Dagur - 23.12.1991, Blaðsíða 2

2 - DAGUR - Mánudagur 23. desember 1991
Fréttir
Verðkönnun í 85 matvöruverslunum:
KEA Nettó með næstlægsta verð yfir landið
Bónus lægst en útkoma Hagkaupa einnig góð
Ný verðkönnun Neytenda-
samtakanna og aðildarfélaga
þeirra leiðir í Ijós að mikil sam-
keppni ríkir í matvöruverslun í
landinu. Verðmunur er oft
gríðarlegur en mestur mældist
hann hvorki meira né minna
en 498%!
Við samanburð á einstökum
verslunum var notaður hlut-
fallslegur samanburður. Með-
alverð á hverri vörutegund var
reiknað út og það síðan notað
sem stuðull til viðmiðunar
(meðalverð = 100). Af þeim
85 matvöruverslunum á land-
inu, sem þátt tóku í könnun-
inni, kom Bónus í Skútuvogi í
Reykjavík best út með verð-
stuðulinn 68.7, en næstar í röð-
inni voru tvær verslanir á
Akureyri, KEA Nettó með
stuðulinn 80.4 og Hagkaup
Akureyri með 80.8.
Könnunin var gerð dagana 9.-
13. desember í 85 verslunum víðs
vegar um landið og á hún fyrst og
fremst við verslanir utan höfuð-
borgarsvæðisins, að því er segir í
fréttatilkynningu frá Neytenda-
samtökunum. Verð var þó kann-
að í fimm verslunum á höfuð-
borgarsvæðinu til samanburðar.
„Niðurstöðurnar verður að túlka
með varúð en þær gefa engu að
síður vísbendingu um verðlag í
hverri verslun. Hér er eingöngu
um verðsamanburð að ræða en
ekki er lagt mat á þjónustu versl-
ana. Nefna má að vöruúrval og
opnunartími er mjög mismun-
andi, sumar verslanir taka ekki á
móti greiðslukortum og sumar
sem það gera veita staðgreiðslu-
afslátt,“ segir ennfremur í frétt
Neytendasamtakanna.
Kannað var verð á 77 algeng-
um mat- og hreinlætisvörum og í
mörgum tilfellum var munur á
hæsta og lægsta verði mjög
mikill. Mestur var hann á kartöfl-
um eða 498%; minnst kostuðu
þær 22.50 krónur kílóið en mest
135 krónur. Munur á hæsta og
lægsta verði á grænni papriku var
328%, 204% á tómötum og
158% á kjúklingum, svo dæmi
séu tekin.
Pær verslanir sem höfðu verð-
stuðul um og innan við 90 (með-
alverð = 100) voru: Bónus
Skútuvogi (68.7); KEA Nettó,
Akureyri (80.4); Hagkaup Akur-
eyri (80.8); Hagkaup Njarðvík
(80.9) .; Hagkaup Skeifunni,
Reykjavík (81.5); KEA Hrísa-
lundi, Akureyri (86.4); KB bón-
us Borgarnesi (87.3); KB bónus,
Selfossi ((88.5); Kjarabót, Sel-
fossi (89.0); Samkaup, Njarðavík
(89.6); Svarfdælabúð, Dalvík
(89.9) og Mikligarður v/Holta-
veg, Reykjavík (90.5). BB.
Jólasveinar heimsækja kjörmarkað KEA í Hrísalundi í dag, Þorláksmessu, og skemmta viðskiptavinum frá kl.
15.00-18.00. Þá munu félagar úr Kór Akureyrarkirkju einnig koma í hcimsókn í Ilrísalund og syngja létt jólalög kl.
16.30 Og 18.00. Mynd: Golli
ar í jólum)
27. desember:
Loðin rotta
28. desember:
Hringleikahúsið - fjöldi hljómsveita frá Akureyri - Miöauerö kr. 500.
31. desember (gamlárskvöld):
Rokkbandið með skelfilegt sprell
Allar pizzur 9“ á kr. 600 og 12“ á kr. 750
Snyrtilegur klæðnaður
Borðapantanir í síma 241 99
Norðurland:
Ökumenn með bros á vör
og allir í jólaskapi
- tíðindalaust hjá lögreglu
Helgin var fádæma róleg hjá
lögreglu á öllu Norðurlandi.
Umferðin gekk nær klakklaust
og fólk var hið spakasta. Lög-
reglan á Dalvík var við
radarmælingar á laugardaginn,
m.a. í þeim tilgangi að róa
stressaða bæjarbúa sem voru
að flýta sér til Akureyrar til að
gera jólainnkaupin, en öku-
menn óku allir á löglegum
hraða og með bros á vör.
„Það var mikil umferð milli
Dalvíkur og Akureyrar en við
þurftum ekki að stöðva neinn fyr-
ir hraðakstur. Við munum halda
áfram að fylgjast með ökumönn-
um en þetta hefur gengið vel
hingað til og gerir það vonandi
áfram,“ sagði laganna vörður á
Dalvík.
„Hér eru allir í jólaskapi,"
sagði lögregluþjónn á Siglufirði
og starfsbræður hans á Sauðár-
króki og Blönduósi tóku í sama
streng, menn höfðu verið spakir,
veður gott og umferð áfallalaus.
„Þetta hefur verið með ein-
dæmum rólegur tími hjá okkur
alveg frá því í haust,“ sagði lög-
regluþjónn á Húsavík og starfs-
bróðir hans á Þórshöfn sagði að
margir hefðu verið að vinna um
helgina og ekki gefið sér tíma til
að stunda einhverja óreglu. SS
Skák
Teílt milli jóla og nýárs:
Hverfakeppni og
jólahraðskákmót
Skákmenn taka sér ekki frí
milli jóla og nýárs enda tvö
mót fastur liöur á þessum tíma,
hverfakeppnin og jólahraö-
skákmótið. Hverfakeppnin
verður haldin 27. desember kl.
20 í félagsheimili Skákfélags
Akureyrar og jólahraðskák-
mótið sunnudaginn 29. des-
ember kl. 14 á sama stað.
Fimm sveitir taka þátt í hverfa-
keppninni og eru 6 keppendur í
hverri sveit, þar af einn unglingur
15 ára eða yngri, samkvæmt regl-
unum.
Að sögn Þórs Valtýssonar, for-
manns Skákfélags Akureyrar, er
hverfakeppnin ávallt haldin milli
jóla og nýárs því þá koma margir
liprir skákmenn heim í jólafrí.
Hann sagði að þetta væru iðulega
bráðfjörugt mót og það sama gilti
um jólahraðskákmótið. Það væri
öllum opið og hefði alltaf verið
fjölmennt. SS
Pórleifur bikarmeistari
Úrslit í Bikarmóti Skákfélags
Akureyrar eru ráðin eftir
spennandi lokasprett. Mótið er
með útsláttarfyrirkomulagi og
voru fimm keppendur eftir síð-
asta keppniskvöldið.
Þórleifur Karlsson stóð best að
vígi, hafði tapað fæstum vinning-
um, og sú staða hjálpaði honum
til sigurs. Hann fékk IVi vinning
en Þór Valtýsson varð annar með
7 vinninga. í 3.-4. sæti urðu þeir
Jón Björgvinsson og Haukur
Jónsson með 5Vi vinning.
Þórleifur Karlsson ber því titil-
inn bikarmeistari Skákfélags
Akureyrar 1991. SS