Þjóðviljinn - 14.12.1988, Blaðsíða 8

Gallerí Borg
Horfin er Louisa
Mynd eftir Louisu Matthías-
dóttur, „Kind og fugl“, olía á
striga, máluð 1987, stærð 36x48,
án ramma, að verðmæti 170.000
kr., hvarf úr Gallerí Borg síðdeg-
is síðastliðinn miðvikudag 7. des-
ember. Grunur leikur á að um
samantekin ráð manns og konu
hafi verið að ræða, en þau voru í
Galleríinu umræddan dag og
héldu starfsfólki Gallerísins upp-
teknu við eitt og annað smálegt,
sem þau vildu fá svör við.
Verði fólk vart við að boðin sé
föl, eða viti um ofangreinda
mynd eftir Louisu Matthíasdótt-
ur, er það vinsamlega beðið að
hafa samband við Gallerí Borg
eða Rannsóknarlögreglu ríkisins,
og að sjálfsögðu er varað við að
kaupa myndina.
Myndvefnaður
I útibúi Sparisjóðs Reykjavík-
urognágrennisaðÁlfabakka 14,
í Breiðholti, stendur nú yfir sýn-
ing á damaskmyndvefnaði Sig-
ríðar Jóhannsdóttur og Leifs
Breiðfjörð.
Leifur er þekktur fyrir glerlist-
averk sín, og hefur Sigríður verið
aðstoðarmaður hans við vinnslu
þeirra í mörg ár. Sigríður lærði
damask- myndvefnað í Finn-
landi, en damaskvefnaður er
aldagömul vefnaðartegund sem
síðustu áratugi hefur þróast í nú-
tíma norrænunt myndvefnaði. Er
Sigríður ein af fáum veflistakon-
um á Norðurlöndum sem vefur
slíkan myndvefnað.
Þau Sigríður og Leifur hafa
unnið saman að myndvefnaði síð-
an 1978, hafa sýnt hann bæði hér
á landi og erlendis, auk þess sem
þau hafa ofið kirkjutextíl fyrir
margar kirkjur, meðal annars
Hallgrímskirkju og Viðeyjar-
kirkju.
Gal er í Sál
Nýtt gallerí var opnað í
Reykjavík á dögunum, heitir Gal
er í Sál og er til húsa að Tryggva-
götu 18.
Fyrsta sýningin í Sál er mál-
verkasýning Tryggva Gunnars
Hansen, sem hefur stundað nám í
myndlist, tónlist, heimspeki og
sálfræði hér á landi og erlendis,
og einnig unnið flest störf á sjó og
landi einsoggengur. Tryggvi hef-
ur haldið sýningar í Evrópu og
Asíu, meðal annars íTyrklandi, á
Indlandi og í Freiburg í Þýska-
landi. Tryggvi er einnig þekktur
undir nafninu Torfi, því hann
hefur unnið torf og grjót í hús,
garða, skúlptúr og grímur, auk
þess sem hann hefur um árabil
gengist fyrir kynningu á torfverki
og íslenskri byggingalist á íslandi
um árabil.
Gal er í Sál er opið daglega kl.
17-21.
Jólasala
Þriðja árs nemar í Myndlista-
og handíðaskólanum hafa hafið
árlega jólasölu sína í turninum á
Lækjartorgi. Til sölu eru ýmsir
hlutir unnir af nemendum
skólans, svo sem piparkökuhús,
smákökur, laufabrauð, kerti,
eyrnalokkar, slæður og málverk.
Allur ágóði af jólasölunni
rennur til námsferða nemenda,
en í MHÍ er áralöng hefð fyrir
utanlandsferð 4. árs nema áður
en hafin er vinna lokaverkefna.
Turninn er opinn mánudaga til
fimmtudaga kl. 16-18, föstudaga
kl. 16-19 oglaugardagakl. 10-18.
