Dagur - 18.01.1996, Side 7
Fimmtudagur 18. janúar 1996 - DAGUR - 7
Tónlistarkennsla þáttur í
góðu uppeldi barna
- spjallað við píanókennarana Þórgunni Ingimundardóttur
og Þyrí Eydal
Píanókennaramir Þyrí Eydal og
Þórgunnur Ingimundardóttir hafa
lengst allra fylgt Tónlistarskólan-
um á Akureyri. Margrét Eiríks-
dóttir var ráðinn fyrsti skólastjóri
þegar skólinn var settur 20. janúar
1946. Þá um vorið lauk Þórgunnur
prófi frá Tónlistarskólanum í
Reykjavík og hóf störf við Tón-
listarskólann á Akureyri um
haustið. Haustið eftir byrjaði Þyrí
að kenna við skólann og var þar
óslitið til ársins 1993. Þórgunnur
starfaði við skólann með nokkrum
hléum til ársins 1994. Þær hafa
því gengið gegnum miklar breyt-
ingar með skólanum og féllust á
stutt spjall á þessum merku tíma-
mótum Tónlistarskólans
„Tónlistarskólinn var í upphafi
afar heppinn að fá Margréti sem
fyrsta skólastjóra þar eð hún var
sérlega vel menntuð og afbragðs
kennari,“ sagði Þórgunnur og und-
ir það tekur Þyrí. Að þeirra sögn
var hún fyrst hérlendis til að taka
upp það stigakerfi í tónlistar-
kennslu sem enn er notað, en því
hafði hún kynnst er hún var við
nám í Royal Academy of Music í
London.
Fyrst í stað var aðeins kennt á
píanó við skólann. „Eg held að
ekki hafi verið tök á að kenna á
annað en píanó. Eftir að Jakob
Tryggvason kemur að skólanum
er farið að kenna á orgel, en þá
vom engir hér í bænurn til þess að
kenna á önnur hljóðfæri og þurfti
að fá þá að,“ sagði Þyrí.
Metnaður ríkjandi
„I nokkur á var alltaf fenginn
prófdómari frá Englandi til þess
að dæma stigspróf og það sýnir að
frá upphafi ríkti metnaður við
skólann og ég hygg að þessi metn-
aður hafa verið rikjandi í starfi
skólans alla tíð,“ segir Þórgunnur.
Þær minnast á þann sið sem tek-
inn var upp að hafa alltaf nem-
endatónleika á hverjum laugar-
degi. Þá hafi kennarar einnig sótt
námskeið t.d. til Reykjavíkur og
hljóðfæraraleikarar hafi komið til
þess að halda námskeið á Akur-
eyri.
Fjöldi erlendra kennara hefur
kennt við skólann, margir mjög
færir tónlistarmenn að þeirra sögn,
en margir fyrrum nemendur skól-
ans hafa einnig komið aftur á
heimaslóðir eftir frekara nám og
látið gamla skólann sinn njóta
starfskrafta sinna.
Fyrstu nemendur skólans segja
þær að hafi flestir verið ungir að
árum. Miklu seinna hafi það kom-
ið til að eldri nemendur hæfu tón-
listamám og með stofnun suzuki
og forskóladeildar hafi nemenda-
hópurinn yngst. Þær leggja
áherslu á að tónlistarkennsla byrji
sem fyrst. „Ég held að það sé þátt-
ur í góðu uppeldi bama að þau fari
í tónlistarnám og örugglega mjög
holt. 1 Tónlistarskóla læra böm
öguð vinnubrögð og það sýnir sig
í námsárangri í öðrum skólum að
tónlistamám hefur mikið gildi,"
segir Þórgunnur.
Hljómsveitin lyftistöng
Aðspurðar hverjar séu mestu
breytingarnar nefna þær hversu
fjölbreytnin hefur aukist í tónlist-
amámi. „Það er farið að kenna á
svo mörg hljóðfæri og það er
ákaflega gaman að koma niður í
skóla, ganga þar um ganga og
heyra í öllum mögulegum hljóð-
færum. Þannig kynnast yngstu
nemendumir líka ólíkum hljóð-
færurn," segir Þórgunnur.
„Tilurð hljómsveitarinnar, sem
nú heitir Sinfóníuhljómsveit Norð-
urlands, var auðvitað mikil lyfti-
stöng fyrir allt starfið," segir Þyrí.
Þegar þær voru beðnar að
Þær Þyrí Eydal ug Þórgunnur Inginiundardóttir hafa lengst allra starfað við
Tónlistarskólann. Mynd: Halldór.
nefna minnisstæða atburði segja
þær koma upp í hugann tvo kynn-
ingardaga sem skólinn hélt, annan
í íþróttaskemmunni og hinn í
skólanum sjálfum. „Skemman var
stúkuð niður í bása og hvert hljóð-
færi hafði sinn bás. Þama voru
stuttir tónleikar allan daginn og
þetta var afar vel heppnað og
minnisstætt,“ sagði Þórgunnur.
