Þjóðviljinn - 02.02.1977, Síða 3

Miðvikudagur 2. febrúar 1977. þjöÐVILJINN — StÐA — 3
Erlendar
fréttir í
stuttumáli
Corvalan:
6000 pólitískir fangar í Chile
AUSTUR-BERLIN 31/1 Reuter — Luis Corvalan, leiðtogi
Kommúnistaflokks Chile, sem látinn var laus i desember i skipt-
um fyrir sovéska andófsmanninn Vladimlr Búkovski, sagði i dag
að enn væru margar þúsundir pólitiskra fanga I Chile og kvað þá
fullyrðingu chilisku herforingjastjórnarinnar að allir pólitiskir
fangar þarlendis hafi veriö látnir lausir að einum undanteknum,
blygðunarlaus ósannindi. Telur Corvalan að um 6000 pólitiskir
fangar séu enn I Chile, bæði I fangelsum og leynilegum fanga-
búðum, og að 2500 þeirra séu i klóm leynilögreglu einræðis-
stjórnarinnar.
Corvalan sagði að telja mætti að visu liklegt að margir þeirra,
semvitað væri að hnepptir hefðu verið i fangelsi, væru nú látnir,
en það væri alþjóðleg skylda aö gera allt, sem hægt væri, til aö
bjarga lifum þeirra fanga, sem enn væru llfs, og fá þá látna
lausa. — Chiliska herforingjastjórnin heldur þvi nú fram að hún
hafi I fangelsi aðeins einn pólitiskan fanga, Jorge Montes, fyrr-
um öldungadeildarþingmann. Segist herforingjastjórnin vilja
láta hann lausan I skiptum fyrir Huber Matos, kúbanskan major,
sem 1959 var ákærður fyrir föðurlandssvik þar i landi og dæmdur
til 20 ára fangelsisvistar.
Aukin áhrif Dolancs
BEOGRAD 31/1 Reuter — Stane Dolanc, sem sagður er nánasti
samstarfsmaður Titos rikisleiðtoga meöal ráðamanna
Kommúnistasambands Júgóslavlu, var i dag kosinn forseti
nefndar, sem hefur með höndum undirbúninginn að ellefta þingí
Kommúnistasambandsins, sem halda á innan 18 mánaða.
Fréttaskýrendur telja þetta merki þess að staða Dolancs I
flokksforustunni styrkist enn. Hann er ritari framkvæmda-
nefndar flokksstjórnarinnar.
Haft er eftir Dolanc að óliklegt sé að þingið muni I nokkrum
verulegum atriðum breyta stefnuskrá flokksins, heldur ræða
ráðstafanir til að efla enn frekar núverandi kerfi i þjóðarbúskap
Júgóslaviu, sem byggistá viötækri sjálfstjórn fyrirtækja og yfir-
ráðum starfsmanna hvers fyrirtækis yfir þvi. Einnig muni
Júgóslavia áfram forðast aö ánetjast herbandalögum stórvelda.
Gífurleg árekstrahœtta yfir
Vestur-Þýskalandi
FRANKFURT, Vestur-Þýskalandi 1/2 Reuter — Minnstu mun-
aði að kanadísk risaþota með 230 farþega og bandarisk herflug-
vél rækjust á nálægt Frankfurt á föstudaginn, að sögn
vesturþýsks embættismanns. Hefur verið mælst til nákvæmrar
skýrslu af bandariska flughernum um málið. Talsmaðurinn
bætti þvi við að þetta atvik væri siður en svo einsdæmi, heldur
hefði um það bil fimmtiu sinnum legið við árekstrum I lofti yfir
Vestur-Þýskalandi siðastliðið ár, og heföu herflugvélar komið
við sögu I öll þau skipti. Flugumferð yfir landinu er mjög mikil.
Þotan var á leið frá Frankfurt til Montreal og að hækka sig upp
i reglubundna flughæð þegar hin flugvélin, sem var orrustuflug-
vél, flaug þvert fyrir nef hennar I aðeins um 190 metra fjarlægð.
Þetta gerðist i um 7000 metra hæð, en samkvæmt reglum er ætl-
ast til að herflugvélar farihelst ekki hærra en 3500 metra.
