Þjóðviljinn - 06.05.1978, Side 2

2 SÍÐA — ÞJÓÐVILJINN Laugardagur 6. mal 1978
AF S KEMMTILE G U
SKEMMTANALIFI
Fyrir kemur að dagblaðið Tíminn, sem
gefið er út hér í Reykjavík, en er annars
málgagn dreifbýlisins,tekur fyrir á síðum
sínum málefni sem varða þjóðarhag. Slíkur
fyrirburður vekur alltaf athygli, eins og
önnur undur og stórmerki. Á miðvikudag-
inn var birtist í blaði þessu athyglisverð
grein um vínmenningu á islandi undir yfir-
skriftinni, ,,Má gera skemmtanalífið
skemmtilegra?''. Þetta er fimmdálka heil-
siðugrein með framhaldi aftar í blaðinu og
fjallar um þann aðsteðjandi vanda, sem
blasir við þegar menn leggja útí þá tvísýnu
að gera sér glaðan dag.
Blaðið f reistar þess að varpa nokkru Ijósi
á þetta umfangsmikla mál með því að leita
svara hjá þeim sérfræðingum, sem afskipti
hafa af fólki undir þeim kringumstæðum,
sem á íslandi eru kallaðar ,,dagmunur''.
Tíminn tekur ef nið f östum tökum, eins og
vænta má, leitar orsaka og dregur ályktan-
ir. Álits er leitað hjá Samtökum veitinga- og
gistihúsaeigenda, bif reiðastjórafélaginu
Frama, lögreglunni, dómsmálaráðuneytinu
og áfengisvarnarráði.
Talsmaður SVG vill hafa opið allan sólar-
hringinn og helst lengur, alla daga vikunnar
og er tilgangurinn sá, eins og segir í grein-
inni, að ,,færa okkur nær nútíðinni". Á þetta
sjónarmið fellst talsmaður bifreiðstjórafé-
lagsins Frama, sem telur að það mundi
stuðla að mun stöðugr.i og regiulegri vinnu
leigubílstjóra, ef fólk væri að tínast á dans-
staðina og af þeim allan sólarhringinn, alla
vikuna. Eins og málum er nú háttað koma
allir af öllum dansstöðunum á sama tíma
sólarhringsins og það telur dagblaðið Tím-
inn óheillavænlega þróun. Heilsugæslan í
landinu tekur mjög í sama streng og telur
að stórt skref yrði stigið í heilbrigðisátt með
því að hafa opið á vínveitingahúsum allan
sólarhringinn, alla vikuna. Með slíkri ráð-
stöfun væri til dæmis líklegtað hægt væri að
ganga milli bols og höf uðs á blöðrubólgunni
í landinu. Allt of algengt er að „selskaps-
klæddar konur", sem búnar eru að týna
kápunni sinni, komi löðursveittar útúr Sig-
túni í örvæntingarfullri leit að leigubíl, fái
engan og verði að brjótast fjallabaksleið
uppí Breiðholt í hinum ægilega veðurham
hins íslenska heimskautsvetrar. Og sú
spurning hlýtur að vakna: Hvað bíður hálf-
nakinnar konu, sem gref ur sig í skaf I í von-
lausri bið eftir leigubíl á aðfaranótt níst-
andi sunnudags. Það þarf ekki Tímann til
að svar þessari spurningu. Svarið er:
Blöðrubólga! og ekkert nema blöðrubólga!
Svo giftusamlega vill til að Tíminn hefur
náð tali af Ólafi W. Stefánssyni fulltrúa
dómsmálaráðuneytisins og tekur hann
mjög ákveðna afstöðu til málsins. Hann
segir orðrétt: „Auðvitað þarf að taka af-
stöðu til þessara mála en það þarf að gera
með gát því að mörgu er að hyggja".
Það er alltaf fengur að því að fá slikar yf ir-
lýsingar frá ábyrgum mönnum.
En einn er sá aðili, sem dagblaðið Tíminn
hefur gleymt að ráðfæra sig við, en það er
nothæfur þjóðháttafræðingur.
