Þjóðviljinn - 22.11.1983, Qupperneq 4
4 SÍÐA - ÞJÓÐVILJINNjÞriajudagur 22. nóvember 1983
DIOÐVIUINN
Málgagn sósíalisma, verkalýðshreyf-
ingar og þjóðfrelsis
Útgefandi: Útgáfufélag Pjóöviljans.
EramKyæmdastjóri: Guðrún Guðmundsdóttir. _
JJitstjórar: Árni Bergmann, Einar Karl Haraldsson, Kjartan Ólafsson.
Umsjónarmaður Sunnudagsblaðs; Guðjón Friðriksson.
Augiýsingastjóri: Sigríður H. Sigurbjörnsdóttir.
Afgreiðslustjóri: Baldur Jónasson.
Afgreiðsla: Bára Sigurðardóttir, Kristín Pétursdóttir.
Blaðamenn: Auður Styrkársdóttir, Álfheiður Ingadóttir, Helgi Ólafsson,
Lúðvík Geírsson, Magnús H. Gíslason, Ólafur Gíslason,
Óskar Guðmundsson, Sigurdór Sigurdórsson, Valþór Hlöðversson.
íþróttafréttaritari: Víðir Sigurðsson.
Utlit og hönnun: Guðjón Sveinbjörnsson, Þröstur Haraldsson.
Ljósmyndir: Einar Karlsson, Magnús Bergmann.
Handrita- og prófarkalestur: Andrea Jónsdóttir, ElíastMar.
Auqlvsingar. Áslaug Jóhannesdóttir, Ólafur Þ. Jónssén.
Skrifstofa: Guðrún Guðvarðardóttir. Jóhannes Harðarson.
Símavarslat-Siqriður Kristjánsdóttir, Margrót Guðmundsd.
Húsmóðir: Bergljót Guðjónsdóttir.
Bfjstjóri: Ólöf Siguröardóttir.
Innheimtumenn: Brynjólfur Vilhjálmsson, Ólafur Björnsson.
Pökkun: Anney B. Sveinsdóttir, Halla Pálsdóttir, Karen Jónsdóttir
Útkgyrsla, afgreiðsla og auglýsingar:
Síðumúla 6, Reykjavík, sími 81333.
Umbrot og setning: Prent.
Prentun: Blaðaprent h.f.
Glœsilegur
og árangursríkur
landsfundur
Landsfundur Alþýðubandalagsins um helgina mark-
aði tímamót í sögu íslenskra stjórnmála. Öflugasti
flokkur íslenskra vinstri manna opnaði skipulag sitt
með lagabreytingum til að gefa hinni fjölþættu sveit
róttækra afla kost á að taka saman höndum. í Ávarpi tií
íslendinga boðar Alþýðubandalagið nauðsyn á víð-
tækri samvinnu allra andstæðinga núverandi ríkis-
stjórnar til að verja kjör almennings og sjálfstæði þjóð-
arinnar. Nýtt fólk var kjörið í forystustörf og ferskur
kraftur alls þingheims braust fram þegar landsfundar-
fulltrúar fögnuðu kjöri hinna nýju trúnaðarmanna.
I rúmt ár hafði laga- og skipulagsnefnd forgöngu um
ýtarlega umræðu innan flokksins. Markmiðið var að
gera breytingar á lögum Alþýðubandalagsins sem
veittu fjölþættari möguleika á þátttöku og starfi. Á
landsfundinum voru hin nýju lög svo samyþykkt með
90% greiddra atkvæða. Svo víðtæk samstaða um nýja
skipan er afar dýrmæt.
Samkvæmt nýjum lögum Alþýðubandalagsins geta
nú margvíslegir áhugahópar um þjóðfélagsmál, sam-
starfsmenn á vinnustað, félagar í samtökum launafólks,
friðarsinnar, umhverfisverndarmenn og baráttuhópar
fyrir jafnrétti og réttlátara samfélagi myndað grunn-
einingar í flokksstarfinu. Ásamt búsetufélögunum, sem
áður voru eini formlegi vettvangur starfsins, geta hinar
nýju starfseiningar veitt ferskum straumum inn í um-
ræðuna og skapað áhugafólki nýja möguleika til áhrifa.
