Dagur - 25.01.1992, Blaðsíða 8

8 - DAGUR - Laugardagur 25. janúar 1992
Stjörnuspá
Sigfús E. Arnþórsson
55
An ábyrgöar
íí
T
■fTwtuP
21. mars -19. apríl
Dagurinn í dag verður stormasamur. Það
lægir í fyrramálið og sunnudagur, mánu-
dagur og þriðjudagur verða tíðindalitlir. Á
miðvikudag færðu óvæntar fréttir, jafnvel
langt að. Þú kemst á flug og á fimmtudag
verður þú sennilega farin(n) að skipu-
leggja ferðalag eða ævintýri sem þig órar
ekki fyrir núna.
ö
7\]aut
20. apríl - 20. maí
Naut eru afskaplega góðhjörtuð. Ymsir
upplifa þó góðmennsku þína sem hrein-
ræktaða frekju, falda undir þægilegu við-
móti. Þú færð heldur betur að heyra það
óþvegið á morgun. Þú verður borin(n) hin-
um ótrúlegustu sökum og allt tekið úr
samhengi. Þó hlýtur að vera þarna sann-
leikskorn, því að þessi uppákoma verður
að angra þig fram á þriðjudagskvöld.
n
Tvíb uPat*
21. maí - 20. júní
Það verður heldur betur líf og fjör í kring-
um þig í dag og kvöld. Annars verður vik-
an róleg. Þegar tvíburar eru í góðu skapi
hrífa þeir alla með ótrúlegu hugmynda-
flugi. Eg hef aldrei séð tvíbura koma Ijósa-
staur til að hlæja en segðist tvíburi hafa
gert það myndi ég trúa. Munchausen bar-
ón var örugglega tvíburi. Símareikningar
þínir eru alltaf hærri en hjá öðru fólki.

i
21. júní - 22. júlí
Það léttir af þér ákveðnu fargi á fimmtu-
daginn og þótt enn séu erfiðleikar, bæöi í
fjölskyldu og á vinnustað, stendur þú mun
betur að vígi eftir að hafa gert hreint fyrir
þínum dyrum. Eftir frekar óþægilegan dag
í dag verður dagurinn á morgun einstak-
lega ánægjulegur sem og mánudagur og
þriðjudagur.
ái
L-jóv\
23. júlí - 22. ágúst
Þú verður heldur betur í sviðsljósinu í
kvöld, hvort sem þú ætlar það eður ei. Á
morgun syrtir aftur á móti í álinn en á mið-
vikudag verður þú aftur komin(n) á rétt ról.
Á fimmtudaginn upphefst huglægt
spennutímabil sem vara mun fram til 16.
febrúar. Haltu stillingunni.
rt?
AÁeyja
23. ágúst - 22. september
Þegar maður lítur yfir svona viku eins og
nú er framundan hjá meyjum getur maður
aðeins sagt: Gerðu það! Það gildir einu
hvað er; það gengur allt upp á öllum svið-
um. Þetta veröur ein besta vika ársins ef
þú vilt. Sunnudagur, mánudagur, þriðju-
dagur og föstudagur eru bestir sjö frá-
bærra daga.
fyrir vikuna 25. -31. janúar 1992
°9
23. september - 22. október
Þetta er þinn dagur og í kvöld er þitt kvöld.
Tilvalið fyrir leikhús eða tónleika. Vogir
eru jú unnendurfegurðarjafnt í mannlífinu
sem í listinni. Þú munt þurfa í stutt ferða-
lag á miðvikudag eða fimmtudag. Fáir þú
nokkru um það ráðið skaltu frekar velja
fimmtudaginn.
%
Sporðd t*e.ki
23. október-21. nóvember
Ef þú þarft yfir höfuð að vera á einhverjum
flækingi skaltu vera komin(n) heim fyrir
fimmtudag. Sunnudagur, mánudagur og
þriðjudagur eru annars þínir dagar og vik-
an í heild frekar hagstæð sporðdrekum.
Og nú fer ástin að láta á sér kræla. Og
þegar sporðdrekar verða ástfangnir verða
þeir ofboðslega ástfangnir.

13ogn\c\óu^
22. nóvember - 21. desember
Eitthvað kemur þér þægilega á óvart í dag
og kvöldið í kvöld verður einstaklega
þægilegt, gott ef ekki rómantískt. Eftir ró-
legan fyrripart vikunnar vaknar þú full(ur)
bjartsýni á miðvikudaginn og viti menn: A
fimmtudaginn ertu komin(n) í ferðahug.
Ath. það sem annað fólk kallar ferðahug
er meðfædd líðan hjá bogmönnum.
vr
■S+eitrgeit
22. desember- 19. janúar
Þetta verður átakadagur og frekar erfitt
kvöld en dagurinn á morgun, sem og
mánudagur og þriðjudagur, verða bæði
skemmtilegirog gjöfulir. Tímarnireru ann-
ars almennt frekar hagstæðir steingeitum.
Það eru jákvæðar breytingar að gerast,
jafnt í ásta- og tilfinningamálunum sem í
vinnunni/skólanum.
