Dagur - 12.02.1991, Blaðsíða 6

6 - DAGUR - Þriðjudagur 12. febrúar 1991
Þorrablót
Öxndælinga
verður í Hlíðarbæ laugardaginn 16. febrúar nk.
og hefst kl. 20.30.
Allir velkomnir.
Brottfluttir, aðfluttir og innfluttir.
Miðapantanir í símum 26514 og 26219 í síðasta lagi
miðvikudagskvöldið 13. febrúar f. kl. 20.
Nefndin.
Vinningstölur laugardaginn
9. feb. ’91
VINNINGAR FJÖLDI VINNINGSHAFA UPPHÆÐ Á HVERN VINNINGSHAFA
1. 5af 5 0 2.773.917.-
2. 4 120.529.-
3. 4af 5 153 5.435.-
4. 3af 5 4.769 406.-
Heildarvinningsupphæð þessa viku:
6.023.802.-

UPPLÝSINGAR: SÍMSVARI 681511 - LUKKULÍNA 991002
Matvöruverslunin
Kiman
Hafnarstræti 20
auglysir
Ef Þórunn hefði komist í Kirnu
og kannað það matarsafn,
þá hefði bústinn bóndi Hyrnu
borið annað nafn.
Munið sprengidagssaltkjötið góða
Það er ekki verðið sem skiptir máli
Það eru gæðin!
Opið virka daga kl. 9-22
laugardaga og
sunnudaga kl. 10-22
Sími 25655
i
“I
tónlist
Vínartomeikar
- Kammerhljómsveitar Akureyrar
Vínartónleikum Kammerhljóm-
sveitar Akureyrar, sem vera áttu
3. febrúar, var frestað vegna
veðurs til hins 9. Það var væntan-
lega nokkur kvíði í hugum
þeirra, sem að tónleikunum
stóðu, að seinkunin kynni að
hafa áhrif á aðsókn. Kostnaður
hafði aukist við það að þurfa að
fá aðkomuhljóðfæraleikara öðru
sinni til Akureyrar.
í ljós kom, að Akureyringar og
aðrir áhugamenn létu ekki
breyttan tónleikatíma hafa áhrif
á sig. í íþróttaskemmunni, þar
sem tónleikarnir fóru fram, var
hvert sæti skipað og nokkrir létu
sig hafa það að standa tónleikana
alla. Undirtektir voru í samræmi
við aðsóknina. Hljómsveitinni og
einsöngvurum hennar var ákaft
fagnað og flutt voru nokkur
aukalög við ekki minni fögnuð.
Hljómsveitin var skipuð hart-
nær fimmtíu hljóðfæraleikurum á
Vínartónleikunum. Hún lék yfir-
leitt hreint og fagmannlega. Gall-
ar voru mjög fáir og þeir ekki
áberandi nema í örfá skipti.
Frammistaða hljómsveitarinn-
ar hefði þó mátt vera betri í
túlkun. Yfir flutningnum var
gjarnan einhver þungi. Það skorti
of oft þann neista og þá glóð, sem
fylgja verður flutningi tónlistar-
innar, sem til meðferðar var, en á
efnisskránni var „Vínartónlist“;
verk hinna klassísu óperettu- og
dansahöfunda, Jóhanns Strauss
eldra og yngra og Lehárs og
Stoltzs, sem fylgdu í slóð þeirra.
Þessa tónlist þarf að flytja ai
snerpu og gleði. Hún á að lyfta
áheyrendum í sætum sínum, laða
fram bros á vörum þeirra og
senda þá létta í sinni út í hið sí-
fellda streð hversdagsins. Þetta
kom of sjaldan fyrir - en gerði
það, sem betur fer, þó.
Almennt var efnisskráin
skemmtilega saman sett og hún
allfjölbreytt. Þarna voru nokkrar
perlur Vínartónlistarinnar, sem
eftirsóknarvert var að heyra. Þó
hefði hin langa lagasyrpa eftir
Stoltz mátt missa sig, enda sumir
hlutar hennar ekki meira en svo í
þeim anda, sem annað efni tón-
leikanna var.
Glæsilegustu hlutarnir á Vínar-
tónleikunum voru söngatriðin.
Sérlega er eftirminnileg frammi-
staða Signýjar Sæmundsdóttur,
sópransöngkonu, sem söng af
innlifun og þrótti og með leiftr-
andi tóni, sem aldrei brást henni
nema á stöku stað neðarlega á
raddsviðinu, þar sem hún fór yfir
í allt að því talrödd, sem barst illa
og naut sín því engan veginn.
Óskar Pétursson, tenórsöngv-
ari, söng einsöng í einu lagi og
auk þess nokkra dúetta með
Signýju. Óskari óx ásmegin eftir
því sem á tónleikana leið. Hann
átti talsvert góða kafla í dúettun-
um ekki síst þeim, sem sungnir
voru sem aukalög. Óskar er efa-
lítið vaxandi söngvari og hefur
iðulega sannað hæfileika sína við
ýmis tækifæri.
Stjórnandi Kammerhljóm-
sveitar Akureyrar á Vínartón-
leikunum var Páll Pampichler
Pálsson, sem hefur verið fastráð-
inn stjórnandi Sinfóníuhljóm-
sveitar íslands frá árinu 1971.
Páll er afar skemmtilegur og líf-
legur hljómsveitarstjóri. Takt-
sláttur hans og aðrar bendingar
eru sérlega greinileg og hann hef-
ur augljóslega alla þræði flutn-
ingsins í hendi sér. Mikill akkur
er að því fyrir meðlimi Kammer-
hljómsveitarinnar að njóta leið-
sagnar Páls um tíma og vonandi
verður þess ekki langt að bíða,
að tónlistarunnendur á Norður-
landi megi aftur njóta verka hans
með tónlistarmönnum fjórðungs-
ins.
