Þjóðviljinn - 14.12.1988, Blaðsíða 16

Þjóðviljinn - 14.12.1988, Blaðsíða 16
—SPURNINGIN— Ertu tilbúinn aö gefa 10% af þínum launum? Gunnar Gestsson húsvörður: Nei, ég hef bara ekki efni á því. Mér finnst óeðlilegt að lækka þurfi launin til bjargar útflutnings- atvinnuvegunum eftir góðæri undanfarinna ára. Steinþór Þorleifsson útgerðarmaður: Nei, ég er ekki tilbúinn til þess. Ég hef ekki efni á því. Almennir launþegar hafa ekki efni á launa- lækkun en hugsanlega mætti klípa af launum ráðherranna. Gylfi Guðjónsson stýrimaður: Nei takk. Hef ekki efni á því. Hvort einhverjir aðrir hafa efni á því veit ég ekki, á meðan jafn dýrt er að hafa í sig og á í þessu þjóðfélagi og kunnugt er. Þorvarður E. Steinþórsson bílamálari: Nei, ég hef ekki efni á því. Það er svo dýrt að lifa. Það fara allir pen- ingarnir í rekstur heimilisins. Björgvin Alexandersson afgreiðslumaður: Nei, á því hef ég ekki efni né held- ur hinn almenni verkamaður þessa lands. En trúlega eru til þeir hópar sem hafa efni á að gefa eftir af launum sínum. Miðvikudagur 14. desember 1988 268. tölublað 53. árgangur SIMI 681333 Á KVÖLDIN 681348 Á LAUGARDÖGUM 681663 Iðnsaga íslendinga Ull verður gull Saga íslensks ullariðnaðar komin á bók. Hluti aflðnsögu Islendinga sem verið er að skrá. Magnús Guðmundsson: Heimildir fyrst og fremst sóttar tilfólks sem kynntist ullinni við vinnu - Ég kynntist nú fyrst ullariðn- aði þegar ég var í sveit sem dreng- ur og var að tína hagalagða. Þá var mér ekki Ijóst hvað varð um þá hagalagða sem ég tíndi. Og það má segja að ég hafi ekki kom- ist að því fyrr en ég hóf að skrá þessa sögu, sagði Magnús Guð- mundsson sagnfræðingur, en hann hefur tekið saman bók um sögu ullariðnaðar Islendinga á síðari hluta 19. aldar og á 20. öld. Bókin, sem ber nafnið Ull verður gull, er hluti af Iðnsögu íslendinga sem nú er unnið að á vegum menntamálaráðuneytis- ins. Það er Jón Böðvarsson sem ritstýrir því verki. Hann sagði að þetta væri önnur bókin sem gefin væri út í þessum bókaflokki, en alls væri vinna hafin eða lokið við sjö bindi. Bókin Ull verður gull greinir frá þróun ullariðnaðar á vélaöld. Sagt er frá brautryðjendum sem stofnuðu tóvélaverkstæði í lok síðustu aldar og komu á fót Það var við hæfi að kynna bókina um íslenskan ullariðnað í húsinu þar sem Sigurjón Pétursson á Álafossi kom upp hraðsaumastofu sinni, á horni Bankastraetis og Þingholtsstrætis. Þar hefur nú verið komið fyrir tækjum og tólum sem tengjast ullariðnaði. Hér situr höfundur bókarinnar Ull er gull, Magnús Guðmundsson sagnfræðingur, við spunavél sem einhvern tíma malaði gull. Mynd Jim Smart. klæðaverksmiðjum, greint er frá baráttu fyrir varðveislu heimilis- iðnaðarins. Við sögu koma öll helstu fyrirtæki í klæðagerð, Nýjung Laxveiði á myndböndum Islenski myndbandaklúbburinn hefurgefið útfjögur myndbönd í pakka um laxveiði frá sl. sumri „Þetta er í fyrsta skipti sem myndbönd um laxveiði í fjórum helstu laxveiðiám landsins eru framleidd með það í huga að þau verði einkaeign þess sem áhuga hefur," sagði Helgi Hilmarsson hjá Islenska myndbandaklúbbn- um. Nú gefst laxveiðiáhuga- mönnum jafnt sem atvinnu- mönnum tækifæri til að upplifa veiðispennu sumars með því að bregða spólu í myndbandstækið því íslenski myndbandaklúbbur- inn hefur nýverið gefið út fjögur myndbönd í pakka frá Iaxveiði í Laxá í Kjós, Laxá í Dölum, Mið- fjarðará og Vatnsdalsá. Myndirnar voru teknar sl. sumar undir stjórn Friðriks Þórs Friðrikssonar ícvikmyndagerðar- manns. Myndataka var í höndum Guðmundar Kristjánssonar og um hljóð sá Þorvar Hafsteinsson. Hvert myndband er um 60 mínút- ur að lengd og á þeim má sjá marga landsþekkta laxveiðimenn í hörkuátökum við þann stóra ss. Þórarin Sigþórsson tannlækni, Bjarna Kristjánsson rektor Tækniskóla íslands, Sigurð Gísla Pálmason í Hagkaup, Jón Ólafs- Laxveiðiár landsins eru snar þáttur í náttúrudýrkun margra. Sumir láta sér nægja að sjá laxinn stökkva en aðrir vilja komast í návígi við hann með veiðistöng að vopni. Mynd: E.ÓI. son í Skífunni, Hannes Pálsson bankastjóra og fleiri. -grh ullarþvotti, gólfteppagerð og prjónaiðnaði. I bókinni er einnig sögð saga íslensku ullarinnar og lýst meðferð hennar, vinnu- brögðum og aðstæðum verka- fólks. Það er Hið íslenska bók- menntafélag sem gefur bókina út. - Þegar ég hóf að vinna þetta verk rakst ég fljótt á, að lítið er til af heimildum á prenti um þennan iðnað. Ég þurfti að leita víða fanga og hef rætt við mjög marga sem tengst hafa þessum iðnaði, og stend í mikilli þakkarskuld við allt það fólk, sagði Magnús. Hann sagði einnig að ekki hefði mátt dragast öllu lengur að skrá þessa sögu, því mikið af því fólki sem kynntist ullinni við vinnu hér áður fyrir væri komið á háan aldur. Þorsteinn Jónsson kvikmynda- gerðarmaður hefur gert mynd- band sem tengist bókinni en það sýnir hvernig vinnubrögð við tó- vinnu hafa breyst úr handverki í stórfelldan verksmiðjuiðnað. -sg

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.