Dagur - 05.04.1991, Qupperneq 6

6 - DAGUR - Föstudagur 5. apríl 1991
Þtögertöbetri
matarkaup
í KEA NETTO
Slanda 6 í pk.............. k
Blanda 1 lítri............... k
Kókómjólk V\ lítri .......... k
Flóru kakó 400 g ............ k
Flóru kakókvikk 500 g ....... k
Maryland kex............ pk. k
Homeblest kex .......... pk. k
Jane Hellen sjampó ....... k
Lotus maxi bindi............. k
Vex uppþvottalögur 2 lítri .... k
Papco eldhúsrúllur m/2 ...... k
WC pappír m/8............... k
228,
142,
39,
194,
208,-
56,
78,
139,
175,
202,
96,-
149,-
Opið virka daga frá kl. 13. -18.30.
Laugardaga frá kl. 10.-14.
KynnSst NETTÓ-verBi
° KEANETTÓ
Svæðisstjórn málefna fatlaðra á Norðurlandi eystra
LeMangasaftiið er mest notað í
þágu bama undir forskólaaldri
- spjallað við Gyðu Haraldsdóttur, sálfræðing
Svæðisstjórn málefna fatlaðra á
Norðurlandi eystra hefur með
höndum rekstur margvíslegrar
þjónustu. Svæðisstjórnir starfa
samkvæmt lögum um málefni
fatlaðra og hlutverk þeirra er
margþætt. Meðal þess sem
svæðisstjórnir gera er að hafa
með höndum umsjón með vist-
un fatlaðra barna á ýsmar
stofnanir eða sambýii, aðstoða
við atvinnuleit, fjalla um ferli-
mál og gera tillögur um út-
hlutanir úr Framkvæmdasjóði
fatlaðra, svo nokkur atriði séu
nefnd.
Einn þáttur starfseminnar er
starfræksla leikfangasafns og til-
heyrir það ráðgjafar og greining-
ardeild svæðisstjórnar. Enginn
starfsmaður hefur verið við safn-
ið um margra mánaða skeið.
Þetta er auðvitað bagalegt og
stendur eðilegri starfsemi deild-
arinnar að mörgu leyti fyrir
þrifum. Gyða Haraldsdóttir, sál-
fræðingur og forstöðumaður ráð-
gjafar og greiningardeildar, varð
fyrir svörum um málefni leik-
fangasafnsins fyrir skömmu.
Leikfangasafnið er mest
notað í þágu barna undir
forskólaaldri
Gyða var spurð um hlutverk leik-
fangasafnsins og hvernig safnið
tengist starfsemi svæðisstjórnar.
„Hlutverk leikfangasafnsins er
að þjóna börnum með hvers kyns
fatlanir eða frávik í þroska eða
aðlögun. Á safninu er úrval leik-
fanga, spila og annarra gagna
sem henta vel til að þjálfa eða
örva barnið á flestum sviðum
þroska. Algengt er að unnið sé
með t.d. málörvun, þjálfun fín-
VIRÐISAUKASKATTUR
Gjalddagi
virðisaukaskatts er
5. þessa mánaðar
Skýrslum til greiðslu, þ.e. þegar
útskattur er hærri en innskattur,
og núllskýrslum má skila til banka,
sparisjóða eða pósthúsa. Einnig
má gera skil hjá innheimtumönnum
ríkissjóðs en þeir eru tollstjórinn
í Reykjavík, bæjarfógetar og sýslu-
menn úti á landi og lögreglustjór-
inn á Keflavíkurflugvelli.
Bent skal á að bankar, sparisjóðir
og pósthús taka aðeins við skýrsl-
um sem eru fyrirfram áritaðar af
skattyfirvöldum. Ef aðili áritar
skýrsluna sjálfur eða breytir áritun
verður að gera skil hjá innheimtu-
manni ríkissjóðs.
Inneignarskýrslum, þ.e. þegar
innskattur er hærri en útskattur,
skal skilað til viðkomandi skatt-
stjóra.
Til að komast hjá álagi þarf
greiðsla að hafa borist á gjald-
daga. Athygli skal vakin á því að
ekki er nægilegt að póstleggja
greiðslu á gjalddaga.
m
RÍKISSKATTSTJÓRI
Gyða Haraldsdóttir, sálfræðingur, myndin er tekin í leikfangasafninu.
hreyfinga, samhæfingu handa og
augna og félagsleg samskipti."
- Hvaða börn njóta þjónustu á
safninu og hvernig komast þau í
tengsl við það?
„Safnið þjónar aðallega börn-
um undir skólaaldri, þó ekki sé
útilokað að eldri börn með
þroskafrávik fái þar einhverja
þjónustu. Varðandi það að kom-
ast í tengsl við safnið er leiðin
venjulega sú að beiðni kemur til
deildarinnar, t.d. frá lækni eða
öðrum fagaðila eða foreldri
sjálfu, um athugun á barni vegna
einhvers vanda eða gruns um
þroskafrávik.