FÍM-salurinn
Nýtt fyrirkomulag
Félag íslenskra myndlistar-
manna hefur hafið nýjan rekstur í
galleríi sínu, FÍM-salnum, að
Garðastræti 6. Framvegis verður
salurinn annars vegar sölugall-
erí, þar sem fólk getur keypt verk
því sem næst beint af listamann-
inum, og stutt þannig framgang
íslenskrar myndlistar. Hins vegar
verður haldið áfram með gallerí-
ið, en þar verða stöðugar sýning-
ar.
Eingöngu verða boðin til sölu
verk eftir viðurkennda mynd-
listarmenn, jafnt unga sem aldna,
meðal annars eftir félagsmenn
sem aldrei hafa sett sig í samband
við önnur sölugallerí. í desember
og janúar verður salurinn ein-
göngu starfræktur sem sölugall-
erí, og verður skipt um upphengi
viku- til hálfsmánaðarlega. Sem
stendur eru til sýnis myndir eftir
meðal annarra Daða Guðbjörns-
son, Hring Jóhannesson, Sigurð
Örlygsson, Valgerði Hauksdótt-
ur og Sigrid Waltingojer.
FIM-salurinn er opinn frá kl.
12-18 virka daga, og kl. 14-18 á
laugardögum, nema í desember,
þá er salurinn opinn á sama tíma
og verslanir. LG
MENNING
Kjarvalsstaðir
Beint til
áhorfandans
Hörður Karlsson listmálari heldur sýninguna Fjórar árstíðir II
Um síðustu helgi opnaði
Hörður Karisson listmálari
málverkasýninguna Fjórar ár-
stíðir II á Kjarvalsstöðum.
Þetta er þriðja einkasýning
Harðar hér á landi, en hann
hefur um árabil verið búsettur
í Washington.
Á sýningunni eru nafnlausar
akrílmyndir. Hörðurbyrjaðifyrir
mörgum árum að nota krít til að
gera uppköst að olíumálverkum,
og hóf síðar að mála krítarmyndir
jafnframt vinnu sinni með olíu og
akríllitum. Nafnleysið er til kom-
ið vegna þess að myndunum, sem
flokkast undir abstrakt expressi-
onisma, er ætlað að ná beint til
áhorfandans, án þess að
nafngiftir standi í vegi. Áhorf-
andanum er þannig boðið að gefa
ímyndunaraflinu lausan tauminn
og fella eigin dóm.
Hörður er fæddur í Reykjavík
1933. Tvítugur fór hann til fram-
haldsnáms í Bandaríkjunum,
nam við Corcoran listaskólann í
Washington D.C. og stundaði
eftir það listnám við Háskólann í
Mexíkóborg um nokkurt skeið.
Hann var forstöðumaður mynd-
smíðadeildar Alþjóðagjaldeyris-
sjóðsins í Washington í fjölda
ára. Málverk hans og myndverk
Hörður Karlsson
hafa verið sýnd víða um lönd, til
að mynda í Bandaríkjunum og á
Spáni.
Hörður hefur hlotið margar
viðurkenningar fyrir myndverk
sín. Árið 1961 varð hann ásamt
samverkamanni sínum hlut-
skarpastur í samkeppni sem Póst-
stjórn Sameinuðu þjóðanna
gekkst fyrir um frímerki til
heiðurs Álþjóðagjaldeyrissjóðn-
um. Nokkrum árum síðar bar
hann sigur úr býtum í frímerkja-
samkeppni Póst- og símamálar-
áðs Evrópu, og var verðlaunafrí-
merkið gefið út í sextán Evrópu-
löndum. Árið 1968 gaf Banda-
ríska póstþjónustan út frímerki
eftir Hörð í tilefni hálfrar aldar
afmælis síns.
Sýning Harðar stendur til 24.
desember. Kjarvalsstaðir eru
opnir daglega kl. 14-22.
