Dagblaðið Vísir - DV - 20.12.1995, Side 2

2
MIÐVIKUDAGUR 20. DESEMBER 1995
Fréttir
Mokveiði af þorski hjá Sléttanesi á Vestfjarðamiðum:
Hef aldrei á ævinni séð
annað eins af þorski
- segir skipstjórmn - veiðin samsvarar því að togari gæti fiskað á annað þúsund tonn á sólar-
„Ég hef aldrei á ævinni séð annað
eins af þorski á Vestfjarðamiðum.
Við drögum að meðaltali í 10 mínút-
ur og fáum yfirleitt 10 til 15 tonn í
hali. Við tökum þrjú höl á sólar-
hring og það tekur um hálftíma að
veiða sólarhringsaflann,“ segir
Sölvi Pálsson, skipstjóri á frystitog-
aranum Sléttanesi sem er að veið-
um á Vestfjarðamiðum.
Sem dæmi um veiðina má reikna
með að togari sem hefði afkastagetu
gæti samkvæmt þessu veitt langt á
annað þúsund tonn á sólarhring
sem er þokkalegur ársafli togara í
dag.
Sléttanesið byrjaði veiðiferðina í
Smugunni en kom til baka á ís-
landsmið fyrir tæpum þremur sólar-
hringum og kastaði þá á Halanum.
Síðan hefur verið mokveiði og skip-
ið á reki utan þann hálftima á sólar-
hring sem tekur að veiða þau 35
tonn sem áhöfnin afkastar. Þar sem
þorskkvóti er í lágmarki eru engir
aðrir togarar á slóðinni og flestir að
veiða karfa og grálúðu sem skip-
stjórnarmönnum ber saman um að
séu báðir við hrun.
„Við veiðum bara eins og vinnsl-
an hefur undan. Við erum hérna
einskipa en það veldur mér undrun
að Hafrannsóknastofnun virðist
engan áhuga hafa á því að skoða
hvemig þetta er. Þeir væru mættir
á staðinn ef þetta væri loðna sem
um er að ræða,“ segir Sölvi.
Hann gagnrýnir þá stjórn sem er
á veiðum á botnfiski og segir að
friðunarstefna á þorski sé að ganga
af öðrum stofnum dauðum.
„Þessi stjórn er með ólíkindum,
skipum er markvisst beint í veiðar
á öðrum stofnum sem eru bersýni-
lega við hrun. Þar nægir að nefna
karfann og grálúðuna sem eru á
mörkum þess að hrynja. Þetta er
dýrasta friöun í heimi og það getur
ekki verið nein skynsemi í því að
ganga af öðrum stofnum dauðum til
að sniðganga stofn sem er í lagi,“
segir Sölvi.
Sölvi hefur starfað sem skipstjóri
í nærri þrjátíu ár og hann segir að
ekki verði eingöngu vart við mikla
þorskgengd hjá togurum. Linubátar,
bæði út af Austfjörðum og Vest-
fiörðum, mokveiði einnig.
„Það er línubátur hérna skammt
undan og hann er með 400 kíló á
bala sem þýðir að það er nánast
fiskur á hverjum öngli. Það er full
ástæða til að menn fari að skoða
hvað er að gerast héma á miðun-
um,“ segir hann.
Sölvi segir að veiðin á Vestfiarða-
miöum nú sé langt yfir því þegar
best gerist í Smugunni.
„Menn eru að tala rnn mikla veiði
í Smugunni en veiðin þar er ekkert
í likingu við það sem hér er að ger-
ast,“ segir Sölvi.
-rt
Frumvarp um nýjan skatt:
Gert ráð fyrir
enn einu
gjaldi á bif-
reiðaeigendur
- upp í bætur til tjónþola ofbeldis
„Á þessari stundu vil ég sem
minnst segja um þetta frumvarp en
gert er ráð fyrir að þetta gjald afli
allt að 67 milljónum króna á ári,“
sagði Friðrik Sophusson fiármála-
ráðherra í gærkveldi um viðbót við
bandormsfrumvárpið þar sem gert
er ráð fyrir sérstöku umferðarör-
yggisgjaldi.
Ríkisstjórnin lagöi fram í gær-
kveldi frumvarp um breytingu á
umferðarlögunum sem er viðbót við
bandormsfrumvarpið. í þessu frum-
varpi er gert ráð fyrir að „leggja
skuli á sérstakt umferðaröryggis-
gjald er renni til Umferðarráðs, að
fiárhæð 200 krónur, og greiðist það
við almenna skoðuna ökutækis,
skráningu ökutækis og skráningu
eigendaskipta að ökutæki. Ráðherra
setur reglur um innheimtu gjalds-
ins og um skil þess í ríkissjóö."
Svo segir í frumvarpinu en í
greinargerð með því segir að þetta
sé gert samhliða breytingum sem
lagðar eru til á frumvarpi til laga
um ráðstafanir í ríkisfiármálaum.
Þetta sé í tengslum við fyrirhugaða
breytingu á 18. grein frumvarpsins.
