Dagur - 04.03.1995, Blaðsíða 4

4 - DAGUR - Laugardagur 4. mars 1995
ÚTGEFANDI: DAGSPRENT HF.
SKRIFSTOFUR: STRANDGATA 31, PÓSTHÓLF 60, AKUREYRI,
SÍMI: 96-24222 • SÍMFAX: 96-27639
ÁSKRIFT M. VSK. KR. 1500 Á MÁNUÐI • LAUSASÖLUVERÐ M. VSK. KR. 125
RITSTJÓRAR: JÓHANN ÓLAFUR HALLDÓRSSON, (ÁBM.),
ÓSKAR ÞÓR HALLDÓRSSON, (ÁBM.)
FRÉTTASTJÓRI: KRISTJÁN KRISTJÁNSSON
AÐRIR BLAÐAMENN: GEIR A. GUÐSTEINSSON, HALLDÓR ARINBJARNARSON,
INGIBJÖRG MAGNÚSDÓTTIR (Húsavlk vs. 96-41585, fax 96-42285),
KRISTÍN LINDA JÓNSDÓTTIR, SÆVAR HREIÐARSSON,((þróttir),
UÓSMYNDARI: ROBYN ANNE REDMAN
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI: HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
Afbrotaaldan
Skeljungsránið í Reykjavík er óhuggulegur
vitnisburður um breytingu á íslensku þjóðfé-
lagi. Glæpum hefur fjölgað verulega á undan-
förnum misserum samfara því að þjóðfélags-
gerðin hefur breyst.
Eðlilegt er að spyrja sem svo; hvað veldur?
Þegar svo stórt er spurt verður fátt um svör.
Skýringarnar hljóta að vera margar. Ein gæti
verið sú að hér hafa verið langvarandi erfið-
leikar á vinnumarkaði. Atvinnulausir, ekki síst
af yngri kynslóðinni, kunna vinnumissinum
illa og leiðast út í óreglu sem síðan kann að
leiða af sér glæpi af ýmsum toga. Því miður
eru um þetta mörg dæmi. Önnur skýring, og
líklega sú sem vegur þyngst, er að fíkniefna-
markaðurinn hefur stækkað umtalsvert að
undanförnu. Lögreglumenn sem vel til þekkja
fullyrða að innbrot og rán megi oft tengja því
að fíkniefnaneytendur grípi til örþrifaráða til
þess að fjármagna kaup á fíkniefnunum.
Fólki er brugðið þegar það heyrir um rán
eins og átti sér stað í höfuðborginni á dögun-
um og það spyr sig eðlilega þeirrar spurning-
ar hvort slík þjóðfélagsþróun sé óumflýjanleg.
Nú er það svo að fólskuleg rán hafa áður
verið framin á íslandi en munurinn er sá að
alvarlegum afbrotum hefur fjölgað og um-
hugsunarvert er að ungt fólk á þar oft hlut að
máli - unga fólkið sem ekki fótar sig í þjóðfé-
laginu.
Sumir vilja halda því fram að umfjöllun um
glæpi hvetji til fleiri glæpa. Þeir sem þessu
halda fram eru á villigötum. Mikilvægt er að
halda þessari umræðu gangandi. Hvort sem
glæpurinn er sala landa, innbrot eða eitthvað
annað, þá má ekki þegja um slíkt. Fjölmiðl-
anna er að skýra frá - þögnin bætir ekki
ástandið. Þvert á móti hvetur hún til
áframhaldandi afbrota. Þögn í samfélaginu er
einfaldlega sama og samþykki. Þess vegna á
að ræða þessi mál opinskátt en jafnframt
heiðarlega.
í UPPÁHALDI
örður Þór Benónýs-
son er frá Hömrum í
Reykjadal en býr á
.Hvítafelli ásamt konu
sinni Freydísi Önnu Arngríms-
dóttur og tveimur dœtrum
þeirra. Hörður starfar í Lauga-
fiski en er einnig sauðfjárbóndi.
í kvöld stígur Hörður fram á
sviðið í Breiðumýri í gerfi land-
nemans í John Emery í leikrit-
inu, Það þýtur í Sassafarstrján-
um, sem er gamanleikrit þar
sem gert er grín að hinum
gildu vestrum. Það er
Ungmennafélagsins Eflingar
sem sendur að leiksýningunni
en Hörður er einmitt formaður
Ungmennafélagsins.
„Þetta er hressilegur gam-
anleikur sem gerist í landnema-
kofa og við sömdum nýja texta
við tólf sveitasöngva, (kántrý-
lög) og felldum þau inn i verkið
þannig að það verða byssubóf-
ar, söngur glens og grín á svið-
inu í Breiðumýri í kvöld, " sagði
Hörður.
Hörður Benónýsson.
ágæta hreyfingu í störfum mín-
um í búskapnum.“
Ert þú i einhverjum klúbbi eðafé-
lagasamtökum?
Hvaða matur er í mestu uppáhaldi
hjú þér?
„Hangikjöt og lambalæri, þaö má
ekki á milli sjá.“
Uppáhaldsdrykkur?
