Þjóðviljinn - 16.11.1975, Blaðsíða 10

10 StÐA — ÞJÓÐVILJINN Sunnudagur 16. nóvember 1975.
OF SEINT BRUGÐIST VIÐ
VANDANUM
Kennsla vangefinna og
fatlaðra barna hefur löng-
um verið mikil hornreka í
islensku þjóðfélagi. i 14 ár
mátti eini skólinn fyrir
slikt fólk hírast í algerlega
ófullnægjandi húsnæði við
Sigtún í Reykjavík/ þe.
Höfðaskólinn. Nú er að
rætast úr þessu# skólinn er
fluttur i nýtt húsnæði i
sunnanverðri öskjuhlið
gegnt kirkjugarðinum og
hófst kennsla þar um miðj-
an október.
Skólastjóri öskjuhlíðar-
skólans er Magnús
Magnússon. Þjóðviljinn
sótti hann heim fyrir
skömmu og átti við hann
eftirfarandi viðtal um
Öskjuhliðarskólinn.
starfsemi skólans og ann-
að sem henni viðkemur.
— Þá eruð þið loksins flutt.
— Já.reyndar var nú ætlunin aö
byrja hér 1. september, en vegna
seinkunar á byggingafram-
kvæmdum sem segja má að sé si-
gild hófst kennsla ekki fyrr en
hálfum öðrum mánuði síðar. Hús-
ið er ekki tilbúið enn, hér eru
iðnaðarmenn að störfum og verða
vart búnir fyr en um áramót. Það
er búið að malbika skólalóðina en
eftir að girða hana. Girðingin er i
smiðum,en meðanhún er ókomin
setjum við foreldrum það i sjálfs-
vald hvort þau senda börnin sin
hingáð. Samkvæmt áætlun átti að
vera búið að loka Hafnarfjarðar-
veginum fyrir neðan kirkjugarð-
inn en það er enn ógert og feikna-
mikil umferð um hann.
Aðstaða til sér-
fræðiþjónustu
— Eru það ekki mikil viðbrigði
að vera komin i þetta nýja hús
eftir öll þrengslin og aðstöðuleys-
ið i Höföaskóla?
— Jú.þviverðurekki neitaö. Að
visu er þetta þó aðeins þriðjungur
þess sem á aö veröa, þe. aðeins
einn áfangi af þremur hefur verið
byggður. Fullbyggður á skólinn
aö rúma 200 manns, það er talið
fullnægjandi fyrir allt landið. En i
þessum þriðjungi erum við með
115 nemendur svo þrengslin eru
ekki úr sögunni. Ég varð td. þvi
miður að segja nei við foreldra
sem vildu koma barni sinu að hér
núna fyrir skömmu.
En vissulega hefur aðstaöan
stórbatnað og margir möguleikar
opnast sem ekki voru fyrir hendi
áður. Hér getum við haft ýmsa
Öskjuhlíöarskóli
sóttur heim og rætt
viö skólastjórann
Magnús Magnússon
sérþjónustu og læknisþjónustu en
i fyrra fengum við ekki einu sinni
skylduskoðun á börnunum. Núna
höfum við hjúkrunarkonu hálfan
annan dag i viku, lækni sem sér
um skólaskoðun, geðlækni, sér-
fræðing i barnalækningum, orku-
lækni, sjúkraþjálfara. Þetta fólk
er þó ekki hér allan daginn heldur
gegnir hér hlutastarfi. Hins vegar
hefur okkur ekki tekist að fá hing-
að sálfræðing eða félagsráðgjafa.
Við höfum auglýst eftir þeim, en
enginn svaraöi. Það stafar etv. af
þvi að hér er um sérhæfö störf að
ræða. En það er brýn þörf á að fá
sálfræðing til að sinna einstökum
tilfellum sem upp koma. Kennar-
ar hafa hvorki tima né menntun
til að sinna þeim. Sömu sögu er að
segja um félagsráðgjafa, hann
þyrfti að vera hér sem tengiliður
heimilis og skóla og ekki sist til að
aðstoða nemendur sem fara
burtu við að koma sér fyrir.
Skólamáltíðir
teknar upp
Nú, svo höfum viö fengið ýmiss
konar húsnæði sem við höfðum
ekki áður. Það er verið aö ljúka
við leikfimisal sem að visu er þó i
bráðabirgðahúsnæði, i framtfð-
inni Verður hann handavinnu-
stofa. Skólaeldhús er einnig á
lokastigi og verður það hið fyrsta
i sögu sérkennslu hér á landi. Viö
höfum fengið hússtjórnarkennara
frá Húsmæðraskóla Reykjavikur
til að kenna börnunum matseld,
þvotta, ýmsa smáþjónustu við föt
oþh. 1 þessu eru hópar úr elstu
deildunum, af báðum kynjum að
sjálfsögðu, og nýtur þetta mikilla
vinsælda.
Við höfum einnig komið á föst-
um máltiöum einu sinni á dag.
Enn sem komið er getum við ekki
boðið upp á annað en- samlokur og
mjólk en þegar eldhúsið er komið
i gagnið verður reiddur fram
heitur réttur og súpa. Foreldrar
barnanna greiða hráefnið en hið
opinbera annan kostnað. Þetta
ætti þvi ekki að verða dýrara en
að borða heima. Slikar máltiðir
eru mjög nauðsynlegar þvi solt-
inn maður lærir ekki.
A öðrum nýjungum má nefna
aðstöðu fyrir leirgerð og mynd-
listarkennslu, við fáum sennilega
brennsluofn þegar fram liða
stundir. Fram til þessa hefur litil
aðstaða verið til söngkennslu en
nú höfum við fengið söngstofu
sem reyndar er einnig notuð sem
almenn kennslustofa. Þá hefur
skólinn fengið yfirkennar'a i
fyrsta sinn. Þvi starfi gegnir
Jóhanna Kristjánsdóttir sem hef-
ur kennt við skólann i mörg ár.
Loks má geta þess ab nú hefur
skólastjóri fengið persónulegt
afdrep i fyrsta sinn.
— Hve margir kenna við skól-
ann núna?
— Það eru alls 29 manns sem
afskipti hafa af kennslunni. Þar
af eru nokkrar fóstrur og sumir
eru ekki i fullu starfi. Við skiptum
börnunum niður i deildir og höf-
um tvær deildir i hverri stofu til
að koma við einsetningu. Tveir
kennarar sjá um hverja deild en
einnig getum við tekið hluta hóps-
ins i sérstök hópherbergi sem
fylgja hverri stofu. Við eigum
einnig betra með að koma stuðn-
ingskennslu við og getum tekið
1—3 nemendur út úr hópnum til
sérkennslu. Þá höfum við fengið
talkennara i fyrsta sinn en hann
gegnir 2/3 úr starfi. Það er mikil
breyting og góö þvi nemendur
okkar eru oft málhaltir sem staf-
ar af talfæragalla, heilagalla,
orðfæð, hugtakafæð og fleiru.
Nú getum við frekar lagað það
Minning um liðna tið: teikning þriggja nemenda af Hö.fðaskólanum
gamla. Iðnaöarmenn að vinnu við leikfimisalinn.