á mótun þjóðfélagsins.
Hið nýja skipulag gerir Alþýðubandalagið að opn-
asta og lýðræðislegasta flokki á íslandi. Breytingarnar
eru yfirlýsing flokksins um raunverulegan vilja til að
skapa öllum íslenskum vinstri mönnum möguleika á að
taka höndum saman og mynda öfluga breiðfylkingu.
Sameinaðir munum við sigra íhaldsöflin. Sundraðir
sköpum við þeim skjól til að ráðskast með stjórn lands-
ins.
Landsfundur Alþýðubandalagsins samþykkti Ávarp
til íslendinga. Þar eru raktir höfuðþættirnir í átökunum
um framtíðargerð íslenska samfélagsins. Annars vegar'
eru hin stríðandi markaðsöfl og hagsmunafylking fé-
sýslunnar sem vilja rífa niður velferðarkerfið og rétt-
indi launafólks til að geta skapað gróðaöflunum aukið
svigrúm. Hins vegar eru samtök almennings í landinu
sem vilja að samstarf og samhjálp verði leiðarljós við
lausn á vandamálum þjóðarinnar.
í Ávarpi til íslendinga boðar Alþýðubandalagið fjöl-
þættar aðgerðir í efnahags- og atvinnumálum sem
koma þurfa til framkvæmda tafarlaust. Kjarninn í þess- !
um aðgerðum er að verðmætasköpun framleiðslu-
atvinnuveganna verði hreyfiafl hagkerfisins og lýðræð-
isleg réttindi samtaka launafólks fái á ný að skapa
grundvöll að betri kjörum og mannlegri samhjálp. í
stað undanlátssemi gagnvart gróðahagsmunum Álusu-
isse og hernaðarítökum risaveldisins komi sjálfstæði og
reisn í samskiptum þjóðarinnar við erlenda aðila.
Ávarpinu lýkur á kröfu um víðtæka samvinnu allra
verkalýðssinna og vinstra fólks. Alþýðubandalagið er
reiðubúið til að gera allt sem í þess valdi stendur til að
skapa einhuga breiðfylkingu allra andstæðinga íhaldss-
tjórnarinnar.
Þrír forystumenn flokksins gáfu ekki kost á sér til
endurkjörs. Á landsfundinum skapaðist víðtæk eining
um nýtt fólk og setti litríkur baráttuþróttur sterkrar
kvennahreyfingar meginsvip á aðdraganda kosning-
anna. Konur voru kjörnar til að gegna embættum vara-
formanns og gjaldkera og forystumaður í samtökum
launafólks var kosinn ritari.
Kröftugur fögnuður sýndi að á landsfundi AIþýðu-r
bandalagsins ríkti einhugur og djúpstæð samstaða. -
Er Jóhanna Jón?
Engu er líkara en Jón Baldvin
Hannibalsson sé farinn að skrifa
undir dulnefninu Jóhanna Sig-
urðardóttir í Morgunblaðið. Alt-
ént kom í laugardags Mogga
grein merkt Jóhönnu Sigurðar-
dóttur með nákvæmlega sömu
röksemdum og Jón Baldvin
Hannibalsson brúkar í Alþýðu-
blaðinu þann sama dag.
Talaði Jón Baldvin
við Jón Baldvin?
Þau Jón Baldvin fara geyst af
því tilefni að Þjóðviljinn hefur
sagt frá því, sem Jón Baldvin
upplýsti á alþingi á dögunum að
Alþýðuflokkurinn væri hlynntur
afnámi vísitölubóta á laun. f sam-
ræmi við þá stefnu sína greiddi
þingflokkur Alþýðuflokksins at-
kvæði með fyrstu grein bráða-
birgðalaganna, þarsem segir að
verðbætur á laun séu afnumdar til
1. júní 1985.
