Dagblaðið Vísir - DV - 16.07.1996, Blaðsíða 9

ÞRIÐJUDAGUR 16. JÚLÍ 1996
9

Fyrrum ríkisstjóri Arkansas olli írafári þegar hann ætlaöi aö hætta við að hætta:
Neyddur til afsagnar
með hótunum um kæru
Kona myrt
Bandarísk kona var stungin til
bana á lúxushóteli í Kairó í gær-
kvöldi. Árásarmaðurinn náðist
og reyndist hann vera 28 ára
gamall maður, Omar Mohamed
Noman, sem átt hefur við geð-
ræn vandamál að stríða. Tals-
menn hótelsins lögðu áherslu á
að árásin tengdist ekki öfgafull-
rnn múslímum sem ráðist hafa á
marga erlenda ferðamenn í Eg-
yptalandi undanfarin ár.
Jim Guy Tucker, fyrrum ríkis-
stjóri í Arkansas, olli miklu pól-
itísku írafári og mótmælum í rík-
inu í gær þegar hann gaf út yfirlýs-
ingu þess efnis að hann mundi fara
í leyfi frá störfum. Var sú yfirlýs-
ing þvert á loforð hans um að
hætta en það gaf hann strax eftir að
hafa verið fundinn sekur um fjár-
svik og meinsæri í Whitewater-
málinu í lok maí síðastliðins.
En verðandi ríkisstjóri, Mike
Huckabee, neyddi Tucker til að
standa við fyrri yfirlýsingar í gær
með hótunum um að að annars
yrði hann ákærður vegna embætt-
isafglapa. Huckabee var síðan svar-
inn í embætti en fulltrúaþing ríkis-
ins hafði komið sérstaklega saman
til þess þegar yfirlýsing Tuckers
barst og setti allt á annan endann.
Tucker sagði í yfirlýsingu sinni
að lögmenn hans héldu að kvið-
dómur í máli hans hefði dregið
taum ákæruvaldsins og að sakfell-
ing hans yrði gerð ógild. Tucker
var dæmdur fyrir fjársvik og mein-
særi ásamt james McDougall og
fyrrum konu hans en þau voru við-
skiptafélagar Bills og Hillary Clint-
ons þegar forsetinn var ríkisstjóri
Arkansas. Ákæruvaldinu þótti
sannað að Tucker og McDougall
hefðu svikið fé út úr fjármálastofn-
unum á síðasta áratug og stofnað
þannig til sjóða sem fjármagna áttu
byggingarframkvæmdir á vegum
fyrirtækja þeirra. Ein siik fram-
kvæmd nefndist Whitewater en þar
átti McDougall í samstarfi við Clin-
ton. Byggingarfyrirtækin fóru á
hausinn með þeim afleiðingum að
ríkið varð að punga út fyrir töpuð-
um ríkistryggðum svikalánum.
Lögmenn Tuckers segja að í
kviðdómnum hafi setið eiginkona
fanga í Arkansas sem hefði sótt
nokkrum sinnum um náðun en
verið hafnað af Tucker. Tucker
sjálfur hélt því stöðugt fram að
málaferlin væru runnin undan riij-
um repúblikana sem væri umhug-
að um að saurga mannorð Clintons
fyrir forsetakosningarnar í nóvem-
ber.
Reuter
Karl prins heilsar heiðursverði í
Brúnei í tilefni af 50 ára afmæli
Hassanals Bolkiah sultans.
Karl í Brúnei
Karl prins og Díana prinsessa
voru sitt hvorum megin á jörðinni í
gær þegar skilnaðarmál þeirra var
tekið fyrir í dómshúsi í London.
Karl var staddur í afmæli pólófélaga
síns, súltansins af Brúnei, sem er
einn af rikustu mönnum heimsins,
en Díana var stödd í Kensingtonhöll
í Lundúnum sem hún mun halda
eftir skilnaðinn.
Skilnaður þeirra Karls og Díönu
hefur nú beint kastljósinu að eldri
syni þeirra, Villhjálmi prinsi, og því
hefur verið haldið fram að líklegt sé
að hann verði næsti konungur Bret-
lands. Skoðanakönnun, sem gerð
var í mars, gaf til kynna að meira
