Dagblaðið Vísir - DV - 28.08.1996, Qupperneq 12
12
MIÐVIKUDAGUR 28. ÁGÚST 1996
Spurningin
Hvernig fólk finnst þér
skemmtilegast?
Ingibjörg Jóhannesdóttir: Ég get
ekki svarað þessu.
Benedikt Brynjólfsson, sjómaður
og bílstjóri: Bara kátt og hresst
fólk.
Einar Karl Haraldsson: Hugsandi
fólk.
Kaisa Matthíasson húismóðir:
Fólk sem er kátt og sem hægt er að
treysta.
Óttar Geirsson, ráðunautur hjá
Bændasamtökunum: Ég bara veit
það ekki.
Ásdís Þorsteinsdóttir förðunar-
fræðingur: Bara það fólk sem er
létt og kátt.
Lesendur
Nýjar leiðir teikni-
meistara SVR
daginn, segir m.a. í bréfi Jónínu.
Jónína Theódórsdóttir skrifar:
Ég skrifa þetta bréf fyrir hönd
starfsfólks og ellilífeyrisþega á
Hrafnistu, Skjóli og Norðurbrún 1 í
Reykjavík. - Við, starfsfólkið sem
vinnum dagvinnu kl. 8-16, og ætlum
að taka leið 5 sem á að leggja af stað
frá Sunnutorgi kl. 16.01, og á að
koma á nýju stoppistöðina á Brúna-
vegi kl. 16.03, kemur ekki fyrr en kl.
16.15. Þannig hefur þetta verið síðan
nýja leiðakerfið tók gildi. Áður kom
leið 5 sunnanmegin við Brúnaveg
kl. 16.05 og stóðst alltaf áætlun.
Nýja leiðakerfið er ekki ætlað til
að anna álagstímum á daginn. Bíl-
stjórarnir eru mjög óánægðir og
biðja okkur farþega að koma þessu
áfram til ykkar ráðamannanna,
vegna þess að það sé aldrei hlustað
á þá. - Er það satt, að þið, sem han-
nið ferðimar fyrir notendur og bíl-
stjóra vagnanna ykkar, hafið ekki
farið í strætó sjálfir? Við værum
ekki hissa, ef dæma má eftir fram-
kvæmdinni. - Leið 5 á í vetur að
þjóna 10 skólum á álagstímanum á
morgnana þegar nemendur og
starfsfólk skólanna er á leið á vinn-
stað. Hvernig er ætlast til að það
geti staðist?
Nú er búið að leggja niður leið 8
og 9, sem óku upp að Borgarspítala.
Enginn vagn ekur lengur upp að
Borgarspítala. Hvers á starfsfólk og
sjúklingar spítalans að gjalda?
Einnig er búið að leggja niður bið-
stöðina fyrir utan elliíbúðirnar i
Bólstaðarhlíð. - Maður hefur það
sterkt á tilfinningunni að alþýðan,
sem þarf að komast að og frá vinnu-
stað og heimilum sinum hafi sann-
arlega ekki verið höfð í huga þegar
þessar nýju ferðir voru ákveðnar.
Það er hálfóhugnanlegt að hlusta
á forráðamenn þjóðarinnar gleið-
brosandi á sjónvarpsskjánum þessa
dagana talandi um að bjóða fólki
með sér í strætó, því nú séu ferðir
þeirra orðnar svo hentugar fyrir
fólk almennt. - Við bjóðum ykkur
öllum að koma og vinna með okkur
verkin í venjulega 8 tíma og fara
síðan af stað til að ná í strætó heim
til ykkar. Góða ferð! Breytið svo
ferðunum þannig að fólk þurfi ekki
að híma þetta 15-20 mínútur eftir að
vagnarnir eiga að vera komnir þeg-
ar það er að fara frá heimilum sín-
um til vinnustaðar og til baka á
álagstímum. Setjið einnig upp bið-
stöðvar fyrir utan spítala og elli-
heimili borgarinnar.
