Þjóðviljinn - 12.07.1987, Blaðsíða 3

Bob
Moron
og
Fuglinn
Sút
Sækýrnar taka flugið yfir
fjörðinn og það logará
kertunum á baki Dýrsins. Bob
Moran og Gula skugganum er
hvergi brugðið.
Þegar ég kem inn er Gústi einn
í salnum. Við erum stödd í
Möðruvallakjallara á Akureyri í
júní síðastliðnum. Veggirnir eru
þaktir myndum, sem eru eins og
heima hjá sér á brúnni viðar-
klæðningunni. Myndirnar eru
eftir þá Þorra Hringsson og Gúst-
av Geir Bollason, nemendur í
Myndlista- og handíðaskóla ís-
lands. Þetta sunnudagssíðdegi
var Þorri í höfuðborginni en mig
langaði að vita hvað hefði rekið
þá félaga til að halda sýningu,
ennþá í námi, og hvers vegna þeir
hefðu farið þvert yfir landið til
þess.
Hvers vegna Akureyri, Gústi?
„Ég er uppalinn Eyfirðingur og
þekki marga á Akureyri. Það er
allt öðruvísi að sýna hér heldur en
í Reykjavík. Hérna kemur fólk á
sýninguna mikið af forvitni, þetta
er tilbreytni í bæjarlífinu. Hingað
koma heldur ekki neinir
gagnrýnendur og leggja dóm sinn
á myndirnar enda væri það varla
tímabært. Þetta er meira svona
fyrir okkur til að læra af og kynn-
ast þvf hvernig þetta gengur fyrir
sig heldur en til að staðfesta okk-
ur sem upprennandi myndlistar-
menn.“
Þorri Hringsson og Gústav Geir Bollason í Möðruvallakjallara. (Mynd: Ari Gíslason)
En þú ’ert ákveðinn í því að
mála og ert búinn að vera eitt ár í
málaradeildinni, - hvernig lfkaði
þér það?
„Ég er bara ánægður með vet-
urinn. Mér finnst kennararnir
hafa verið góðir, þeir kynna
manni flestir sín sjónarmið en
reyna ekki að hafa áhrif á mann
heldur hvetja okkur til að vinna
sjálfstætt. Þeir bjóða ekki upp á
það að fólk hangi í þeim.“
Þannig að þótt þið fáið ákveðin
verkefni þá þýðir það ekki endi-
lega að allir geri eins...
„Já, við erum einmitt öll mjög
ólík. Þó að eitthvað ákveðið
prógramm sé í gangi getur maður
alltaf unnið úr því á þann hátt
sem maður vill.“
Engin ákveðin bylgja í gangi í
deildinni?
„Nei, varla, að vísu eru margir
að mála fígúratíft, en allir hafa
mjög ákveðinn og persónulegan
stfl.“
Eins og dýrin þín, - er sækýrin
úr Eyjafirðinum?
„Já ætli það ekki. Ég er upp-
alinn hér og ég hald að það sé
eðlilegt að mála það umhverfi
sem maður þekkir best. Lands-
lagið í bakgrunninum á þessum
myndum er íslenskt, enda þekki
ég ekkert annað. Ég hef líka
alltaf haft mjög gaman af þessum
íslensku sögum.“
Það var alla vega ekki annað að
sjá en að sækýrin hans Gústa
skemmti sér hið besta á fluginu
yfir Eyjafírði. Það var hins vegar
ekkert flug á mér, og það liðu
fjórir dagar þar til ég hitti hinn
helminginn af sýningunni, Þorra
Hringsson, í garðinum á Hressó.
Þorri, hvað liggur á?
„Mér finnst það að setja upp
sýningu vera hluti af náminu. Eg
held að maður læri ekkert á því
að sýna þrjár myndir með stórum
hóp í lok fjórða árs. Bara það að
velja saman myndir á sýningu er
lærdómur í sjálfu sér.“
Það er kannski um leið ákvörð-
un um að taka sjálfan sig alvar-
lega?
