Dagblaðið Vísir - DV - 19.03.1997, Blaðsíða 2

2
MIÐVIKUDAGUR 19. MARS 1997
Fréttir_________________________________________________________________________________pv
Alexander Abramov, forstjóri UTRF, segir íslendinga erfiöa samstarfsmenn:
Vandræði vegna drykkju-
skapar og virðingarleysis
- eignir ÍS að verðmæti 700 milljónir króna eru enn á Kamtsjatka
Alexander Abramov lýsti því yfir í sjónvarpsviðtali í Rússlandi aö UTRF heföi
ákveöiö aö slíta samningnum viö IS.
„Það hefur verið mjög erfitt að
vinna með íslendingum hér á
Kamtsjatka. Helmingurinn af þeim
sem hafa unnið hérna var ekki hæf-
ur í þau störf sem í boði voru. Síð-
an voru vandræði vegna drykkju-
skapar íslendinga og virðingarleys-
is þeirra á rússneskum he£ðum,“
sagði Alexander Abramov, forstjóri
rússneska útgerðarfyrirtækisins
UTRF, þegar DV náði tali af honum
í Petropavlovsk í gærkvöld.
UTRF hefur, eins og fram kom í
DV í gær, sagt upp samstarfssamn-
ingi sínum við íslenskar sjávaraf-
uröir hf. sem framlengdur hafði
verið sl. haust. Abramov lýsti því
yfir í sjónvarpsviðtali í Rússlandi á
sunnudag. Aðspurður sagði
Abramov við DV í gærkvöld að
hann hefði reynt að fá samningnum
við ÍS breytt en forráðamenn ís-
lenska fyrirtækisins ekki viijað
það. Abramov vildi ekki segja nán-
ar frá hvaða atriði í samningnum
hann vildi breyta.
„Við gátum ekki unnið á þeim
grundvelli sem fyrir var og það
hefði einungis stefnt fyrirtækinu í
gjaldþrot. Því var ekki um annað að
ræða en að segja samningnum upp.
í samningnum var ákvæði um að
hann mætti rjúfa ef breytingar
yrðu á rússneskri löggjöf og nú
hafa orðið miklar breytingar á
gjaldeyrislögum í landinu. Ég er til-
búinn til samninga á grundvelli
nýrra gjaldeyrislaga og það er
stefnt að því að funda með forráða-
mönnum ÍS í Moskvu í næstu
viku,“ sagði Abramov. Hluthafa-
fundur hefur staðið yfir hjá UTRF
síðustu tvo daga.
700 milljónir enn ytra
Eignir ÍS að verðmæti allt að 700
milljónir íslenskra króna eru enn á
Kamtsjatka. Um er að ræða þúsimd-
ir tonna af fiski sem eru í togurum
ytra auk olíu o.fl. Engin uppskipun
afla hefur enn farið fram. Að sögn
þeirra sem til þekkja á þessum slóð-
um er mikil hætta á að þessi verð-
mæti ÍS veröi kyrrsett þar ytra. Að-
spurður um það sagði Abramov að
hann hefði ekki í hyggju að halda
því sem hann ætti ekki.
Fyrr í vetur missti UTRF tvo tog-
ara á nauðungarsölu og samkvæmt
heimildum DV var þar um að ræða
tvö bestu skipin í flotanum. Samið
hafði verið í haust til þriggja ára
um útgerð þessara tveggja togara.
Það var því augljóslega mikið áfall
fyrir fyrirtækin tvö og verkeftiið í
heild þegar þeir voru gerðir upp-
tækir.
Benedikt Sveinsson, forstjóri ÍS,
vildi ekkert tjá sig um þessi atriði
málsins í gær. Hann staðfesti að
stefht væri að því að funda með
forráðamönnum rússneska fyrir-
tækisins í Moskvu í næstu viku og
reyna að leysa málið með einhverj-
um hætti.
