Dagur - 15.09.1992, Blaðsíða 2

2 - DAGUR - Þriðjudagur 15. september 1992
Fréttir
Af togurum:
LitUl afli og veður vond
Að undanförnu hafa togarar
fengið afla austur við Langa-
nes. Aflinn sem hefur borist er
blandaður, þorskur og ufsi. III
veður hafa gert togaramönn-
um erfitt fyrir.
Hrímbakur EA landaði fyrir
helgi síðastur Akureyrartogara.
Aflinn var 83 tonn mest þorskur.
Akureyri:
Bæjarmála-
punktar
■ Bæjarráð hefur samþykkt
tillögu deildarstjóra Tölvu-
deildar Akureyrarbæjar um
kaup á IBM AS/400 móður-
tölvu ásamt endurnýjun á not-
endahugbúnaði samtals að
fjárhæð kr. 6.760.000.
■ Bæjarráð hefur samþykkt
að veita KA einfalda bæjar-
ábyrgð til tryggingar láni sem
félagið á kost á hjá Ferða-
málasjóði að upphæð krónur
20 milljónir til 15 ára.
■ Samband íslenskra sveitar-
félaga hefur óskað eftir því við
bæjarstjórn Akureyrar að
fram fari athugun á því hvort
möguleiki sé á að halda
landsþing sambandsins á
Akurcyri í september 1994.
Bæjarráð vísaði erindinu til
atvinnumálanefndar á fundi
sínum 10. september sl.
■ Bæjarráð hefur samþykkt
tillögur svokallaðs „stýrihóps
um úttekt á rekstri Akureyrar-
bæjar“ um starfsmannamál
bæjarins. í tillögunum kemur
fram:
a) Lagt er tii að teknar verði
upp tölvutækar tímaskráning-
ar á vinnu starfsmanna bæjar-
ins og boðið upp á sveigjanleg-
an vinnutíma, þar sem unnt er
koma siíku við. Stefnt skal að
því að þessi háttur geti komið
til framkvæmda að einhverju
leyti frá og meö næstu áramót-
um.
b) Lagt er til að frá og með
næstu áramótum verði aflagð-
ur akstur með starfsmcnn að
og frá vinnu nema kjarasamn-
ingar kveði á um annað.
c) Lagt er til að vinnutími
bæjarstarfsmanna við sam-
bærileg störf verði samræmdur
frá og með næstu áramótum.
d) Bæjarstjóra verði falið að
láta vinna að framgangi þessa
máls.
■ Kári Agnarsson f.h. Bíla-
vals hefur sótt urn leyfi til
bygginganefndar til að reka
tíílasölu á eignarlóð Sverris
Arngrímssonar. Hafnarstjörn
frestaði á síöasta fundi sínum
að gefa umsögn um þetta
erindi.
■ Hafnarstjórn hcfur sam-
þykkt að leita heimildar bygg-
inganefndar til að fá að rífa
„Guðmundarhús'% útgerðar-
stöð Guðmundar Jörundsson-
ar og Strandgötu 59, áhalda-
hús hafnarinnar.
■ Á fundi bæjarráðs 10. sept-
ember sl. var lögð fram tillaga
að viðauka við samning um
samstarf Akureyrarbæjar og
Skautafélags Akureyrar dags.
6. apríl 1990. Viðaukinn kveð-
ur á um greiðslu á styrk bæjar-
sjóðs til byggingar búningsað-
stöðu við skautasvæði félagsins
á árunum 1993-1995. Styrk-
upphæðin er kr. 3.105.375.
Bæjarráð samþykkti tillöguna.
Togarinn er nú að veiðum á
Hólnum norður af Grímsey.
Stefán Aspar, skipstjóri, sagði
um miðjan dag í gær, að veðrið
væri að ganga niður, en um afla-
brögð væri ekki mikið að segja.
„Það er erfitt að vera togaraskip-
stjóri á tímum sem þessum og
raunar leiðinlegt að vera til sjós
þegar lítið fiskast.“
Um helgina köstuðu togarar á
Strandagrunni án árangur og svo
var einnig víðar fyrir Norður-
landi. Flestir togarar Útgerðar-
félags Akureyringa hf. eru úti á
„Nýja torgi“ að karfaveiðum.
Dagur fékk engar fréttir þaðan
þar sem ekki náðist til togaranna
í síma. Nýja torgið er á djúpslóð
suður af grálúðumiðunum, þ.e.
langleiðina út á Dohrnbanka.
Víðir EA, togari Samherja hf.,
er að karfaveiðum í flottroll
djúpt úti fyrir Suðurlandi. Gísli
Arnbergsson, skipstjóri, sagði
allan kraft vanta í veiðarnar á
þeim slóðum.
