Þjóðviljinn - 14.12.1988, Blaðsíða 5

FRETTIR
Vinnumarkaðurinn
1200 manns án atvinnu
Skráðum atvinnuleysisdögum
fjölgaði um 64% frá október til
nóvember. Vinnumálaskrifstofan:
Reiknað með enn verra ástandi í
desember
Isíðasta mánuði voru skráðir 25
þúsund atvinnuleysisdagar á
landinu öllu, en það er aukning
frá mánuðinum á undan um tæp-
lega 10 þúsund daga eða sem næst
64%. Þessi fjöldi skráðra at-
vinnuleysisdaga jafngildir því að
1200 manns hafí að meðaltali ver-
ið á atvinnuleysisskrá í mánuðin-
um á móti 700 manns í októbcr.
Skráð atvinnuleysi í nóvember sl.
svarar til 0,9% af áætluðum
mannafla á vinumarkaði í mán-
uðinum samkvæmt spá Þjóðhags-
stofnunar. En það er aukning um
0,3 prósentustig frá síðasta mán-
uði.
Atvinnuleysisdögunum fjölg-
aði í öllum landshlutum nema á
Suðurnesjum, þar sem þeim
fækkaði um 700 daga. Mest varð
aukningin á höfuðborgarsvæð-
inu, tæplega 3000 dagar, þá á
Suðurlandi 2900 dagar og á Norð-
urlandi eystra 1800 dagar. Af ein-
stökum stöðum varð aukning á
skráðu atvinnuleysi mest í
Reykjavík 2500 dagar og í Þor-
lákshöfn 1960 dagar.
Mikil umskipti hafa orðið á
vinnumarkaði hér á landi frá
sama tíma í fyrra. í nóvember-
mánuði árið 1987 voru aðeins
skráðir 5800 atvinnuleysisdagar á
öllu landinu, en 25000 dagar nú.
Skráð atvinnuleysi hefur þannig
meira en fjórfaldast milli ára og
var tvöfalt meira í nóvember sl.
en að meðaltali í sama mánuði
síðustu þrjú árin.
f nóvembermánuði bárust
Vinnumálaskrifstofunni tilkynn-
ingar frá fyrirtækjum um upp-
sagnir sem taka til 552 starfs-
manna og koma til framkvæmda
um eða eftir næstu áramót. Eru
þá slíkar tilkynningar komnar á
seytjánda hundrað í haust og vet-
ur og skiptast þannig að 762 störf
eru á höfuðborgarsvæðinu en 890
utan þess. Af einstökum starfs-
Atvinnuleysi hefur ekki verið jafn mikið og nú um langt árabil.
greinum eru flestar uppsagnir í
fiskvinnslu 534 og í verslun og
þjónustu 511. í þessum tölum eru
ekki taldar með uppsagnir á 1000
fastráðningarsamningum í fisk-
vinnslu en Vinnumálaskrifstof-
unni er kunnugt um a.m.k. 1000
uppsagnir á slíkum samningum
víðsvegar um landið, sem taka
gildi á næstu vikum. Að mati
Vinnumálaskrifstofunnar má
gera ráð fyrir að atvinnuástandið
í desember verði lakara en um
langt árabil á þessum árstíma.
Frystitogarar
Hvorki skip né frystihús
✓
Utgerðamenn: Frystitogara er ekki aðfinna í kerfinu og njóta ekki
aðgerða stjórnvalda til hjálpar útgerð ogfiskvinnslu. Veiðará
djúpsjávarkarfa athugaðar á Reykjaneshrygg. Fyrir utan landhelgi og
án kvóta
Svo virðist sem frystitogara sé
ekki að fínna í kerfinu og séu
hvorki veiðiskip né frystihús.
Allavega fáum við ekki að njóta
þeirra aðgerða sem stjórnvöld
hafa ráðist í til hjálpar útgerð og
vinnslu,“ sagði Haraldur Jónsson
útgerðarstjóri Sjólastöðvarinnar
hf. í Hafnarfírði.
