Dagblaðið Vísir - DV - 18.08.1995, Blaðsíða 10

10
FÖSTUDAGUR 18. ÁGÚST 1995
Fréttir
Félag íslenskra stórkaupmanna gert að greiða VSI um 6 milljónir:
Eins og sársaukaf ull
slit á hjónabandi
„Þetta er svona eins og þegar
hjónabandi lýkur með dálítið sárs-
aukafullum hætti að því er fjárhags-
legu hliðina varðar. Aðildarfélög
Vinnuveitendasambandsins inn-
heimta árgjöld til sambandsins og
standa skil á þeim í árslok. Félag ís-
lenskra stórkaupmanna sagði sig úr
VSÍ á síðasta ári, í annað skipti á
stuttum tíma, og sú úrsögn öölaðist
gildijí árslok. í staöinn fyrir að standa
skil á árgjöldum sem þeir höfðu inn-
heimt fyrir síðasta ár, eins og reglur
stóðu til, þá kusu þeir að hafna því
öllu. Skýringar þeirra voru þær að
þeir heföu greitt svo mikið í vinnu-
deilusjóð VSÍ að það væri inneign
sem væri meiri en sem þessum
greiðslum svaraði. Þeir kröfðust
skuldajafnaðar á móti þessu og við
áttum engan annan kost en að láta
innheimta skuldina. Þeir vörðust en
fallist var á kröfur okkar í Héraðs-
dómi Reykjavíkur," sagði Þórarinn
V. Þórarinsson, framkvæmdastjóri
Vinnuveitendasambands íslands,
um deilur VSÍ qg FÍS um rúmar fimm
milljónir króna. Héraðsdómur
Reykjavíkur hefur dæmt FÍS til að
greiða VSÍ milljónirnar fimm og tæp
700 þúsund í málskostnað.
Þórarinn sagði aö þetta ætti sér
hliðstæðu í því þegar félögin hefðu
farið úr BSRB en þau hefðu vita-
skuld ekki farið með sjóðina með sér.
„Skuldin hefur ekki verið greidd
og ég er feginn hverjum degi sem
greiðslan dregst. Vegna dráttarvaxt-
anna fæ ég ekki betri ávöxtun af
þessu annars staðar," sagði Þórar-
inn. Ekki hefur verið tekin ákvörðun
hjá FÍS um hvort málinu verður
áfrýjað.
-sv
Rebekka Jakobsdóttir, starfsstúlkur
í Lindinni. DV-mynd Kristján
Gamalt hús í
nýju hlutverki
Deilur um
bflastæði við
Keflavikur-
kirkju
Ægir Már Kárason, DV, Suðumesjum:
„Það er allt í einu orðið meira virði
að bílar hafi forgang en ekki fólkið.
Það hefur aldrei gerst að fólk hafl
þurft frá að hverfa vegna þess að
ekki hafi verið næg bílastæði. Það
hefur frekar veriö að fólk hafi ekki
komist inn í kirkjuna þar sem hún
er orðin of lítil,“ sagði Birgir Guðna-
son, varaformaður sóknarnefndar
Keflavíkurkirkju og formaður undir-
búningsnefndar að byggingu safnað-
arheimilis á lóð kirkjunnar, við DV.
Miklar deilur hafa verið vegna fyr-
irhugaðs safnaðarheimilis á lóð
Keflavíkurkirkju. Aðalsafnaðar-
fundur hefur samþykkt bygginguna
en bæjarstjórn Reykjanesbæjar á eft-
ir að gefa samþykki sitt. íbúar í ná-
grenni kirkjunnar hafa barist fyrir
því að safnaöarheimiliö verði ekki
byggt á kirkjulóðinni. Þeir telja að
umferðin muni aukast og eignir
þeirra lækka í verði af þeim sökum.
Áður en bæjarstjórn tekur ákvörð-
un óskaði hún eftir umsögn skipu-
lags- og tækninefndar Reykjanesbæj-
ar sem hefur sent bæjarstjórn og
sóknarnefnd bréf um málið. Að sögn
Birgis eru einu athugasemdir sem
nefndarmenn gera að ekki séu næg
bílastæði við kirkjuna. Þeir telja aö
eitt bílastæði verði að vera fyrir
hverja sex kirkjugesti Fundur allra
aðila verður á næstunni og fjallað
um bílastæðamáhð.
„Það er ekki í neinu sveitarfélagi
eins auðvelt að fullnægja þessum
kröfum. Við eigum yfirdrifið nægt
pláss til fyrir bílastæði við kirkj-
una,“ sagði Birgir.