Gestir Amins fundnir
KATRÚM 2/2 Reuter — Ogandisk flugvél, sem saknað hefur ver-
ið i tvo sólarhringa eftir aðhún hafði oröið að nauölenda, fannst i
dag i Súdan sunnanverðu, og voru allir farþegar heilir á húfi, að
sögn embættismannanna i höfuðborg Súdans. 1 flugvélinni foru
meðal annarra sextán bretar á leið i heimsókn til Idi Amins
Ugandaforseta. Hefur að sögn verið farið með farþegana til
Juba, höfuðborgar Miðbuagsfylkis syðst i Súdan.
Bretunum 16 hafði verið boðið til Kampala, höfuðborgar
Oganda, I tilefni hátiðahalda þar I minningu valdatöku Amins
fyrir sex árum. 1 hópnum var Judit greifynja af Listowel,
rúmlega sjötug að aldri, en hún hefur ritað ævisögu Amins. —
Fyrst var haldið að flugvélin hefði orðið að lenda á svæði I
Úganda, þar sem mikið er um ljón og fila.
Möltustjórn býr sig undir
lokun herstöðva
VALLETTA, Möltu 31/1 Reuter — Rikisstiórn Möltu hefur i
undirbúningi ráðstafanir til aukningar þjóðartekjunum til að
mæta þeim tekjumissi, sem landiö verður fyrir þegar hið breska
„varnarlið” hverfur þaðan 1979, að þvi er Joseph Abela, fjár-
málaráðherra Möltu, skýrði frá i dag. Stjórn Doms Mintoff hefur
lýst þvi yfir að hún muni forðast tengsl við hernaðarbandalög
stórveldaeftiraðbreskubækistöðvunum.semeru á vegum Nató
verður lokað. Flokkur Mintoffs, Verkamannaflokkurinn, sem
htfur farið með stjórn á Möltu siðan 1971, vann aðrar þingkosn-
ingarnar i röð i desember s.l.
Spánn:
yinstrimanna
handtekinn
Konungur reynir að mýkja herinn
MADRID 1/2 — Haft er eftir
heimildum i Madrid að Adolfo
Suarez forsætisráðherra hyggist
taka upp á ný i vikunni við full-
trúa' stjórnarandstöðuflokka
viðræður um þingkosningar þær,
sem eiga að fara fram á Spáni i
vor, þrátt fyrir ógnaröldu þá, sem
nú gengur yfir landið. Lögreglan
hefur að eigin sögn handtekið um
250 manns i sambandi við ógnar-
ölduna, og eru þeir flestir úr rót-
tækum samtökum sem talin eru
til vinstri við Kommúnistaflokk
Spánar. Ekkert hefur um það
frést frá lögreglunni hverjir
standi áð baki ógnaröldinni, en
það eflir grunsemdir viðvikjandi
lögreglunni að það skuli einkum
vera vinstrimenn sem handteknir
eru.
Ýmis vinstrisamtök hafa sakað
stjórnina um að hafa þegar á ný
tekið upp kúgunaraðferðir
Francostjórnarinnar, og er óttast
að handtökurnar geti spillt sam-
bandi stjórnar og stjórnarand-
stöðu, sem undanfarið hafa sýnt
verulega samstöu gagnvart
hinu uggvænlega ástandi. —
Nokkrir öfgasinnaöir hægri-
menn hafa að visu einnig
verið handteknir, þeirra á meðal
þrir Italir. —Sumir frétta-
skýrendur telja að með fjölda-
handtökunum sé verið að róa
hershöfðingjanna, sem sagðir
eru gramir út af drápi þriggja
lögreglumanna fyrir fáeinum
dögum og brottnámi háttsetts
hershöfðingja. Við jarðarför
lögreglumannanna þriggja um
helgina heyrðust menn úr hern-
um hrópa: „Niður með stjórn-
ina!” og hvetja til að snúið yrði til
alræðis á ný. Jóhann Karl kon-
ungur heimsótti i gær herflokka
staðsetta skammt frá Madrid, og
er litið á það sem tilraun konungs
til að tryggja hollustu herforingja
við stjórnina. Fjórir vinstri-
leiðtogar og borgarstjórar I
Baskalandi fengu i dag moröhót-
anir frá öfgafullum hægrimönn-
um.
Efnahagsleg vandræði bætast
ofan á annan vanda spænsku
stjórnarinnar: þannig var
verbólgan i landinu siðastliöið ár
20%, og hálf miljón manna, eða
6% vinnuaflsins, er atvinnulaus. I
spænskum blöðum er nú talað um
hættu á þvi að i landinu skapist
„argentinskt ástand”, þar sem
efnahagsvandræði, hryðjuverk og
stjórnmáladeilur endi meö valda-
ráni hersins. Nýr yfirmaður var i
dag skipaður yfir leyniþjónustu
hersins, og mun sú útnefning
hugsuð til að styrkja aðstöðu
stjórnarinnar gagnvart þeirri
stofnun.