„Já, það er svo auðvelt að
gera ekki neitt, - það að halda
sýningu neyðir mann til að taka
afstöðu til sjálfs sín, til þess hvort
maður sé yfírleitt að gera nokkuð
af viti. Mér finnst gott að taka
saman það sem ég hef gert og sjá
það í heild. Ég losa mig við það
um leið, en það er nauðsynlegt til
þess að þroskast, forða sér frá því
að staðna.“
Finnst þér þú aldrei vera tak-
markaður af miðlinum, í málara-
deild þar sem nær eingöngu er
málað?
„Mér finnst efnið sem maður
vinnur í kannski skipta minna
máli heldur en hugmyndin sem
unnið er úr. Hugmyndirnar
breytast alltaf við það að fara í
gegnum þann efnivið sem maður
notar. Ég hugsa til dæmis oft
myndirnar mínar sem sögur, en
þær breytast alltaf við það að
komast í snertingu við liti og tví-
víðan flöt. Endirinn verður oft
öðruvísi en það sem maður ætlaði
sér.“
Talandi um sögur var Þorri
rokinn. Bókabíllinn beið eftir
honum og úthverfin án efa orðin
óþreyjufull að bíða eftir því að
hann flytti þeim næsta skammt af
Gula skugganum og Bob Noran.
- RS
Sýnið
nærgætni
Mogginn er fúll þessa dagana
og lítið hrifinn af nýju stjórn-
inni, þótt oddviti hennar sé
hvorki meira né minna en
Morgunblaðsegg, eins og það
hét meðan hann var í náðinni.
Mogganum finnst að Matti
hefði ekki átt að verða ráð-
herra og Mogginn hefur líka
áhyggjur af því hve hlutur
landsbyggðarinnar er rýr.
Þannig segir í leiðara á föstu-
daginn: „Ríkisstjórnin þarf að
leggja sérstaka áherslu á að
sýna landsbyggðarfólki, að
hlutur þess er ekki fyrir borð
borinn vegna þess, hvernig
hún er skipuð".
Hjá Mogganum taka þeir
sem sagt orð f ramyfir athafnir:
Segið fólkinu úti á landi að
þrátt fyrir allt séuð þið hlynntir
því - þótt þið takið ekkert
mark á því...B
Sú Ellen
slær í gegn
Sú Ellen heitir ein dágóð
hljómsveit frá Neskaupstað.
Strákarnir í bandinu hafa um
nokkurra ára skeið tryllt
austfirskan æskulýð á böllum
og konsertum. Hinsvegar var
fáum utan kjördæmisins
kunnugt um tilvist sveitarinn-
ar, þótt Þjóðviljinn hafi vissu-
lega birt opnuviðtal við hana í
Sunnudagsblaðinu i vor.
Á þriðjudaginn var kom
fyrsta plata Sú Ellen út hjá
Pjesta Records sem er
splúnkunýttfyrirtæki. Og þrátt
fyrir að nafn Sú Ellen sé ekki á
allra vörum þá sló eitt lag
rækilega í gegn hjá hlustend-
um Rásar 2. Það kom á dag-
inn þegar vinsældalistinn var
valinn á fimmtudagskvöldið.
Lagið Símon skaust þá rak-
leiðis í fjórða sætið, aðeins
tveimur dögum eftir að platan
kom út. Það mun afar fátítt að
lög nái svo langt í fyrstu at-
rennu, nema kannski afurðir
stórstirna og stuðmenna.
Sú Ellen sló semsagt ræki-
lega í gegn og nú verður
spennandi að fylgjast með
framhaldinu.B
Þolir ekki
framsóknarmenn
Soffanías Cecilsson í
Grundarfirði, formaður Sam-
bands fiskvinnslustöðva er
ómyrkur i máli í ítarlegu viðtali
í nýjustu Sjávarfréttum. Soffi
segir m.a. um embætti sjávar-
útvegsráðherra að hann geti
hugsað sér Sverri Her-
mannsson eða Friðrik Sop-
husson í því embætti og af
pólitískum andstæðingum
sínum þá Skúla Alexanders-
son á Hellissandi sem hann
sé ávallt sammála í sjávarút-
vegsmálum eða Kjartan Jó-
hannsson.
