Þjóðviljinn - 26.05.1984, Blaðsíða 4
4 SIÐA - ÞJOÐVILJINN Helgin 26.-27. maí 1984
Það besta við boðorðin tíu er að
þau eru þó ekki fleiri.
H. L. Mencken
Páll Ó/afsson:
Andvakan
Hér á eftir fer seinni hluti eins af
ljóðabréfum Páls skálds Ólafssonar,
prýðileg áminning um þann góða sið að
ljóða á vini sína í bréfum og leika fáir
eftir nú um stundir.
Eldinn forðast barnið brennt:
Bréfum í og ræðum
aldrei finnst mér háðið hent
hvað þá síst í kvæðum
Pú skalt vita, að eg er
ásamt Helga þínum
staðráðinn að stefna þér
um stuld á kútnum mínum.
Annar potta tíu tók
(tappinn grár á litinn).
Hann gekk hér á blárri brók,
bætt var hún og skitin.
Níu potta annan á
einatt lét ég kútinn.
Hann var lengri samt að sjá,
en svipfallegri’ um stútinn.
Pað svo milli þín og mín
þúfur fari’ ekki’ út um,
sendu besta brennivín
á báðum þessum kútum.
Sendu báða’ að Böðvarsdal,
biddu þar að geyma.
Um tíma’ og eilífð eg því skal
aldrei við þig gleyma.
Þér með Ijóðum þakka skal,
þegar ég fæ kútinn
og mínum vara „dýrumdal“
dreypi niðr í stútinn.
Sérhver dóni’ og drykkjusvín
deyr fyr, þar sem kominn er,
en bragða Thomsens brennivín.
Biddu guð að hjálpa þér!
Sú er engum efra hér
óþvefvísi gefin,
þegar sunnanáttin er,
ekki’ að finna þefinn.
Þér að segja eins og er,
enginn við því lítur,
því botnfallið og bragðið er
bara tómur skítur.
Vænn hefir Thomsen verið mér
og vökvað á mér trýnið,
en hann má fara’ að sjá að sér
með Satans brennivínið.
Þá er komið þagnarmál.
Þú skalt mínum vinum
heilsa nú með hjarta og sál,
helst þó prófastinum.
Bréfið saman brýt ég þá,
bulli hætti’ ég þessu.
Það er kveðið einmitt á
A llra ’-heilagra-messu.
Ósk ég bind í endann þá,
í öðru lífi’ og þessu
að ég lifi ykkur hjá
Allra-sálna-messu.
Samræmi og fegurð
Ungur maður að nafni Finnbjörn Finn-
björnsson hefur undanfarin 3 ár unnið
að gerð teiknimyndar og verður hún
frumsýnd í Regnboganum í dag, laug-
ardag. Þetta er hálftíma kvikmynd og
verðurhún sýnd á klukkutímafresti.
Heitirhún Innsýn. Þettaeróvenjulegt
framtak hér á landi og myndin mun
reyndarvera harlaóvenjuleg miðaðvið
þær erlendu teiknimyndir sem við
eigum að venjast því að hún erab-
strakt. Jafnfamt sýningunni verður
málverkasýning í anddyri Regnbogans
um sama þema. En hvert er þá inntak
myndarinnar? Um það sagði Finnbjörn
á blaðamannafundi í vikunni:
- Myndin hefur visst þema. í fyrsta lagi
byggist hún á lögmáli hreyfingar en skv. því
er ekki til bein lína eins og Einstein sýndi
fram á á sínum tíma. Grundvöllur allrar
hreyfingar er að allt fari í hring og öll tilver-
an byggist á þessu svokallaða hringrásar-
lögmáli. í öðru lagi sýni ég andstæða liti en
andstæðulögmálið er grundvöllur allrar
skynjunar. I þriðja lagi túlka ég afstæðið
sem felst m.a. í því að myndin hefst á sólar-
lagi sem er á hvolfi. Henni lýkur svo á réttu
sólarlagi svo að fólk hafi jörð til að ganga á
þegar það fer út. Ennfremur túlka ég í
myndinni fegurð og samræmi.
