Þjóðviljinn - 12.02.1985, Page 3

FRETTIR
Aldraðir
Það er alltaf talað um aukið
pláss sem lausn á vandamál-
um aldraðra en ég tel að það séu
margar aðrar lausnir til. An þess
að vita það fyrir víst gæti ég trúað
því að það sé nóg til af plássum
fyrir aldraða en það eru ekki
alltaf réttir einstaklingar á réttum
stað, sagði Vilborg Ingólfsdóttir
hjúkrunarforstöðukona á öldr-
unarlækningadeild Landsspítal-
ans í Hátúni.
Á öldrunarlækningadeildinni
er sjúkrarými fyrir 66 aldraða og
að auki er þar rekinn dagspítali
þar sem aldraðir koma reglulega í
endurhæfingu og njóta læknis-
fræðilegrar þjónustu.
„Já, það er hér aldrað fólk sem
ætti betur heima á hjúkrunar-
stofnun en ekki á spítala, en
hjúkrunarheimili eru ekki mörg
til í Reykjavík og sum ekki rekin
eins og slík þó þau hafi verið ætl-
uð til þeirra nota. Það er ljóst að
ef þarf að byggja eitthvað fyrir
aldraða þá eiga það að vera
hjúkrunarheimili.
Hins vegar eru mismunandi
skoðanir á því hvort það vanti
pláss eða hvort það þarf aðra nið-
urröðun í þau pláss sem eru fyrir
hendi. Það er kannski frekar mín
skoðun að ekki sé ávallt réttur'
einstaklingur á réttum stað. Ég á
við að það er mjög mismunandi
hver tekur ákvörðun um hver á
að dvelja á viðkomandi stofnun.
Er það læknir, félagsráðgjafi eða
kannski einhverjir aðrir þar sem
þessar stofnanir eru reknar sem
sj álfseignarstofnanir?
Margir hafa viljað líta á stofnan-
Um 20 aldraðir borgarbúar koma dag hvern
íendurhæfinguádagdeildöldrunarlækninga deildarinnar í Hátúni þar sem þessi mýnd var tekin
ir sem einu lausn þessara mála,
en ég sé það alls ekki sem neina
allsherjarlausn. Það er hægt að
styðja við bakið á öldruðum á
mjög margvíslegan hátt til að
gera því kleyft að vera heima og
það er einmitt markmið laganna
um málefni aldraðra, en vandinn
er sá að sú þjónusta sem öldruð-
Mynd: E.OI.
um er veitt í heimahúsum er ekki
nægilega vel uppbyggð", sagði
Viiborg Ingólfsdóttir. - lg.
Vantar hjúkrunarheimili
Vilborg Ingólfsdóttir hjúkrunarforstöðukona Öldrunar lœknadeildar: Umdeilanlegthvort
vistplássin séu nógu mörg. Ekki ávallt réttur aðili á réttum stað
Fjármálaráðuneytið
Krefst óbreytba samninga BHM
Könnun Hagstofunnar leiðir í Ijós að 52% munur erá
heildarlaunagreiðslum háskólamanna hjá ríkinu og á almennum
markaði. Konur í opinberriþjónustu réttlœta launamismun að mati
ráðuneytisins
Ef bornar eru saman heildar-
launagreiðslur til háskóla-
menntaðra manna hjá ríkinu
annars vegar og á almennum
vinnumarkaði hins vegar kemur í
ljós að rikisstarfsmenn hlutu að
meðaltali í maí 1984 33.071 kr. á
meðan laun á almennum markaði
voru að meðaltali 52% hærri eða
50.322 kr. Þetta kemur fram i
könnun þeirri sem Hagstofa Is-
lands gerði á launakjörum í 73
fyrirtækjum á höfuðborgarsvæð-
inu samkvæmt beiðni nefndar
þeirrar sem átti að vinna að sam-
anburði á launum háskóla-
menntaðra ríkisstarfsmanna
annars vegar og sambærilegra
starfsstétta á almennum mark-
aði.
