Þjóðviljinn - 26.11.1982, Síða 9
Föstudagur 26. nóvember 1982 ÞJÓÐVILJINN — SIÐA 13
Eins og ætlað var mun þessi
grein fjalla um Landssamband
Stangaveiðifélaga. Til hagræðis
mun ég aðeins nota skammstöf-
unina L.S. Það er upphaf sam-
bandsins, að bréf kom frá Stanga-
veiðifélagi Akraness til stjórnar
Stangaveiðifélags Reykjavíkur,
þar sem bent var á nauðsyn þess
að stangaveiðifélögin stofnuðu
með sér landssamtök. Þetta var
snemma árs 1948. Svona augljós
skynsemi féll í góðan jarðveg og
eftir hæfileg fundahöld og annan
undirbúning, var boðað til stofn-
fundar 27. maí, 1950. Sá fundur
var haldinn og þar hefur mönnum
þótt að eitthvað mætti betur fara,
því boðað var til framhaldsstofn-
fundar 29. október sama ár.
Á þeim fundi var L.S. formlega
stofnað. Stofnfélögin voru þessi:
1. Stangaveiðifélag Akraness
2. Stangaveiðifélag Borgarness
3. Stangaveiðifélagið Fluga,
Reykjavík
ij| y ;
Landssamband
4. Stangaveiðifélag ísfirðinga,
Isafirði
5. Stangaveiðifélagið Papi,
Reykjavík
6. Stangaveiðifélag Reykja-
víkur
7. Stangaveiðifélag Sauðár-
króks
8. Stangaveiðifélagið Stöngin,
Reykjavík
9. Veiðifélagið Svalbarðsá,
Reykjavík
10. Stangaveiðifélagið Uggi,
Reykjavík.
Fyrstu stjórnina skipuðu: Sæ-
mundur Stefánsson, Reykjavík,
formaður; Friðrik Þórðarson,
Borgarnesi; Pálmi Ingólfsson
Reykjavík; Egill Sigurðsson,
Akranesi; Víglundur Möller,
Reykjavík. Endurskoðendur
voru kosnir Björn Björnsson og
Ólafur Þorsteinsson, báðir úr
Reykjavík. í fyrstu lögum sam-
bandsins er tilgangurinn með
stofnun þess skráður á þessa leið:
1. Að vinna j afnan að nauðsyn-
legum endurbótum á lax- og
silungsveiðilöggjöf landsins.
2. Að koma í veg fyrir hvers
konar rányrkju og ofveiði í ám
og vötnum.
3. Að takmarka sem mest alla
veiði vatnafiska í sjó.
4. Að stuðla að aukningu fiski-
stofnsins í ám og vötnum.
5. Að vinna að því að tekin
verði til fiskræktunar ár og
vötn sem fisklaus eru, en lík-
leg mættu teljast til árangurs
af slíkri ræktun.
6. Að stuðla að auknum skiln-
ingi almennings á málefnum
sambandsins og tilgangi þess.
7. Að stuðla að góðri samvinnu
stangaveiðimanna og veiði-
eigenda.
8. Að kenna mönnum að virða
lög og reglur um veiði.
9. Að kynna stangaveiði-
mönnum löglegar veiði-
aðferðir og nýjungar á því
sviði, svo og að stuðla að því
að þeir geti aflað sér tilsagnar
um meðferð og notkun veiði-
tækja.
10. Að stofna til samkeppni í
köstum o.s.frv. eftir því sem
aðstæður leyfa.
11. Að stuðla að útgáfu nauð-
synlegra rita varðandi stanga-
veiði.
12. Að vera fulltrúi stangar-
veiðifélaga og einstaklinga
innan vébanda sambandsins
gagnvart því opinbera.
13. Að leitast við að jafna
ágreining er upp kann að
koma á milli sambandsaðilja
og vinna á móti óeðlilegri
samkeppni um leigu veiði-
vatna, án þess þó að hafa
nokkurt úrskurðarvald, nema
báðir eða allir aðilar óski þess.