Slíkur sérf ræðingur hefði getað leitt þjóð-
ina i alian sannleikann um það að eitt af því
fáa sem þjóðlegt getur talist í fari (slend-
inga eru drykkjusiðir þeirra. Brennivíns-
kúltúr landsmanna ber að varðveita, slík
menningararfleifð sem hann er. (slending-
ar eiga að vera þess minnugir að drykkju-
siðir Egils Skallagrímssonar hafa haldist ó-
brenglaðir á (slandi í þúsund ár. ölæði er á
(slandi þjóðiegt sálarástand, sálarástand
sem lifað hefur af þrautir og þrengingar,
hallæri hungur og harðindi: sálarástand,
sem ber að varðveita í lengstu lög eins og
önnur þjóðleg verðmæti t.d. handritin. Og
það er ekki bara ölæðið sem ber að varð-
veita, heldur og aðra þjóðlega þætti ís-
lenskrar drykkumenningar og hafna er-
lendum hégóma. Enn er haldið í horfinu í
þessum efnum. Það sem-útlendingar kalla
að dreypa á guðlegum veigum, köllum vér
íslendingar enn að „lepja apapiss". Þjóð-
legt er það í Frans að sitja á góðra vina
fundi með glös af fínustu koníjökum, þefa
uppúr þeim og njóta þess sem fransmenn
kalla „bouquet". Þjóðlegt er það aftur á
móti á islandi að fara að dæmi Egils Skalla-
grímssonar og Ármóðs bónda Skeggs
„þeysa uppúr sér" spýjunni hver framan í
annan í huggulegum og þjóðlegum partíum
í heimahúsum, eftir vel lukkað kvöld á vín-
veitingahúsi. Og á sama hátt og Egill ældi
uppí gestgjafa sinn í dæmigerðu þjóðlegu,
islensku partíi og krækti úr honum augað
morguninn eftir leggja þjóðlegir, íslenskir
æskumenn gjarnan leið sina þegar kvölda
tekur á hið svokallaða almannafæri til að
ráðast á og berja gamlar konur og stela frá
þeim aleigunni, eða limlesta ellilífeyris-
þega á heimleið í von um að hægt sé að ræna
af þeim ellilaununum. Slík er hin þjóðlega
arfleifð íslenskrar vinmenningar, menn-
ingar, sem ekki hefur gleymst, menningar
sem ber að varðveita eins og allt sem þjóð-
legt getur talist. Eitt af því sem þjóðlegast
er í íslenskri drykkjumenningu er lang-
drykkjur. Með heimskulegri löggjöf hefur
mönnum verið gert erf itt um vik að stunda
þá íþrótt, eða með því að banna bjórinn. Hér
á þessi vísa vel við:
Það er okkar þjóðarböl
að þjóra alltof lengi
Ef við fengjum áfengt öl
væri allt í besta gengi.
Flosi.
Laugardalshöll á morgun
MIKIL DÝRASÝNING
A morgun kl. tvo e.h. hefst fjol-
breytt sýning á dýrum og fleiru,
innan og utan dyra Laugardals-
hallar. Aöstandendur sýningar-
innar eru fjáraflarar fyrir dýra-
spitala Watsons. Ágóöanum
verður svo varið til þess aö reisa
sjúkraskýli fyrir meidda og
hrjáöa hesta við téöan spitala.
Margt á að gleðja augu og eyru
dýraunnenda á sýningunni. Fá
þeir þar augum barið ýmis-
Félag áhugamanna
Adalfunáur
Aðalfundur Félags áhuga-
manna um heimspeki verður
haldinn á morgun sunnudag 7.
maí 1978, kl. 14.30 i Lögbergi,
húsi Lagadeildar H.l. A dagskrá
fundarins eru meðal annars til-
lögur um breytingar á lögum
félagsins, kjör nýrra manna i
stjórn, o.fl. Félagar eru hvattir
til að fjölmenna.
leg kykvendi svo sem hunda,
ketti, kaninur, geitur með kiðl-
inga, marglit búrfygli og margt
fleira. A svæðinu verða hestar úr
reiðskóla Fáks, sem yngri kyn-
slóðin getur brugðið sér á bak á.
Og enn er gleðibrunnurinn ekki
þurrausinn; búktalari og hundar
leika ýmsar kúnstir, fimmtiu
hestamenn úr Fáki skeiða á reið-
skjótum sinum i fylkingu á
sýninguna.
um heimspeki
á morgun
Siðasti reglulegi fyrirlestur
vetrarins verður sunnudaginn 28.
maí, kl. 14,30 i Lögbergi. Vil-
hjálmur Arnason flytur erindi
sem hann nefnir „Siðfræði
Jean-Paul Sartres”. Að erindi
hans loknu verða frjálsar umræð-
ur og fyrirspurnir Fundurinn er
öllum opinnog skráðir verða nýir
félagar.
Raunvísindastofnun Háskólans
Þarf tæki til segul-
sviösmælinga
ráðstefnum og vakið athygli,
enda eru aðstæður til slikra rann-
sókna betri frá náttúrunnar hendi
á Islandi en viðast annars staðar.
Tækjagjöfina afhenti Hr. Karl-
heinz Krug, sendiráðunautur i
sendiráði Sambandslýðveldisins
Þýskalands, að viðstöddum próf.
Guðlaugi Þorvaldssyni Háskóla-
rektor og próf. Sveinbirni Björns-
syni, formanni stjórnar Raun-
visindastofnunar Háskólans, en
við gjöfinni tók fyrir hönd stofn-
unarinnar dr. Leó Kristjánsson,
jarðeðlisfræðingur.
Hr. K. Krug afhendir R,H. tækja-
gjöf Alexander von Humboldt
Stiftung Dr. Leó Kristjónsson viö hið nýja segulmælingatæki
Fyrir nokkru var Kaunvisinda-
stofnun Háskólans afhent form-
lega að gjöf frá visindasjóönum
..Alexander von Humbotdt
Stiftung” i Þýskalandi vandaö
mælitæki tii mæiinga á segulsviöi
jaröar og á segulmögnun berg-
sýna.
Tækið mun auðvelda mjög þær
rannsóknir á segulstefnu i hraun-
lögum, sem Raunvisindastofnun-
in hefur staðið að allmörg undan-
farin ár i samvinnu við aðrar inn-
lendar og erlendar stofnanir.
Hafa niðurstöður rannsóknanna
veitt margháttaðar upplýsingar
bæði um jarðfræði Islands og um
eðli jarðsegulsviðsins. Þær háfa
birst mjög viða i fræðiritum og á