Þjóðviljinn - 05.09.1985, Side 3

FRETTIR
Póstur
Póstur skilinn eftir í Glasgow
s
Brot á reglugerð umforgangpósts. Arni ÞórJónsson
póstrekstrarstjóri: Hef kvartað við Flugleiðir. Flugleiðir: Skotar
þekkja ekki íslenskar reglur
Jú, það cr rétt, á þriðjudaginn
var talsvert magn af pósti
skilið eftir í Glasgow þegar flug-
vél Flugleiða á leið til íslands lenti
þar, sagði Árni Þór Jónsson póst-
rekstrarstjóri í samtali við Þjóð-
viljann í gær.
„Það áttu að koma 700 kíló af
pósti hingað í gær en það komu
innan við 200 kíló. Ég er einmitt
að vinna í þessu núna og hef
kvartað undan þessu við Flug-
leiðir, því þetta er brot á reglu-
gerð að láta póst ekki hafa for-
gang fram yfir annað. Þetta er
alveg afleitt, þetta hefði átt að
vera borið út á miðvikudegi en
verður sennilega ekki komið til
skila fyrr en á föstudag. Ég vona
að minnsta kosti að við getum
borið þennan póst út þá, en við
getum ekki fullyrt neitt.”
Reglugerðin sem póstrekstrar-
stjóri vísar í er frá 1982 og gefin út
af Steingríihi Hermannssyni. Þar
segir meðal annars að allar teg-
undir pósts skuli fluttar milli
landa með flugi eða skipi og „skal
póstur ætíð ganga fyrir öllum
flutningum, bæði farþegum og
vörum.”
„Það urðu þarna óviðráðanleg
mistök,” sagði Sveinn Sæmunds-
son blaðafulltrúi Flugleiða í sam-
tali við Þjóðviljann. „Vélin sem
átti að fara bilaði og önnur burð-
arminni var send í staðinn. Skot-
arnir sem sjá um þetta vita ekki af
þessari reglugerð og okkur þykir
afar leitt að þetta kom. fyrir.”
Borgarráð
Aukafé til
Gerðubergs
í fyrradag var haldinn borg-
arráðsfundur. 42 mál voru á dag-
skrá en það voru að sögn Gunnars
Eydal skrifstofustjóra borgar-
stjórnar allt minni háttar af-
greiðslumál. Til að gefa vísbend-
* ingu um hvað var rætt má nefna
að rætt var um bréf frá vagn-
stjóra SVR þar sem hann bendir á
nýjungar í leiðum SVR. Einnig
var rætt um aukafjárveitingu til
nýja bókasafnsins í Menningar-
miðstöðinni Gerðubergi. Hún
var samþykkt og hljóðar upp á
260.000 kr.
Auk þessa var rætt um um-
sóknir um stöðu borgarminja-
varðar. 10 umsóknir liggja fyrir
en engin ákvörðun var tekin.
Umsóknir um vínveitingaleyfi
fyrir Hótel Holt og Glæsibæ voru
teknar fyrir og vísað til Áfengis-
varnarnefndar. Ingibjörg Sólrún
Gísladóttir lagði fram bókun
vegna BÚR. Þetta var ýtarlegri
bókun en hún hafði áður lagt
fram um málið. íbúðarúthlutanir
voru einnig ræddar á borgarráðs-
fundi og að lokum má geta þess
að undirskriftalistar íbúa Teiga-
hverfisins voru lagðir fram.
SA
ABR
Fóstrur
lítilsvirtar
Fjarstœða að búið sé
að leysa vanda dag-
vistanna
Stjórn Alþýðubandalagsins í
Reykjavík hefur á fundi sínum
mótmælt þeirri fádæma lítilsvirð-
ingu í garð fóstra og vanþekkingu
á störfum þeirra sem yfirlýsingar
Davíðs Oddssonar borgarstjóra
að undanförnu gefa til kynna,
segir m.a. í frétt frá ABR.