Sambandinu er óheimilt að
leigja, kaupa eða tryggja sér
veiðiréttindi fyrir lengri eða
skemmri tíma.
kaupa eða tryggja sér veiði-
réttindi fyrir lengri eða
skemmri tíma.
Við sjáum að þetta eru ekki
lítil verkefni. L.S. hefur tekið
virkan þátt í mótun laganna um
lax- og silungsveiði. Sambandið
átti fulltrúa í nefndinni er samdi
lögin sem nú eru í gildi. Þau eru
frá 1970. Þessi lög hafa verið í
endurskoðun í nokkur ár og þá
ber svo við, að ráðherrann sem
nefndina skipaði, tilnefndi ekki
fulltrúa frá L.S. Hvað veldur?
Mér dettur í hug að hann hafi
hugsað: „Hvenær hefur mjólk-
urkýrin verið spurð álits um
nokkuð er hana varðar?" Þetta er
nú hálfgerð illkvittni hjá mér.
Sennilegra er að hann hafi ekki
tekið nægilegt mark á tilveru L.S.
Hafi svo verið, er rétt að minna á
að samkvæmt nýlegri könnun,
eru það 20% þjóðarinnar sem
stunda einhverja stangaveiði.
Þetta er ekkert lítill hópur og
L.S. er eini málsvari þessa fólks
gagnvart stjórnvöldum.
Sigurður Pálsson
skrifar um
veiöimál
Stofnun Fiskræktarsjóðs var
baráttumál L.S. frá 1954, en varð
þó ekki að lögum fyrr en 1970.
Veiðimálanefnd fer með úthlut-
un úr þeim sjóði og þar á L.S.
fulltrúa. Ásókn erlendra auð-
manna og fyrirtækja í að taka á
leigu fslenskar laxveiðiár, hefur
alltaf verið meðal þess sem L.S.
hefur barist gegn. Það er líka full-
komlega óeðlilegt að í sumum
góðum veiðiám skuli fslendingar
ekki geta fengið veiðileyfi nema á
þeim tíma sem útlendingar vilja
ekki nota þ.e. fyrst og síðast á
veiðitímanum. L.S. hefur aldrei
haft á móti því að útlendingar
gætu keypt veiðileyfi hér á landi.
Það er aðeins leiga heilla vatna-
svæða til útlendinga og forgangur
á öðrum svæðum sem hér er bar-
ist gegn.
Þá komum við líka að sótt-
hreinsunarmálunum. Menn sem
koma með veiðitæki sín og hlífar,
svo sem stígvél, frá útlöndum til
veiða hér, geta hugsanlega borið
með sér sjúkdóma og þar með
valdið tjóni á okkar laxa- og sil-
ungastofnum. Þetta hefur L.S.
ekki látið fram hjá sér fara, held-
ur nuddað í stjórnvöldum og sent
þeim samþykktir frá þingum sín-
um. Þessi mál eru ekki í nógu
góðu lagi enn og þess vegna sam-
þykkti síðasti aðalfundur tillögu
og sendi stjórnvöldum varðandi
það og keyptir yrðu fimm gas-
skápar til þessara nota og settir
upp á þeim stöðum sem veiði-
menn koma til, úr lofti eða af
legi, þegar þeir heimsækja
landið. Þarna voru nefndir flug-
vellir í Keflavík, Reykjavík og
Akureyri, einnig hafnirnar
Seyðisfirði og í Reykjavík.
Þó menn greini eitthvað á um
hversu mikil hætta sé þarna á
ferð, hlýtur að vera tilvinnandi að
leggja í dálítinn kostnað öryggis-
ins vegna.
L.S. tók þátt í laxveiðiráð-
stefnunni sem haldin var hér á
landi í janúar síðastliðnum, og
sambandið er aðili að norður-
landasambandi stangaveiðifé-
laga. N.S.U. er skammstöfun á
heiti þeirra samtaka. Þetta er
mikill vettvangur og stór þar sem
vandamálin eru svipaðs eðlis hjá
öllum þjóðunum. Barátta gegn
mengun og laxveiðum í sjó er
mikið viðfangsefni N.S.U.