Hentugt húsnæði besta óskin
Ekki vildu þær gera upp á milli
nemenda skólans, en vildu þó
minnast á ákaflega efnilegan nem-
anda, Þorgerði Eiríksdóttur, sem
lést af slysförum í London þar sem
hún var við framhaldsnám. I minn-
ingu hennar var síðan stofnaður
sjóður til að styrkja efnilega nem-
endur til framhaldsnáms í tónlist.
En hvaða framtíðaróskir skyldu
þær bera í brjósti til handa skólan-
um?
„Húsnæðismál skólans er eitt
af því sem þarf að leysa. Núver-
andi húsnæði hentar engan veg-
inn, það er alls ekki hugsað sem
skóli,“ sagði Þyrí.
„Við höldum að það væri afar
góð lausn, eins og menn hafa talað
um, að Tónlistarskólinn fengi hús-
næði Háskólans við Þingvalla-
stræti. Þama em öll skilyrði góð.
Næg bílastæði og húsið miðsvæð-
is í bænum. Þetta höldum við að
sé sú besta ósk sem við getum
fært skólanum á afmælinu, að
hann komist í hentugra húsnæði,
ásarnt því að þar verði starfað
áfram af alúð og af metnaði,“
sögðu þær að lokum. HA
Vonumst eftir steftiumörkun
í húsnæðismálum
- segir Guðmundur Óli Gunnarsson, skólastjóri Tónlistarskóla Akureyrar
Við stjórnvölinn í Tónlistarskóla
Akureyrar eru þeir Guðmundur
Óli Gunnarsson, skólastjóri, og
Gunnar Frímannsson, rekstrar-
stjóri. Gunnar sér um skrifstofu-
hald og daglegan rekstur en Guð-
mundur Óli er faglegur skóla-
stjóri. „Skólinn er einn af elstu
tónlistarskólum landsins og einn
sá stærsti. Af skólurn á lands-
byggðinni er hann sá lang
stærsti,“ sagði Guðmundur Óli, er
hann var beðinn um almenna lýs-
ingu á skólanum. Nemendur eru
um 500 og hefur sú tala haldist
óbreytt í nokkur ár. Þar fyrir utan
eru 70 nemendur sem eru annars
vegar í Barnaskóla Akureyrar og
hins vegar Oddeyrarskóla, en í
þeim skólum eru ákveðin tilrauna-
verkefni í gangi. Stöðugildi kenn-
ara eru ríflega 30 talsins.
Sérstaða skólans fest að sögn
Guðmundar Óla í því hversu fjöl-
breytt nám hann býður upp á,
nemendur eru á öllum aldri, en
þróunin t.d. í Reykjavík hefur ver-
ið sú að skólamir hafa sérhæft sig
á einhvern hátt. „Önnur sérstaða
skólans er sú að til langs tíma hef-
ur verið lagt sérstaklega mikið
upp úr hljómsveitarstarfi. Þar með
erum við að sinna miklu félags-
legu starfi. Almennt má segja um
tónlistarkennlu að hún hefur mik-
ið uppeldislegt gildi fyrir böm og
unglinga. Það er hvergi í almennu
námi sem menn eru með sambæri-
legum hætti að þjálfa saman hug
og hönd, ef við notum hátíðlegt
orðalag. Til viðbótar er tilfinn-
ingalegi þátturinn einnig þjálfaður
og samþætting þessara þriggja
þátta gerist hvergi nema í tónlist-
arnámi,“ sagði Guðmundur.
Hið öfluga hljómsveitarstarf
innan skólans er grunnurinn undir
Sinfóníuhljómsveit Norðurlands
og á móti styrkir hljómsveitin
skólann. „Við höldum því fram að
nemendur við skólann fái mestu
hljómsveitarþjálfun sem veitt er í
einum skóla á landinu," sagði
Guðmundur.
Stefnumörkun í
húsnæðismálum
Húsnæðismál skólans hafa verið
nokkuð í umræðunni að undan-
förnu, en á síðasta ári veitti Akur-
eyrarbær fjánnunum í að gera út-
tekt á þeim. „Önnur megin niður-
staðan úr því var að núverandi
húsnæði við Hafnarstræti 81 hent-
ar skólanum engan veginn. Húsið
er með því marki brennt að það er
ekki hugsað fyrir skólastarfsemi
og alls ekki fyrir tónlistarskóla-
starfsemi, sem þarf t.d. sértaka
hljóðeinangrun. Gólfplöturnar eru
t.d. óvanalega þunnar þannig að
húsið mun aldrei verða gott fyrir
þessa starfsemi. Hin megin niður-
staðan var sú að húsnæði Háskól-
ans við Þingvallastræti er í eðli
sínu mjög heppilegt undir starf-
semi tónlistarskóla. Þetta var m.a.
skoðað í ljósi þess að Háskólinn
væri að flytja á Sólborgarsvæðið.
