Þjóðviljinn - 29.10.1983, Page 16

16 SÍÐA - ÞJÓÐVILJINN Helgin 29.-30. október 1983
daegurmál (sígiid?)
Hljómsveitin PSYCHIC TV,
eða Dulrœna sjónvarpið eins og
það þýðist yfir á góða íslensku,
hefur undanfarið ár verið að
hasla sér völl sem ein áhuga-
verðasta hljómsveitin í tóhlistar-
heiminum í dag. Varla líður sú
vika án þess að tímarit eins og
New Musical Express birtifurð-
ufregnir af hljómsveitinni og
meðlimum hennar og for-
sprakki Psychic TV, Genesis P.
Orridge, varð þess heiðurs að-
njótandi í einni kosningu blaðs-
ins að vera kjörinn sem „The
Man You Love To Hate“ (Mað-
urinn sem þú nýtur að hata). Að
sögnfœr Genesis P. Orridge að-
dáendabréf og morðhótanir í
jöfnu hlutfalli.
Psychic TV verður seint talin
venjuleg hljómsveit, eða eitthvert
fyrirbæri sem auðvelt er að flokka
niður og gleyma. Afstaða þeirra
gagnvart öðrum hljómsveitum
minnir óneitanlega á afstöðu Al-
freðs Flóka gagnvart öðrum mynd-
listarmönnum: „Þetta eru bölvaðir
pampar, ólæsir andskotar sem ekk-
ert hafa að gefa.“ Eins og Flóki
sækja þeir mest til skálda, dauðra
og lifandi, og misskilinna mikil-
menna mannkynssögunnar - sem
öll eru dauð...
Þeir hafa unnið með William
Burroughs og Brion Gysin, sem
menn ýmist flokka sem hnignað-
asta eða áhugaverðasta par í bók-
menntum samtíðarinnar og það er
sagt að framúrstefnumenn í ítalskri
kvikmyndagerð fái Genesis P. Orr-
idge reglulega í heimsókn til að
dreyma upp handrit sem fái Paso~
lini til þess að snúaast eins og kjúk-
ling á teini í gröf sinni. Allir þeir
sem hafa starfað með þeim kump-
ánum bera þeim afar vel söguna.
T.d. sagði William Burroughs, sem
Dulrœna sjónvarpið
seiðir landsmenn
hefur séð ailt, gert ailt og verið alls
staðar, að Genesis væri eina víta-
mínsprautan sem hann hafi fengið
síðustu tuttugu ár...
EFNI: ÁLAFOSS TWEED
600 GR. KR. 247,80.
2,s^A°4
Það má því telja til stórtíðinda að
Psychic TV ætli að hefja fyrstu tón-
leikaferð sína um heiminn hér á
íslandi! Ffljómsveitin hefur fram
að þessu einbeitt sér að gerð hljóm-
platna og myndbanda og allar
spekúlasjónir blaðamanna um
væntanlega hljómleika hafa kafnað
í þögn þeirra Dulrænu sjónvarps-
drengja.
Fregnin um hljómleikaferða-
lagið hefur að vonum vakið mikla
athygli í Bretlandi og slúðurdálkur
NME veltir því fyri sér hvaða
undarlegu straumar það séu sem
dragi Dulrænu drengina til íslands
- af öllum stöðum! Þeir segjast
einnig hafa það fyrir satt að þessir
fyrstu hljómleikar muni verða með
sérstöku og óvæntu sniði og skjóta
því að í framhaldi af því að nú sé
kominn tími til að brýna fiskikut-
ana og flytjast til íslands.
Þar sem íslendingar eru yfirleitt
síðastir til að frétta allt er ekki úr
vegi að gera örlitla grein fyrir
hljómsveitinni og barkgrunni
hennar.
Psychic TV á rætur sínar í hljóm-
sveitinni Throbbing Gristle sem
menn deilir á um hvort hafi verið
pönk-hljómsveit eða samansafn af
geggjuðum heimspekingum sem
gátu túlkað sig í gegnum tónlist.
Tónleikar með Throbbing Gristle
þóttu alltaf miklir viðburðir og
dómar blaða voru yfirleitt á þá leið
að blaðamennirnir sögðust ekki al-
veg vissir hvað hefði verið að ger-
ast, en eitt væru þeir þó alveg vissir
um: Það sem gerðist var stórkost-
legt!
Þeir Genesis og félagar hafa alla
tíð þótt sniilingar í því að kalla fram
viðbrögð og þá sjaldan hirt um
hvort þeir væru að stuða fólk eða
heilla. Að verða frægir, eða frægir
að endemum, er eitthvað sem þeir
líta á sem aukaverkun af því að
koma boðskap sínum áleiðis. Tón-
listarmenn sem hafa oft orðið skot-
spónn hæðni þeirra hafa gjarnan