Mengunin vegna nálægðar við
iðnaðarsvæði Evrópu og sjó-
veiðarnar af því mönnum þykir
eðlilegasárt, að sjá þjóðir stunda
stórveiðar á laxi án þess að eiga
nema eitthvað sáralítið í stofn-
inum.
í Hafréttarsáttmálanum er gert
ráð fyrir því að heimalönd laxins,
löndin þar sem fiskurinn hrygnir,
eigi stofninn og beri líka ábyrgð á
honum. Eigendurnir geta bannað
öðrum þjóðum að veiða úr þess-
um stofni og hljóta að gera það.
Landssambönd veiðimanna
vinna að þessu hvert heima hjá
sér og sameiginlega í gegnum
N.S.U. Gott er fyrir L.S. að taka
þátt í samstarfi af þessu tagi. Það
er alltaf lærdómsríkt að hitta full-
trúa annarra þjóða með sömu
áhugamál. Þá læra menn hver af
öðrum og ná meiri árangri í allri
glímu við vandamál.
L.S. samþykkti á aðalfundi sín-
um nú í haust áskorun til stjóm-
valda, að þau leggðu fram stórum
meira fé til rannsókna á lífi og
göngum laxastofnsins og hefji nú
þegar viðræður við Færeyinga og
aðrar þjóðir um að þær leggi nið
ur í áföngum laxveiðar í sjó.
Varðandi mengunarmál, hefur
L.S. alltaf verið á verði. Sam-
bandið stóð fyrir mengunar-
ráðstefnu 1976 sem tókst mjög
vel. Þar kom saman mikill fróð-
leikur um ástand þeirra mála hér
á landi L.S. á fulltrúa í Land-
vernd, sem eðlilegt er. Náttúru-
vernd er eilíft dagskrármál veiði-
manna. Kastmót hafa verið hald-
in í tengslum við aðalfundi lands-
sambandsins, enda er þarna á
ferðinni mögnuð íþrótt.
Slysavarnamál lætur L.S. mik
ið til sín taka og gerði á þessu ári
verulegt átak í því efni. Þar var
haft samstarf við Slysavarnafélag
íslands og Landssamband veiðif-
élaga. Stjórn L.S. og stjórn
Landssambands veiðifélaga
halda reglulega fundi saman þar
sem rædd eru sameiginleg áhuga-
og vandamál. Samstarf þessara
samtaka er með ágætum.
Hér verð ég að slá botninn
þetta þó margt sé ótalið. Eitthvað
af því flýtur með seinna. Núver
andi formaður L.S. Birgir Jóh
Jóhannsson, veitti mér upplýs
ingar og sömuleiðis blaðaði ég
gömlu eintaki af Veiðimannin
um. Erindi sem Hákon Jóhanns
son hélt á veiðimálaráðstefnu
aprfl, 1981 ,nýtti ég líka í upplýs
ingaskyni. Um leið og ég þakka
aðstoðina kveð ég lesendur.
Aðalfundi Jassvakningar nýlokið:
Von er á Delta Btues
og Saiamöndrunum
tíl landsins á næstunni
Nýlega hélt Jazzvakning aðal-
fund sinn þar sem kjörin var stjórn
og framkvæmdanefnd samtak-
anna, innri mál rædd og stefnan
mörkuð.
I stjórn voru kjörnir: Vern-
harður Linnet formaður, Sigurjón
Jónasson, varaformaður, Tómas
R. Einarsson ritari, Ingimundur T.
Magnússon gjaldkeri og Rúnar Sig-
urðsson spjaldskrárritari. í fram-
kvæmdanefnd voru kjörnir: Ger-
ard Cinotti, Guðmundur
Steingrímsson, Jóhannes Johnsen,
Jónatan Garðarsson, Sigmar B.
Hauksson og Trausti Klemenzson.
Endurskoðandi var kjörinn Jón
Múli Árnason.
Ásmundur Jónsson gaf ekki kost
á sér til áframhaldandi stjórnar-
starfa og mun ásamt nokkrum á-
gætum félögum í Jazzvakningu
beita sér fyrir kynningu á framúr-
stefnujazzi hérlendis.