Þessi 18. grein bandormsfrum-
varpsins er um bætur til tjónþola of-
beldis. Þar var gert ráð fyrir að
skerða þær um helming frá því sem
upphaflega var ætlað. Það hefur
mætt mikilli andúð, bæði innan
þings og utan.
Þetta 200 króna umferðaröryggis-
gjald er talið verða um 67 miújónir
króna á ári eins og fiármálaráð-
herra sagði og á að renna til Um-
ferðarráðs. Fjárveiting til umferðar-
ráðs, sem þegar er fyrir á fiárlögum,
verður skert sem þessu nemur verði
frumvarpið samþykkt. Þannig á aö
millifæra tU að minnka skerðingu
tjónþola ofbeldis.
-S.dór
Stuttar fréttir
Útboðá
gervilimum kært
Fyrirtækið Össur hf. hefur
kært útboð Tryggingastofnunar
til Samkeppnisstofnunar vegna
útboðs á spelkum, gervilimum
og bæklunarskóm. Skv. Við-
skiptablaðinu telur fyrirtækið aö
stofnunin hindri eðlilegan að-
gang neytenda að vörum í útboð-
inu.
Jólasveinarnir urðu fyrstir til að fá einkanumer á bilinn sinn þegar þeir komu með nýja jeppann sinn í skoðun hjá
Bifreiðaskoðun íslands í gær. Um er að ræða Land Rover, árgerð 1948, sem þeir hyggjast nota til hálendisferða. í
framtíðinni mun bifreiðin bera einkanúmerið Jól 1-8 og ætti þá enginn að vera í vafa um það hvar og hvenær jóla-
sveinar eru á ferð í umferðinni. Vel var tekið á móti jóiasveinunum hjá Bifreiðaskoðun íslands þegar þeir komu þang-
að. Spurst hafði út að bræðurnir ættu pantaðan tíma og fjölmenntu því fjölmörg leikskólabörn á staðinn. Dansað var
í kringum jólatré og sungin jólalög jólasveinunum til mikillar gleði og launuðu þéir fyrir sig með því að gefa börnun-
um glaðning. í samræmi við lög og reglur fóru skoðunarmenn yfir jeppa jólasveinanna. Fulltrúar Umferðarráðs og
börnin gáfu bræðrunum góð ráð um notkun öryggisbelta og því víst að þeir verða framvegis spenntir í umferðinni,
rétt eins og börnin í aftursætunum. DV-mynd GS
Stuttar fréttir
Ólögmæt mismunun
Flugleiðir þurfa að greiða
bandarískum starfsmanni sínum
um 15 milljónir króna í skaða-
bætur á þeim forsendum að hon-
um hafi verið mismunað vegna
aldurs. RÚV greindi frá.
Fólk safnar skuldum
Skuldir einstaklinga við
bankakerfið hafa hækkað um
nærri 4,2 milljarða króna á
fyrstu 10 mánuðum ársins, þar
af hækkuðu þær um 1,2 millj-
arða i október. Einstaklingar
skulduðu bönkum alls 60,9 millj-
arðá í lok október. Viðskipta-
blaðið greindi frá.
Jólaverslun í góðum gír
Jólaverslunin er í góðum gír
þessa dagana. Skv. Viðskipta-
blaðinu stefnir í ríflega 20 millj-
arða smásöluverslun siðustu 2
mánuði ársins.
Falskt flugöryggi *
Almenningur hefur á undan-
förnum árum búið við falskt flu-
göryggi vegna gríðarlegrar yfir-
vinnu og dauðþreyttra flugum-
ferðarstjóra. Timinn hafði þetta
eftir Karli Alvarssyni, varaform-
anni samninganefiidar flugum-
ferðarstjóra.
Útlit fyrir kalt jólaveöur:
Mikið frost en
minna um snjó
„Okkur sýnist einna helst að
þetta veröi hvorki hvít né rauð jól,
heldur fyrst og fremst köld. Þetta á
þó einkum við um suðvesturhornið.
Við norðausturströndina gæti orðið
einhver snjókoma," segir Ásdís
Auðunsdóttir, veðurfræðingur á
Veðurstofu Islands.
Ásdís segir varhugavert að
byggja um of á veðurspá 5 daga
fram í tímann. Sé hins vegar gert
ráð fyrir að hæðin yfir Austur-
Grænlandi haldist þá muni hún
þoka aðsvífandi lægðum til austurs
langt fyrir sunnan landið. Fyrir vik-
ið megi búast við köldu veðri um
allt land, bæði á aðfangadag og jóla-
dag. Hægur vindur yrði þá úr
norðri og frostið gæti víða orðið um
10 stig.
Gangi þessi jólaspá eftir verður
lítil snjókoma víðast hvar á landinu
en þó gæti jörð orðið hvit í minni
háttar éljum. Hægviðrið ýfir hins
vegar ekki sjó og því dregur úr
hættu á flóðum samfara stórstreym-
inu um jólin. Lágm- lofþrýstingur og
álandsstormur gæti hins vegar vald-
ið gifurlegu tjóni á mannvirkjum
því um er aö ræða mesta stór-
streymi ársins. .kaa