LG
Frábær
bassaleikari
Blaðinu hefur borist geisla-
diskur Árna Egilssonar kontra-
bassaleikara. Hann starfar í Los
Angeles. Þar hefur hann meðal
annars leikið aðal bassahlutverk-
ið í kvikmyndamúsik frægra
filmutónskálda svo sem Wil-
liams, Jerry Goldsmith og
Maurice Jarre. Á þessum diski
spilar Árni með Sinfóníuhljóm-
sveit íslands undirstjórn Vladim-
ir Ashkenazy. Hann leikur fyrst
„Nið“ fyrir kontrabassa og
hljómsveit eftir Þorkel Sigur-
björnsson. Það er hið fegursta
verk og býður upp á marga mögu-
leika fyrir einleikarann. Þá er
verk eftir Charles Wittenberg
„Electronic Study 11“ fyrir kont-
rabassa og segulband. Loks tvö
verk eftir Árna sjálfan. Þau heita
„Quest" og „Steeped-in-Pathos“
fyrir píanó og bassa. Þar leikur
með píanóleikarinn Randy Ker-
ber.
Skemmst er frá því að segja að
Árni Egilsson er meistari á hljóð-
færi sitt. Hann hefur frábæra
tækni, fínan og mikinn hljóm og
nær fram ótrúlegum blæbrigðum.
Síðast en ekki síst hefur hann
SIGURÐUR ÞÓR
GUÐJÓNSSON
Árni Egilsson, meistari á kontra-
bassann.
mikið músikalitet og frjótt hug-
myndaflug. Helsti galli þessa
geisladisks er það hve fáar mínút-
ur af músik eru á honum og hve
upptakan er ekki alveg upp á það
allra besta. í verki Þorkels er
kontrabassinn of sterkur svo allt
fer að titra þótt lágt sé stillt og það
er talsvert suð sums staðar í upp-
tökunni. En hvað sem þessu líður
er þetta frábær diskur mikils lista-
manns.
Mótettukórinn í Hallgrímskirkju
Mótettukór Hallgrímskirkju
undir stjórn Harðar Áskelssonar
hélt aðventutónleika í kirkjunni
sunnudaginn 4. desember. Þeir
hófust á ambrósíönskum lofsöng
Veni redemptor gentium. Það
var fegursta stund tónleikanna.
Enda er músíksagan frá dögum
Ambrósíusar eitt samfellt hnign-
unarskeið. En lofgerðir hans eru
músik. Og líka grergoríönsku
hymnarnir. Hvernig væri að
syngja þá heila nótt? Til dæmis
jólanóttina? Byrja á miðnætti á
Prima Missa in Nativitate Dom-
ini Nostri Jesu Christi og halda
áfram til morguns. Það væri
eitthvað meira vit í því en blað-
rinu í prestunum. í lok tónleika
Mótettukórsins var svo sunginn
sálmurinn Nú kemur heimsins
hjálparráð í raddsetningu Ró-
berts A. Ottóssonar. En á milli
þessara sálma flutti kórinn verk
eftir Johannes Eccard sem uppi
var á sextándu öld og hafði rnikil
áhrif á þróun hins þýska kórals,
enska stórmeistarann William
Byrd, Schútz og vini hans Ham-
merschmidt og Scheidt, Sweel-
inck hinn hollenska, Purcell,
Bach, Bruckner og Grieg. Efnis-
skráin var því mjög ósamstæð.
Bruckner sómdi sér reyndar vel
en þessi Grieg var helgispjöll
innan um hina göfugu barok-
kmeistara. Kórinn söng að vísu
allt fallega en sýnu betur þá
gömlu. Þar var hann stílhreinn og
fínn. Rómantíkina ætti kórinn
hins vegar ekki að flytja fyrr en
hann er búinn með allt hitt. Ekki
þó vegna þess að hann syngi hana
svo illa heldur vegna þess að hún
er verri músik. En mikil blessun
var að hlusta á þessa tónleika í
skammdeginu og verslunardell-
unni og brennivínssvindlinu og
svo framvegis og svo framvegis
og svo framvegis. Skelfing er ég
orðinn þreyttur á sjálfum mér að
vera sífellt að þusa þetta sama
upp aftur og aftur. Ég nenni
ómögulega að bæta því við rétt
einu sinni að þetta fari allt til and-
skotans að lokum. Og „því fyrr
því betra“ er víst áframhald
þeirrar ágætu formúlu.
Sigurður Þór Guðjónsson
8 SÍÐA — ÞJÓÐVILJiNN Miðvikudagur 14. desember 1988
Miðvikudat