Hjalteyri EA kom til hafnar á
Akureyri í gær vegna bilunar.
Togarinn var búinn að vera að
veiðum í hálfan mánuð þegar
rafall í spili gaf sig. Ráðgert er að
togarinn fari aftur til veiða nk.
fimmtudag að viðgerð lokinni.
„Rauðinúpur Í>H kemur til
löndunar í dag eftir viku veiði-
ferð. Aflinn er þorskur að mestu,
90 tonn. Togarar fengu afla á
Digranesflaki, út af Vopnafirði, á
sunnudaginn, en nú er búið að
loka veiðisvæðinu. Fiskurinn
stóðst ekki mælingar eftirlits-
manna og af fréttum frá togurum
virðist sem ekkert sé að hafa
þessa stundina. Loðna er fyrir
öllu Norðurlandi og togaramenn
vænta þess að þorskur komi í
kjölfarið,“ sagði Haraldur
Jónsson, útgerðarstjóri hjá Jökli
hf. á Raufarhöfn. ój
Lögreglan á Húsavík:
Ódrukknir,
speimtirökumeim
á skoðuðum
bflum
Það er eins gott fyrir Húsvík-
inga að aka um ódrukknir með
bílbeltin spennt og á skoðuð-
um bílum, samkvæmt venju,
þessa vikuna.
Lögreglan á Húsavík er með
klippurnar á lofti þessa dagana
og á sunnudagskvöld klippti hún
númeraplötur af fimm bílum sem
dregist hafði að færa til skoðun-
Nú stendur yfir Norræn um-
ferðarátaksvika sem Húsavíkur-
lögreglan ætlar að taka þátt í. Þar
er lögð aðaláhersla á að fylgjast
með að ökumenn séu ódrukknir
undir stýri bifreiða sinna og að
þeir aki með bílbeltin spennt.
Hyggst lögreglan sekta óspennta
ökumenn er hún gómar í vik-
unni.
Að sögn lögreglu var helgin
róleg og tíðindalaus í sýslunni.
IM
Frá skátaþinginu, sem haldið var á Akureyri um síðustu helgi. Mynd: Gollí
Lögreglan:
Róleg helgi
við Ejjaflörð
Rólegt var hjá lögreglu á
Eyjafjarðsrsvæðinu um helg-
ina. Sex fengu gistingu í fanga-
geymslum á Akureyri og skjóls-
húsi var skotið yfir tvo að lokn-
um dansleik í Olafsfirði.
Sex manns gistu í fangageymsl-
um lögreglunnar á Akureyri um
helgina en annars var mjög rólegt
í bænum og lögreglu bárust ekki
tilkynningar um innbrot eða
óhöpp í umferðinni. Dansleikur
var haldinn í Ólafsfirði á laugar-
dagskvöld og þurftu tveir menn
að fá gistingu f fangageymslum
að honum loknum. Þá var réttar-
dansleikur í Svarfaðardal á laug-
ardagskvöld og fór þar allt hið
besta fram. ÞI
Skátaþing á Akureyri 1992:
Tillaga um kennsluátak í umhverfismálum
Skátaþing haldið á Akureyri
dagana 12. til 13. september sl.
samþykkti að skátahreyfingin
beiti sér fyrir og láti fram-
kvæma í samvinnu við fræðslu-
yfirvöld, kynningu á umhverf-
isvernd, með því að leggja til
námsefni til bóklegrar og verk-
legrar kennslu. Leitast verði
við að sníða námsefnið að
þörfum ákveðins árgangs í
skólastarfi og að það henti til
námskeiðskennslu í 1-2 skóla-
daga.
I greinargerð segir: „Skáta-
hreyfingin hefur frá öndverðu
beitt sér fyrir fræðslu í umhverfis-
málum og haft forystu á því sviði.
Nú eru umhverfismál nærtækari
en áður og meira í brennidepli.
Ríður á að skátahreyfingin haldi
vöku sinni og forystu í þessum
málum og láti að sér kveða. Um
framkvæmd er lagt til að stjórn
Bandalags íslenskra skáta fái
kunnáttumenn úr röðum skáta
ásamt öðrum sérfræðingum, til
að setja saman námsefni og gera
tillögur að kennsluháttum. Þá
þykir rétt að sníða efnið þannig
að henti til kennslu í skólabúð-
um.