- Er þetta mikil litadýrð?
- Ég vil gefa tilfinningu fyrir litrófinu
m.a. með því að í myndinni hefur hver litur
sína sólarupprás.
- Er myndin eingöngu teiknuð?
- Að mestu leyti. Það eru í henni um
6000 teikningar eða 12 myndir á sekúndu en
einnig tók ég kvikmynd af sólarlaginu sem
gekk raunar ekki átakalaust fyrir sig því að
það liðu tvö ár þangað til ég náði sólarlagi á
filmu.
- Hvemig stóð á því?
- Það var nú ekki gott eins og veðurfarið
hefur verið hér á landi, svo fékk ég frímiða
til Kaliforníu og var þar í hálfan mánuð að
aka milli San Francisco og Los Angeles, en
það voru alltaf ský við sjóndeildarhringinn.
Ég reyndi að ná því í Grindavík eftir
heimkomuna, en það fór á sömu leið. Svo
bað ég kunningja minn í Florida að ná þessu
fyrir mig og hann reyndi í 2 mánuði án
árangurs og varð þá að gefa sig að öðru.
Loks fór ég sjálfur til Florida og þar náði ég
mynd af sólarlaginuímarssl. í myndinni er
sólarlagið þó ekki eins og það var tekið,
heldur er blandað litum inn í það eins og ég
sagði áðan.
- Hvar lærðirðu þessa tækni?
- Ég var í tvö ár í námi í „Animation“
eða teiknimyndagerð hjá einkaaðila í San
Francisco, en upphaflega er ég húsamálari
að mennt.
- Hefur þetta ekki verið dýrt fyrirtæki?
- Myndin kostar um 1 miljón króna og er
fjármögnuð þannig að tvisvar fékk ég styrk
úr Kvikmyndasjóði en afgangurinn er tek-
Viðtal við
Finnbjörn
Finnbjörnsson
kvikmynda-
gerðarmann
en í dag verður
frumsýnd í
Regnboganum
kvikmynd
hans
Innsýn
inn að láni hjá velviljuðum bönkum. Vil-
hjálmur Knudsen hefur líka veitt mér
ómetanlega aðstöðu.
- Þarftu þá ekki marga áhorfendur?
- Ég þarf 10 þúsund áhorféndur hér, en
einnig geri ég mér vonir um að komast á
erlendan markað, ekki síst kvikmyndahá-
tíðir en þær sérhæfa sig margar í teikni-
myndum.
- Heldurðu að íslendingar séu fúsir að
koma á svona mynd?
- Ég held að íslendingar séu mjög opnir
og geri mér vonir um að þeir taki vel við
myndinni og verði jafnframt öðrum lista-
mönnum hvatning til að gera svipaða hluti.
Svona mynd hefur aldrei verið gerð hér á
landi, en þetta er mjög að ryðja sér til rúms
erlendis og er þá gjaman unnið með tölvu
en inn á þá braut vil ég næst fara. Ég hef trú
á því að þetta form eigi eftir að verða al-
mennt.
- Hvað með tónlist í myndinni?
- Það er sænskt tónskáld sem heitir Ing-
imar Fridel sem hefur gert mjög vandaða
elektróniska tónlist við myndina.
- Að lokum, Finnbjöm. Þú hefur málað
heilan gafl á húsi við Bergstaðastræti og er
þar um sólarlag að ræða. Er gaflinn í tengsl-
um við kvikmynd þína?
- Hann er bæði til að vekja athygli á
myndinni og einnig til fegrunar. í San Fran-
cisco er mikið af svona máluðum göflum og
mætti vera meira af þeim hér.
-GFr
Þið ráðið hvort þið
trúið því, en einu
sinni leit Reykjavík-
urhöfn svona út. Ek
vitum við hvaða
göfugtdampskip
hálfhverfur í mistrií
í miðri myndinni.