Dagblaðið Vísir - DV - 19.09.1996, Blaðsíða 4

4
FIMMTUDAGUR 19. SEPTEMBER 1996
Fréttir
Sjávarútvegssýningin í Laugardalshöll er sú 86. í röðinni hjá Jósafat Hinrikssyni:
Toghlerar framleiddir
í útibúi í Mexíkó
- Qárfesting upp á tugi milljóna króna
„Nú fórstu með það,“ sagði Jósa-
fat Hinriksson við blaðamann DV á
Sjávarútvegssýningunni í Laugar-
dalshöll í gær þegar hann var
spurður hvað langt væri liðið frá
fyrstu sýningunni sem hann tók
þátt í. Jósafat og samnefnt toghlera-
fyrirtæki hans eru nefnilega að taka
þátt í sinni 86. sjávarútvegssýningu
með sýningunni í Laugardalshöll,
þeirri fimmtu og langstærstu hér á
landi til þessa. Fyrsta sýning
Jósafats hérlendis var iðnsýningin
1970 en fyrsta erlenda sýningin var
í Færeyjum árið 1973.
I tilefni af sýningunni nú til-
kynnti Jósafat um stofnun dóttur-
fyrirtækis í Mexikó. Fyrirtækið
nefnist Poly-Ice México SA de CV og
er staðsett í Mazatlán við mynni
Kaliforníuflóa á vesturströnd
Mexíkó. Starfsemin er að hefjast í
480 fermetra stálgrindarhúsnæði á
riflega 1.700 fermetra lóð. Hér er um
tugi milljóna króna fjárfestingu að
ræða. Til að byrja með verða 10 til
12 menn í vinnu hjá fyrirtækinu.
Mexíkó í undirbúningi
á annað ár
Að sögn Atla Más Jósafatssonar
Hinrikssonar, framkvæmdastjóra J.
Hinrikssonar, hefur aðdragandi að
stofnun fyrirtækisins tekið á annað
ár. í byrjun siðasta árs tók J. Hin-
riksson þátt í tilraunum á rækju-
veiðum í Mexíkó með Hampiðjunni,
Netagerð Vestfjarða og mexíkönsku
útgerðinni Pesquera Cozar.
„Tilgangur með stofnun dóttur-
fyrirtækis í Mexíkó er að geta boðið
framleiðslu okkar, Poly-Ice toghlera
og annan togbúnað á samkeppnis-
hæfu verði miðað við verðlag og
kaupgetu þarlendra útgerðar-
manna,“ sagði Atli Már.
Rækjuveiðar heimamanna eru að
mestu stundaðar á 18 til 26 metra
bátum sem veiða með svokölluðu
bómukerfi. Hver bátur er útbúinn
með eitt troll og eitt par af toghler-
um á hvorri siðu sem dregin eru frá
bómunum sem standa láréttar út frá
síðu bátanna.
„Óhætt er að segja að búnaður
þeirra sé gamaldags og þar sem litl-
ar breytingar hafa verið gerðar í
langan tima má gera ráð fyrir að
þeir fari hægt í sakirnar með állar
nýjungar þó þeir fylgist vel með því
sem verið er að gera. Með þessum
hætti viljum við nálgast heima-
menn með smíði á toghlerum og tog-
búnaði á þeirra eigin svæði og þróa
Dæmigeröir mexíkóskir rækjubátar. Sá til vinstri er meö Poly-lce toghlera
og troll frá Hampiöjunni en hinn er meö hefðbundna tréhiera og nælontroll.
Jósafat Hinriksson ásamt þremur af sex sonum sínum, sem taka þátt í rekstri fyrirtækisins, í sýningarbásnum í
Laugardalshöll. Peir hafa veriö með frá upphafi í íslensku sjávarútvegssýningunni. f stiganum, frá vinstri, standa
Friörik, Birgir Þór og Atli Már. DV-mynd PÖK
með þeim breyttar veiðiaðferðir
sem koma þeim til góða í hagkvæm-
ari veiðum og rekstri," sagði Atli
Már.
Jósafat var að vonum kátur með
nýja útibúið i Mexíkó, sem alfarið
er í eigu fyrirtækis hans. Fram-
leiðsla á Poly-Ice toghlerunum færi
fram ytra og í framtíðinni væri
einnig vonast eftir að geta þjónu-
stað viðskiptavini fyrirtækisins í
Bandaríkjunum og Suður-Ameríku.
Eins og áður sagði er fyrirtækið
J. Hinriksson búið að taka þátt í
nærri 90 sjávarútvegssýningum og
því komið með góða reynslu af
þeim. Atli Már sagði hiklaust að ís-
lenska sjávarútvegssýningin væri
orðin einhver sú besta í heimi á
sínu sviði og sú stærsta á norður-
slóðum. J. Hinriksson hefur verið
með í Laugardalshöll frá fyrstu sýn-
ingunni 1984 og alltaf á sama stað í
höllinni með hluta af sjóminjasafni
fyrirtækisins.