Leikfangasafnið tengist málinu
á þann hátt, að eftir greiningu á
barninu er oft nauðsynlegt að
útvega heppileg úrræði. Einn lið-
ur í því getur verið að finna leik-
föng sem stuðla að því að örva
þroska barnsins á því sviði sem
ábótavant er. Foreldrar barnsins
koma því í leikfangasafnið, og
starfsmaður safnsins velur síðan
heppileg leikföng, sem lánuð eru
heim í því skyni að örva ákveðna
þætti hjá barninu. Foreldrar fá
þannig hjálp hjá viðkomandi
starfsmanni til að læra á hvern
hátt nota megi leiki og leikföng
til að styðja við og efla þroska.
Oft er einnig veitt almenn upp-
eldisráðgjöf.
Sumir foreldrar koma u.þ.b.
mánaðarlega í slíkar heimsóknir
í leikfangasafnið eða oftar, og í
sumum tilvikum getur verið æski-
legt að barnið komi tvisvar eða
þrisvar í viku og fái beina þjálfun
í safninu. Einnig hefur leikfanga-
safnið verið í beinum tengslum
við dagvistarstofnanir á svæð-
inu.“
Samstarf við dagvistir
- Hvernig er samstarfi leikfanga-
safnsins og dagvista háttað?
„Starfsmaður leikfangasafnsins
hefur farið í reglulegar heimsókn-
ir út á dagvistirnar til að veita
ráðgjöf, sérstaklega varðandi
börn með einhverjar fatlanir eða
sérþarfir.
Slík börn fá venjulega svokall-
aðan „sérstuðning" á dagvistinni,
sem þýðir að sérstakur starfs-
maður er ráðinn til að sjá um þá
þjálfun eða örvun sem greining
hefur leitt í ljós að er æskileg.
Þessir „stuöningsaðilar" sérþarfa
barnsins eiga þess líka kost að
koma á leikfangasafnið, bæði til
að fá leiðbeiningar um þjálfun og
eins til að fá lánuð ýmis gögn.
Hjá dagvistardeild Akureyrar-
bæjar er reyndar starfandi
þroskaþjálfi, sem einnig hefur
þetta hlutverk með höndum
gagnvart sérþarfabörnum á dag-
heimili bæjarins, og vinnur í nán-
um tengslum við ráðgjafar- og
greiningardeildina hjá okkur.
Slíkum starfsmanni er ekki til að
dreifa fyrir dagheimili utan
Akureyrar, og þjónusta leik-
fangasafnsins fyrir þau heimili er
því sérstaklega mikilvæg.“
Yandræði vegna þess að
starfsmann vantar
- Verðið þið vör við vandræði
hjá fólki þar sem þjónusta leik-
fangasafnsins liggur niðri?
„Nú hefur vantað starfsmann
frá 1. júní í fyrra, og tugir barna
bíða eftir þjónustu. Það er stöð-
ugt spurt eftir þjónustu leik-
fangasafnsins, bæði af foreldrum
og starfsfólki. Til dæmis hefur
þetta verið sérstaklega slæmt fyr-
ir dagvistir utan Akureyrar, þar
sem alls ekki hefur verið hægt að
fylgja sérþarfabörnunum nægi-
lega vel eftir. Einna verst finnst
mér samt að við skulum ekki geta
veitt foreldrum þessa þjónustu,
ekki síst foreldrum yngstu barn-
anna.
Það að starfsemi leikfanga-
safnsins liggur niðri kemur mest
niður á foreldrum þeirra barna
sem ekki eru komin á leikskóla-
aldur, og dregur verulega úr
möguleikum okkar til að geta
veitt þeim þann stuðning og ráð-
gjöf sem þau eiga rétt á.
Ekki bætir úr skák að ekki hef-
ur heldur tekist að ráða í stöðu
félagsráðgjafa, sem einnig vantar
mjög tilfinnanlega til ráðgjafa-
deildarinnar.
Þótt við getum enn tekið við
börnurn í greiningu er það oft
aðeins hálft gagn, þar sem eftir-
fylgdina með þjálfun og ráðgjöf
vantar."
- Hvernig starfsmanni leitið
þið að?
„Við erum að leita að starfs-
manni með þroskaþjálfamenntun
eða fóstrumenntun, en auk þess
þarf viðkomandi helst að hafa
reynslu af að vinna með börnum
á forskólaaldri og einhverja
þekkingu á fötlunum. Fólk með
slíka reynslu en aðra uppeldis-
menntun gæti líka komið til
greina. Um er að ræða heila
stöðu, og við þurfum á starfs-
manni að halda sem er tilbúinn til
að vinna í samstarfi við nokkuð
marga aðila, bæði innan deildar-
innar og utan. Viðkomandi þarf
einnig að geta unnið sjálfstætt.
Helstu kostirnir við starfið eru
þeir að það felur í sér mikil
mannleg samskipti, og er bæði
fjölbreytt og gefandi." EHB
Athugasemd
Varðandi frétt Dags í gær um
gjaldþrot íslendings hf. er rétt að
taka fram að þar sem skattur hef-
ur verið áætlaður á hlutafélagið
allt frá árinu 1985 er ekki sjálf-
gefið að ríkið tapi umræddri
skuld. Forráðamönnum hlutafé-
lagsins gefst kostur á að gera
grein fyrir skuldinni og ef í ljós
kemur að áætlun skattayfirvalda
á ekki við nein rök að styðjast
fellur skuldin niður.