Dagblaðið Vísir - DV - 01.11.1994, Blaðsíða 3
MIÐVIKUDAGUR 2. NÓVEMBER 1994
3
Fréttir
Séra Þórir Stephensen og Líkkistuvinnustofa Eyvindar Ámasonar:
Þórir jarðsyngur ekki
með Davíð Osvaldssyni
/
- i
eitt skipti fundu ættingjar annan prest en aðrir höfnuðu Davíð
„Þetta er alveg rétt. En mér þyk-
ir þetta mjög leiðinlegt. Davíð hefur
að mínum dómi verið með ósönn
ummæli á hendur biskupi í við-
tölum í blöðum með leiðinda hug-
arfari. Jarðarfarir eru ákaflega
viðkvæmar athafnir og ég legg
áherslu á frið við þær.
Ég hef þvi óskaö eftir að Davíð
sættist við biskup og þá yrðu allir
vegir opnir á milli okkar. Ég á erf-
itt með að vinna með mönnum sem
eru með reiði í huga. Þetta er eina
ástæðan fyrir því að ég tók ákvörð-
un um að jarðsyngja ekki þar sem
Davíð Ósaldsson er útfararstjóri,"
sagði séra Þórir Stephensen við DV
í gær.
Að minnsta kosti þrjú tilvik hafa
komið upp þar sem séra Þórir neit-
aði ættingjum látinna að jarð-
syngja við útfarir þeirra ef Davíð
Ósvaldsson hjá Líkkistuvinnustofu
Eyvindar Ámasonar yrði útfarar-
stjóri. í eitt skiptanna ákváðu ætt-
ingjamir að fá annan prest og
halda Davíð en í tvö skipti var ann-
ar útfararstjóri fenginn en Þórir
var fenginn til að jarðsyngja.
„Áður eft ég tók þessa ákvörðun
fór ég margar ferðir til Davíðs. Ég
fékk góðan vin Davíðs með mér til
að reyna aö hafa áhrif á hann til
að breyta yfir á veg kærleikans.
Biskup er tilbúinn til sátta en því
miður hefur Davíð ekki viljað fara
þá leið.
Mér þykir mjög vænt um Davíð
og það var erfitt að taka þessa
ákvörðun. Hins vegar skiptir þetta
mjög litlu máli. Ég er nánast hætt-
ur að jarðsyngja. Ætli það hafi ekki
verið 7-8 slík tilvik í ár. En ég vil
hafa alla hluti á hreinu og hef unn-
ið af kærleika og góðum hug. Ég
sagði Davíð að þetta hlyti að kosta
þetta. Ég er ekki að reyna að eyði-
leggja hans starfsemi á neinn hátt.
Ég hef verið í góðu vinfengi við
Davíð. Lengi vel framkvæmdi hann
meirihluta af jarðarförum sem ég
var beðinn um að annast. En þegar
hann fór að verða dýrari en aðrir
og lýsti óánægju með að kirkju-
garðar greiddu niður útfarir var
hann beinlínis að segja að það kost-
aði að jarða hjá honum - þá fækk-
aði jarðarförum hjá honum. En nú
er það liöin tíð,“ sagði Þórir.
Varðandi beiðni um fyrirgefn-
ingu Davíðs gagnvart biskupi sagði
séra Þórir að þar heföi verið um
að ræða „leiðinda áburð á hendur
biskupi vegna Kirkjugarða Reykja-
vikur“ í tímariti á sínum tíma.
Davíð Ósvaldsson vildi ekki tjá
sig um þetta mál.
Afkoma ríkissjóðs:
Rekstrarhallinn
11,5 milljarðar
Á fundi ríkisstjórnarinnar í gær
gerði Friðrik Sophusson íjármála-
ráðherra grein fyrir aíkomu ríkis-
sjóðs fyrstu niu mánuði ársins. Tekj-
ur ríkissjóðs á tímabilinu urðu 77
milljarðar en útgjöldin 88,5 milljarð-
ar. Rektrarhallinn nam því 11,5 millj-
örðum króna en var 11,6 milljarðar
á sama tíma í fyrra. í gildandi fjárlög-
um er gert ráð fyrir að rekstrarhalli
ársins verði 9,6 núlljarðar.
í greinargerð Friðriks kemur fram
að tekjurnar fyrstu 9 mánuðina urðu
2,9 milljörðum meiri en en áætlað
haföi veriö. Á móti kemur að útjöldin
urðu 500 milljónum króna meiri en
en áætlanir gerðu ráð fyrir.
Á þessu 9 mánaða tímabili nam
hrein lánsfjárþörf ríkissjóðs 18,2
milljörðum króna og heildarláns-
þörfin 33,3 milljörðum. Lánveiting-
arnar eru 4,7 milljörðum hærri en á
sama tíma í fyrra. Fram kemur í
greinargerðinni að veitt lán til Hús-
næðisstofnunar ríkisins eru 3 millj-
örðum umfram áætlanir en á móti
vegur betri innheimta á viðskipta-
reikningum. Að teknu tilliti til þessa
eru lánveitingarnar 1,9 milljörðum
hærri en áætlað var.