Vattrsberi
vSA
20. janúar - 18. febrúar
Þetta verður alveg einstaklega skemmti-
legur dagur sem og kvöldið í kvöld sem er
tilvalið til listneyslu og/eða skemmtana-
halds af öllu tagi. Þér mun ekki líða eins
vel á morgun, né heldur á mánudag eða
þriðjudag en á miðvikudag ferðu að
hressast og á fimmtudag færðu að heyra
furðulegar hugmyndir.
X
Siskat*
19. febrúar - 20. mars
Þú ætlar eflaust á þorrablót í kvöld en ég get
sagt þér það strax: Þar gerist ekkert óvænt.
Það er hins vegar á morgun sem þú færð já-
kvæðar fréttir sem ylja þér um hjartaræturn-
ar fram eftir vikunni. Fiskar eru svo draum-
lyndir að þeir vita sjaldnast hvar þeir eru. Því
þykir þeim öruggast að halda sig heima.
Ferðalagið sem þú þarft að fara í undir viku-
lokin verður mun léttara en kvíðinn fyrir því.
Um Ól-lágmörk skíöagöngumanna
- athugasemdir norrænugreinanefndar Skíðasambands íslands við skrif Vals B. Jónatanssonar
í Morgunblaðinu þ. 22. jan. 1992
í grein á íþróttasíðum Morgun-
blaðsins sl. miðvikudag fer Valur
Jónatansson, íþróttafréttaritari,
mjög alvarlegum gagnrýnisorðum
um vinnubrögð norrænugreina-
nefndar (NGN) og forystumanna
Skíðasambands íslands varðandi
mat á lágmörkum göngumanna
fyrir vetrarólympíuleikana í
Albertville. í greininni má finna
ásakanir á hendur NGN um að
hafa beinlínis ætlað sér að villa
um fyrir stjórn Skíðasambands-
ins og Ólympíunefnd íslands
með röngum upplýsingum varð-
andi frammistöðu íslenska
göngulandsliðsins á mótum sem
fram fóru í Svíþjóð í desember
og byrjun janúar. Mót þessi áttu
að skera úr um hverjir næðu því
lágmarki sem Ólympíunefnd hef-
ur sett að vera 8% eða minna á
eftir sterkum sænskum landsliðs-
manni. Þess skal getið að þau
mót sem valin voru til úrtöku,
alls 7 talsins, eru öll af hæsta
styrkleika þar sem okkar menn
eru að keppa við bestu skíða-
göngumenn heims, sænska,
norska, finnska og rússneska.
Sambærilegt væri að sjá okkar
bestu alpagreinamenn keppa við
Alberto Tomba og hans líka í
þeirri mótaröð sem þeir hafa ver-
ið að taka þátt í, en það er nú
önnur saga.
í grein Vals kemur fram gagn-
rýni á að þjálfari göngumann-
anna, Bo Ericsson og norrænu-
greinanefnd SKÍ hafi talið síðari
keppnisdag gildan sem sérstaka
viðmiðun fyrir lágmark í móti
sem fram fór þann 14. desember,
og segir að það sé álíka og reikna
fyrri eða síðari ferð í svigi sem
nægjanlega viðmiðun. NGN og
allir sem til gönguíþróttarinnar
þekkja, vita að ekki er sann-
gjarnt að bera alpa- og norrænu-
reinarnar saman á þennan hátt.
fyrsta lagi er um tvo keppnis-
daga að ræða þar sem aðstæður
geta verið mjög ólíkar, önnur
braut, önnur vegalengd, allt ann-
að færi. En það mikilvæga er að
oftast er einnig gengið með ólík-
um aðferðum, þ.e. hefðbundið
annan daginn, en skautað hinn.
Það vildi þó svo til í þetta sinn að
gengið var með sömu aðferð
báða dagana og sama braut
notuð. Það stafaði einungis af því
að ekki var hægt að gera braut
fyrir skautaskref vegna snjóleys-
is, en slíkar brautir þurfa að vera
mun breiðari en hefðbundnar
brautir.
Miklu nær hefði verið að bera
þetta saman við alpamót sem t.d.
hefði samanstaðið af svigi annan
daginn en stórsvigi hinn. Varla
hefði nokkrum dottið í hug að
véfengja að slíkar keppnir væru
ekki fyllilega viðmiðunarhæfar
hver fyrir sig þó ein heildarúrslit
úr mótinu hefðu verið birt.
í sambandi við þetta tiltekna
mót lætur Valur einnig í það
skína að þetta sé eitthvað sem
NGN og þjálfarinn hafi fundið út
löngu eftir á. Sannleikurinn er sá
að fulltrúi í Ólympíunefndinni og
tengiliður NGN fékk að vita um
þennan útreikning vel áður en
mótaröðinni var lokið, en það
verður að viðurkennast og skrif-
ast á reikning NGN, að árangur
Sigurgeirs Svavarssonar síðari
dag mótsins var ekki kynntur
fjölmiðlum sérstaklega fyrr en
síðar, og er það miður.
Valur gerir athugasemdir við
úrslit úr boðgöngu í Storvik þ.
