Dagblaðið Vísir - DV - 28.08.1996, Blaðsíða 18

34
MIÐVIKUDAGUR 28. ÁGÚST 1996
Fréttir
DV
Deila í Mosfellsbæ vegna tveggja hunda sem bæjaryfirvöld létu fjarlægja:
Mer leið eins og glæpamanni
þegar lögreglan ruddist inn
- segir Björg Hraunfjörö sem er óánægð meö framkomu lögreglu og yfirvalda
„Mér finnst þetta mjög slæm og
gróf framkoma af laganna vörðum á
mínu eigin heimili. Það komu
héma fjórir lögreglumenn á dymar
og sögðust vera komnir tO að sækja
hundana. Þeir veifuðu framan í mig
bréfi sem þeir sögðu vera dómsúr-
skurð. Ég bað þá um að bíða því ég
ætlaði að hringja í manninn minn
og lögfræðing en þá ruddust þeir
inn með látum. Ég ætlaði þá að
rjúka út til nágranna minna en þeir
stöðvuðu mig og leiddu mig með
valdi aftur inn í húsið. Mér leið eins
og glæpamanni og er ekki búin að
jafna mig eftir þetta,“ sagði Björg
Hraunfjörð um uppákomu við heim-
ili sitt í síðustu viku. Björg og eigin-
maður hennar, Guðmundur Jó-
hannsson, hafa undanfarin tvö ár
staðið í deilum við bæjaryfirvöld og
heilbrigðiseftirlit í Mosfellsbæ
vegna tveggja hunda sem Guðmund-
ur á.
Guðmundur maður hennar var
ekki heima þegar þetta gerðist en
hann hefur sett málið í hendur lög-
fræðingi sínum og er allt annað en
ánægður með framgöngu yfirvalda í
Mosfellsbæ. Hann hefur ekki fengið
hundana skráða vegna þess að ibú-
ar á neðri hæð sambýlishússins
hafa ekki viljað samþykkja
hundana.
„Þetta er alveg með ólíkindum og
búið að vera deilumál í 2 ár. Það
hafa allir nágrannar okkar sam-
þykkt hundana nema fólkið á neðri
hæðinni og heilbrigðiseftirlitið og
bæjaryfirvöld ætla greinilega að
koma í veg fyrir að við fáum að hafa
þá. Ég og öÚ mín fjölskylda höfum
kosið þessa menn í bæjarstjórn og
svo fara þeir svona með mann.
Hundarnir hafa aldrei gert flugu
mein. Krakkarnir í hverfinu hafa
oft komið til okkar til að fá þá lán-
Hjónin Guðmundur Jóhannsson og Björg Hraunfjörð með matardollur hundanna sinna en þeir eru nú vistaðir á
hundahótelinu á Leirum. Þau eru mjög óánægð með framgöngu yfirvalda í Mosfellsbæ. DV-mynd Pjetur
aða og leika sér við þá. Það eru
hundar í nær öllum húsunum hér
en samt fáum við ekki að hafa
hundana okkar," sagði Guðmundur
við DV um málið.
Förum einungis aö lögum
„Þau eru éinfaldlega að brjóta
hundareglur Mosfellsbæjar og við
stöndum frammi fyrir því að verða
að gera þetta. Við erum einungis að
fara að lögum og reglum og erum
með úrskurð Hollustuvemdar ríkis-
ins sem er æðsta yfirvald í málinu.
Það eru yfir 300 hundar í bæjarfé-
laginu og það eru skiptar skoðanir
um hundahald hér. Til þess að geta
haldið friðinn verðum við að ganga
hreint til verks varðandi þær reglur
sem gilda,“ sagði Jóhann Sigurjóns-
son, bæjarstjóri í Mosfellsbæ, vegna
málsins.
„Til þess að fá hundaleyfi þarf I
sambýlishúsum að fá leyfi annarra
sem þar búa fyrir hundunum. í
þessu tilfelli hefur fólkið á neðri
hæðinni ekki viljað samþykkja
hundana og oft kvartað yfir þeim.
Ef þau samþykktu hundana væri
málið búið og hjónin fengju að
halda þeim. Um framhaldið er ekki
gott að segja en þau verða að fá ein-
hverja aðra til að taka hundana að
sér og það innan 10 daga,“ sagði Jó-
hann.
Komið var vel fram
„Lögreglumenn voru sendir sl.
miðvikudag ásamt dýraeftirlits-
manni Mosfellsbæjar til að fram-
fylgja uppkveðnum dómsúrskurði.
Þegar lögreglumenn tjáðu konunni
erindi sitt brást hún illa við og
reyndi að loka dyrunum á þá en
hundana, sem málið snerist um, sáu
lögreglumenn í anddyrinu. Þeim
tókst að koma í veg fyrir að á þá
yrði lokað með þvi að setja fót á
milli stafs og hurðar. Var konunni
kynntur úrskurður Hæstaréttar
sem heimilaði töku á hundunum og
henni boðið að hringja í lögfræðing
sinn. Eftir nokkrar viðræður róað-
ist konan og féllst á aö afhenda
dýraeftirlitsmanninum hundana.
