Dagblaðið Vísir - DV - 02.07.1996, Blaðsíða 10

10
ÞRIÐJUDAGUR 2. JULI 1996
Spuriúngin
Ertu ánægö/ur með úrslit
forsetakosninganna?
Guðrún Steingrímsdóttir leik-
skólakennari: Já, þó eg hafi ekki
kosið Ólaf.
Dagný Björgvinsdóttir tónlistar-
kennari: Já.
Kristín Bjarnadóttir verslunar-
maður: Já, mjög ánægð.
Sigurjón Rútsson, rafvirki: Já, já.
Einar Örn Einarsson kaupmaður:
Já, alveg sáttur. Þetta var allt ágæt-
isfólk í framboði.
Grétar Samúelsson, húsasmíða-
meistari: Þau eru önnur en ég hefði
kosið.
Lesendur_______________________________
Kirkjan og yfirstjórnin:
Prestastefnan leys-
ir ekki vandamálin
Jóhannes Þorsteinsson skrifar:
Mikið hefur verið ritað og rætt
um eitt erfiðasta málið sem íslensk
kirkja hefur átt við að stríða um
árabil. Umræðan um aðskilnað rík-
is og kirkju fellur í skuggann af allt
öðru og alvarlegra máli. Nefnilega
málum sjálfs biskupsins yfir íslandi
og öðrum sem tengjast verksviði
hans, svo sem deilunni í Langholts-
sókn og í fleiri sóknum. - Orðrómur
var uppi um að prestastefnan, sem
stendur yfir þegar þetta er skrifað,
myndi leysa vandann og þar yrði
tekið þannig á málum að friður
færðist yfir mál kirkjunnar. Þetta
ætlar ekki að ganga eftir.
Margir væntu líka afgerandi
ákvörðunar frá biskupi íslands og
töldu að segði hann embætti sínu
lausu nú myndu hans mál þar með
vera úr sögunni. Það kom því
óþægilega við marga er biskup til-
kynnti að hann ætlaði að vísu að
hætta biskupsdómi fyrir lögbund-
inn starfslokaaldur sinn, en þó ekki
fyrr en eftir 18 mánuði. Einkum
vegna þess að hann héldi að ófriður
myndi skapast um kjör biskups léti
hann af embætti strax! - Auk þess
sem hann sagðist eiga eftir að leysa
nokkur mál, fara á ráðstefnur er-
lendis og annað í þeim dúr.
Hér hefur biskup gert hrapalleg
mistök, ekki síst með tilliti til sjálfs
sín og sinna nánustu. Allir eru sam-
mála um að ákærumál kvennana á
hendur honum hafi verið óheppileg
og varla líðandi af hálfu biskups að
láta þau afskiptalaus. Það er auðvelt
að hafa fulla samúð með biskupi
vegna þessara ákæruatriða, og get-
ur hver litið í eigin barm að hafa
slíkar ákærur sem sverð yfír höfði
sér. Því er það afar klént af hálfu
biskupsins að hafa ekki sjálfur kraf-
ist fullkominnar rannsóknar á þess-
um ákærum og leita leiða tÚ að
hreinsa mannorð sitt að fullu með
því að láta málið ganga alla leið í
dómskerfinu.
Þegar öllu er á botninn hvolft er
kirkjan og yfirstjórn hennar lömuð
næstu 18 mánuðina. Sá tími mun
líklega verða vel nýttur af andstæð-
ingum kirkjunnar til að safna liði
meðal þings og þjóðar til að aðskilja
hana að fullu frá ríkinu. Þar sem
enginn virðist í raun yfirmaður
kirkjunnar nema biskupinn, og
honum enginn æðri í stjómsýsl-
unni, kann svo að fara að það verði
biskup íslands sem sjálfur verður
til þess með afstöðu sinni að koma á
aðskilnaði ríkis og kirkju.
Frá nýafstaöinni prestastefnu. - Ráöstefna fallandi starfsstéttar?
Stjórnarskrárbreyting, stjórnarskrárbreyting
Ólafur Björnsson hringdi:
Það skal ekki bregðast að í hvert
sinn sem mikilvæg málefni eru
rædd í sambandi við eitt og annað
sem tengist stjórnsýslunni, svo sem
t.d. hvort kjósa eigi tvisvar í forseta-
kjöri (sem auðvitað er rétt því það
er hreint grín að forseti hafi ekki
meirihluta kjósenda á bak við sig),
eða þá að breyta kjördæmaskipan-
inni, þá er það alltaf eitt sem strand-
ar á: stjómarskrárbreytingin. Og
hún þarfnast þingrofs og kosninga.
Þingrof og kosningar eru sém eit-
ur í beinum þingmanna og þess
vegna verður aldrei af því að stjóm-
arskránni verði breytt. Þingmenn
eru kjömir til fjögurra ára og það
má mikið ganga á áður en þeir sætt-
ast á þingrof út af stjómarskrár-
breytingu en hún krefst tvennra
kosninga.
Það má því lengi hrópa: stjórnar-
skrárbreyting, stjórnarskrárbreyt-
ing. Þetta orð fellur alltaf í grýttan
jarðveg vegna þrjósku og yfirgangs
alþingismanna.
Unglingavinna - þegnskylduvinna
Alls staöar á Noröurlöndum er herskylda. - Ungir Norömenn viö skyldustörf.
Ámi Kristjánsson skrifar:
Það er nýlunda að heyra um að
unglingur hafi verið rekinn úr ung-
lingavinnunni svokölluðu fyrir
hyskni. Þetta skeði að vísu á lands-
byggðinni, nánar tiltekið á Egils-
stöðum. Ekki mæli ég með því að
reka einn eða annan, a.m.k. ekki án
undangengis tiltals eða fullvissu um
að viðkomandi geti ekki bætt um
betur. Hins vegar verður að segja
eins og er, að hér á landi hafa leti og
vinnusvik verið viðloðandi frá
ómunatíð. Við islendingar erum
kannski svona hysknir að upplagi,
hvað sem veldur.