„Mjólk.“
Hvaða heimilisstöiffinnsl þér
skemmtilegustlleiðinlegust?
„Þaö er leiðinlegast aö þvo upp
en skemmtilegast aö clda mat.“
Stundarþú einhverja markvissa
hreyfingu eða líkamsrcekt?
„Já, hestamennsku og svo fæ ég
„Ungmennafclaginu Eflingu og
Hcstamannafélaginu Þjálfa.“
Hvaða blöð og timarit kaupir þú?
„íþróttablaðið, Eiófaxa og Hest-
inn okkar."
Hvaða bók er á náttborðinu hjá
þér?
„Ég var að lcsa Kvæðasafn Káins
í nótt.“
í hvaða stjörnumerki ert þú?
„Krabbanum.“
Hvaða MjómsveU/tónlístarmaður er
í mestu uppáhaldi hjá þér?
„Mike 01dfield“
Uppáhaldsíþróttamaður?
„Það var nú lengi snillingurinn
hann Pele en ætli það sé ekki
Siggi Sveins í dag.
Hvað horfir þú mest á í sjónvarpi?
„íþróttir.“
Á livaða stjórnmálamami hefurðu
mestálit?
„Jóhanncsi Geir.“
Hver er að þínu matifegursti staður
á íslandi?
„Vatnshlíðin á fögrum sumar-
dcgi.“
Hvar vi/dirðu helst búa efþú þyrftir
aðfiytja búferlum nú?
„í Skagafirói."
Hvaða hlut eðafasteign langar þig
mest til að eignast um þessar mund-
ir?
„Meiri sauðfjárkvóta.“
Hvernig vilt þú helst veijafrístund■
um þínum?
„Á hestbaki og vió lestur góðra
bóka.“
Hvað œtlarðu að gera um helgina?
„Á laugardagskvöldið ætlum vió
að frumsýna og þá snýst allt um
þaó en á sunnudaginn ætla ég að
fara í Ljósve'ningabúó til að
horfa á Draugaglettur.“
POSTKORT FRA ÞYSKALANDI
HLYNUR HALLSSON
Eftir flóðin miklu er
farið að fjara og vorið langa hafið. Þeir sem þreytt
hafa Þorrann geta tekið til við að leita að stuttbuxun-
um. Eins og íslendinga er siður eru auðvitað haldin
þorrablót um allt Þýskaland og hér í Neðra-Sax-
landi var engin undatekning þar á. Þeir hugrökkustu
spændu í sig hákarl og skoluðu honum niður með
enn bragðverra brennivíni. Þar sem íslendingafélag-
ið hefur á að skipa doktor í harmónikkuleik var auð-
vitað stiginn hringdans hring eftir hring og svo tók
Dj. Teknó við. Og þegar búið er að snara heitum
eins og „hrútspungar" og „lambaandlit" yfir á
þýsku er kalda borðið farið að líta skuggalega út.
Sumir hrósa happi yfir því að vera grænmetisætur
og drekka bara bjór og vatn til skiptis. íslendingar
voru auðvitað í miklum minnihluta í blótinu og
bæði Þjóðverjar og Norðmenn fjölmennari, enda fór
allt friðsamlega fram.
Það styttist líka í að haldið verði uppá fimmtíu ár
frá stríðslokum. Fyrsti skjálftinn er reyndar skollinn
á þegar minnst var loftárása bandamanna á
Dresden. Nýnasistar reyndu að efna til óeirða með
því að lýsa því yfir að tölur um mannfall meðal
óbreyttra þýskra borgara hafi verið falsaðar og að í
raun hafi mun fleiri fallið en haldið sé fram. Upp
um alla veggi má sjá veggspjöld sem á stendur
„ALDREI AFTUR ÞÝSKALAND" og er þar verið að
vara við því að hátíðarhöldin breytist í þjóðernis-
rembu. Á sama tíma eru menn að klóra sér í
hausnum yfir því hvað hafi orðið um alla peningana
sem áttu að fara í endurreisn iðnaðar og uppbygg-
ingu húsnæðis ( austurhluta landsins. Peningarnir
hafa aldrei skilað sér til réttra aðila en samt horfið úr
kassanum.
Talandi um peninga þá fer ég út í búð og kaupi
mjólk útá muslíið og er í vafa um hvort nú eigi að
splæsa í almennilega mjólk úr lífrænt ræktuðum
beljum sem aldrei hafa smakkað á hormónum og
vita ekki hvað eiturefna áburður er eða bara ódýr-
ustu mjólkinni sem er í plastpokum með rotvarnar-
efnum og öllum græjum. Verómunurinn er 100 pró-
sent. Þessi frá venjulegu aukaefnabeljunni kostar
44 íslenskar krónur en gæða mjólkin sem er með
rjómaskán ofaná kostar 88 krónur. Eftir að hafa gert
almennilega bragðprufu og velt fyrir sér framtíð land-
búnaðar á svæðinu er tekin ákvörðun um að dýrari
kosturinn sé heillavænlegri sé til langs tima litið.
Á leiðinni heim horfi ég á brumin springa út og áð-
ur en næsta hellidemba fylgir þrumunni eftir er
maður kominn inn.