Þjóðviljinn - 21.10.1987, Blaðsíða 9

MENNING
Málverk af skúlptúr
MargrétJónsdóttir með sýningu í FÍM-salnum: Þjóðfélagið krefst þess að maður sýni
einn með sjálfum sér. Ég veit Þegar kom í ljós að þetta kostaði
„Það má líkja málverkum mín-
um við höggmyndir. Þettaeru
sterkform. Ég hugsamyndir
mínar í formum. Ég reyni að
ná fram sérstakri stemmningu
með því að tefla saman and-
stæðumformum. Ég hef alltaf
notað grjót mjög mikið. Mér
finnst vænt um grjót og auðn
þess er heillandi. Hvernig
náttúran mótar það eftir duttl-
ungum sínum. Eg á samt ekki
von á því að næsta sýning mín
verði höggmyndasýning."
- Fígúrar þínar eru eins og úr
grjóti. Finnst þér fólk vera þann-
‘g?
„Já, oft á tíðum. Það er
steinrunnið. Mér eru líka hug-
leiknar skessurnar sem urðu að
steini við sólarupprás. En
steingervingar og allt sem er
grafið finnst mér töfrandi.“
Hér kemur Lilli Bemdsen
stormandi inn af götunni. Lítur í
kringum sig og segir hárri raustu:
„Helvíti er þetta tröllslegt hjá
þér, stelpa! Af hverju ferðu ekki
út í skúlptúr?“
Kemur kynlífi
ekkert við
-Svo spretta blóm út úr sumum
fígúrunum?
„Já. Þetta er lífið.“
- Hvaðan sprettur það?
„Ég veit það ekki. Er það ekki
það sem við erum alltaf að leita
að? Eins og uppi á öræfum, þar
sem allt er kolsvart, þá finnur
maður á einum stað pínulítið
blóm. Kannski getur líf kviknað
við þær aðstæður þegar að manni
er þrengt, og tengist sjálfsbjarg-
arviðleitni.“
-Svo stendur eins og spýja út úr
þessum þarna. Er hann að œla?
„Þetta er þreyta. Hann er bú-
inn að fá nóg. Þreytan stendur
eins og spýja út úr honum. Hann
er búinn að fá nóg af boðum og
bönnum. Ef maður fer út af hlið-
arsporinu er maður dæmdur.
Mörg lögmál um hvernig maður
eigi að haga sér eru þrúgandi.“
- Svo erufígúrur þar sem sœðið
kemur í skrautlegri fantasíu upp í
himininn. Eru þessar myndir
óður til kynlífsins?
„Nei. Þetta kemur kynlífi ekk-
ert við. Þetta er bara lífi. Kynlíf
er alltaf dregið í dilka. En menn
nota líka kynlíf til að eigna sér
annan aðila, sem þeir reyna þá að
gera hluta af sjálfum sér.“
- Hvernig vinnurðu?
„Ég vinn fulla vinnu á auglýs-
ingastofu, en ég tók auglýsinga-
deildina líka á sínum tíma íMHI.
Ég safna myndum í skissubók,
svona til að safna í sarpinn. Svo
tek ég frí í þrjá mánuði og vinn úr
hugmyndum. Það sparar mikinn
tíma að skissa, annars tæki mán-
uð að koma sér að verki. Þá fæ ég
líka hugmyndir þegar ég vinn við
verkin mín. í framtíðinni ætla ég
mér að vinna sjálfstætt og taka að
mér verkefni. Það er ekki hægt að
vera alltaf að sníkja sér frí eða
vera bundinn frá 9-5.“
Verð geðstirð
- Og af hverju málarðu?
„Ég hef málað frá því ég var
smástelpa. Ég hef fengist við
olíu, vatnsliti og krít og á tímabili
gerði ég bara litlar smámyndir.
Ljósmyndin hefur hins vegar
aldrei höfðað til mín. Ég tók Ijós-
myndir fyrir aðra, en fannst ég
aldrei komast í nógu nána snert-
ingu við efnið. En af hverju eyðir
maður 6-8 árum í að nema mynd-
list? Þetta er innri þörf.“
- Og hvaðan sprettur hún?
„Af tjáningu. Ég verð geðstirð
ef ég get ekki málað. Maður er
ekki hvort maður þroskast til-
finningalega. Öll lífsreynsla
þroskar mann. Sumir reyna að tj á
hana. Sumir virðast hafa sterkari
þörf en aðrir. Maður nær kannski
betra sambandi við sjálfan sig á
þennan hátt. Þeir sem leiðast út á
villigötur virðast ekki fá frið.“
- En hverju breytti það að fara
erlendis?
„Ég kynntist nýjum stefnum.
Þá voru performansar og videó í
fullum gangi en ekkert að gerast í
þeirri deild hér ennþá. Það voru
árin 74-76. Á þeim tíma fékk ég
t.d. hugmynd að útiskúlptúr, sem
ég vildi gera, e.k. sambland af
málverki og skúlptúr, sem átti að
vera 3ja metra hár. Ég hugsaði
mér að spila með íslenska rokið.
þrenn mánaðarlaun, hætti ég við
allt saman.“
- En hverju breytir að sýna?
„Engu. Það er þjóðfélagið sem
krefst þess. Skiptir mig engu og
ég fæ ekkert út úr því. Tjáningin
er númer eitt. Ég hef engan
áhuga á framabrölti.“
- Þú ert þá ekki að gefa gjafir
með sýningum þínum?