Allar þjóðir utan íslendingar hafa
haft herskyldu og hafa ekki
afnumið hana þrátt fyrir að frið-
vænlegt sé í heiminum um þessar
mundir. Þannig er herskylda á öll-
um Norðurlöndunum nema hér. Ég
er ekki að mæla með herskyldu hér,
þótt margt mætti gera sem væri
ígildi herskyldu, svo sem að skylda
ungt fólk til að vera við æfingar á
björgun og fyrstu aðstoð við ýmsar
aðstæður. Það verður kannski
breyting á með raunsærri valda-
mönnum en við höfum haft hér allt
frá lýðveldisstofnun.
Ég mæli hins vegar með þegn-
skylduvinnu sem stunduð sé af sér-
hverjum ungum manni um hálfs árs
skeið, jafnvel í eitt ár. Ég sé ekki
annað en slík skylda gerði öllum
gott. Þar má kenna ýmislegt annað
en beina vinnu sem væri að sjálf-
sögðu uppistaðan. Kenna ætti und-
irstöðuatriði í heimilishaldi (búa
um rúm, halda við fatnaði sínum;
þvo og þurrka tau, strauja, bursta
skó og annast ungbam). Þetta kem-
ur ungu fólki af báðum kynjum vel
síðar á ævinni. Margir enda sem
einstæðir einstaklingar og er þá
ekki ónýtt að hafa notið þessa upp-
eldisþáttar. - En mér sýnist að
hinni sígildu unglingavinnu mætti
vel breyta í þegnskylduvinnu, öUum
til gagns og sóma. Ekki síst þjóðinni
í heild.
DV
Ofnæmi
fýrir skoðana-
könnunum
Ásgeir hringdi:
Afskaplega þykir mér orðið
hvimleitt að hlusta á og lesa um
allar þessar skoðanakannanir
sem ólmast er með í fjölmiðlum.
Ég hef hvergi séð eða heyrt slík-
an fjölda skoðanakannana eöa
tíðni þeirra. En þetta er allt á
eina bókina lært. Við ofgerum í
öllu, skoðanakönnunum jafnt og
öðm. Þessar kannanir hafa ekk-
ert að segja. Þannig var það í for-
setakosningunum og engin eða
sáralítil breyting milli kannana.
Og svo er farið að bæta ýmsum
þáttum inn í, t.d. viðmiðun milli
kynja, flokka eða búsetu. Því
ekki eftir litarhætti eða þá skó-
stærð? Þetta er auðvitaö einbert
rugl og allt til ama.
Hjákátleg
bílnúmer
Inga hringdi:
Ég er satt að segja undrandi
yfir því að nokkur maður skuli
vera svo hégómlegur að geta
hugsað sér að aka bíl sínum með
þessum nýju númerum sem kall-
ast víst einkanúmer. Hvaö halda
þessir menn? Að þeir þekkist
betur? Að þeir upphefji sig eða
gangi á einhvem hátt í augun á
öðrum akandi? Hjákátleg fram-
kvæmd þessi nýja della og ég
held að skynsamir menn láti
kyrrt liggja og noti bara sín
gömlu fostu númer. Nógur er nú
kostnaðurinn samt.
Fagna lyfsölu-
samkeppni
Sigurjón Jónsson skrifar:
Ég fagna því að nú skuli kom-
in á alvörusamkeppni i lyfsölu-
málum. Hún var ekki til áður. Nú
auglýsa lyfsalar tilboð og afslætti.
Það gerðist ekki áöur. Og síðan
lokuðu þeir hér á höfuðborgar-
svæðinu öll kvöld og helgar en
skömmtuðu með sérstakri aug-
lýsingu eitt eða tvö apótek sem
mátti sækja til lyf og var þá
venjulega langt frá heimilum
flestra borgarbúa. - Þetta er nú
liöin tíð sem betur fer. Og svona
þarf að bregöast við í öðmm ein-
okunar- eða fákeppnisstofnunum.
Unnusti Bjarkar
dæmdur?
Margrét Ólafsdóttir skrifar:
Ég átti bágt með að trúa mín-
um eigin augum er ég las í Helg-
arpóstinum að unnusti Bjarkar,
söngkonunnar frægu, hefði verið
dæmdur hér á landi fyrir lik-
amsárás en hefði ekki greitt
miskabætumar. Ég sá svo síðar
mynd af frú Vigdísi forseta þar
sem hún var að heilsa þessum
sama manni innvirðulega. Ég er
svo undrandi á dómgreindar-
leysi sumra fyrirmanna okkar
íslendinga að ég held að það sé
eitthvað mikið að okkur öllum
sem þjóð að dá svona yfirgengi-
lega alla sem komast í sviðsljós-
ið. Það má t.d. varla maður úr
poppheiminum rekast til lands-
ins svo ekki sé búið að bjóða
honum í ráöherrabústað eða til
Bessastaða. En ég á bara erfitt
með að trúa þessum fféttum eins
og með unnusta Bjarkar.
Tösku stoliö
líbúö
Dóra Jónsdóttir skrifar:
Fyrir rétt um mánuði var
svartri skjalatösku stolið frá mér
í íbúð minni á Frakkastíg 10. í
töskunni voru verðmæt persónu-
leg skjöl fyrir mig, svo sem um
ættfræði, sendibréf og upplýsing-
ar sem engum gagnast nema mér
sjálfri. - Hafi einhver orðið var
við töskuna eða innihald hennar
er vinsamlegast óskað eftir að
hringt sé í síma 551-3160.