Haukur Ágústsson.
Hafin útgáfa á tímarití um skotveiði
Út er komið fyrsta tölublað
Skotmarks en þetta er fyrsta
tímaritið á Islandi sem ein-
göngu fjailar um skotvopn og
skotveiði. Það hafa verið gefin
út tímarit hér á landi sem fjalla
um veiði almennt, en skotveið-
in hefur hlotið lítinn sess í
þcim. Þetta er því orðið löngu
tímabært blað sérstaklega í
ljósi þess að byssuleyfum fjög-
ar ört hér á landi og eru nú tal-
in í tugþúsundum.
Markmið með tímariti þessu er
margþætt.
í fyrsta lagi á það að geta þjón-
að sem nokkurskonar málgagn
skotveiðimanna. í því ættu þeir
að geta skipst á skoðunum eða
komið á framfæri hugðarefnum
sínum.
í öðru lagi langar okkur með
útgáfu þessa blaðs að beina sjón-
um manna að siðfræði í skot-
veiði. Henni virðist vera mjög
ábótavant hérlendis og eigum við
langt í land á því sviði miðað við
aðrar vestrænar þjóðir. Hér á
landi virðist það vera aðalmark-
miðið að drepa sem mest af
dýrum. Er það eingöngu komið
til af því að öll umræða í fjölmiðl-
um um skotveiði hefur snúist um
magnið en ekki sportið sem fylgir
veiðunum. Nú er svo komið að
venjulegur veiðimaður sem kem-
ur heim með tvær til þrjár gæsir
eða fimm, sex rjúpur, skammast
sín fyrir að segja frá svo lítilli
veiði.
í þriðja lagi tökum við fyrir
skotvopnin. Mjög erfitt er að
nálgast allar faglegar upplýsingar
um þau mál. Hér á landi eru
menn sem búa yfir miklum fróð-
leik um byssur og skotfæri. Ætl-
unin er að safna saman þessum
fróðleik og miðla til lesenda.
í fjórða lagi langar okkur að
beina sjónum manna að náttúru-
og dýravernd. Það ætti að fylgja
góðum veiðimanni að vera með-
vitaður um umhverfi sitt og
þekkja lifnaðarhætti og hagi
þeirra dýra sem á að veiða.
í fimmta lagi teljum við að
skotíþróttin hafi hlotið litla
umfjöllun í íslenskum fjölmiðl-
um og langar okkur að bæta úr
því. Hér erum við að ræða om
skotfimi ýmiskonar, með rifflunt,
skammbyssum, haglabyssum
o.s.frv," segir í tilkynningu frá
útgefendum Skotmarks en blað
þetta mun nú fáanlegt á blaðsölu-
stöðum víða um land.
í tilkynningunni .segir jafn-
framt að ætlunin sé að tímaritið
komi út fjórum sinnum á ári. í
blaðinu munu verða fastir efnis-
þættir s.s. matreiðsluþáttur, þátt-
ur um veiðihunda o.s.frv.
Ritstjóri Skotmarks er Tryggvi
E. Þorsteinsson en ásamt honum
standa að útgáfunni Þór Sveins-
son, Guðmundur Guðmundsson
og Frábær, Auglýsingastofa
Hafnarfjarðar hf.
Will Durant:
Siðaskiptin II
Bókaútgáfa Menningarsjóðs hef-
ur gefið út annað bindi af ritinu
um siðaskiptin - tímabilið 1300-
1517 - eftir bandaríska sagn-
fræðinginn og heimspekinginn
Will Durant, en það er hluti hins
mikla ritverks höfundar um sögu
siðmenningarinnar er út kom á
frummálinu í tíu bindum árin
1935-1975.
Útgefandi kynnir ritverk þetta
svo á kápu:
„Bandaríkjamaðurinn Will
Durant (1885-1985), höfundur
þessarar bókar, hóf árið 1927 að
semja risavaxið verk um sögu
mannkynsins undir heitinu „The
Story of Civilization“. Til að
kynnast söguslóðum af eigin raun
ferðaðist hann m.a. tvívegis
kringum hnöttinn. Fyrsta bindið,
um frumsögu austrænna þjóða,
birtist árið 1935, en ellefta og síð-
asta bindi, um frönsku bylting-
una og Napoleon, kom út 1975.
Annað bindi, Grikkland hið
forna, var gefið út hjá Menning-
arsjóði í íslenskri þýðingu Jónas-
ar Kristjánssonar í tveimur
hlutum, 1967 og 1979. Áður
hafði komið út þriðja bindi
verksins, Rómaveldi, í tveimur
hlutum, 1963-64. Auk þess gaf
Menningarsjóður 1985 út bókina
/ Ijósi sögunnar eftir Durant og
konu hans, Ariel, sem vann með
manni sínum að þessum
umfangsmiklu ritstörfum.
Árið 1989 kom út í íslenskri
þýðingu Björns Jónssonar, skóla-
stjóra, upphaf sjötta bindis
verksins, sem fjallar um siða-
skiptin. Nú birtist annar hluti í
þýðingu hans, þar sem áfram er
greint frá tímabilinu 1300-1517,
frá John Wyclif til Marteins
Lúthers. Á þessu tímabili „urðu
straumhvörf sem settu svip á
vestræna siðmenningu og áttu
þátt í mótun þeirrar heimsmynd-
ar sem blasir við okkur á líðandi
stund,“ eins og þýðandinn komst
að orði í formála fyrra bindis."
Siðaskiptin II er 213 bls. að
stærð og prýdd myndum. Á kápu
er mynd af hollenska siðbótar-
manninum og menntafrömuðin-
um Erasmusi frá Rotterdam.