Nýr flothleri slær í gegn
Nýjungamar í framleiðslunni eru
sýndar fyrir utan höllina. Að þessu
sinni er sýndur nýr flothleri sem
þróaður hefur verið í samvinnu við
verkfræðideild Háskólans og Hamp-
iðjuna. Hlerinn er þegar kominn í
notkun víða um heim og fengið góð
viðbrögð. Önnur nýjung á sýning-
unni núna er vaff-útgáfa af Poly-Ice
toghleranum, þ.e. hlerinn kemur í
vaff og hentar vel fyrir minni báta á
rækjuveiðum. „Þetta er mótleikur
okkar á innflutningi á hlerum af
þessu tagi og hefur verið vel tekið,“
sagði Atli Már Jósafatsson. -bjb
Dagfari
Ráðgjafi Morgunblaðsins
Dagfari er dyggur lesandi Morg-
unblaðsins. Enda margt að lesa í
því blaði eins og DV. Munurinn á
Mogganum og DV er hins vegar sá
að Morgunblaðið hefur komið sér
upp ráðgjafa úti í bæ, sem raunar
er stjórnandi annars fjölmiðils.
Hér er átt við Pál Magnússon, sjón-
varpsstjóra Sýnar, en Páll hefur
augsýnilega meiri áhuga á Mogg-
anum og ritstjómarstefnu hans
heldur en eigin fjölmiðli. Að
minnsta kosti þreytist hann seint á
að skrifa greinar í Morgunblaðið
til að ráðleggja ritstjórn þess blaðs
hvað það eigi að birta í fréttum og
hvemig.
Allt er það af velvilja gert, því
Páll margvarar Morgunblaðið við
að detta ofan i sama pyttinn æ ofan
í æ og hefur þá í huga skrif blaðs-
ins um Stöð þrjú og afruglarana,
sem alltaf eru á leiðinni og eru
búnir að vera það lengi. Morgun-
blaðið hefur oft sagt frá því að
þessir afruglarar væru á leiðinni
og ekki getur Morgunblaðið gert að
því þótt afruglaramir séu það lengi
á leiðinni að þeir séu ekki enn þá
komnir. Blaðið hefði sosum geta
aflað sér upplýsinga hjá Pósti og
síma um þær póstsamgöngur sem
bregðast Stöð þrjú aftur og aftur en
það hefði væntanlega ekki breytt
neinu, því ekki flýta menn fyrir
póstsendingum með símhringing-
um. Þannig að Morgunblaðið hefur
ekkert gert af sér annað en að segja
frá því að þessir afruglarar séu á
leiðinni og auðvitað er blaðið
spennt fyrir þessum afraglumm
vegna þess að Morgunblaðið er
hluthafi í Stöð þrjú og vill fylgjast
með sínum fjölmiðlum og sinum
peningum. Morgunblaðið er búið
að taka þátt í kaupum á þessum af-
raglurum og vill vita hvenær þeir
koma.
En það er einmitt þetta sem Páll
Magnússon er að vara blaðið viö að
skýra frá. Páll telur það jafnvel
óheiðarlegt að blaðið skuli vilja
vita um afruglarana og segja frá
þeim. Sérstaklega vegna þess að
Páll veit greinilega meira um af-
raglarana í póstinum heldur en
Stöð þrjú og Morgunblaðið til sam-
ans. Hvers vegna hringja mennirn-
ir ekki í Pál sjálfan og fá þessar
upplýsingar í stað þess að skrifa
fréttir eftir mönnum sem ekki hafa
hugmynd um póstinn og afruglar-
ana og þennan bisness yfirleitt? Og
era greinilega að plata Moggann og
segja fréttir af hreinum óheiðar-
leika. Þetta hefur Páll margbent á í
greinum sínum í Morgunblaðinu
og á það er ekki hlustað. Þó er
þetta mælt af miklum velvilja
gagnvart Morgunblaöinu, því hann
vill veija heiðarleika og hagsmuni
Morgunblaðisns fram í rauðan
dauðann og í grein eftir grein.
Hvað eiga menn eins og Páll
Magnússon að gera þegar Morgun-
blaðið vill ekki verja sína eigin
hagsmuni? Þegar blaðið hundsar
vel meintar ráðleggingar?
Er ekki komið að því að útgáfu-
stjóm Morgunblaðsins ráði Pál inn
á blaðið til að stýra hagsmunum
þess? Og sjá til að heiðarleikinn sé
virtur?
Við sem eram lesendur blaðsins
kunnum vel að meta ráð Páls sjón-
varpsstjóra Magnússonar og enda
þótt Dagfari hafi ekki aðgang að
Sýn, er Dagfari engu að síður full-
viss um að heiðarleiki Sýnar og
Páls í sambandi við hagsmuna-
tengsl og viðskiptavit og þekkingu
á afruglurum er ólíkt meiri en
þeirra fréttastjóra og ritstjóra á
Mogganum, sem sífellt era að tifa á
afruglurum sem eru á leiðinni til
landsins og eru búnir að vera á
leiðinni til landsins siðan í fyrra.
Eitt er að minnsta kosti alveg
víst og það er að þetta afraglara-
mál Stöðvar þrjú kemur Sýn hreint
ekkert við. Og það eru engin hags-
munatengsl á milli Sýnar og Páls
Magnússonar enda þótt svo vilji til
að Páll sé sjónvarpsstjóri á Sýn.
Dagfari