Útkoma danskra aft-
urhaldsblaða stöðvuð
Jörgensen kennir útgefendum um
— borgaralegir prenturum
KAUPMANNAHÖFN 31/1 Reuter
— Tvöaf útbreiddustu dagblöðum
Danmerkur, Berlingske Tidende
og B.T., semsamaútgáfufyrirtæki
stendur að, komu ekki út I dag
vegna deilu eigenda og starfs-
manna. Otgáfufyrirtækið sagði i
gærkvöldi upp um 1000 starfs-
mönnum og segir þar vera um
hagræðingarráðstafanir að ræða,
en prentarar mótmæla þessari
atvinnusviptingu og einnig þvi, að
fyrirtækjum utan blaðanna séu
fengin verkefni, sem prentarar
hafa til þessa annast.
Blöð þessi bæði eru hægrisinn-
uð, og saka forustumenn
borgaraflokkanna vinstrisinnaða
prentara um tilraunir til aö
hindra útkomu ihaldsblaða I
kosningabaráttunni, en kosningar
hafa sem kunnugt er verið
ákveðnar i Danmörku 15. febrú-
ar. Anker Jörgensen, leiðtogi
sósialdemókrata og forsætisráð-
herra, segir útgefendur hinsveg-
ar bera ábyrgð á töðvun blaðanna
og hefur skoraö á þá að slá deil-
unni við prentara á frest framyfir
kosningar.
Yfirvöld lýsa
77-samtökin
ólögleg
— Hajek telur það skref í
átt til umrœðu
PRAG 31/1 Reuter — Tékkóslóvak
ísk; yfirvöld lýstu þvi yfir 1 dag,
að barátta mannréttindasam-
takanna á bak við Mannréttinda-
skjal 77 væri ólögleg. Jiri Hajek,
fyrrum utanrikisráðherra, einn
forustumanna samtakanna,
sagðist ekki sjá ástæöu til að
harma þessa tilkynningu, þvi að
hún virtist vera skref I átt til
umræðna um mannréttindamálin
frá lögfræðilegu sjónarmiði og i
áttina frá undanförnum ofsókn-
um lögreglunnar gegn andófs-
mönnum og árásum á þá i
fjölmiðlum.
Hajek og annar forustumaður
andófsmanna, heimspekingurinn
Jan Patocka, voru kallaðir á
skrifstofu opinbers saksóknara,
sem tilkynnti þeim téða skoðun
stjórnarvalda. Þeir Hajek og
Patocka neituðu ásökunum sak-
sóknarans, meðal annars þeirri
fullyrðingu hans að efni 77-
ávarpsins væri „andkommúniskt
og andstætt Tékkóslóvakiu.”
Jiri Hajek — ódeigur til viðræðna
við yfirvöld.
Hajek lagði i dag áherslu á, að
enda þótt hann hefði verið rekinn
ú r Kommúnistaflokki
Tékkóslóvakiu eftir innrás
Varsjárbandalagsins 1968, liti
hann á sig sem kommúnista og
væru núverandi viðhorf sin býggð
á sannfæringu sinni sem komm-
únista.
Willy Brandt, fyrrum rikis-
kanslari Vestur-Þýskalands, hét i
dag á rikisstjórn Tékkóslóvakiu
að ljá mannréttindasamtökunum
eyra i stað þess aö ofsækja þau.
Skálmöld í Eþíópíu
GONDAR, Eþiópiu 1/2 Reuter —
Mikiö af vopnum var I dag flutt til
fylkishöfuðborgarinnar Gondar I
norðurhluta Eþiópiu, til styrktar
herliði stjórnarinnar sem á i
höggi viö uppreisnarmenn I
noröausturhluta landsins. Kvað
þar helst vera um að ræða þrenn
samtök, Eþiópíska lýðræðissam-
bandiö (EDU), sem sagt er
hægrisinnað, Byltingarflokk
eþiópskrar alþýðu, sem lýst er
sem marxiskum, og sjálfstæöis-
sinna i Eritreu.
Skæruliðar umræddra samtaka
hafa sig mest I frammi nálægt
landamærum Súdans. Stjórn
Súdans hefur lýst yfir stuðningi
við eritresku uppreisnarmennina,
og hefur það vakið reiðiþrungin
viðbrögð eþiópskra ráðamanna.