Þjóðviljinn - 20.07.1982, Blaðsíða 2
2 SIÐA — ÞJÓÐVILJINN Þriöjudagur 20. júli 1982
viðtalið
Vesturlands-
vegur á ekki
að vera
hraðbraut”
— Rætt við Magnús Sigstemsson,
oddvita hreppsnefndar >
Mosfellshrepps um umferðar-
öryggi í sveitinni
„Við i hreppsnefndinni höfum
verið mjög óhressir með ástand
umferðarmála i Musfellssveit”,
sagði Magnús Sigsteinsson,
oddviti hreppsnefndar Mosfells-
fellssveitar i samtali við Þjóð-
viljann i gær. Fyrir nokkru sið-
an sendi hreppsnefndin frá sér
ályktun til dómsmálaráðuneytis
og samgönguráðuneytis, sýslu-
manns Kjósarsýslu og annarra
yfirvalda, þar sem farið var
fram á, að gerðar yrðu ráðstaf-
anir til þess að draga úr slysa-
hættu á þeim kafla Vesturlands-
vegar, sem liggur gegnum þétt-
býli i Mosfellssveit.
„Að visu er kveðið á um 60
kilómetra hámarkshraða á
klukkustund á vegarkaflanum,
sem liggur handan við Lágafell-
ið, rétt fyrir ofan beygjuna inn á
aðalkjarna þéttbýlisins, en það
er vitað mál, að dags daglega er
hámarkshraöinn langt fyrir of-
an þau mörk, enda er beggja
vegna við þéttbýlið 80 km. há-
markshraöi”, sagði Magnús, og
bætti þvi við, að hreppsnefndin
hefði i ályktun sinni krafist þess
að eftirlit lögreglu með umferð
á veginum, þar sem hann liggur
i þéttbýli, yrði aukið. Slikt eftir-
lit hefði gefist vel, þegar það
væri, en fljótlega eftir að lög-
reglan hyrfi af vettvangi, vildi
sækja i sama farið aftur og
hraðinn aukast.
,,Nú hafa orðið nokkur slæm
slys á skömmum tima á þessum
vegarkafla”, sagði Magnús, ,,en
þrátt fyrir það er slysatiðnin
ekki meiri en gerist og gengur
annars staðar. En það er hins
vegar staðreynd, að þegar slys
verða þarna á annað borð, þá
verða þau nær undantekningar-
laust mjög alvarleg. Hraði bil-
anna er það mikill”.
— Hvað vill hreppsnefndin
gera til úrbóta i þessum málum,
Magnús?
„Við viljum fá miklu greini-
legri merkingar á og við veginn.
I þessari ályktun er stungið upp
á þvi að málaðar verði þverlín-
ur á veginn, eins og er viða er-
lendis, en þær eru, held ég,
ágætlega til þess fallnar að
draga úr hraðanum í og við
þéttbýli.
Það sem skiptir mestu máli i
þessu sambandi er það, að við i
hreppsnefndinni viljum ekki
viðurkenna, að Vesturlandsveg-
urinn þurfi að vera hraðbraut á
þeim kafla, sem liggur gegnum
þéttbýli i Mosfellssveit. Að visu
er þetta vegur, sem liggur
landshluta á milli, en við viljum
sem sagt ekki viðurkenna það,
að ekki megi gera ráðstafanir til
þess að bilar hægi á hraðanum,
þegar þeir aka i gegn.”
Magnús sagðist ekki vita or-
sök hins hörmulega umferðar-
slyss i gærmorgun, en itrekaði
það, að hreppsnefnd Mosfells-
veitar hefði miklar áhyggjur af
umferðarhraðanum sem væri á
vegarkaflanum frá Hliðartúni
að Þingvallaveginum. „Það er
ekki sist vegna þétttbýlisins i
Hliðartúni, sem við viljum, að
hámarkshraðinn sé lækkaður
strax þar en ekki handan
beygjunnar eins og nú er. Þarna
eru börn á ferð, auk þess sem
nokkur umfejrð fylgir þeim
iðnaði, sem sfaðsettur er i Hlið-
artúninu, og ég held að það sé
mjög brýnt, að hraðatakmörkun
verði látin gilda lengri vega-
lengd en nú er”, sagði Magnús
Sigsteinsson, oddviti að lokum. '
Svínharður smásál
Magnús Sigsteinsson, oddviti hreppsnefndar Mosfellshrepps: Við
erum óhressir mcð ástand umferðarmála i þéttbýli i Mosfellssveit.