Útgerðarmenn frystitogara
funduðu sl. föstudag um málefni
útgerða sinna enda hefur hagur
frystitogara farið versnandi að
undanförnu vegna verðfalls á
Japansmarkaði og eins er fyrir-
sjáanlegur samdráttur í veiðum á
næsta ári sem mun bitna einna
harðast á þeim skipum sem eru á
sóknarmarki. Á fundinum var
ma. rætt um stöðu frystitogara í
kerfinu en útgerðarmenn þeirra
kvarta hástöfum yfir því að fá
ekki að njóta þeirra aðgerða sem
stjórnvöld hafa ráðist í til hjálpar
útgerð og vinnslu. Þeir fá ekkert
framlag úr Verðjöfnunarsjóði
fiskiðnaðarins né heldur
greiddan uppsafnaðan söluskatt
og er hér um drjúgan skilding að
ræða.
Á fundinum voru ræddir hinin
ýmsu möguleikar á nýtingu frysti-
togaranna og kom ma. til tals að
athuga um kaup á veiðiréttindum
hjá Grænlendingum. Ekki getur
þó orðið að því af sinni vegna
samninga Grænlendinga við
Efnahagsbandalagið þar að lút-
andi. Þá ætla menn að kynna sér
möguleika á að veiða djúpsjávar-
karfa á Reykjaneshryggnum þar
sem Sovétmenn og aðrar austant-
jaldsþjóðir hafa veitt grimmt á
liðnum árum. Til þess þurfa þeir
heimild frá sjávarútvegsráðu-
neytinu þar sem miðin eru fyrir
utan íslenska landhelgi og án
kvóta.
Á síðasta ári var heildaraflinn á
djúpsjávarkarfa á þessu svæði
rúm 90 þúsund tonn og þar af
veiddu Sovétmenn 71 þúsund
tonn. Afganginn veiddu Pólverj-
ar, A - Þjóðverjar og Búlgarar.
Karfinn þarna er mun minni en sá
hefðbundni hér við land en þetta
er sá karfi sem austantjaldsþjóð-
irnar hafa verið að fylla Japans-
markað með að undanförnu og á
sinn þátt í því verðfalli sem orðið
hefur þar í landi.
-grh
Íþróttamiðstöð íslands
Laugarvatn hentugast
Umferðin
Prjár skiltabrýr
Fyrstu skiltabrýrnar hafa verið
settar upp í Reykjavík, tvær yfir
Reykjanesbraut við Stekkjar-
bakka og Breiðholtsbraut og ein
yfir Breiðholtsbrautina við vega-
mót Reykjanesbrautar. Skilta-
brýrnar voru boðnar út og tekið
lægsta tilboði frá Forster í
Austurríki.
Gerð skilta á brúnni er í sam-
ræmi við reglur sem samræmdar
hafa verið milli Reykjavíkur-
borgar, Vegagerðar ríkisins og
sveitarfélaga á landinu. Gert er
ráð fyrir að á næsta ári verði sett-
ar upp þrjár skiltabrýr til við-
bótar. Einnig- er gert ráð fyrir
leiðbeiningarskiltum meðfram
helstu umferðaræðum á næsta
ári. Kostnaður við hverja brú
ásamt uppsetningu er um 2 milj.
kr.
Fyrirtækið Hagvirki hf. sá um
uppsetningu skiltabrúnna.
Nefnd sem skipuð var af
menntamálaráðherra í maí
1987 til þess að gera tillögur um
uppbyggingu íþróttamiðstöðvar
íslands sem staðsett verði að
Laugarvatni hcfur nýlega skilað
tillögum sínum til Svavars Gests-
sonar menntamálaráðherra.