en fimmtíu af hundraði Breta teldu
að Karl ætti ekki að verða konung-
ur ef hann ákvæði að giftast vin-
konu sinni, Camillu Parker Bowles.
Prinsinum, sem er fimmtán ára,
hefur verið hlíft við ásókn íjölmiðla
hingað til en líklegt er að það muni
breytast nú er hann nálgast óðfluga
fullorðinsárin.
Gregory Peck.
Gregory Peck
á batavegi
Hinn góðkunni leikari, Gregory
Peck, var sendur með hraði á
sjúkrahús í tékknesku borginni
Karlovy á sunnudaginn var. Leikar-
inn fékk bráða botnlangabólga
skömmu eftir að hann hafði veitt
viðtöku tékkneskum kvikmynda-
verðlaunum á kvikmyndahátíð í
borginni. Læknar hafa nú lýst því
yfir að Peck sé á batavegi og því
ætti leikarinn að vera laus frá
sjúkrahúsinu eftir um það bil viku.
Fregnirnar af veikindum Gregorys
Peck bárust fljótt út á hátíðinni og
Vaclac Havel, forseti Tékklands,
sem var viðstaddur, sendi strax
skeyti til leikarans með ósk um góð-
an bata. Peck, sem hlaut ósk-
arsverðlaunin árið 1962 fyrir hlut-
verk sitt í myndinni To Kill a Mock-
ingbird, er 80 ára.
Könnun - ÁTVR
Áfengis- og tóbaksversiun ríkisins áformar aö opna vínbúö
í Kópavogsbæ í desember 1996.
Hér meö er auglýst eftir leiguhúsnæöi til verslunarrekstrar
og leigusala sem áhuga hefur á samstarfi um rekstur
verslunarinnar.
Leitaö er eftir aðila sem nú þegar hefur rekstur meö
höndum sem samrýmst getur rekstri áfengisverslunar.
Lýsing á verkefni og stærö og búnaöi húsnæöis er föl á
skrifstofu ÁTVR.
Þeir sem áhuga hafa á samstarfi sendi nafn og heimilisfang
til ÁTVR eigi síöar en föstudaginn 16. ágúst 1996.
Áfengis- og tóbaksverslun ríkisins
Stuölahásli 2,110 Reykjavík
Ólympíuleikarnir í Atlanta nálgast nú óðum. Af því tilefni ákvað þýski ræðarinn Andre Steiner að fá sér óvenjulega klippingu. Hér sést Bachir Boukli Hacane
rakari klippa ólympíuhringina i hár Þjóðverjans.
32 fórust þegar herflug-
vél hrapaði í Hollandi
Þrjátíu og tveir fórust þegar
belgísk herflugvél hrapaði til jarðar
nálægt flugvellinum í Eindhoven í
suðurhluta Hollands seinnipartinn í
gær. Margir þeirra sem fórust voru
í lúðrasveit hollenska hersins en
hljómsveitin hafði spilað á tónlistar-
hátíð á Ítalíu.
Vélin, sem var af gerðinni
Hercules C-130 og 26 ára gömul, haU-
aðist mjög mikið rétt fyrir lendingu
og hrapaði í akur rétt við þann
hluta flugvallarins sem heyrir und-
ir herinn. Eldur kom strax upp í
flakinu. Fjórir i áhöfn, allt Belgar,
létust í slysinu og um tugur farþeg-
anna slasaðist alvarlega. Slökkvi-
liðssveitir voru tæpan klukkutíma
að ráða við eldinn í vélinni.
Bráðabirgðalíkhúsi var komið
upp á flugvellinum meðan hinir
slösuðu, með annars og þriðja stigs
bruna, voru fluttir í sjúkrahús.
Starfsmenn flugvallarins segja
ekkert hafa verið athugavert við að-
flug vélarinnar en vandræði hafi
komið upp rétt fyrir lendingu. Mun
rannsóknarnefnd skipuð Belgum og
Hollendingum rannsaka tildrög
slyssins.
Vitni segja að svo hafi virst sem
vélin hefði hætt við að lenda en síð-
an steypst niður og mikill reykur
stigið til himins.
Reuter
Hercules-vélin hrapaði til jaröar í lendingu. Símamynd Reuter
FA\ncs

0S S0*
: ' i*