„Ég þyldi hins vegar engan
framsóknarmann í þessu
embætti. Ég er búinn að fá
nóg af Halldóri og
Steingrími. Þeir eru verstu
sjávarútvegsráðherrar sem
þjóðin hefur haft og lagabrotin
þeirra hafa kostaði mig tug-
miljónir króna. Svo er veriö að
tala um Albert greyið sem
skautnokkrum krónum undan
skatti“.B
Gullió á
Vopnafirði
Þenslan í atvinnulífinu er ekki
einvörðungu bundin við Stór-
Reykjavíkursvæðið um þess-
ar mundir, heldur kvarta at-
vinnurekendur víða úti um
land vegna manneklu.
Pétur ísleifsson verkstjóri
í frystihúsinu Tanga h.f. á
Vopnafirði segir í samtali við
Fiskifréttir í gær, að það sár-
vanti iðnaðamenn, vélstjóra
og skipstjóra í plássið. „Þessir
menn eru þyngdar sinnar virði
í gulli á Vopnafirði," segir Pét-
ur og segir ástandið einnig
slæmt í frystihúsinu.
„Það bersífellt meirá því að
fólk leitar í verr launuð en
„f(nni“ störf. Elliheimilið hefur
meira aðdráttarafl en frysti-
húsið, svo ekki sé talað um
hve fínt það er að vinna í
banka eða verslun.“B
Unga kynslóðin
Unga kynslóðin í Sjálfstæðis-
flokknum er tekin við! Og nú
er komið á daginn hverjir eru
af þessari kynslóð. Þor-
steinn, Friðrik, Birgir ís-
leifur og Matti Mattl Það er
því enginn landsbyggðarþing-
maður í ráðherragengi ungu
kynslóðarinnar - þótt Þor-
steinn Pálsson frá Fossvogi
teljist vissulega fulltrúi Sunn-
lendinga.
Norðanmenn una hlut sín-
um stórilla sem vonlegt er,
enda veitti þeim ekki af veg-
tyllum til að vega upp á móti
döpru gengi í kosningunum.
Nú er málum svo komið að í
Norðurlandskjördæmunum
tveim hefur Sjálfstæðisflokk-
urinn aðeins tvo þingmenn af
tólf. Það eru þeir Pálmi Jóns-
son og Halldór Blöndal.
Pálmi er í ónáð hjá forystunni
síðan á Gunnarstímanum,
en hann nýtur trausts heima í
héraði. í kosningunum hafði
hann hinsvegar vonlausan
kandidat með sér, Vilhjálm
Egilsson, og flokkurinn tap-
aði manni. Halldór er oddviti
Norðurlands eystra og þar féll
annar liðsmaöur, Björn Dag-
bjartsson. Það hallar undan
fæti hjá Sjálfstæðisflokknum
fyrir norðan og eftir síðustu
tíðindi þykir útlitið ekki gæfu-
legt.
Þá hefur það líka vakið
mikla óánægju að samgöngu-
ráðherra skuli vera af
Reykjanesi - Matti Matt - og
víst er að margir landsbyggð-
armenn hlakka lítið til að
skipta við hann.B
Rotin pólitík
Soffi er ekki búinn að tæma úr
skálum reiöi sinnar yfir þeim
Framsóknarmönnum, því
hann bætir því við í viðtalinu í
Sjávarfréttum að útgerðar-
maður í Grindavík hafi sagt
sér að f ramsóknaragentar þar
suður með sjó hefðu lofað sér
því að ef hann kysi Steingrím í
Reykjanesi, yrði Halldór ekki
sjávarútvegsráðherra. „Þetta
kalla ég rotin pólitísk brögð,"
segir Soffi.B
i iM ^
Útboð
''//'s/m f Gufufjörður 1987 Vegagerð ríkisins óskar eftir tilboðum í ofan- greint verk. Helstu magntölur: Neðra burðarlag 16.700 m3 og malarslitlag á 10,5 km kafla 4.200 m3. Verki skal lokið eigi síðar en 15. október 1987. Útboðsgögn verða seld hjá Vegagerð ríkisins á Isafirði og í Reykjavík (aðalgjaldkera) frá og með 13. þ.m. Skila skal tilboðum á sömu stöðum fyrir kl. 14.00 þann 27. júlí 1987.
Vegamálastjóri
Sunnudagur 12. júlí 1987 ÞJÓÐVIUINN - SlÐA 3