Opnuviðtal Alþýðublaðsins
við Jón Baldvin er ómerkt, eins-
og gefur að skilja, því enginn
my ndi vilj a merk j a sér annan eins
þvætting. Meiraðsegjaekki undir
dulnefni. Og hverjum dytti í hug
að spyrja spurningar einsog þess-
arar: „Nefndu nokkur dæmi um
það“ eða þá „Hafa fleiri alþýðu-
bandalagsmenn lýst óánægju með
gamla vísitölukerfið?“.
í sjálfu sér væri hægt að virða
Alþýðublaðinu smæðina til vor-
kunnar og fyrirgefa Jóni Baldvin
þetta eintal í opnuviðtali. Hins
vegar bætist þarvið að Jón Bald-
vin skrifar einnig leiðara blaðsins
- að sjálfsögðu um sama mál - en
það er merkt höfundinum.
Hanga í snörunni
Þau Jón Baldvin gera ámátlega
tilraun til að afsaka afstöðu sína
til verðbótamálsins með því að
bendla hana við afstöðu Alþýðu-
bandalagsmanna og vitna í um-
mæli þeirra um að gamla vísitölu-
kerfið hefði ekki verið nógu gott.
Reyndar hélt maður að allir vissu
um það mat Alþýðubandalagsins
og verkalýðshreyfingarinnar, að
gamla vísitölukerfið hefði verið
gallað. Og Alþýðubandalagið og
verkalýðshreyfingin hafa marg-
lýst yfir vilja sínum til að betr-
umbæta það kerfi - og gert til-
lögur þar um. En hins vegar hefur
hvorki Alþýðubandalagið né
verklýðssamtökin nokkru sinni
haldið því fram að afnema ætti
verðbætur á laun. Og vissulega
hljóta þessir aðiljar að telja að
gamla vísitölukerfið sé miljón
sinnum betra en engar verðbæt-
ur. En einmitt það voru kratar að
samþykkja á þingi. Jón Baldvin
og þeir þingkratar hanga í snö-
runni.
Kratar gegn krötum
Jóni Baldvin dettur að sjálf-
sögðu ekki í hug að spyrja Jón
Baldvin, hvorki í Alþýðublaði né
í Mogga, hvort og hvers vegna
margir kratar væru andsnúnir
stuðningi þingkrata við ríkis-
stjórnina í þessu máli. Það er ekki
nema von. Meiraðsegja Jóhanna
veit og hefur lesið í Þjóðviljanum
um afstöðu Karls Steinars
Guðnasonar varaformanns
Verkamannasambandsins og Sig-
hvats Björgvinssonar formanns-
kanditats Alþýðuflokksins.
Þegar Jón Baldvin lýsti því yfir
í sl. viku að Alþýðuflokkurinn
væri hlynntur afnámi verðbóta á
laun brugðust þessir menn ó-
kvæða við. Karl Steinar taldi að
Jóni Baldvin hefði orðið á mis-
mæli. Og Sighvatur sagði, að ef
Jón Baldvin hefði rétt fyrir sér,
þá hefði „Alþýðuflokkurinn
mikið breyst á skömmum tíma“.
Það er lóðið, Alþýðuflokkur-
inn hefur breyst mikið á
skömmum tíma. Skömmu eftir
að Jón Baldvin gaf út þessa yfir-
lýsingu greiddu þingkratar af-
námi verðbóta á laun til næstu
tveggja ára atkvæði sitt á þingi.
Fyrir þetta geta þau Jón Baldvin
ekki þrætt.
Hvar var
Karl Steinar?