Borgarráö ræöir verktakaval:
Atelur Kópavog fyrir
brot á samkomulagi
Borgarráð Reykjavíkur hefur átal-
ið harðlega val bæjaryfirvalda í
Kópavogi á verktökum til þátttöku í
lokuðu útboði á byggingu fimmta
áfanga Hjallaskóla í Kópavogi. í
ályktun borgarráðs segir að aðferðin
sé skýlaust brot á samkomulagi for-
svarsmanna sveitarfélaganna í fyrra
þar sem samþykkt var að höfuðborg-
arsvæðið væri sameiginlegur vinnu-
markaður og að heimihsfesta fyrir-
tækja réði ekki vali á verktökum.
„Við höfum fengið kvartanir um
að Kópavogsbúar séu látnir sitja fyr-
ir í útboðum í Kópavogi. Við munum
kynna bæjaryfirvöldum í Kópavogi
afstöðu okkar og væntanlega taka
þetta mál upp á næsta bæjarstjóra-
fundi,“ segir Ingibjörg Sólrún Gísla-
dóttir borgarstjóri.
„Ég veit ekki til þess að við séum
að brjóta neitt samkomulag. Við höf-
um bara tekið upp aðferðir Reykja-
víkurborgar í útboðsmálum því að
byggingaverktakar í Kópavogi eru
mjög óhressir með að fá ekki að taka
þátt í lokuðum útboðum í Reykja-
vík,“ segir Gunnar I. Birgisson, form-
aður bæjarráðs Kópavogs.
Um er að ræða lokað útboð á 80
milljóna króna byggingu fimmta
áfanga Hjallaskóla og voru sex verk-
takafyrirtæki með heimilisfestu í
Kópavogi vahn til þátttöku.
Samþykkt borgarraös:
Vill aukna löggæslu
Borgarráð hefur samþykkt að
beina eindregnum tilmælum til
dómsmálaráðherra að efla löggæslu
í Reykjavik, auka forvarnastarf á
vegum lögreglunnar og hraða með-
ferð afbrotamála á rannsóknar- og
dómstigi og lýsir sig reiðubúið til
samstarfs við embætti og stofnanir
ríkisins. Borgaryfirvöld eru fús til
samstarfs um lóða- og húsnæðismál
lögreglunnar ef þannig mætti vinna
aö frekari uppbyggingu hverfalög-
reglu í borginni. Þá hvetur borgarráð
til þess að unnið verði markvisst aö
því að draga úr ofbeldi í íslenskum
myndmiðlum.
„Sífeht berast fréttir um aukin inn-
brot í borginni og fleiri ofbeldisglæpi
og jafnframt um að afbrotamenn séu
settir jafnóðum út á götima aftur.
Mjög góð reynsla hefur fengist af
hverfalögreglu í Breiðholti og Graf-
arvogi og við vhjum að dómsmála-
ráðuneytiö hugi meira að þeim mál-
um. Þetta er okkar útsph til dóms-
málaráöuneytisins. Samstarfsnefnd
lögreglu og dómsmálayfirvalda getur
svo haldið þessari umræðu áfram,“
segir Ingibjörg Sólrún Gísladóttir
borgarstjóri.
að ef við sofum 8 tíma að meðaltali á sólarhring þá þýðir
það ca. 3000 tíma ári sem líkami okkar er í tengslum
við dýnuna og því segir það sig sjálft að það er dýnan
sem er mikilvægasta húsgagnið á heimilinu. Þú skalt
því gera þá kröfu að dýnan þín veiti þér þá bestu hvíld
og stuðning sem líkaminn þinn þarfnast til gera þér lífið
auðveldara og skemmtilegra.
Hér í Húsgagnahöllinni leysum við málin með því að eigá
dýnuúrval og allt annað sem tilheyrir til að skapa fallegt
og þægilegt svefnherbergi. Sænsku fjaðradýnurnar frá
Scandisleep og Scapa eru alltaf jafn vinsælar vegna þess
hvað þær gefa mikla möguleika. Við hjóðum upp á margar
gerðir og stærðir og það skiptir t.d. ekki máli hvort hjón taka
mismunandi dýnur því það er hægt að festa þær saman.
Svona einfalt er það:
1) Fyrst er að velja þá dýnu sem hentar
hverjum og einum og er þá helst
miðað út frá Iíkamsþyngd.
2) Yfirdýnan er höfð til þæginda
og hreinlætis og fylgir að
sjálfsögðu öllum fjaðradýnunum.
3) Mikið úrval er til af fallegum
höfðagöflum sem passa við £%
dýnurnar í mismunandi ”
stærðum. Eins passa
dýnumar í flest öll rúm.
4) Að síðustu er hægt að velja
undir dýnuna, lappir, sökkul
eða meiða eins og myndin sýnir
og fer verðið eftir hvað valið er.
J
Ef þú ert einn af þeim sem vaknar þreytt(ur) á morgnana
þá er kominn tími til að líta til okkar og breyta um lífstíl.
Við tökum vel á móti þér og leiðbeinum eftir bestu getu.
Góður nætursvefn tryggir góðan dag
Húsgagnahöllin
BÍLDSHÖFÐA 20 -112 REYKJAVÍK - SÍMI 91-871199