Dagur - 23.12.1992, Blaðsíða 5

Miðvikudagur 23. desember 1992 - DAGUR - 5
Leikfélag Akureyrar:
Útlenclingurinn frum-
sýndur á sunnudag
Nú styttist í frumsýningu hjá
Leikfélagi Akureyrar og Ijóst
að einhverjir verða með þand-
ar taugar yfir jólin. Gaman-
leikurinn Utlendingurinn eftir
Larry Shue í þýðingu Böðvars
Guðmundssonar verður frum-
sýndur sunnudaginn 27. des-
ember kl. 20.30 og næstu sýn-
ingar verða á mánudag, þriðju-
dag og miðvikudag á sama
tíma.
Aðalpersónan er Charlie, sem
þjáist af feimni og minnimáttar-
kennd. Hann hefur verið próf-
arkalesari á hasarblöðum í 31 ár
og finnst hann sjálfur vera ósköp
leiðinlegur og litlaus persónu-
leiki. Vinur hans býður honum í
ferð með sér frá heimkynnum
þeirra í Bretlandi til Suðurríkja
Bandaríkjanna. Þar neyðist hann
til að umgangast fólk og er hann
vill flýja aftur heim verður það
þrautalending vinar hans að segja
Charlie dularfullan útlending
sem ekkert skilji, því þá þarf
Charlie ekki að halda uppi sam-
ræðum. Charlie kemst því að
mun fleiru en honum er ætlað og
í gegnum ótrúlegustu uppákomur
fá bæði hann og aðrir vanmáttug-
ir uppreisn æru en illmennin fá
makleg málagjöld.
Peir sem eru þjóðfélagslega
sinnaðir munu sjá í leiknum teng-
ingar við útlendingahatur og
öfgahreyfingar þó ekki sé það
meginviðfangsefni verksins.
Höfundurinn fékk hugmynd-
ina að Útlendingnum á ferð sinni
um Japan. Hann komst þá að því
að þar gat hann hagað sér á hinn
undarlegasta máta án þess að
neinum þætti það skrítið, enda
var hann útlendingur og þekkti
hvorki tungumálið né siðvenjur í
landinu.
Leikstjóri er Sunna Borg, leik-
myndahöfundur Hallmundur
Kristinsson, búningahönnuður
Freygerður Magnúsdóttir, ljósa-
hönnuður Ingvar Björnsson, sýn-
ingarstjóri Hreinn Skagfjörð og
aðstoðarmaður leikstjóra Anna
G. Torfadóttir.
Sjö leikarar fara með stór hlut-
verk og eru þar á ferð bæði
gamalkunnir leikarar hjá Leik-
félagi Akureyrar og nýrri andlit.
Þráinn Karlsson leikur Charlie en
aðrir leikarar eru Sigurveig Jóns-
dóttir, Aðalsteinn Bergdal,
Bryndís Petra Bragadóttir, Jón
Bjarni Guðmundsson, Sigurþór
Albert Heimisson og Björn
Karlsson. Auk þeirra birtast
nokkrar dularfullar aukapersón-
ur í gerfi Ku Klux Klan.
Óhætt er að segja að Útlend-
ingurinn Sé hin besta skemmtun
enda hefur leikritið notið mikillar
hylli. Ljósmyndari Dags brá sér á
æfingu hjá Leikfélagi Akureyrar
og festi nokkur tilþrif á filmu, en
sjón er sem fyrri daginn sögu rík-
ari. SS
Opið í kvöld
til kl. 23.00
Á morgun aðfangadag
kl. 09.00-12.00
Lokað 28. desember
Vörutalning
Lagerinn Austursíðu 2 verður opinn mánu dag-
inn 28. desember en lokað verður vegna vöru-
talningar þriðjudaginn 29. desember og mið-
vikudaginn 30. desember.
Pantanir sem eiga að afgreiðast fyrir áramót
þurfa að berast í síðasta lagi 28. desember.
Gleðileg jól.
Efnaverksmiðjan
Sjöfn