Þjónkun Þjóðhagsstofnunar
við ríkisstjórnir
Gunnar Guðjónsson hringdi:
Ágreiningur, og hann eðlilegur,
virðist vera í uppsiglingu milli aðila
vinnumarkaðarins og núverandi
ríkisstjórnar um meðferð ríkisfjár-
mála sem drög að nýju fjárlaga-
frumvarpi endurspegla. Ég heyrði
framkvæmdastjóra VSÍ lesa ríkis-
stjórninni pistilinn í sjónvarpsvið-
tali um helgina, og það sem ég
heyrði hann segja var að mínu mati
margfalt skynsamlegra en það sem
kom frá talsmanni Þjóðhagsstofnun-
ar í sama fréttatíma.
Mér heyrist ábyrgð VSÍ-manna
vera miklum mun meiri gagnvart
málefnum vinnumarkaðarins en
löngum áður. Að sama skapi er
þjónkun Þjóðhagsstofnunar við rík-
isstjórn á hverjum tíma orðin við-
varandi. - Ekkert frekar við þessa
ríkisstjórn en t.d. við þá sem sat
undir forsæti Steingríms Her-
mannssonar.
Akvörðun veitingahúseigenda
K.T. skrifar:
Tvennt bar hátt í sjónvarpsfrétt-
um á dögunum og var vandséð
hvort var ógeðfelldara: Ákvörðun
veitingahúseiganda eins að skipta
ekki við fólk af tilteknum litarhætti
eða viðbrögð ýmissa aðila við frétt-
inni. - Því var nefnilega strax hald-
ið fram að mannréttindi mannsins
af erlenda kynþættinum hefðu verið
brotin við það að hann fékk ekki að
sækja viðkomandi skemmtistað.
Dómsmálaráðuneytið segist
vinna að frumvarpi til laga til að
„taka á þessu máli“, og talsmaður
s.k. „Mannréttindaskrifstofu fs-
lands“ segir mál þetta hvorki meira
né minna en stjómarskrárbrot. Á
hann þar við 65. grein skrárinnar
sem segir: „Allir skulu vera jafnir
fyrir lögum og njóta mannréttinda
án tillits til kynferðis, trúarbragða,
skoðana, þjóðernisuppruna, kyn-
þjónusta
allan sólarhringinn
Aðeins 39,90 minútan
eða hringið í síma
550 5000
íilli kl. 14 og 16
ekki mál hins opinbera
Dettur t.d. einhverjum í hug aö skemmtanir aöeins opnar konum séu mann-
réttindabrot?
þáttar, litarháttar, efnahags, ættern-
is og stöðu að öðru leyti.“
Þetta ákvæði kveður á um jafn-
rétti fyrir lögum, á grundvelli þess
sem talið er upp í greininni. Grein-
in hefur hins vegar ekkert um það
að segja hvernig almennir borgarar
skuli breyta hver gagnvart öðrum
að þessu leyti, enda er það ekki mál
löggjafans. Þetta blasir við þegar
dæmi sem ekki valda geðshræringu
eru skoðuð.
Dettur einhverjum í hug að
skemmtanir aðeins opnar konum
séu mannréttindabrot? - Er Menn-
ingarmiðstöð nýbúa skylt sam-
kvæmt stjórnarskrá að gera inn-
fæddum nákvæmlega jafn hátt und-
ir höfði og nýbúum? - Ef íslending-
ar af t.d. víetnömskum uppruna
opna sérstakan skemmtistað fyrir
sig, eiga allir aðrir landsmenn þá
heimtingu á að fá að sækja þann
stað? - Eða er mannréttindamál að
Framsóknarflokkurinn standi ekki
fyrir reglubundinni félagsvist sem
einungis er opin stuðningsmönnum
flokksins?
Það er algjör misskilningur á því
hvað eru mannréttindi og hvað ekki
þegar fólk lætur sér detta í hug að
einkaaðilar megi ekki í lögskiptum
sínum gera upp á milli fólks. Þó að
mönnum þyki tilteknar skoðanir
eða ákvarðanir einstaklinga ógeð-
felldar er það ekki mál sem ríkis-
valdið getur skipt sér af.
