Þjóðviljinn - 25.05.1988, Page 13

Og þetta
líka...
Fær að vera
Þjálfari Napoli, Ottavio Bianchi, fær
að halda stöðu sinni þrátt fyrir að leik-
menn hafi lagst gegn því. Napoli var
lengi vel með fjögurra stiga forystu en
missti hana til AC Milan undir lokin.
Leikmenn kenndu þjálfaranum um
(eins og víða) en forseti félagsins bað
hann að vera áfram. Bianchi segir að
hann sé enn bitur og muni líklega ekki
gleyma afstöðu leikmanna í bili en
segist þó ekki ætla að hefna sín á
neinum og vinna af fullum krafti eins
og venjulega.
Hættur við að hætta
Nokkrum dögum eftir að Erich Ribb-
eck sagðist ætla að hætta þjálfun fyrir
fullt og allt var hann búinn að skrifa
undir samning við þýska Bundesligu-
liðið Hamþurg. Ribbeck sem leiddi
Bayer Leverkusen til fyrsta titils á 84
ára tímabili leysir af hólmi Felix Mag-
ath sem enn á eftir þrjú ár af fimm ára
samningi en Felix var rekinn eftir dap-
urt gengi Hamburg.
Kvótinn búinn
Þegar Ólafur Ólafsson fór útaf brá
mörgum. Menn héldu að nú væri
sumarfótboltakvóti Óla búinn því
undanfarin ár hefur hann lítið getað
verið með vegna meiðsla.
3 bolla af kaffi
Kínverjinn Chen Longcan, sem ertal-
inn þriðji besti borðtennisleikari í
heimi, vann ádögunum einliðaleikinn
í Asíuleikunum og tryggöi þá landi
sínu fjórða titilinn af þeim sjö sem í
boði voru. Chen hafði verið eitthvað
slappur uppá síðkastið svo að fyrir
úrslitaleikinn tók hann sig til og fékk
sér þrjá bolla af kaffi til að vakna, sem
dugöi. Hvaða kaffi ætli þetta hafi ver-
ið?
Uppselt
Ef stórliðið sænska Gautaborg held-
ur uppteknum hætti verður enginn
leikmaður eftir í liðinu en buddan aftur
á móti full. Nýlega seldi liðið Steffan
Petterson til Ajax fyrir metupphæð
sem stjórnarmaður í Gautaborg vildi
ekki gefa upp nákvæmlega. Þar mun
hann koma í stað John Bosham sem
er á förum til Mechelen. í fyrra seldi
Gautaborg Peter Larsson til Ajax og
Glenn Hysen er kominn til Fiorentina
á Ítatíu.
Tennis
Tennísmét
unglinga
Nike-Dunlop tennismótið sem
er fyrir 16 ára og yngri verður
haldið dagana 27. til 29. maí n.k.
við Kópavogsskóla.
Skráningarlistar liggja frammi
við tennisvellina í Kópavogi og
við tennissvæði Víkings í Foss-
vogi. Einnig má skrá þátttöku til
Páls Stefánssonar í síma 75262
fyrir kl. 20.00 fimmtudaginn
26.maí.
Handbolti
Banni aflétt
íslenskir handboltaunnendur
urðu ánægðir þegar það fréttist
að þrír lykilmenn í júgóslavneska
landsliðinu yrðu í keppnisbanni
fram yfir ólympíuleika. Nú er
hins vegar óvíst hvort af banninu
verður þannig að verið getur að
Júgóslavar mæti með sitt sterk-
asta lið á leikana.
Forsaga málsins er sú að eftir
leik Metaloplastika og Pelister
24. apríl brutust út slagsmál og
ákvað júgóslavneska handbolta-
sambandið að setja keppnisbann
á nokkra leikmenn liðanna. Kuz-
manovski var settur í eins árs
keppnisbann og Isakovic og Vu-
jovic í níu mánaða bann, en allir
eru þeir burðarásar í landsliði
Júgóslava. Nú hefur sambandið
séð að sér og ætlar að endurskoða
ákvörðun sína í næsta mánuði.
-þóm
ÍÞRÓTTIR
pýskaland
Stórleikur Alfreðs
dugði ekki til
Alfreð Gíslason var hárs
breidd frá því að verða fyrsti Is-
lendingurinn til að verða Evróp-
umeistari í flokkaíþrótt. Lið
hans, Essen, vann sovésku
meistarana CSKA Moskva 21-18 í
V-Þýskalandi um helgina. Fyrri
leiknum lauk með sigri Rúss-
anna, 18-15, þannig að saman-
lögð markatala er 36-36, og þá
ráða mörk á útivelli sem kunnugt
er.
Essen byrjaði leikinn af mikl-
um krafti. Alfreð og Jocken Fra-
atz voru í miklum ham og
skoruðu 12 fyrstu mörkin fyrir
Essen. Liðið hafði yfirburði í
fyrri hálfleik og staðan í leikhléi
var 13-5 Essen í vil!
í síðari hálfleik tóku rússarnir
þá Alfreð og Fraatz úr umferð og
sigu á forskotið. Fraatz skoraði
12 í leiknum og Alfreð 6. Þá gerði
Quarti 3 en aðrir komust ekki á
blað. Það má því segja að
breiddin í liðinu hafi gert út-
slagið.
-þóm
Leiga í stað bindingar rekstrarfjár.
Sveigjaniegur afskriftatími.
100% fjármögnun.
Óskert bankafyrirgreiðsia.
Leigugreiðslur tengdar tekjum.
Staðgreiðsluafsláttur.
Lýsing hf býður þjónustu á sviði
fjármögnunarleigu. Við kaupum
og leigjum þér síðan flestar
tegundir véla og tækja.
Landsbanki
íslands
BÚNAÐARBANI
/ ÍSLANDS
IKl Suðurlandsbraut 22, 108 Reykjavík
Sími 91-689050
-AföRVGG/StSIfDUM
ÞJÓÐVILJINN - SÍÐA 13