Meðan þingkratar guldu kjara-
skerðingarstefnu ríkisstjórnar-
innar jákvæði sitt á þinginu, voru,
þeir Karl Steinar, Eiður Guðna-
son og Karvel Pálmason ekki í
þingsölum. Jón Baldvin lætur sér
að sjálfsögðu ekki til hugar koma
að spyrja Jón Baldvin hverju'
sætti.
Hugarheimur
þingkrata
í nauðvörn þingkratanna er
nokkuð fjallað um svonefndan
„hugarheim Þjóðviljamanna“ og
„ómerkilegan og villandi frétta-
flutning" Þjóðviljans í málinu. í
engum þessara greina er svo
mikið sem eitt atriði úr fréttum
Þjóðviljans af frammistöðu
þeirra þingkrata hrakið. Nokk-
urri furðu sætir, sérstaklega í
nöldurgreininni í Mogganum,
að ekki skuli minnst á samhljóða
fréttir Morgunblaðsins af at-
kvæðagreiðslunni á alþingi. í fyr-
irsögn segir Morgunblaðið á hóg-
væran hátt: „Alþýðuflokkurinn
með verðbótaþrengingu frum-
varpsins“, en þannig er afnám
verðbóta í tvö ár orðað í því
stjórnarmálgagni.
Hefði einhver lágmarkssam-
: kvæmni verið í málflutningi
þeirra Jóns Baldvins, þá hefði
verið skrifað um „ómerkilegan
og villandi málflutning" Morgun-
blaðsins. En það var auðvitað
ekki gert, afþví Þjóðviljinn og
Morgunblaðið sögðu rétt frá mál-
inu bæði. Hins vegar er ekki bet-
ur séð en Jóhanna sé að kalla yfir
sig nýtt „gæsalappamál“ með því
að ljá nafn sitt slíkum og þvíum-
líkum málflutningi, sem Jón
Baldvin fer fyrir. Jamm, einsog
Sighvatur segir, þá hefur Alþýðu-
flokkurinn mikið breyst á
skömmum tíma. - óg..
Ruslakista
Dagblaðsins- Vísis
Þegar forráðamenn fyrirtækis-
ins sem gefur út DV neituðu að
leyfa Svarthöfða, Indriða G. Þor-
steinssyni rithöfundi, að birta lof-
grein um Þorstein Pálsson fyrir
formannskosningarnar í Sjálf-
stæðisflokknum, gekk mikið á í
Sjálfstæðisflokknum. Indriði
rauk með greinina beint niður á
Morgunblað sem studdi Þorstein
dyggilega í formannsslagnum.
Hinsvegar vóru einhverjar vom-
ur á ritstjórunum vegna þessarar
greinar. Ekki vegna þess að þeir
væru ósammála Indriða, heldur
vegna hins, að þeir óttuðust að
Mogginn yrði kallaður ruslakista
DV fyrir að birta grein sem síð-
degisblaðið hafnaði.
Ruslakista
Morgunblaðsins
í Sjálfstæðisflokknum er allt
kaup kaups og DV lenti sjálft í
sporum Moggans.- Sigurlaug
Bjarnadóttir hefur sent DV grein
sem greinilega hefur lengi verið
að velkjast fyrir ritskoðurunum á
Mogganum áður en hún kom til
þeirra á DV. Þannig segir. í for-
mála greinarinnar (sem er efnis-
lega samhljóða ræðu Sigurlaugar
á landsfundi Sjálfstæðisflokksins
þarsem hún sagði flokkseigenda-
félaginu til syndanna):
„Sigurlaug tekur fram, að hún
óskaði þess við Mbl. að greinin
yrði birt þar, en af sérstökum
ástæðum sáu ritstjórar þess sér
ekki fært að verða við þeirri
beiðni“.
Og þarmeð var farið að kalla
DV ruslakistu Morgunblaðsins,
þó ekki sé á nokkurn hátt hægt að
bera saman réttláta reiði Sigur-
laugar við hagsmunapot Svart-
höfða.
-óg.