Greinargerð þessi er helsti
grundvöllur þeirrar kröfugerðar
sem Bandalag háskóiamanna
hefur nú lagt fyrir kjaradóm. í
könnun Hagstofunnar kemur
einnig fram að munurinn á
grunnlaunum er enn meiri eða
72%, og að hliðstæður munur á
grunnlaunum hefur aukist frá
1977 úr 20% upp í 72%.
f kröfugerð BHM er gerð krafa
um nýja launatöflu sem í eru 25
launaflokkar með 8 aldursþrep-
um í hverjum flokki.
Samkvæmt töflu þessari yrðu
lægstu laun í-1. þrepi 23.735 kr.
og hæstu laun í hæsta þrepi
87.024 kr. Er 3,5% á milli launa-
flokka og 7% á milli aldursþrepa.
í greinargerð fjármálaráðherra
fyrir kjaradómi er borin fram
krafa um að gildandi aðalkjara-
samningur frá 18. febrúar 1984
verði framlengdur til 28. febrúar
1986 með þeim breytingum sem á
honum voru gerðar í desember
síðastliðnum. í greinargerðinni
kemur meðal annars fram að þar
sem konur eru hlutfallslega fleiri
meðal ríkislaunaðra háskóla-
manna þá réttlæti það 6% lægri
laun hinna ríkislaunuðu miðað
við almennan markað. Kjara-
dómur kveður upp úrskurð í máli
þessu þann 26. febrúar nk., en
meirihluti háskólamenntaðra
kennara hefur sagt upp störfum
frá 1. mars verði ekki orðið við
kröfum þeirra.
- ólg.
Sjónvarp
Mistök
Pósts & síma
Knattspyrnuáhugamenn áttu
heldur kléna stund við sjónvarps-
tækið á laugardag: í beinni út-
sendingu frá leik í ensku knatt-
spyrnunni gekk á með truflunum
og var nær ógerlegt að fylgjast
með. Bjarni Felixson íþrótta-
fréttamaður á sjónvarpi sagði við
Þjóðviljann í gær að eitthvað
hefði verið að hjá Pósti og síma.
„Við fengum ekki þá þjónustu
sem við áttum að fá hjá þeim“,
sagði Bjarni, „fengum ekki það
efni sem Póstur og sími átti að
flytja til okkar“. Bjarni vildi ekki
svara spurningu um hugsanlega
skaðabótakröfu sjónvarpsmanna
á hendur Pósti og síma, en í gær
var verið að rannsaka ástæður
truflananna. Samkvæmt heimild-
um Þjóðviljans er útilokað að
mistökin við útsendinguna eigi
nokkrar rætur að rekja til gervi-
hnattarins. - m
Bankaræningjar
Voru handteknir í Fœreyjum
Imiðri síðustu viku voru hand-
teknir í Færeyjum þrír menn.
Þetta voru menn um tvítugt sem
höfðu framið fyrsta vopnaða
bankaránið í Færeyjum. Þrem
vikum fyrr höfðu þeir veifað
byssum í banka í Kollafirði og
haft með sér þaðan 162 þúsundir
danskra króna.
Lögreglan segir, að grunur hafi
snemma fallið á mennina þrjá og
þeir hafi áður verið teknir til yfir-
heyrslu. Ekki þótti nógum upp-
lýsingum safnað til að hægt væri
að handtaka þá, en lögreglan hef-
ur síðan haft með þeim vakandi
auga og þá ekki síður með því,
hvernig og í hvað þeir hafa eytt
peningum. Að lokum var svo
látið til skarar skríða. Einn var
handtekinn í Kollafirði og tveir í
Þórshöfn og fannst nokkuð af
peningum hjá öðrum þeirra.
Miklu fé var þegar sóað.
Nú er spurt að því, hver muni
fá þær 20 þúsund krónur danskar
sem bankinn hafði heitið hverj-
um þeim sem gæfi upplýsingar
um sem leiddu til að þjófarnir
fyndust. - áb.
Þriðjudagur 12. febrúar 1984 ÞJÓÐVILJINN — SÍÐA 3