Þjóðviljinn - 26.04.1987, Blaðsíða 16

Þórarinn Eyfjörð og Ingrid Jónsdóttir sem Eikki og Hilka. Ljósm. Valdís
RÚNAR OG KYLLIKI
Leiklistarskólinn útskrifar 10. órgang nemenda.
Lokaverkefni Nemendaleikhússins frumsýntá
þriðjudag
Á þessu vori útskrifast níu
nemendur frá Leiklistar-
skóla fslands. Lokaverk-
efni þeirra við skólann
verður flutningur leikrits-
ins Rúnar og Kylliki eftir
finnska leikritaskáldið
Jussi Kylatasku á vegum
Nemendaleikhússins.
Þetta er j afnframt þriðj a
leikverkefni þeirra á þess-
um vetri, en áður sýndu
þau leikritin “Leikslok í
Smyrnu“ eftir Horst
Laube og “Þrettánda-
kvöld“ eftir William Shak-
espeare við góðar undir-
tektir áhorfenda og
gagnrýnenda.
Blaðamönnum gafst í
vikunni kostur á að sjá
æfíngu á Iokaverkefni
nemenda, en frumsýning
þess verður næstkomandi
þriðjudag. Leikritið Rún-
ar og Kylliki er dramatískt
nútímaverk, sem gerist í
fínnsku sveitaþorpi á árun-
um 1955-60, og fjallar um
örlög tveggja ungmenna,
sem eiga undir högg að
sækja í óblíðu umhverfí
tvískinnungsháttar og trú-
arofstækis. Leikritið er um
leið miskunnarlaus lýsing
á niðurlægingu þeirri og
forheimskun sem þetta
samfélag er undirorpið,
þar sem lífslygin og kúgun-
in leiðir endanlega til
hörmulegra atburða.
Efni leiksins mun að
einhverju leyti sótt til
sannsögulegra atburða er
áttu sér stað í Finnlandi
með fárra ára millibili á
sjötta áratugnum. Þar er
um sakamál að ræða sem
aldrei urðu upplýst, en
leiddu til þess að krafan
um harðara refsivald fékk
byr undir vængi. Nöfnin
Rúnar og Kylliki ber enn á
góma í Finnlandi þegar
slíkar kröfur skjóta upp
kollinum, og haf a því á-
kveðna merkingu í hugum
Finna. En þótt kveikjan að
verkinu séu þessir sann-
sögulegu atburðir, þá er
hér fyrst og fremst um góð-
an leikhússkáldskap að
ræða, sem ótvírætt hefur
víða og almenna skír-
skotun. Enda mun leikrit-
ið Rúnar og Kylliki vera
það finnska nútímaleikrit
sem oftast hefur verið sýnt
á leiksviði erlendis, auk
þess sem það hefur notið
mikilla vinsælda í Finn-
landi allt frá því að það var
frumsýnt 1973.
Þótt hér sé ekki um
formlega leikhúsgagnrýni
að ræða, þá held ég að
segja megi að Leiklistar-
skólinn geti verið stoltur af
frammistöðu þeirra nem-
enda sem nú útskrifast
eftir fjögurra ára nám, en
þetta er jafnframt 10. ár-
gangurinn sem útskrifast
frá skóianum.
Að sögn Helgu Hjörvar
skólastjóra Leiklistar-
skólans byggja fyrstu þrjú
námsárin fyrst og fremst á
námi í leiktúlkun og al-
hliða þjálfun auk bóklegra
greina, en síðasta námsár-
ið felst eingöngu í starfi í
Nemendaleikhúsinu, þar
sem nemendur fá að starfa
við aðstæður, sem eru
hvað líkastar því sem ger-
ist í atvinnuleikhúsunum.
Skólaárið stendur frá 1.
september til 31. maí og
eru að jafnaði kenndar 45
stundir á viku, frá 9-18 alla
virka daga auk heimanáms
og aðstoðar í Nemenda-
leikhúsi, sem nemendur
yngri bekkjardeilda skila.
Sagði Helga að mikil vinna
og mikil tækniþjálfun lægi
aðbaki námsins.
Helga sagði að sam-
kvæmt lögum væru nú
teknir 8 nemendur í
skólann á ári, en enginn
nýrnemandi4. hvertár,
þannig að nú væru í skóla-
num 26 nemendur. Ástæð-
una fyrir þessum takmark-
aða nemendafjölda sagði
hún vera atvinnuhorfur
leikara, en nú útskrifast
mun færri leikarar árlega
en þegar leiklistarskólarn-
ir voru tveir við bæði leik-
húsiníReykjavík.
Inntökupróf í Leik-
listarskólann fara fram á
vorin, og standa þau nú
yfir. Að þessu sinni þreyta
prófin á milli 60 og 70 um-
sækjendur. Fjórðahvert
ár er enginn nemandi tek-
inn inn, þannig að á næsta
ári verður til dæmis ekkert
Nemendaleikhús starf-
andi.
Helga sagði að þáttaskil
hefðu orðið í starfi skólans
með nýja húsnæðinu, sem
skólinn fékk síðastliðið
haust, en áður hefði
skólinn verið á hrakhólum
með húsnæði víðsvegar
um bæinn. Nú eru starf-
andi 5 fastráðnir kennarar
við skólann auk stunda-
kennara er koma úr röðum
starfandi listamanna.
í þessari sýningu Nem-
endaleikhússins koma
fram 9 útskriftarnemendur
auk 6 gestaleikara. Út-
skriftarnemendurnir eru
þau Árni Pétur Guðjóns-
son, HalldórBjörnsson,
Hjálmar Hjálmarsson,
Ingrid Jónsdóttir, Ólafía
Jónsdóttir, Stefán Sturla
Sigurjónsson, Valgeir
Skagfjörð, Þórarinn
Eyfjörð og Þórdís Am-
ljótsdóttir. Gestaleikarar
eruBiörnKarlsson,Mar- I
grét Ólafsdóttir, Sigurveig
Jónsdóttir, Þórhallur Sig-
urðsson og Steinn
Magnússon nemandi í 2.
bekk og Sigurþór Albert
heimisson nemandi í 2.
bekk. Leikstjóri er Stefán
Baldursson, þýðandi
leiksins er Þórarinn Eld-
jám en Grétar Reynisson
gerir leikmynd. Af æf-
ingunni að dæma verður
enginn svikinn af sýningu
Nemendaleikhússins á
Rúnari og Kylliki, því hér
er um ósvikið leikhús af
bestu gerð að ræða.
-ólg.
Ólafía Jónsdóttir og Stefán Sturla Sigurjónsson sem Kylliki og presturinn. Ljósm. Valdís.
16 SÍÐA - ÞJÓÐVILJItójfc Sunnudagur 26. apríl 1987