Þjóðviljinn - 03.04.1986, Blaðsíða 16

Aðalsími: 681333. Kvöldsími: 681348. Helgarsími: 681663.
Fimmtudagur 3. apríl 1986 74. tölublað 51. órgangur
PJOÐVIUINN
Flugstöðin
Miðneshreppur kærir
Miðneshreppur hefur kært auglýsingu deiliskipulags að j'lugvallar-
svœðinutilfélagsmálaráðuneytis. Enginn úrskurður enn. Agreiningur
í skipulagsstjórn
Við höfum kært þá ákvörðun til
félagsmálaráðuneytisins, að láta
flugvailarstjórann á Keflavíkur-
flugvelli auglýsa deiliskipulag að
flugstöðvarsvæðinu, sem er
óumdeilanlega innan lögsögu
Miðneshrepps, sagði Elsa Krist-
jánsdóttir oddviti Miðneshrepps í
samtali við Þjóðviljann í gær.
Deiliskipulag að flugstöðvar-
reitnum var auglýst í janúar í
nafni flugvallarstjórans á vellin-
um, án þess að hreppsnefnd
Miðneshrepps fengi ráðrúm til
þess að fjalla um málið. Þessu var
þegar mótmælt bæði af Miðnes-
hreppi og stjórn Sambands
sveitarfélaga á Suðurnesjum.
Málið hefur komið til umræðu í
skipulagsstjórn ríkisins, en hefur
enn ekki komið til afgreiðslu þar.
Fram hafa komið tvær tillögur,
sem annars vegar gera ráð fyrir
að þarna hafi orðið mistök og því
beri að auglýsa skipulagið að
nýju í nafni skipulagsstjórnar, en
hins vegar að ekkert hafi verið
óeðlilegt við þessi vinnubrögð og
ekki þörf á að aðhafast frekar í
málinu. Ef fyrri tillagan nær fram
að ganga í skipulagsstjórn má
gera ráð fyrir að deiliskipulagið
verði borið undir kjörna fulltrúa
Miðneshrepps.
í félagsmálaráðuneytinu feng-
ust þær upplýsingar í gær að mál
þetta væri í skoðun, og ekki vitað
hvenær úrskurðar væri að vænta.
Elsa Kristjánsdóttir sagði í gær
að Miðneshreppur væri stað-
ráðinn í að sækja sinn rétt í þessu
máli. „Þetta er aðeins eitt dæmi
um erfiða sambúð við vamar-
málaskrifstofu utanríkisráðu-
neytisins, sem virðist líta á þetta
svæði sem ríki í ríkinu," sagði
Elsa .
—gg
Norræna húsið
Rifbjerg
til landsins
Danski rithöfundurinn Klaus
Rifbjerg kemur fram á danskri
bókakynningu í Norræna húsinu
á sunnudag, les Ijóð og ræðir um
bókaútgáfu í Danmörku.
Rifbjerg er einna þekktastur
núlifandi danskra rithöfunda og
skrifað býsn ýmisskonar bóka.
Hann hlaut bókmenntaverðlaun
Norðurlandaráðs 1979 fyrir Anna
Cjeg) Anna, sem ein bóka hans
hefur verið þýdd á íslensku.
Hann er nú forstjóri Gyldendal-
útgáfunnar í Danmörku.
Lögreglumenn
50 hættir
Yfir300 eða helmingur allra lögreglumann ílandinu
hafa sagt upp störfum. Enginnfundur boðaður í
kjaraviðrœðunum. Einar Bjarnason: Viljum komast
hjá óhóflegum vinnutíma. Viljum meiri menntun.
Viðbrögð ríkisstjórnarinnar: Engin
Um 50 lögreglumcnn í Reykja-
vík hafa hætt störfum síðustu
16 mánuði og yfir 300 hafa sagt
upp störfum nú á öllu landinu eða
ríflega helmingur alira starfandi
lögreglumanna, sagði Einar
Bjarnason formaður Lögreglu-
þjónaféiags Reykjavíkur og vara-
formaður Landssambands lög-
reglumanna í samtali við Þjóð-
viljann í gær.
Einar kvað ástandið víða vera
slæmt vegna uppsagna, svosem í
Keflavík, Isafirði, Sauðárkróki,
Borgarnesi og víðar. Einar kvað
kröfur þeirra í sérkjarasamning-
unum ekki þurfa að fela í sér mik-
inn kostnaðarauka fyrir ríkið.
Menn mættu ekki gleyma því, að
það væri fokdýrt að ala upp fólk,
sem fer svo eftir tveggja til fimm
ára starfsreynslu.
Einar Bjarnason kvað vinnu-
tímann mjög óhóflegan og að lög-
reglumenn yrðu að geta lifað af
dagvinnutekjum. Þess vegnaværi
gerð krafa um hærri tekjur fyrir
venjulegan vinnudag. Þá væru
gerðar kröfur um meiri menntun,
enda væru íslendingar langt á
eftir öðrum Norðurlandabúum í
því efni, ekki síst reyndi á
mannleg samskipti og þekkingu
lögreglumanna í því sambandi.
Meðal yfirvinnutími lögreglu-
manna er um 100 tímar á mánuði
og fer oft langt upp fyrir það.