kvartað undan svokallaðri
mannfyrirlitningu Genesis, en
hann svarar því til að fyrirlitning á
sjálfselskum smástrákum, sem séu
uppteknir við að skoða á sér nafl-
ann - eða þá eitthvað enn verra,
eigi á engan hátt skylt við
mannfyrirlitningu. Hann líti á list
sem tæki til að vekja fólk til með-
vitundar en ekki sem ennþá eina
svefntöfluna.
Söngvarinn Marc Almond sem
gerði garðinn frægan með Soft Cell
(hver man ekki eftir Tainted
Love?) hefur undanfarin ár verið
náinn samstarfsmaður Psychic TV.
Hann segir sjálfur að lögin sem
hann söng með þeim á hljómplöt-
unni „Force the Hand of Chance“
séu það besta sem hann hafi nokk-
urn tíma gert og allt það megi rekja
til heilnæms innblásturs frá Genes-
is P. Orridge. Almond telur að
Psychic TV sé að öðrum ólöstuðum
sú hljómsveit sem hafi mest fram
að færa í bransanum í dag og hann
er greinilega ekki einn um þá
skoðun. Zuccarelli, sá sem fann
upþ hina svokölluðu Holo-
phonic-upptökutækni (tækni sem
getur látið tóna fara fram og til
baka en ekki bara til vinstri og
hægri eins og í steríóupptökum),
notaði Psychic TV fyrsta allra til að
reyna þessa nýju aðferð. Á sama
tíma lágu Paul McCartney og Mic-
hael Jackson grátandi í símanum
og vildu fá að prufa...
Auk Psychic TV er Pink Floyd
eina hljómsveitin sem hefur fengið
að nota tæknina, en Zuccarelli hef-
ur sagt að hann hleypi engum í
græjurnar sínar nema þeim sem
hann telji að séu að gera eitthvað
stórkostlegt! Ekki he.fur þetta orð-
ið til þess að auka vinsældir þeirra
meðal annarra hljómlistarmanna,
en tækjafrík liggja að sögn í öngviti
af unaði um gjörvalla álfuna...
Eins og áður var sagt leggja Dul-
rænu drengirnir mikið upp úr því
að ná fram sterkum áhrifum og á
það við um hljómplötur þeirra,
myndbönd og nú um hljómleika.
Að sögn hafa þeir verið að undir-
búa heimsreisuna um langt skeið
með það fyrir augum að geta boðið
upp á sem áhrifamesta upplifun.
Fyrst breskir blaðamenn og æstir
aðdáendur ætla að fara hingað
fylktu liði ætti ekki að standa á ís-
lenskri æsku að taka strætó á fagn-
aðinn.
Það verður spennandi að sjá
hvort Psychic TV muni takast að
vekja íslensku þjóðina upp af
hennar rómaða þyrnirósarsvefni,
en eitt er víst, að sjaldan hefur
áhugaverðari gesti borið hér að
garði.
Tónleikaferðalagið hefst með
lítilli athöfn í breskri sveitakirkju,
en síðan mun hljómsveitin fljúga
beint til íslands þar sem fyrstu op-
inberu tónleikarnir verða haldnir
þann 23. nóvember, en héðan
halda þeir til Bandaríkjanna og
þaðan um heim allan.
Lesendur mega eiga von á frek-
ari fréttum um hljómleikana hér á
næstunni... h
m
LAUSAR STÖÐUR HJÁ
REYKJAVÍKURBORG
Reykjavíkurborg vill ráða starfsfólk til eftirtalinna
starfa. Starfskjör samkvæmt kjarasamningum.
• Skrifstofumaður á Kjarvalsstöðum. Hálft starf.
Upplýsingar eru veittar í síma 26131 eða 26180.
• Hjúkrunarfræðingur við barnadeildina í Aspar-
felli.
Upplýsingar veitir hjúkrunarforstjóri í síma 75100.
• Fóstra við leikskólann Hlíðarborg.
• Fóstrur, þroskaþjálfar eða fqlk með aðrar uppeld-
islega menntun til að veita þroskaheftum börnum
stuðning á dagvistarheimilum í Breiðholti. Hálft
starf kemur til greina.
Upplýsingar eru veittar á skrifstofu dagvistar í síma
27277 eða hjá forstöðumanni viðkomandi heimilis.
Umsóknum ber að skila til starfsmannahalds Reykja-
víkurborgar, Pósthússtræti 9, 6. hæð, á sérstökum
umsóknareyðublöðum sem þar fást fyrir kl. 16.00,
mánudaginn 7. nóvember 1983.
NU
líður
vel
mer
Ljosaskoðun

IIS8"“

yUMFEROAR
RÁO
Góð orð
duga skammt.
Gott fordæmi
skiptir mestu
máli