Heimasætan á Ytra-Ósi, hún Anna Guömunda Ingvarsdóttir, að gefa foldaldinu pelann sinn og Trippa stendur hjá
og fylgist með. DV-mynd Guðfinnur
Kristján Emarsson, DV, Selfossi:
Það þekkja margir gamla Hús-
mæðraskólann á Laugarvatni, Húsó
eins og húsið er kallað í daglegu tali.
Mörg hundruð húsmæður víða um
landið eiga góðar minningar frá veru
sinni í þessu húsi. Þeim hlýnar sjálf-
sagt um hjartaræturnar þegar þær
frétta að nú er rekinn skemmtilegur
veitingastaður í húsinu.
Lindin heitir staðurinn, bjart yfir
og blómailmur. Snyrtimennska í há-
vegum höíð. Útsýni yfir Laugarvatn
og þægileg tónlist hljómar um sali.
Fréttaritari DV átti leið um Laugar-
vatn á dögunum í fréttaöflun og rakst
þá þarna inn fyrir tilviljun. Staður-
inn kom verulega á óvart. í gamla
Húsó er góður andi og veitingar vel
útilátnar.
Næringar-
skortur og
gripiðtil
pelans
Guðfiimur Finnbogason, DV, Hólinavík:
Ekki er það algengt að hryssur séu
ekki einfærar um að sjá afkvæmum
sínum fyrir næringu jafnvel þótt
fæðingartíminn hafi verið afbrigði-
legur svo sem um miðjan vetur.
En þegar rauðskjótta hryssan hún
Trippa kastaði sínu fyrsta folaldi
seint í júlí, á meðan heimilisfólk allt
á Ytra-Ósi dvaldi á fjölskylduhátíð á
Raufarhöfn, tóku aðgætnir gæslu-
menn búsins eftir því að ekki var
allt með felldu þegar hið nýfædda
folald sást líða fyrir næringarskort.
Þá var ekki annað að gera en grípa
til pelans og koma þannig lífdrykkn-
um í æðar þess. Svo hefur veriö síð-
an.
Listakonan Kjuregej Alexandra Arg-
unova var ein af sjúklingunum á
kvöldvökunni.
DV-mynd Sigrún Lovísa
Gamlir nemendur 1 Hlíðardalsskóla:
Fá krabbameinssjúklinga
í heimsókn til vikudvalar
Sigrún Lovísa, DV, Hveragerði:
„Þaði var samheldinn hópur sem
sat hér á skólabekk í Hlíðardalsskóla
veturinn 1958-1959. Þetta var kristi-
legur skóli rekinn af aðventistum.
Þama steig Garðar Cortes sín fyrstu
spor sem óperusöngvari á sviöi og
viö vorum glöð og ánægð,“ sagði
Kolbrún Karlsdóttir, ein úr árgang-
inum, þegar fréttaritari DV var á
kvöldvöku í Hlíðardalsskóla um
helgina.
Það var svo 33 árum síðar að skóla-
félagarnir komu saman heima hjá
Kolbrúnu, aUs 42, og stofnað var fé-
lagið Bergmál. Fljótt var farið að
vinna með öldruðum og einmana
fólk heimsótt. Einnig farið með það
í dagsferðir. Með Kolbrúnu í stjórn
Bergmáls voru Ólafur Ólafsson og
Karl Vignir Þorsteinsson. Ólafur
veiktist af krabbameini og lést. Þá
var ákveðið að gera eitthvað fyrir
krabbameinssjúklinga.
Bergmál hefur nú fengið Hliðar-
dalsskóla lánaðan. Þangað koma
krabbameinssjúklingar, sem hafa
fótavist, í heimsókn og dvelja hjá fé-
lagsmönnum í eina viku hver sér til
ánægju, gleði og hressingar sér aö
kostnaðarlausu. Reynt er að gera
þeim dvölina sem þægilegasta. Ýmsir
góðir gestir hafa komið í heimsókn
og skemmt þeim, Garðar Cortes
ásamt tveimur bömum sínum, Árni
Johnsen og félagar úr Karlakór
Reykjavíkur. Fólk er mjög velviljað
þessari starfsemi Bergmáls og fyrir-
tæki hafa stutt hana.
„Þetta er aðeins byrjunin á stærra
verkefni. Það eru ekki aðeins
krabbameinssjúklingar sem þurfa
tilbreytingu og má þar nefna MS-
sjúklinga, sykursjúka og hjartasjúkl-
inga og fleiri. Áð þeim munum við
einnig snúa okkur,“ sagði Kolbrún
Karlsdóttir.