Þjóðviljinn - 18.12.1982, Blaðsíða 18

18 SÍÐA - ÞJÓÐVILJINN Helgin 18. - 19. desember 1982
Þarna mun lyftan renna upp
fjallshlíðina, heila 1200 metra
Nýja þjónustumiðstöðin er
fullkláruð að utan og að
innanverðu er unnið af kappi svo
hún megi vera tilbuin til notkunar á
sama tíma og lyftan.
i- >
Texti: vs
Myndir: Atli

Ný og glæsileg
stólalyfta verður tekin
í notkun í Skálafelli
eftir áramótin
Stóri draumurinn
er nú að rætast
Á skíðasvæði KR I Skálafelli er að rísa öflugasta
stólalyfta landsins. Hún verður væntanlega tekin í notk-
un síðari hluta janúarmánaðar og kemur til með að geta
flutt 1200 manns á klukkutíma. Vegalengdin er heilir
1200 metrar, helmingi lengri en þær lyftur sem fyrir eru
á svæðinu ná til, og flytur sú nýja skíðafólkið alla leið
upp í Skálina sem Skálafellið er kennt við.
Blaðamaður og ljósmyndari
brugðu sér þarna upp á dögunum
en þá var einmitt verið að reisa síð-
asta staurinn sem ber lyftuna uppi.
Með í förinni var Þórir Jónsson,
einn aðal hvatamaður þessara
miklu framkvæmda og fyrrum for-
maður skíðadeildar KR. Hann hef-
ur verið viðloðandi deildina í um 40
ár og nú er stóri draumurinn hans
að rætast; innan tveggja mánaða
verður nýja lyftan líklega farin að
flytja fólk langleiðina upp á efsta
topp Skálafells.
Skíðasvæði KR-inga við Skála-
fell er tvískipt. Annars vegar, til
vinstri þegar að er komið, er svæði
fyrir keppnisfólkið með fjórum
lyftum og þar er skíðaskáli sem
reistur var á árunum 1955-59. Hægra
megin er almenningssvæði og
nýja lyftan er sú fjórða þar. Ný
þjónusturrúðstöð er að rísa á því
svæði og verður tilbúin unt svipað
leyti og lyftan. Þar voru iðnaðar-
menn á fullu við störf sín þegar við,
mættum á staðinn og sýndist fá-
kunnandi blaðamanni að þar
væri unnið við raflagnir.
Heildarkostnaður við uppsetn-
ingu lyftunnar er áætlaður um 7-8
miljónir króna og við þjónustumið-
stöðina um ein nriljón. Þá hafa
skíðadeildarmenn að undanförnu
unnið við að byggja upp veginn að
svæðinu og stendur hann nú uppúr
snjó að mestu. Þar fara 6-700 þús-
undir í viðbót. Þá er raflýsing vænt-
anleg, að sögn Þóris, en ekki í bili.
Kostnaður við hana verður um 200
þúsundir króna. Allt fjármagn til
þessa hafa KR-ingar sjálfir reitt
fram en seinna meir koma til styrk-
ir frá ríki og borg.
Við Þórir og Atli ijósmyndari fór-
um alla leið upp að Skál þar sem
endastöð lyftunnar verður. Þegar
þangað er komið blasir við gósen-
land skíða og göngumanna, hægt
Þórir Jónsson hefur komið mikið
við sögu skíðadeildar KR í gegnum
árin.
að renna sér í hvaða átt sem er og í
bígerð er að merkja þarna leiðir til
leiðbeiningar. Frá Skálinni er gott
útsýni yfir Þingvallavatn og víðar
en alla leið upp á topp Skálafells
treystum við okkur ekki að þessu
sinni. Þaðan mun sjást vítt ogbreitt
um land enda er þar uppi sjónvarps-
sendir sem varpar geisla sínum
alla leið norður á Vaðlaheiði. Ekki
er að efa að staðurinn verður vin-
sæll, alla vega ætlar blaðamaður
sér upp á topp Skálafells einhvern
daginn þó hann sé einn sá mesti
skussi á skíðum sem fyrirfinnst.
Saga skíðadeildar KR spannar
allt aftur að árinu 1935 en þá var
fyrsti skálinn reistur og deildin
stofnuð. Skálinn brann árið 1955
og þá var hafist handa við að
byggja þann sem nú stendur og var
hann tekinn í notkun 1959. Lyft-
urnar hafa komið ein af annarri og
smám saman hefur þetta svæði
byggst upp og stækkað og er í þann
veginn að hefja nýjan kapítula í
sögunni með lyftunni miklu.
Við á Þjóðviljanum þökkum
Þóri Jónssyni sérstaklega fyrir
liðlegheitin og ökumönnum snjó-
sleða og snjótroðara fyrir þeirra
hlut. Ekki má heldur gleyma
mönnunum tveimur á olíubílnum
sem aðstoðuðu okkur þegar Múst-
anginn hans Þóris tók niðri í snjó-
skafli og stúlkunni liðlegu sem tók
Atla uppí þegar Míníinn hans varð
bensínlaus í upphafi fararinnar, í
miðri Ártúnsbrekkunni. Það var
fyllilega þess virði að fara þarna
upp og skoða framkvæmdirnar og
svæðið í heild með eigin augum,
jafnvel þótt maður kæmi heim
kaldur og blautur, og við óskum
KR-ingum til hamingju með þann
mikla áfanga sem þeir eru í þann
veginn að leggja að baki. -VS
Rutt fyrir bílastæði.
Og upp fer hann. Síðasti staurinn sem bera mun uppi nýju lyftuna er kominn í loftið og rétt
eftir að Atli smellti þessari mynd af var hann kominn á sinn stað.
* ?+ ■ .