Flutningsmenn telja að mikið
efni varðandi umhverfismál sé
þegar til og má þar nefna „Græna
bakpokann“. Þeir telja að mikil-
vægt sé að skátar styrki ímynd
sína á þessu sviði og taki frum-
kvæði sem ella kunni að falla í
hlut annarra samtaka.“ ój
Sexmannanefnd ákveður kjötverð:
Nautgnpakjöt lækkar um 13% að meðal-
tafi vegna offramleiðslunnar
- grundvallarverð sauðíjárafurða lækkar um 1%
Sexmannanefnd ákvaö fyrir
helgina nýtt verð á sauðfjár-
afurðum og nautgripakjöti.
Grundvallarverð til bænda á
kindakjöti og nautgripakjöti
lækkar en lækkunin á naut-
gripakjöti er mun meiri. Nýr
búvörusamningur kveður á um
4% hagræðingarkröfu á sauð-
fjárbændur og nú hefur náðst
samkomulag um að hliðstæð
hagræðing komi til fram-
kvæmda hjá sláturleyfishöfum.
Grundvallarverð á sauðfjár-
afurðum til bænda lækkar um
1%. Frá og með 1. september
færðust niðurgreiðslur á sauðfjár-
afurðum til neytenda af heild-
sölustigi í beinar greiðslur til
framleiðenda. Við þetta lækkuðu
niðurgreiðslur lítillega en bændur
hafa lagt mikla áherslu á að þessi
breyting leiði ekki til hækkunar á
verði kindakjöts til neytenda.
Með hagræðingu sem nást á fram
hjá sláturleyfishöfum er séð til
þess að heildsöluverð á kinda-
kjöti verði óbreytt og smásölu-
verð þurfi ekki að hækka.
Breytingarnar á verðlagi naut-
gripakjöts eru stórvægilegri.
Meðaltalslækkun frá gildandi
verðlagi er 13% en framleiðend-
ur höfðu sjálfir farið fram á þessa
verðlækkun vegna birgðastöðu.
Þetta þýðir að grundvailarverð
nautgripakjöts hefur lækkað um
samtals 18% að meðaltali síðustu
12 mánuði.
Lækkunin kemur þannig fram
að eftir því sem kjötgæðin eru
lakari, þeim mun meiri er lækk-
unin. Fyrsti flokkur ungneyta-
kjöts lækkar um 4% frá gildandi
verði en lökustu flokkar vinnslu-
kjöts um allt að 30%. Fyrsta
flokks ungneytakjöt mun eftir
verðbreytingu kosta 317,03 kr/
kg, þ.e. lækkun um 15% frá
verðinu 1. september í fyrra.
Algengasti flokkur vinnslukjöts
mun taka 20% verðlækkun frá
því sem var 1. september í fyrra
og kostar kílóið af þessu kjöti
262,58 kr.
Grundvallarverð á kindakjöti
eftir verðlækkun verður 217,63
kr/kg í algengasta flokki dilka-
kjöts en verð algengasta vinnslu-
kjöts verður 139,28 kr/kg. Slátur
munu kosta 285,03 kr.
Verðákvörðun sexmanna-
nefndar gildir í sauðfjárafurðum
til næsta hausts en hvað varðar
nautgripakjötið gildir hún til
næstu þriggja mánaða. JÓH
íslandsbanki:
Stjómendamót á Akureyri
Fundur stjórnenda íslands-
banka eða stjórnendamót eins
og það nefnist innan bankans
hófst á Akureyri í gærmorgun
og lýkur síðdegis í dag. Fund-
inn sækja um 50 manns, æðstu
stjórnendur bankans og for-
stöðumenn deilda auk forstöðu-
manna útibúa um allt land.
Slík mót stjórnenda bankans
eru haldin tvisvar til þrisvar á
ári og lögð áhersla á koma
saman fjærri hinum daglega
erli og hafa yfirbragð þeirra
létt og ánægjulegt.
Valur Valsson, bankastjóri
íslandsbanka, sagði í samtali við
Dag að á fundum sem þessum
væri fjallað um þau mál er vinna
ætti að í næstu framtíð og einnig
væru lögð drög að áætlunum fyrir
næsta ár. Að fundinum loknum
væri síðan unnið frekar úr þeim
hugmyndum er til umræðu væru
og lyki áætlanagerð um áramót.
Á þessum fundi yrði sérstaklega
Tjallað um nýja starfsmanna-
stefnu bankans og svonefnd starfs-
mannaviðtöl sem verða nýbreytni
í tengslum starfsmanna og yfir-
manna þeirra. Þá yrði einnig
fjallað um nýtinguna á útibúaneti
bankans - lagt mat á þá reynslu
er fengin væri og rætt um hvort
tilefni séu til einhverra breytinga.
Auk framangreindra atriða verð-
ur rætt um leiðir til að lækka
reksturskostnað bankans og einnig
hvað gera megi í framtíðinni til
að komast hjá verulegum af-
skriftum útlána. ÞI