Dagblaðið Vísir - DV - 02.07.1996, Side 4
4
ÞRIÐJUDAGUR 2. JÚLÍ1996
Fréttir
DV
Ólafur Ragnar Grímsson, nýkjörinn forseti íslands:
Háskólamaður og stjórn-
málamaður á Bessastaði
Nýkjörinn forseti íslands,
Ólafur Ragnar Grímsson, fædd-
ist á ísaflrði 14. maí 1943. For-
eldrar hans voru hjónin Svan-
hildur Ólafsdóttir Hjartar hús-
móðir, f. 20. nóvember 1914 á
Þingeyri, d. 4. maí 1966, og Grím-
ur Kristgeirsson hárskeri, f. 29.
september 1897 í Bakkakoti í
Skorradal í Borgarfjarðarsýslu,
d. 19. apríl 1971.
Ólafur Ragnar ólst upp fyrir
vestan og eftir að fjölskylda hans
fluttist til Reykjavíkur var hann
áfram hjá skyldfólki á Þingeyri á
sumrin.
Ólafur Ragnar kvæntist Guð-
rúnu Katrínu Þorbergsdóttur
árið 1974. Guðrún Katrín er fædd
14. ágúst 1934, dóttir hjónanna
Guðrúnar S. Beck húsmóður og
Þorhergs Friðrikssonar skip-
stjóra.
Dætur Ólafs Ragnars og Guð-
rúnar Katrínar eru tvíburasyst-
urnar Guðrún Tinna og Svan-
hildur Dalla, f. 30 ágúst 1975.
Þær eru báðar nemar við Há-
skóla íslands, Svanhildur Dalla í
stjórnmálafræði og Guðrún
Tinna í viðskiptafræði.
Dætur Guðrúnar Katrínar eru
einnig Erla Þórarinsdóttir
myndlistarmaður, f. 22. septem-
ber 1955, og Þóra Þórarinsdóttir,
kennari á Selfossi, f. 6. júlí 1960.
Menntun
Ólafur Ragnar lauk stúdents-
prófi frá Menntaskólanum í
Reykjavík 1962. Á menntaskóla-
árum sínum tók hann virkan
þátt í félagslífi og var meðal ann-
ars forseti Framtíðarinnar í MR.
Eftir stúdentspróf fór hann til
framhaldsnáms í Manchester á
Englandi og tók BA-próf í hag-
fræði og stjórnmálafræði frá
University of Manchester 1965 og
doktorspróf frá sama skóla 1970.
Doktorsritgerð hans nefndist
Political Power in Iceland Prior
to the Period of Class Politics.
Eftir heimkomuna frá
Ólafur Ragnar Grímsson mun veröa settur í embætti forseta íslands eftir réttan
mánuö, þann 1. ágúst nk. Guörún Katrín Þorbergsdóttir mun án efa standa þétt
viö hliö bónda síns eins og hún hefur gert alla kosningabaráttuna. Ólafur sagöi
á kosningavöku sinni aö þaö yröi hans fyrsta verk aö reyna aö sameina alla ís-
lensku þjóöina. Myndin er tekin skömmu eftir aö fyrstu tölur sýndu aö Ólafur
Ragnar stefndi beint á Bessastaöi. DV-mynd GVA
Manchester sá Ólafur um útvarps-
og sjónvarpsþætti um ýmis þjóðmál.
Störf við Háskóla íslands
Ólafur Ragnar var skipaður lekt-
or í stjórnmálafræöi við HÍ 1970 og
prófessor í stjórnmálafræði við HÍ
frá 1973. Hann vann við mótun
kennslu og rannsókna í félagsvís-
indum á fyrstu árum þeirra fræða
við Háskóla íslands. Hann hefur
unnið að rannsóknum á íslenska
stjórnkerfinu og annast þá kennslu.
Af ritstörfum Ólafs má nefna rit-
ið íslenska þjóðfélagið sem kom út
árið 1975 og Jafnrétti kynjanna frá
1974. Hann var einnig ritstjóri ritr-
aðarinnar íslensk þjóðfélagsfræði.
Þá hefur hann ritað fjölda ritgerða
um stjórnmálafræði, íslenska
stjórnkerfið og afvopnunarmál í er-
lend og innlend fræðirit og safnrit
og flutt fjölda erinda erlendis um af-
vopnunarmál og samskipti norðurs
og suðurs.
Þátttaka í stjórnmálum
Fyrst bauð Ólafur Ragnar sig
fram til Alþingis á vegum Frjáls-
lyndra og vinstri manna árið 1974
og komst þá á þing sem varaþing-
maður í Austurlandskjördæmi.
Hann var síðan kjörinn þingmaður
Reykvíkinga af lista Alþýðubanda-
lagsins árið 1978 og þingmaður
Reykjaneskjördæmis 1991.
Ólafur Ragnar var fjármálaráð-
herra í stjórn Steingríms Her-
mannssonar frá 1988 til 1991.
í stjóm Sambands ungra fram-
sóknarmanna var Ólafur Ragnar frá
1966 til 1973 og í framkvæmdastjóm
Framsóknarflokksins 1971 til 1973,
formaður Samtaka frjálslyndra og
vinstri manna 1974 til 1975, formað-
ur þingflokks Alþýðubandalagsins
frá 1980 til 1983, formaður fram-
kvæmdastjórnar Alþýðubandalags-
ins 1983 til 1987 og formaður Al-
þýðubandalagsins frá 1987 til 1995.
Auk þessa hefur Ólafur Ragnar
setið í fjölda opinberra nefnda og
gegnt fjölmörgum öðrum trúnaðar-
störfum.