„Ég lít ekki á það þannig.
Nema þá til fólks sem lítur á það
þannig og er ánægt. Ég fæ enga
nýja afstöðu til verkanna. Því ég
veit alveg nákvæmlega hvert ég
er að fara og hvert ég stefni."
- En er ekki gaman ef fólk er
óánœgt?
„Jú. Það skapar vissa spennu.“
-ekj.
Margrét Jónsdóttir á sýningu sinni í FlM-salnum. Margrét Jónsdóttir stundaði nám við MHl í grafíkdeild (Frjáls myndlist) árin 1970-74. Fór síðan utan til náms
við St. Martin School of Art í London, og bætti við sig. Auglýsingadeild MHl, 82-84. HúnvareinnafstofnendumGallerísSuðurgötu7,semvarrekiðáárunum
1977-81. Mynd Sig.
Sinfóníuhljómsveitin
Tónleikarí Kefíavík
og á Selfossi
Sinfóníuhljómsveitin verður
heldur betur á róli nú á næst-
unni, ásamt kór Fjölbrauta-
skólaSuðurlands. Fyrst halda
þessiraðilartónleika í íþrótta-
húsinu í Njarðvík,
fimmtudaginn 22. okt. (á
morgun), kl. 20.30. Eru þeir
haldnir í tilefni af 30 ára af-
mæli Tónlistarfélags Keflavík-
ur og nágrennis og verður að-
gangurókeypis. Föstudaginn
23. okt. verða svo tónleikarnir
endurteknir í íþróttahúsi
Gagnfræðaskóla Selfoss kl.
20.30.
Á efnisskránni verður forspil
að 3. þætti „Lohengrin“ eftir
Wagner, Concertino fyrir klarin-
ett og hljómsveit eftir Busoni,
tveir óperukórar, Nabucco og II
Trovatore og Sinfónía nr. 9 „Frá
nýja heiminum“ eftir Dovrak.
Einleikari verður Óskar Ingólfs-
son en stjórnandi Páll P. Pálsson.
Kórstjóri er Jón Ingi Sigur-
mundsson.
En það er meira í pokahorn-
inu. Laugardaginn 24. okt. - á
degi tónlistarinnar - kemur Sin-
fóníuhljómsveitin fram í Kringl-
unni kl. 12.30 og leikur fyrir við-
skiptavini Kringlunnar í eina klst.
ýmsa vinsæla kafla úr þekktum
tónverkum. Þessum tónleikum
verður útvarpað á Bylgjunni.
-mhg
Háskóla tónleikar
Miðvikudaginn 21. október
hefst röð háskólatónleika að nýju
en þeir eru orðinn fastur hluti af
menningarh'finu hér yfir vetrar-
tímann. Tónieikarnir verða viku-
lega og eru fyrirhugaðir níu tón-
leikará haustmisseri. Verkin sem
verða flutt eru frá ýmsum tímum
og flytjendur bæði innlendir og
erlendir. Tilkynningar um tón-
leikana munu birtast í þriðju-
dagsblöðum í vetur og þar verður
nánar sagt frá efnisskránni. Á
fyrstu tónleikunum leikur Marti-
al Nardeau á þverflautu, Sex
fantasíur eftir Telemann. Tón-
leikamir eru í Norræna húsinu og
hefjast kl. 12.30. Þeir standa
u.þ.b. hálftíma og er öllum opnir
og er tilvalið að fá sér hádeg-
issnarl í kaffistofu hússins í
leiðinni.
Tónleikanefnd
Háskólans
Kammermúsíkhópur
að hefja sitt starf
Erlend og íslensk verk flutt í vetur
Kammermúsíkhópurinn er að
hefja31. starfsársittog verð-
urtónleikahald meðsvipuðu
sniði og áður. Ráðgert erað
halda ferna tónleika á kom-
andi vetri.
Á fyrstu tónleikunum sem
haldnir verða 25. október, munu
þau Guðný Guðmundsdóttir,
Gunnar Kvaran og Halldór Har-
aldsson flytja þrjú tríó fyrir fiðlu,
selló og píanó, þ.e. tríó í D-moll
op. 49 eftir Mendelsohn, tríó eftir
Karólínu Eiríksdóttur og „Erki-
hertoga-tríóið“ eftir Beethoven.
Aðrir tónleikar vetrarins verða
haldnir 29. desember og munu
japanskir listamenn þá flytja
strengjakvartett í G-dúr op. 76
nr. 1 eftir Haydn, píanókvintett
Schumanns op. 44, píanókvintett
eftir Mozart, K-478 og eitt jap-
anskt verk.
Þriðju tónleikarnir eru ráð-
gerðir í febrúar. Þá munu Einar
Jóhannesson klarinettuleikari,
Guðný Guðmundsdóttir og
Gunnar Kvaran ásamt banda-
riskum píanóleikara m.a. flytja
tríó Mozarts í Es-dúr K- 498 fyrir
klarinettu, lágfiðlu og píanó og
klarinettutríó Brahms op. 114.
Síðustu tónleikar vetrarins em
ráðgerðir í apríl og verður nánar
skýrt frá því síðar hvað þá fer
fram.
-ekj.

... v
Miðvikudagur 21. október 1987 ÞJÓÐVILJINN - SÍÐA 9