Hver niðurstaðan verður vitum
við hins vegar ekki. En við erum
að vonast til þess að á afmælisári
munum við fá einhverja stefnu
gefna upp í þessu máli, því það
mundi gera allt okkar starf mun
auðveldara,“ sagði Guðmundur.
Hann segir hafa verið reiknað
út að bygging á nýju húsi myndi
kosta um 300 milljónir króna en
um 125 milljónir að gera núver-
andi húsnæði Háskólans hentugt
fyrir starfsemi Tónlistarskólans.
Jafnframt sagði Guðmundur brýnt
að fá sal í bæinn sem hentar fyrir
tónlistarflutning.
Guðmundur Óli Gunnarsson, skólastjóri, að æfa eina af strengjasveitum
skólans. I þessari eru yngstu nemendurnir. Mynd: BG
Uppbyggingarstarfi verði
fyigt eftir
Varðandi framtíðina vildi Guð-
mundur leggja áherslu á að gegn-
um tíðina hafi verið staðið að
Tónlistarskólanum á Akureyri
með myndarbrag og stofnun hans
fyrir 50 árum hafi borið vitni um
mikinn stórhug. Það hvemig skól-
inn hafi síðan vaxið sýni þörl'ina
sem er fyrir starfsemi hans og
hann sé óvíræður máttarstólpi í
tónlistarlífi á svæðinu. „Ég vona
að allri þessari uppbyggingarstarf-
semi verði fylgt vel eftir í framtíð-
inni, að skólinn vaxi bæði að innra
atgerfi og að vöxtum og nái að
fylgjast með þeim breytingum
sem verða,“ sagði Guðmundur Óli
Gunnarsson.
Jóhann Sigurjónsson, formaður skólanefndar Tónlistarskólans:
Aukin tengsl við grunnskólana
Skólanefnd Tónlistarskóla Akur-
eyrar er ein af fastanefndum Ak-
ureyrarbæjar, en rekstur skólans er
alfarið í höndum bæjarins. For-
maður nefndarinnar er Jóhann
Sigurjónsson, menntaskólakenn-
ari. Nefndin tekur ákvarðanir um
allar helstu línur í rekstrinum en
daglegur rekstur er í höndum
rekstrarstjóra og skólastjóra, segir
Jóhann. Nefndin er hins vegar
nokkurs konar tengiliður við hina
pólitískt kjömu fulltrúa sem út-
deila tjámiagninu.
Ekki eru bein tengsl milli
skólanefndar grunnskóla og skóla-
nefndar Tónlistarskólans, enda
ríkið að hluta með grunnskólana á
sínum herðum en Jóhann segist
sjá það fyrir sér að tengsl grunn-
skólana og Tónlistarskólans geti
aukist. „Það hefur verið nokkuð
samstarf með þessum nefndum,
sérstaklega í seinni tíð, vegna þess
tilraunastarfs sem verið hefur í
gangi síðan sl. haust í samvinnu
við grunnskólana. Þetta tilrauna-
starf hefur tekist vel og ég geri ráð
fyrir að eftir að grunnskólamir
flytjast alfarið yfir til sveitarfélag-
anna aukist samstarf þessara
tveggja nefnda og jafnvel spurn-
ing hvort þetta eigi ekki að vera
ein nefnd. Sérstaklega ef það fer
eins og við erum að vinna mikið
að núna að færa forskólakennsl-
una út í grunnskólana og blanda
saman tónlistarkennslu og tón-
menntakennslu,“ sagði Jóhann.
Hann bætti við að tónmennta-
kennslan, sem í raun er skyldu-
grein, hafi verið vanrækt og þetta
gæti breytt því.
Ekki eru nemendur Tónlistar-
skólans þó allir á grunnskólaaldri
þó sá hópur sé fjölmennastur.
Nemendur eru á öllurn aldri og
stunda nám á ýmsum stigum.
Margir tugir stunda tónlistamám á
framhaldsskólastigi og að meðal-
tali 10 nemendur á ári sem eru í
námi á háskólastigi. Eftir því er
holt að muna þegar rætt er um
listaháskóla, sagði Jóhann. Þá hef-
ur samstarf við Menntaskólann á
Akureyri einnig verið mikið og er
þar rekin tónlistarbraut sem út-
skrifar stúdenta á hverju ári. HA