Á síðasta starfsári hélt Jazzvakn-
ing tónleika með eftirtöldum lista-
mönnum: Niels-Henning Örsted
Pedersen & Philip Catherine, Mis-
sissippie Delta Blues Band, Art
Ensemble of Chicago og Art Blak-
ey Jazz Messengers, var hagnaður
af þeim tónleikum öllum en tap var
á tónleikum félagsins með: Joe
Newman og íslenskum hljóðfæra-
leikurum, Leo Smith Dalta Arke-
stra Roscoe Mitchell og Charlie
Hadens’ Liberation Music Orche-
stra. Segja má að fjárhagur Jazz-
vakningar hafi verið í jafnvægi er
tónleikar Charlie Hadens voru
haldnir í Háskólabíói í okt. sl. en
tap á þeim var nálægt 100 þúsund
krónum. íslenskir jazzleikarar
hlupu undir bagga með hreyfing-
unni, og voru haldnir síðdegisjazz-
tónleikar á Hótel Borg þann 14.
nóv. sl. Heppnaðist sú uppákoma
með ágætum og grynnkaði á skuld-
unum, en betur má ef duga skal.
Nú er von á The Mississippi
Delta Blues Band til landsins og
halda þeir þrenna tónleika hér.
Þeir fyrstu verða á Hótel Borg
fimmtudagskvöldið 9. desember
og þeir tveir síðari væntanlega í
Félagsstofnun Stúdenta þann 10.
og 11. desember. Hljómsveitin
heimsótti okkur í fyrra og fékk þá
frábærar viðtökur, enda vandfund-
in önnur eins stuðsveit. Nú hefur
sveitin verið endurskipulögð og er
sögð betri en nokkru sinni fyrr.
Allt er óvíst um starfið á næsta
ári, utan að í byrjun ferbrúar mun
sænska kvennajazzsveitin Sala-
möndrurnar koma til íslands og
leika. Þær hafa farið sigurför um
heiminn undanfarið og var m.a.
boðið að leika á fyrsta kvennajazz-
festivalinu, í Kansas City 1980. Þær
vöktu og mikla athygli á Norður-
sjávarjazzhátíðinni í Hollandi í
fyrra.
Gullfiskabúðin í Fischersundi
Eigendaskipti hafa nú átt sér
stað að Gullfiskabúðinni í Fisc-
herssundi. Hinir nýju eigendur,
Emma Holm og Halldór Oskars-
son, hafa breytt búðinni í kjörbúð
til hagræðingar fyrir viðskiptavin-
ina. Sömu vörumerki verða áfram
á boðstólum, en það eru t.d.
TETRA-fiskafóður og lyf,
BONNIE- fugla- og nagrísafóður,
SPILLERS-hunda- og kattafóður
og ARMITAGES-kattasandur. Sú
nýjung er tekin upp að hreinrækt-
aðir kettlingar eru nú teknir í um-
boðssölu.
Togarinn Jón Baldvinsson
Viðgerð hefur
heppnast vel
segir Björgvin Guðmundsson
Nú eru liðnir um tveir mánuðir
síðan togarinn Jón Baldvinsson
kom til landsins eftir að hafa farið í
viðgerð til Noregs. Fyrr á þessu ári
bræddi vélin í þessum tæplega
tveggja ára gamla skuttogara úr sér
og kom strax í Ijós að um bótaskylt
tjón var að ræða. Var togarinn
sendur í viðgerð í skipasmíðastöð í
Rubbestatnes í Noregi, sem er eigi
langt frá Bergen. Tók viðgerðin 4
vikur eða mun skemmri tíma en'
álitið var í fyrstu. Einnig voru
gerðar nokkrar lagfæringar á
svartolíubúnaði togarans.
Að sögn Björgvins Guðmunds-
sonar forstjóra BÚR var nær allur
kostnaður vegna viðgerðarinnar
greiddur af viðkomandi trygging-
arfélagi sem í þessu tilviki voru Al-
mennar tryggingar.
Björgvin sagði að ekkert athug-
unarvert hefði komið í ljós eftir að
togarinn fór aftur til veiða. Hann
hefur fiskað allvel að undanförnu.
- hól.