Kemst nefndin að þeirri niður-
stöðu að Laugarvatn sé sérstak-
lega ákjósanlegur staður fyrir
íþróttir, útilíf og fjölbreytilega
fræðslu og þj álfun fyrir alla lands-
menn. Leggur hún eindregið til
að stjórnvöld taki höndum saman
við fþróttahreyfinguna, íþrótta-
kennaraskóla fslands, heima-
menn og þá aðila aðra sem til
samvinnu eru fúsir um þetta
verkefni, að byggja sem allra
fyrst upp fþróttamiðstöð íslands
að Laugarvatni.
Bendir nefndin á að hefja megi
rekstur íþróttamiðstöðvar að
Laugarvatni án verulegs kostnað-
ar með því að samræma þáð sem
koma skal við það sem fyrir er og
láta umsvif og reynslu af rekstrin-
um ráða hraða uppbyggingar og
endurbóta mannvirkjanna.
Þær framkvæmdir sem nefndin
telur brýnast að byrjað verði á
eru snyrting og endurbætur bað-
staðarins við vatnið, endurbætur
íþróttavalla, gerð skokkbrauta
og bygging sundlaugar.
Nefndin hvetur til þess að sem
allra fyrst verði skipuð stjórn
íþróttamiðstöðvar Islands og
framkvæmdastjóri ráðinn. Kom-
ið verði upp kynningar- og þjón-
ustuskrifstofu að Laugarvatni og
samningar gerðir um eignaraðild,
afnot, rekstur og uppbyggingu
mannvirkja og að sótt verði um
fjárframlög á fjárlögum til fyrstu
aðgerða. Gert er ráð fyrir í til-
lögunum að íþróttahreyfingin og
aðrir eignaraðilar leggi þessu
máli lið, fjárhagslegt, auk þess
sem gert er ráð fyrir opinberum
framlögum.
Laugarvatnsnefndin starfaði
undir forystu Hannesar Þ. Sig-
urðssonar en aðrir nefndarmenn
voru: Hafsteinn Þorvaldsson,
Leifur Eysteinsson, Reynir G.
Karlsson, Árni Guðmundsson,
Ástbjörg Gunnarsdóttir og Jó-
hannes Sigmundsson.
Miðvikudagur 14. desember 1988 ÞJÓÐVILJINN - SÍÐA 5
Bokaklubbur
Þjodviljans
Tilboð vikunnar
3.-20. des.
Skuggabox
Ný skáldsaga eftir Þórarin Eld-
járn. Útgefandi er Gullbringa.
Okkar verð kr. 2.200.-
Venjulegt verð kr. 2.480,-
Sjómenn og
sauðabændur
eftir Tryggva Emilsson. Útgef-
andi Mál og menning.
Verð kr. 2.500,-
Venjulegt verö kr. 2.875,-
Gunnlaðar saga
eftir Svövu Jakobsdóttur. Útgef-
andi Forlagið.
Verð kr. 1.950
Venjulegt verð 2.188.-
Móðir, kona, meyja
fyrsta skáldsaga Nínu Bjarkar
Arnadóttur. Útgefandi Forlagið.
Verð kr. 1.750,-
Venjulegt verð 1.988.-
Himinn og hel
Eftir Swedenborg. Útgefandi Örn
og Örlygur.
Verð kr. 1.930.-
Venjulegt verð 2.450.-
Sturlunga
Þriggja binda glæsiútgáfa frá
Svörtu og hvítu.
Verð kr. 11.900
Venjulegt verð 14.980.-
Leitin að dýragarðinum
Nýtt smásagnasafn eftir Einar
Má Guðmundsson.
Verð kr. 2.150,-
Venjulegt verð 2.670,-
Að lokum
Síðustu Ijóð Ólafs Jóhanns Sig-
urðssonar. Myndir eftir Jón
Reykdal.
Verð kr. 1.850.-
Venjulegt verð 2.175,-
Þrjár sólir svartar
Skáldsaga af Axlar-Birni eftir Úlf-
ar Þormóðsson.
Verð kr. 1.900,-
Venjulegt verð 2.632.-