Byrjunarlaunin eru ríflega 20
þúsund krónur á mánuði, en
óbreyttir lögreglumenn geta
komist upp í 30 þúsund króna
mánaðarlaun fyrir dagvinnu eftir
18 ára starf, sagði Einar Bjarna-
son.
-«g
Lögreglumenn fyrir utan Hverfisgötu í gær. Sigurður, Baldvin, Erlendur og
Einar Karl. Þeir hafa allir sagt upp störfum. Mynd: E. Ól.
Sjá leiðara bls. 4
Námsmenn
Noirænn
stuðningur
Stúdentahreyfingar
á Norðurlöndum:
Fullur stuðningur við
baráttuna í lánamálum
Á þingi NOM, norrænna stúd-
entahreyfinga, sem haldið var í
Stokkhólmi nýlega var samþykkt
einróma stuðningsyfirlýsing við
baráttu íslenskra námsmanna í
lánamálum.
Þingið sóttu fulltrúar frá öllunt
Norðurlöndunum. Stuðnings-
yfirlýsingin er á þessa leið: “Allar
stúdentahreyfingarnar á Norður-
löndum lýsa yfir fullum stuðningi-
við baráttu íslenskra stúdenta
gegn hugmyndum um niðurskurð
á námslánakerfinu sem fram hafa
kontið. Námslánakerfið á íslandi
ætti að tryggja að allir eiga að
geta hafið og stundað nám óháð
efnahag. Látið ekki skammsýni
ráða ferðinni. Stúdentar, standið
vörð um jafnrétti til náms.“
—gg
Rútubílstjórar
Krefjast samræmingar
Bifreiðastjórafélagið Sleipnir krefstsamrœmingar á launum langferðabílstjóra og
steypubílstjóra. Daníel Óskarsson: Ekki herskáar kröfur. Laun ná ekkifátœkramörkum
Okkar kröfur geta varla talist
herskáar, sérstaklega ef tekið
er tillit til þess að iaun langferða-
bílstjóra eru undir fátækramörk-
um. Félag sérleyfishafa hefur
ekki séð ástæðu til að ræða við
okkur enda þótt við höfum ítrek-
að óskað eftir viðræðum, sagði
Daníel Óskarsson formaður Bif- '
reiðafélagsins Sleipnis í samtali
við Þjóðviljann í gær.
Meginkrafa Sleipnis er sú að
laun þeirra verið í samræmi við
laun steypubílstjóra, en nú eru
byrjunarlaun þeirra sambærileg
við laun langferðabílstjóra með
15 ára starfsreynslu. Auk þess
krefjast langferðabílstjórar þess
að ef unnið er á stórhátíðisdögum
skuli greitt tvöfalt næturvinnu-
kaup, að greidd verði staðarupp-
bót fyrir þá sem eru í langferðum
o.fl. Byrjunarlaun langferðabíl-
stjóra voru í október í fyrra innan
við 18 þúsund krónur og komust
hæst upp í rúmar 23 þúsund kr.
Daníel sagði í gær að verkfalls-
heimildar hefði þegar verið aflað
og að félagið myndi leggja alla
áherslu á að ná þessum kröfum
fram. Kröfur voru afhentar Fé-
lagi sérleyfishafa fyrir um mánuði
síðan, en fundur hefur verið boð-
aður hjá sáttasemjara 8. apríl.
„Þetta eru hógværar kröfur, og
í raun og veru engar kröfur, held-
ur er þarna aðeins verið að fara
fram á samræmingu á launum
langferðabílstjóra og steypubíl-
stjóra,“ sagði Daníel í gær.
_______________________________~gg_
Grundarfjörður
Góður afli frá áramótum
Frá fréttaritara Þjóðviljans á
Grundarfirði:
Góð aflabrögð hafa verið frá
áramótum. Eftirtaldir bátar
sem lagt hafa upp í Grundarfírði
hafa aflað frá ársbyrjun til 25.
mars sem hér segir:
Haukaberg SH 20 fékk 563
tonn í 59 sjóferðum. Skipanes SH
608 fékk 404 tonn í 24 túrum á net
og 221 tonn af skel í 34 túrum.
Farsæll SH 30 fékk í net 393 tonn í
29 túrum og 167 tonn af skel í 28
túrum. Grundfirðingur SH 12
fékk í 13 túrum á net 170 tonn og
hann fór einnig 31 ferð á skel og
aflaði 216 tonn af henni.
Fagranes ÞH 123 fékk 278 tonn
í 28 túrum á net. Frosti II ÞH 220
fékk 401 tonn í 19 túrum á net, en
í 40 túrum fékk Kristján SH 23
hins vegar 205 tonn í netin. Kol-
brún ÍS 267 fór 28 túra á net og
fékk tæp 60 tonn. Örninn SH 66
fékk 64 tonn í 27 ferðum. Víðir
KE 10L fékk hins vegar 40 tonn í
29 túrum.
Fanney SH 24 fékk í níu ferð-
um á net 158 tonn, og í einni ferð
sem lögð var upp í Grundarfirði
fékk Sigurvík SH 117 39 tonn.
Skakbátar gerðu það einnig
gott.
Eingöngu á skel var Sóley SH
150 sem fékk 219 tonn í 31 túr.
Runólfur SH 135, skuttogari
Grundfirðinga, landaði að síð-
ustu 599 tonnum í 8 löndunum.
Rósant