Störf á erlendum vettvangi
Ólafur Ragnar vai' formaður og
síðan forseti alþjóðlegu þingmanna-
samtakanna Parliamentarians for
Global Action frá 1984 til 1990 og í
stjórn þeirra síðan. í þeim samtök-
um em rúmlega 1800 þingmenn og
ráðherrar frá um 80 þjóðlöndum og
hafa þau beitt sér fyrir afvopnunar-
og friðarmálum.
Hann var formaður skipulags-
nefndar ráðstefnu Evrópuráðsins,
Norður-suður: hlutverk Evrópu, og
vann innan ráðsins að stefnumótun
um samskipti ríkra þjóða og fá-
tækra 1980 til 1984 og tók á ný sæti
á þingi Evrópuráðsins 1995.
Hin síðari ár hefur Ólafur nýtt al-
þjóðatengsl sín til að opna íslensk-
um fyrirtækjum leið inn á nýja
markaði, einkum í Asíu, til dæmis á
Indlandi, í Víetnam og Indónesíu og
í Suður- Ameriku, meðal annars i
Mexíkó.
Þá hefur hann hlotið viðurkenn-
ingar erlendis fyrir störf sín, meðal
annars friðarverðlaun Indiru Gand-
hi árið 1987. -ÞK
Ólafur Ragnar Grímsson:
Fékk sveinsstykki afa síns að gjöf
„Mér þótti mjög vænt um það að
kvöldið fyrir kjördag kom hingað
heim til okkar gjöf frá gamalli konu
í Dýrafirði. Þetta var sykurtöng sem
er sveinsstykkið hans afa míns og
nafna, Ólafs Ragnars. Hann smíðaði
töngina í smiðjunni á Þingeyri í
upphafi þessarar aldar en hann
vann í yfir 50 ár í Vélsmiðju Guð-
mundar Sigurðssonar á Þingeyri,"
segir Ólafur Ragnar Grímsson verð-
andi forseti íslands. -S.dór
Dagfari
Steinhissa og skúffaðir
Þótt forsetakosningarnar séu
liðnar eru menn enn að jafna sig.
Sumir fagna en aðrir eru að sleikja
sár sín. Ólafur Ragnar og Guðrún
Katrín eru í stanslausri gleði.
Hann var orðinn forsetalegur í
kosningabaráttunni en nú keyrir
um þverbak. Ættjarðargleðin skín
af honum og húrrahrópin fylgja
um leið og hann blessar lýðinn.
Svo eru það aðrir sem eru enn
steini lostnir. Það á aðallega við
um fréttastjóra stjónvarpstöðvanna
beggja. Kvöldið fyrir kosningar
kölluðu þeir frambjóðendurna
fjóra á sinn fund. Með þeim fundi
lauk kosningabaráttunni formlega.
Fréttastjórarnir voru undirbúnir
fyrir fundinn með venjubundnum
hætti. Spurningar voru klárar og
búist við hefðbundinni umræðu.
Þegar komið var að þessum
tímapunkti voru kjósendur orðnir
harla leiðir á þessu tilstandi öllu,
svo ekki sé minnst á frambjóðend-
ur. Þeir höföu þeyst um landið
þvert og endilangt í atkvæðaleit.
Það var því ekki búist við neinu
nýju. Þaö var þá sem Ástþór kom,
sá og sigraði, að minnsta kosti á
sinn hátt. Hann dró fram poka og
upp úr honum hornstein friðar.
Þetta var talsvert stúss og erfitt að
ná friðarsteininum úr pokanum.
Hin forsetaefnin horfðu á i for-
undran og stjórnendur þáttarins
voru sem steinrunnir. Hljóðnemar
voru í hættu enda aðeins steinsnar
frá postula friðarins.
Ástþór hætti að svara spurning-
um og lýsti hornsteininum og öllu
því sem honum fylgir. Bogi mátti
ekki mæla og Elín hrærði sig
hvergi. Þau biðu þess sem verða
vildi. Umræðuþátturinn hafði snú-
ist upp í steinasýningu. En hafi
menn verið steinhissa á þessu öllu
saman þá átti það enn eftir að
breytast. Hakan á stjórnendunum
seig niður á bringu þegar Ástþór
dró skúffu út úr steininum. Stjórn-
endur þáttarins vissi ekki hvaðan
á þá stóð veðrið en aðrir frambjóð-
endur voru greinilega skúffaðir.
Leggið fram fé, krónu, fimmkall
eða þúsundkall, sagði Ástþór. Allt
fyrir friðinn. Bogi mátti loks mæla
og bað frambjóðandann að fá þá
fjármuni fremur í skúffu Friðar
2000 en inn á fréttastofur sjón-
varpsstöðvanna. Ástþór lét sem
hann heyrði ekki athugasemdina.
Hann stakk sjálfur í skúffuna sjö-
tíu og fimm þúsundkalli sem borist
hafði í kosningasjóðinn frá sjávar-
útvegsfyrirtæki. Getum við snúið
okkur að öðru, tautaði Bogi. Hljóð-
neminn var dottinn úr Ástþóri.
Guðrún Agnarsdóttir sá aumur á
meðframbjóðanda sínum og krækti
tækinu aftur í jakka friðarboðans.
Þótt hún væri skúffuð, líkt og Pét-
ur og Ólafur, lét hún það ekki á sig
fá. Allt fyrir friðinn.
Þegar Ástþór var aftur kominn í
samband gat málfundurinn hafist á
ný. Það var þó aðeins til mála-
mynda. Áhorfendur voru með all-
an hugann við steininn með skúff-
unni. Þar tók steininn úr, sagði
eldri kona meðal áhorfenda. Ólík-
legt var talið að hún kysi Ástþór.
Ástþór tapaði í forsetakosning-
unum með miklum glæsibrag. Það
breytir þó ekki því að hann vann
kosningabaráttuna.
Dagfari