið.
6. „Eins og að koma á
Norðurpólinn,“ sagði Guðbjörn
Jóhannsson á Þórshöfn, starfs-
maður hjá Ratsjárstofnun, en
hann lenti í snjókomu og skaf-
renningi á Gunnólfsvíkurfjalli.
Ferðafélagarnir urðu frá að
hverfa vegna veðurhamsins og
kvaðst Guðbjörn aldrei hafa lent
í öðru eins.
Um hálftólfleytið á miðviku-
dagskvöld lenti flugvél frá sviss-
neska flugfélaginu TEA á Akur-
eyrarflugvelli. Koma hennar
markaði upphaf beins áætlunar-
flugs milli Akureyrar og Zurich í
Sviss á vegum Ferðaskrifstofunn-
ar Nonna á Akureyri. Ákveðnar
hafa verið sjö beinar flugerðir
milli þessara staða í sumar.
10. Óprúttnir veiðiinenn fá sér
í soðið í Ólafsfirði. Nokkuð hef-
ur borið á ólöglegri laxveiði við
Ólafsfjarðarós. Hafbeitarlax frá
Óslaxi hefur verið að skila sér
upp í vatnið og freistar hinna
óprúttnu veiðimanna.
13. Rússar kaupa gamlar Löd-
ur á Akureyri. Þessir rússnesku
„bílabraskarar“ voru skipverjar á
rússnesku skemmtiferðaskipi
sem kom til Akureyrar. Áður en
skipið lét úr höfn voru 5 gamlir
Lödubílar teknir unt borð. Löng
bið er eftir nýjum Lödum í
Sovétríkjunum og sagði einn
skipverja að hann væri mjög
ánægður með bílinn sem hann
hefði keypt. Einungis þyrfti að
gera örlitlar lagfæringar til að
bifreiðin teldist gangfær.
17. Yfirstjórn Álafoss hf.
verður að hluta til flutt til Mos-
fellsbæjar fyrir 1. september nk.
Þessi ákvörðun kom meðal ann-
ars fram er starfsmönnum á skrif-
stofu fyrirtækisins voru kynntar
breytingar á starfsmannahaldi
sem fyrirhugaðar eru á næstunni.
21. „Horfi með hryllingi til
vetrarins,“ sagði Björn Snæ-
björnsson, varaformaður Verka-
lýðsfélagsins Einingar á Akur-
eyri, um atvinnuástandið. Björn
sagði að verkalýðsfélögin á
Akureyri væru búin að greiða
atvinnuleysisbætur langt umfram
þær upphæðir sem greiddar voru
á síðasta ári. Um síðustu mán-
aðamót voru 256 á atvinnuleysis-
skrá en hefur fækkað niður í 210
í dag.
27. Fjárhagsörðugleikar
steðja að mörgum ungum fjöl-
skyldum á Akureyri. „Fjöl-
skyldufólk leitar í auknum mæli
hjálpar vegna peningamála þegar
það sér ekki fram úr skuldun-
um,“ segja Pétur Þórarinsson og
Þórhallur Höskuldsson, sóknar-
prestar á Akureyri í samtali við
Dag.
ÁGÚST
1. Mikið hefur verið um hettu-
máv á Akureyri að undanförnu.
Fuglarnir hafa gerst ágengir og
hafa grillveislur jafnvel orðið að
engu að sögn viðmælanda
blaðsins. Svanberg Þórðarson,
meindýraeyðir, sagði að fuglinn
væri orðinn hið mesta vandamál
en mávurinn er friðaður og því
ekkert hægt að gera.
2. Halldór Jónsson, nýráðinn
bæjarstjóri á Akureyri, tók form-
lega við starfi sínu í gærmorgun
en hann starfaði áður sem fram-
kvæmdastjóri Fjórðungssjúkra-
hússins á Akureyri. Hann kvað
starfið leggjast vel í sig en mörg
stórverkefni biðu úrlausnar.
Sigurður Arnórsson hefur
keypt Efnagerðina Flóru af
Kaupfélagi Eyfirðinga og var
samningur þar að lútandi undir-
ritaður í fyrradag. Sigurður
kvaðst mjög ánægður með að
hafa skrifað undir samning við
kaupfélagið og hafa mikla trú á
þessu fyrirtæki. Sigurður verður
áfram framkvæmdastjóri Lindu
og hefur Halldór Kristinsson ver-
Sigríður Stefánsdóttir, forseti bæjarstjórnar Akureyrar, gefur vél svissneska flugfélagsins TEA nafnið City of Akur-
eyri.