KÆRLEIKSHEIMILIÐ
Ég tek alltaf með mér fullt af leikföngum, ef ég
skyldi verða leiðinlegur.
Gætum
tungunnar
Oft er sagt: Þeir hafa löngum
eldað grátt silfur
Rétt væri: Þeir hafa löngum
eldað saman grátt silfur.
Sagt var: Hann kvaðst ekki
vita, hvað veldi þessum fáleik-
um.
Rétt væri: Hann kvaðst ekki
vita, hvað yiliþessum fáleikum.
Rugl dagsins
Ekki blaktir stúlkan sú á
skari
Um lifið i kvikmyndaheimin-
um segir hún:
„Það er komið fram við mig
eins og ég sé drottning. Ég á
hægindastól, sem heitir minu
nafni. Ég er alltaf ávörpuð frök-
en. Fólk hleypur eftir samlok-
um fyrir mig. Það er óskaplega
þroskandi að vera með i svona
hóp sem vinnur við gerð kvik-
myndar...”
Skrifað um Jodie Foster
i Morgunbl.
Hrakspár um;
endalok jarðar
Enn höldum við áfram að
grafa upp gamlar hrakspár um
endalok jarðar — sumpart i
uppörvunarskyni, enda stóðust
þessar hrakspár ekki, en sum-
part þó til að minna á það, að
það cr enginn algildur sannleik-
< ur að jöröin vari til eilifðar, og
skiptir þar liklega mestu um,
hvernig mannskepnan um-
gengst þennan hnött, sem henni
hefur verið fenginn til ábúðar.
Nú — það var árið 1533, að
Melchior nokkur Hofmann, trú-
arleiðtogi Anababtista, tjáði
fylgismönnum sinum, að á þvi
hinu sama herrans ári myndi
Kristur snúa aftur til jarðarinn-
ar. Þá myndi jörðin farast i eldi,
en konungdæmi réttlætisins
myndi hins vegar risa að nýju i
Strassborg, sem yrði hin Nýja
Jerúsalem. Þaðan myndi svo
boðskapur hins sanna guð-
spjalls og babtisma útbreiðast
um jörðina.
Ahangendur Hofmanns lögðu
fullan trúnað á spá hans og
margir þeirra seldu eða gáfu
allar eigur sinar, afneituðu ver-
aldlegu lifi og helguðu sjálfa sig
meinlætum og bænalestri.
Það sama ár, 1533, sagði
þýskur munkur og stærðfræð-
ingur, Michael Stifel, að sam-
kvæmt Opinberunarbókinni ætti
dómsdagur að verða 18. október
það ár.
Þorsbúarnir I Lochau tóku
mark á þessari spá og brugðust
viö henni eins og þeir töldu rétt-
ast — en þegar 18. otkóber leið
að kvöldi, án þess að nokkuö
hefði gerst umfram það sem
eðlilegt mátti teljast, ákváðu
þeir að veita honum Michael
Stifel ærlega ráðningu. Og það
gerðu þeir.
— jsj.
Smælki
Spakmæli dagsins.
Segðu mér heimilisfang þitt, og
égskalsegja þér, hvar þú býrð.
Allir með strætó...
Afskaplega fin frú steig upp i
strætisvagninn og brosti sinu
allra bliðasta framan i vagn-
stjórann.
„Segiö mér, hvað kostar farið
núna? Ég er nefnilega vön að
fara allra minna ferða á minum
eigin bil, en hann bilaði alveg
óforvarandis, og ég hef ekki
farið með strætisvagni i háa
herrans tið”.
Vagnstjórinn brosti lika sinu
allra bliðasta.
,,Já, við hjá SVR höfum saknað
yðar heilmikiö”.