15. janúar sl., þar sem Haukur
Eiríksson átti stórgóða göngu og
náði ótvírætt lágmarki Öl-nefnd-
ar að mati Bo Ericsson og NGN.
Hann var þar 5,6% á eftir sænska
landsliðsmanninum Jyrki Ponsilu-
omi sem gekk 2. sprett fyrir sterk-
ustu sveit svía, Asarna. í þessari
boðgöngu voru samankomnir 18
menn úr landsliðshópi Svía og
getur það gefið nokkra mynd af
því hver styrkur keppninnar var.
í athugasemdinni um þetta
mót byrjar Valur á því að leið-
rétta meinta rangfærslu NGN og
Skíðasambandsins á vegalengd-
inni í göngunni, og segir hana
hafa verið 3x9 km. Við viljum
benda á að fyrir prósentuútreikn-
inginn skiptir það engu máli
hvort gangan hafi verið einum
kílómetranum styttri eða lengri,
og því óþarfi af Val að vera að
gagnrýna þetta atriði. En til upp-
lýsinga fyrir Val og lesendur, þá
vill svo til að það var enginn ann-
ar en Bo Ericsson, landsliðsþjálf-
ari íslands í skíðagöngu sem
lagði umrædda keppnisbraut í
Storvik. Hann hefur um árabil
verið umsjónarmaður brautar-
lagna í Storvik, sem er hans
heimabær og þar er Storvíkur-
boðgangan árlegur atburður og
nýtur gífurlegra vinsælda. En,
kæri Valur, í ár var vegalengdin í
Stórvíkurboðgöngunni nákvæm-
lega mæld, eins og endranær, og
reyndist þá hringurinn vera 3,5
km, samkvæmt brautarmælinga-
manninum sjálfum. Við stöndum
þá uppi með að blandaða sveitin
Istand/Storvik með þá Hauk, Sig-
urgeir og Torbjörn Wikblom hafi
gengið 3x10,5 km í raun réttri. En
eins og áður segir, skiptir það
engu máli fyrir prósentuútreikn-
inginn.
Og nú er komið að hápunkti
gagnrýnisgreinar Vals. Þar sem
blaðamaðurinn er ekki göngu-
maður þó hann sé ágætur skíða-
maður, er lionum kannski
vorkunn, en það er mjög slæmt ef
hugmyndir sem byggjast á van-
þekkingu og upplýsingaskorti,
móta neikvætt viðhorf almenn-
ings til gönguíþróttarinnar,
norrænugreinanefndar og Skíða-
sambandsins, og hefur einnig
hugsanlega áhrif á hugmyndir
þeirra sem taka ákvörðun um
gjaldgengi íslenskra göngumanna
á Ólympíuleikana. Um það að
miða tíma Hauks ekki við besta
tímann í göngunni, þ.e. Lars
Erik Ramström, heldur við þann
mann sem varð fyrstur í 2.
spretti, þeim sem Haukur gekk í,
stafar fyrst og fremst af því að
starthópurinn gengur æfinlega
svolítið styttri vegalengd en 2. og
3. hópur. Hraði verður einnig
alltaf töluvert afstæður þegar
gengin er boðganga. Menn keppa
meira innbyrðis í hópnum sem er
að ganga hverju sinni en milli
hópa. Eina raunhæfa viðmiðunin
er því við fyrsta manninn í hverj-
um hópi, í þessu tilfelli Jyrki
Ponsiluomi, sem Haukur keppti
við. í heildina stóð sveitin sig
frábærlega vel, þar sem hún hafn-
aði í 9. sæti af 23 sem tóku þátt.
Þess má svo geta til gamans að í
Rundmaling Cup sl. miðvikudag
varð einmitt Lars Erik Ramström
sigurvegari á undan stórstirninu
Torgny Mogren, og Haukur varð
þá 8,07% á eftir Ramström.
Það hefði verið skemmtilegra
fyrir íslenskan almenning að
heyra jákvæðan tón um þann
góða árangur sem þarna var
raunverulega sýndur af íslend-
inganna hálfu, og það hefði
einnig verið góður styrkur fyrir
göngumennina sem þarna hafa
verið langtímum saman að berj-
ast við að geta orðið verðugir
fulltrúar íslands á Ólympíu-
leikunum. Betra hefði verið að
leita fyrst skýringa hjá þeim sem
til málsins þekktu og skrifa síðan,
en að fara af stað með fullyrðing-
ar og getgátur sem beinlínis geta
virst settar fram til að kasta rýrð
á trúverðugheit þeirra manna
sem vinna að framgangi þessarar
íþróttagreinar.
Ég vil þó taka skýrt fram að
Valur Jónatansson hefur í mörg
ár verið sá íþróttafréttaritari
íslenskur, sem hefur verið manna
duglegastur að birta fréttir úr
skíðaheiminum og á hann miklar
þakkir skildar fyrir það. En
þarna varð honum því miður á
slæmur fótaskortur sem erfitt er
að skilja, og vonum við í NGN að
betur fari í framtíðinni.
Ingþór Bjarnason,
Norrænugreinanefnd
Skíðasambands íslands.