Samherjar í
NATO
Víðir skrifar:
Á nokkurra ára fresti koma
hingað herskip úr fastaher Atl-
antshafsbandalagsins (NATO) í
kurteisisheimsókn. Ekki skal þá
bregðast að upp hefjast mótmæli
hinna ýmsu félaga og flokka.
Þessi mótmæli finnast mér
aumkunarverð og hljóta að lýsa
vanþekkingu manna, í það
minnsta röngu mati manna á því
hvers vegna ísland og íslending-
ar hafa sloppið svo vel frá hörm-
ungum styrjalda sem svo margar
þjóðir hafa mátt þola. - Nær
væri að taka á móti þessum
mönnum sem samheijum og vin-
um í stað þess að láta þá finna að
þeir séu óvelkomnir.
Verðtryggingin
og verkalýðs-
forystan
Ásbjörn skrifar:
Kröfur verkafólks verða mjög
verulegar, er haft eftir formanni
Verkamannasambands íslands.
Þaö á nú bara eftir að koma í
ljós, segi ég. Ekkert er líklegra
en um verði að ræða nýja þjóðar-
sátt, svo aum hefur verkalýðsfor-
ystan verið í garð sinna skjól-
stæðinga. Ekki minnast þeir for-
kólfamir enn þá á að afnema
þurfi verðtryggingu á lánum til
langs tíma, svo sem vegna húsa-
kaupa. Ekki heldur á að vísitölu-
tengja launin á ný. Þetta tvennt
væri nú nóg fyrir okkur í bili. Þá
þyrfti heldur ekki að krefjast
hærri launa. En alltaf skal stagl-
ast á því sem aldrei kemur að
gagni og er bara orðin tóm, svo
einkennilegt sem það er.
Ónýt tóbaks-
aðvörun
Guðbjörg Guðmunds hringdi:
Óskaplega leiðist mér tepru-
háttur og slæleg vinnubrögð. Og
allra verst hálfkveðnar vísur
eins og þessi á sígarettupökkun-
um: Reykingar eru heilbrigðis-
vandamál sem þú getur átt þátt í
að leysa. Hvað hefur nú svona
upp á sig? Hví má ekki bara
segja: Tóbaksreykingar eru
hættulegar og valda m.a. krabba-
meini. Mig minnir að svona sé
auglýsingin í hinu mikla tóbaks-
landi Bandaríkjunum. Þar eru
engar hálfkveðnar vísur, og þar
segist forsetinn sjálfur vera að
útrýma „Marlborough-mannin-
um“ að fullu. Ég er ekki hlynt tó-
baksbanni, en svona tekið til
orða eins og ég sé á sígarettu-
pökkunum hér er ónýt tóbaksað-
vörun.
Dómum þarf
að hraða
Gylfi skrifar:
Manninum var sleppt að lok-
inni yfirheyrslu. Þetta er algeng
klausa í fréttum af óhugnanleg-
um atburðum sem eiga sér stað í
borginni okkar. Misindismenn
og ofstopar leika því lausum
hala jafnskjótt og þeir hafa játað
á sig ofbeldisverknað. Brýna
nauðsyn ber til að hraða dómum
yfir slíkum afbrotamönnum og
taka þá síðan úr umferð til af-
plánunar. Strandar kannski á
húsnæði til afplánunar? Skortir
þá ekki fangelsi fyrst og fremst -
og um fram allt annað húsnæði í
opinberri eigu?
Ljótt er ef satt
reynist
H.S.Á. skrifar:
Er það virkilega rétt að enn séu
íbúar á Flateyri látnir bíða milli
vonar og ótta eftir því að varnar-
garðar fyrir hugsanleg snjóflóð
rísi fyrir veturinn. Það er ljótt ef
.satt reynist og ekki til að auka
trú íbúanna á áframhaldandi bú-
setu í þessu afskekkta plássi.