Þjóðviljinn - 21.06.1984, Blaðsíða 11
mannlíf
Nesti
í veiðiferðina
Þegar veiðiferðin er skipulögð
er nestispakkinn sannarlega ekki
þýðingarminnstur. Þeim mun
þýðingarmeiri er nestispakkinn
sem göngurnar eru meiri. Ef hins
vegar er hægt að geyma matinn í
húsi eða tjaldi, skiptir ekki eins
miklu að hann sé léttur og ekkert
ónauðsynlegt í honum, en ef
ganga á t.d. frá bíl eða húsi lang-
ar leiðir og snæða úti í náttúrunni
er rétt að huga vel að því hvað
sett er í malinn.
Á veiði- og gönguferðum um
ísland er heitt kaffi eða annar
drykkur á brúsa flestum nauðsyn-
legur. Heitt kakó er orkumeira,
en heit súpa þó líklega allrabest.
Ef ekki er unnt að hafa með sér
eitthvað heitt, er samt sem áður
ástæða til að hafa með sér orku-
mikinn og fyrirferðarlítinn mat
eins og t.d. suðusúkkulaði eða
rúsínur sem hægt er að maula á
göngunni. Harðfiskurinn er líka
ævinlega vinsæll, svo og ávextir
eins og bananar eða epli, sem
hægt er að borða á göngu.
Það eru þó flestir sem kjósa að
hafa gott og næringarríkt nesti,
sem hægt er aðsnæða írólegheit-
um þegar menn taka sér hvíld á
göngunni, fremur en að vera
stanslaust að narta í eitthvað.
Með heitri súpu (sem sett er í
hitabrúsa) er ágætt að hafa smurt
brauð, kalt kjöt, ávexti og græn-
meti. Best er að hafa matinn til-
búinn, brauðið smurt með áleggi
á, svo að ekki þurfi að eyða tíma í
að skera niður matinn, né heldur
að hafa meðferðis áhöld til þess.
Eftirfarandi er tilvalið í nestis-
pakkann:
Harðsoðin egg: Þau eru sett í
álpappír eftir að skurnin hefur
verið tekin af þeim og síðan stýfð
úr hnefa.
Tómatar, paprika og agúrka:
Borðað eins og það kemur fyrir
heilt, eða sneitt niður á brauð.
Kaldur kjúklingur: Kjúk-
Iingur, sem hefur verið grillaður
eða steiktur er hlutaður og settur
á álpappír. Borðaður með græn-
metinu og kotasælusósu, sem
gerð er úr kotasælu, sítrónusafa,
tómatkrafti og söxuðum lauk.
Hafið litla teskeið með til að
borða sósuna úr. Þykkar sósur
(t.d. frönsk sósa) er sóðalegri og
ekki eins fastar í sér og kotasælan
og því síður hentugar þegar
ganga þarf með nestið á sér, þótt
þær séu geymdar í lokuðum
ílátum.
Kalt hangikjöt, sviðasulta,
skinka eða annað beinlaust kjöt
er einnig ljúffengt og má t.d. rúlla
skinku eða hangikjöti utan um
aspas, næla saman með tann-
stöngli og raða í plastbakka með
loki.
Lifrar- eða kindakæfa í dós
getur verið ágæt, en betra er þó
að smyrja henni á brauðið áður
en lagt er af stað til að losna við
umstangið. Ef þið hins vegar
þurfið að smyrja á staðnum er
best að hafa lítinn, beittan hníf,
frekar en plasthnífapör, sem
hvort eð er er ekki hægt að
fleygja út í náttúruna. Góður
hnífur flýtir fyrir þegar sneiða
þarf mat við lélegar aðstæður.
Á eftir er svo gott að fá sér
ostbita og epli, banana eða vín-
ber.
Hér að framan hefur eingöngu
verið rætt um kaldan mat og
fljótandi heitan á hitabrúsa. Hafi
veiðimaðurinn eða ferðalangur-
inn möguleika á að kveikja sér
eld í sprekum, gerbreytast mögu-
leikarnir í mataræðinu. Þá er
hægt að hita upp dósamat, tilbú-
inn mat í álformi eða grilla sér
pylsur. Og ef það er verið að
veiða fisk, er ekkert vandamál að
skella honum á eldinn.
Hafið álpappír meðferðis til að
pakka fiskinum í áður en hann er
settur yfir eldinn, þá brennur
hann ekki.
Það er betra að hafa ekki mikið af óþarfa meðferðis þegar farið er í
gönguferðir. Reynið að hafa aðeins þau matvæli sem nýtast til fulls, t.d.
aðeins beinlaust kjöt og léttar og þægilegar umbúðir. Góður orkugjafi til
að maula í gönguferðum er t.d. rúsínur og suðusúkkulaði. Gleymið ekki
að ganga vel frá öllum matarleifum og umbúðum og munið að plast-
umbúðir eyðast ekki úti í náttúrunni.
Vinningar í Happaregni
Dregið hefur verið um aðal-
vinninga í „Happarcgni“, happa-
drætti Slysavarnafélags íslands,
þ.e. um 10 bifreiðar af gerðinni
Fiat Uno 45/S og 22 myndbands-
tæki af Nordmende gerð. Féllu
vinningar á eftirtalin númcr:
Fiat Uno 45/S: 42284 - 48468 -
48530 - 65232 - 72685 - 99739 -
112209 - 133207 - 134227 -
146946.
Nordmende myndbandstæki:
1588 - 7610 - 8174 - 10219 -
17734 - 20599 - 26773 - 43449 -
43630 - 43694 - 50796 - 52612 -
72913 - 84616 - 94407 - 103904 -
104888 - 117692 - 140680 -
147150 - 148157 - 151966.
Áöur hafa verið birt vinnings-
númer fyrir 1000 vinninga, sem
dregnir voru út 1. og 8. júní.
Fimmtudagur 21. júní 1984 ÞJÓÐVILJINN - SÍÐA 11
Síríus
þótt annað bregóist
jmQ & Mrn
Hreint súkkuladi fyrirsælkera