Þar segir ennfremur að á borg-
arstjóra megi skilja að hann telji
vanda dagvistarheimilanna end-
anlega leystan, en slíkt sé hrein
fjarstæða. Það sem borgarstjóri
telji lausnir séu í raun bráða-
birgðaráðstafanir sem séu til þess
ætlaðar að fá fólk til starfa fyrir
lágmarkslaun. Bendir stjórn
ABR á að hið eina sem geti orðið
til bjargar sé gagngert endurmat
ráðamanna á uppeldisstörfum,
en vanmat þeirra og vanþekking
á uppeldishlutverki dagvistar-
heimila sé hrikalegt.
Hinn heimsþekkti óperusöngvari Kristján Jóhannsson er meðal þeirra sem taka þátt í Grímudansleik Verdis. Ljósm. E.ÓI.
Þjóðleikhúsið
Grímudansleikur á fjölunum
Frumsýning20. september. Kristján Jóhannsson óperusöngvari
meðal aðalleikara
Fyrsta verkefni Þjóðleikhússins
á vetri komanda er óperan
Grfmudansleikur eftir Verdi.
Frumsýning óperunnar verður
20. september.
Leikstjóri er Sveinn Einars-
son, hljómsveitarstjóri Maruizio
Barbacini, leikmynd er eftir
Björn G. Björnsson og búningar
eftir Malín Orlygsdóttur. í helstu
hlutverkum eru Kristján Jó-
hannsson, Kristinn Sigmunds-
Verðkönnun
Mikill verðmunur á skólavörum
12 stk. litakassi getur kostað alltfrá 56 kr. í 102 kr.
Verðlagsstofnun gerði í lok ág-
ústmánaðar verðkönnun á
ýmsum skólavörum í 30 bóka- og
ritfangaverslunum á höfuðborg-
arsvæðinu.
Verð var kannað á 38 vöruteg-
undum. í 13 tilvikum var hæsta
verð vöru meira en 50% hærra en
lægsta verð hennar. Sem dæmi
má nefna að 40 blaðsíðna vírheft
reikningsbók var 130% dýrari í
einni verslun (46 kr.) en í annarri
(20 kr.).
Allnokkur hlutfallslegur verð-
munur er á milli verslana í hinum
einstöku vöruflokkum. Sem
dæmi má nefna að 12 stk. askja af
Crayola litum kostaði minnst 56
kr. í Bókabúð Lárusar Blöndal
og allt að 102 kr. í Bókabúðinni
Bók við Miklubraut. Þetta er
82.1% verðmunur. Ball Pental
kúlupenni kostaði frá 27.50 kr. í
Bókabúðinni Bók við Miklub-
raut, að 45 kr. í bókabúðinni
Helgafell við Laugaveg. Það er
63.6% verðmunur. Tréblýantar
með strokleðri kostuðu allt frá 6
kr. í Bókabúð Jónasar í Rofabæ
að 13 kr. í Bókabúð Olivers
Steins í Hafnarfirði. Það er verð-
munur upp á 116.7%.
-IH
son, Sigríður Ella Magnúsdóttir,
Elísabet Eiríksdóttir, Katrín Sig-
urðardóttir, Robert Becker og
Viðar Gunnarsson.
ítalski óperukóngurinn Gius-
eppe Verdi kom við snöggan
blett á ítalskri þjóðarsál með
þessu verki, eins og svo oft á sín-
um ferli. Sagan er byggð á morð-
inu á Gústaf III Svíakonungi á
grímudansleik í lok 18. aldar, en
ítölsku ritskoðuninni þótti ekki
við hæfi að sýna konungsmorð á
leiksviðinu og varð tónskáldið þá
að flytja atburðarásina til Boston
í Bandaríkjunum. Það var svo
ekki fyrr en á þessari öld að farið
var að sýna upphaflegu leikgerð-
ina og sú gerð liggur til grundvall-
ar uppfærslu Þjóðleikhússins.
Ýmis önnur verkefni eru á dag-
skrá í Þjóðleikhúsinu í vetur og
verður nánar sagt frá þeim í helg-
arblaði Þjóðviljans.
Fimmtudagur 5. september 1985 ÞJÖÐVILJINN - SÍDA 3