Reyndar var ósættið ekki meira en
svo að hún fylgdi dýraeftirlitsmann-
inum að Leirum þar sem hundun-
um var komið til vistar. Ásökunum
um grófa framkomu lögreglumann-
anna vísa ég á bug enda ekki á rök-
um reistar," sagði Guðmundur Guð-
jónsson yfirlögregluþjónn við DV,
aðspurður um málið. -RR
Aukablað um TOMSTUNDIR
Miðvikudaginn 4. september
mun aukablað um tómstundir
og heilsu fylgja DV.
Kynntir verða þeir möguleikar sem í boði eru í
varðandi dansnámskeið og bkamsrækt, sagt fr
skemmtilegum klúbbum og tekin viðtöl við
áhugavert fólk sem er að gera skemmtilega hlu
Umsjón efnis hefur Ingibjörg Oðinsdóttir
blaðamaður, sími 550-5815.
Þeir auglýsendur sem hafa áhuga á að auglýsa
í þessu aukablaði eru vinsamlega beðnir að
hafa samband við Selmu Rut í síma 550-5720
á auglýsingadeild DV hið fyrsta.
Vinsamlega athugib ab síbasti skiladagur
auglýsinga er fimmtudagurinn 29. ágúst.
Auglýsingar
Sími 550 5000, bréfasími 550 5727.
ra
Hestaþing á Einarsstöðum
DV, Húsavík:
Hestaþing hestafélagana Þjálfa
og Grana að Einarsstöðum í Reykja-
dal var háð um miðjan ágúst. Mótið
er orðið að árlegum viðburði og
kemur þar á hverju ári fjöldi þátt-
takenda víða af landinu. Á mótinu
var keppt í helstu greinum hesta-
íþróttarinnar.
Blíðskaparveður var á meðan á
mótshaldinu stóð og var farið í út-
reiðartúr um Reykjadalinn og síðan
slegið upp kvöldvöku. Þar var líka
keppt í grein, sem hefur örugglega
ekki verið á dagskrá á hestamanna-
mótum hingað til. Þingeyingar skor-
uðu þar á Eyfirðinga í póló, íþrótt
sem hefur helst tíðkast meðal frá-
skilinna prinsa og annarra hefðar-
manna enskra. Þeim leik lauk með
sigri Þingeyinga, 1-0. Sæþór Gunn-
arsson skoraði. Helstu úrslit:
150 m skeiö:
1. Tenór frá Hóli, 16,12 sek., eig.
og knapi Ragnar Ingólfsson. 2.
Húmor frá Hvoli, 16,21 sek., eig. Sig-
urlína Jóhannesdóttir, knapi Helgi
Árnason. 3. Kóngur frá Hafrafell-
tungu, 16,59 sek., eig. Helgi V.
Grimsson, knapi Halldór Olgeirs-
son.
Skeiösbeisliö:
Fífill 16,69 sek., eig. og knapi Þór-
arinn Illugason. Þórarinn hlaut
skeiðsbeislið í fimmta sinn. Þess má
geta að afkomendur Sigfúsar Jóns-
sonar frá Halldórsstöðum gáfu þetta
beisli til minningar um Sigfús.
Sameining á Vesturlandi?
DV, Akranesi:
Nýverið sendi bæjarstjórn Borg-
arbyggðar bréf til allra sveitarfé-
laga í Borgaríjarðarsýslu þar sem
lýst er yfir áhuga á viðræðum um
víðtæka sameiningu sveitarfélaga
í Borgarfjarðarsýslu.
Að sögn Guðmundar Guðmars-
sonar, forseta bæjarstjórn Borgar-
byggðar, var tilefni þess að bréfið
var sent að frétt kom í DV um við-
ræður í Borgarfjarðarsýslu um
sameiningu. Að sögn Guðmundar
hefur Borgarbyggð fengið svar frá
Héraðsnefnd Borgarfjarðarsýslu
og verður ekki boðað til viðræðna
að svo komnu máli.
Sérðu fyrir þér hvaða sveitarfé-
lög gætu landfræðilega verið inni í
myndinni?
„Við erum býsna opnir fyrir
hugmyndum um stærra sveitarfé-
lag og erum tilbúnir til að ræða
sameiningu á mjög breiðum
grundvelli. Þá er ég að tala jafnvel
um Borgarfjarðarsýslu, Hnappa-
dalssýslu ásamt Mýrasýslu. Það
hefur ekki verið neitt unnið í
þessu í sumar en ég veit ekki hvað
veturinn ber í skauti sér. Ég geri
ráð fyrir þvi að menn ræði þetta
eitthvað," sagði Guðmundur
Guðmarsson. -DVÓ