„Eins og ég hef áður sagt þá er
uppsögn samningsins vissulega
áfall og hefúr mikil áhrif á rekstur
ÍS. Þetta gerir hins vegar engan
gæfumun fyrir fyrirtækið," segir
Benedikt.
Hagnaður ÍS af samningnum á
Kamtsjatka var tæpir 4 milljarðar á
síðasta ári eða tæplega 20% af veltu
fyrirtækisins. Uppsögn samnings-
ins var því mikið áfall fyrir ÍS og ef
við bætist síðan að eignir IS að
verðmæti allt að 700 milljónir
króna verða kyrrsettar á
Kamtsjatka yrði það að sjálfsögðu
gífurlegt tjón fyrir fyrirtækið. ÍS er
með afurðalán i Landsbankanum
upp á 350-450 milljónir króna sem
nú er bundið í farmi og eignum fyr-
irtækisins ytra.
„Ég hef ekki neinar áhyggjur af
ástandinu á þessu stigi. Við erum
með viöskipti við ÍS og geri ekki
ráð fyrir öðru en fyrirtækið standi
skil á þeim lánum sem það hefur
fengið hér í bankanum,“ segir Már
Hallgrímsson hjá afurðalánadeild
Landsbankans, aðspurður um stöð-
una.
-RR
Eldur laus
á ísafirði
Eldur varð laus í húsi við Hnífs-
dalsveg á ísaflrði í gær.
Verið var að vinna við rafsuðu í
hluta hússins og að sögn lögreglu er
það líklegasta skýringin fyrir elds-
upptökum. Slökkvilið ísafjarðar réð
auðveldlega við eldinn. -RR
Stuttar fréttir
Atvinnulausum
fækkar í heild
í febrúarmánuði voru tæplega 124
þúsund atvinnuleysisdagar skráðir á
landinu öllu, rúmlega 54 þúsund dag-
ar hjá körlum og tæplega 70 þúsund
hjá konum. Þetta kemur ffarn í yfir-
litsskýrslu Vinnumálaskrifstofu fé-
lagsmálaráðuneytisins um atvinnuá-
stand í landinu.
Skráðum atvinnuleysisdögum
fækkaði um tæplega 23 þúsund frá
mánuðinum á undan og um tæplega
15 þúsund frá febrúarmánuði 1996.
Atvinnuleysisdagar í febrúar sl.
jafngilda því að 5.720 manns hafi aö
meðaltali verið á atvinnuleysisskrá í
mánuðinum. Atvinnulausum fækkar í
heild að meðaltali um 15,3% frá janú-
armánuði en hefur fækkað um 10,6%
frá febrúar í fyrra. Samkvæmt yfir-
litsskýrslunni er hlutfallslegt atvinnu-
leysi nú mest á Norðurlandi vestra en
minnst á Vestfjörðum. -RR
Atvmnuleysi i februar
1995-1997
6%

A sjötta hundraö bankamanna sóttu almennan félagsfund hjá Sambandi íslenskra bankamanna í gær. Fundurinn
samþykkti einróma aö skora á félagsmenn aö fella sáttatillögu sem lögö hefur veriö fram í deilu þeirra og bankanna.
Mikil harka er nú aö færast í kjaradeilurnar og er því spáö aö langvinn verkföll geti allt eins oröiö aö veruleika. Mynd-
in er frá fundinum í gær og á innfelldu myndinni er Friöbert Traustason, formaöur bankamanna. DV-mynd bg
Samherji færir enn út kvíarnar:
Hlutur í þremur fyrirtækjum
DV, Akureyri:
Á aðalfundi Samheija hf. á Akur-
eyri, sem haldinn var í gær, kom fram
að hagnaður af rekstri fyrirtækisins á
rödd
FOLKSINS
904 1600
Eru nýju kjarasamningar
VR viðunandi?
síðasta ári nam 670 milljónum króna.
Fyrirhugað hlutafjárútboð félagsins
var kynnt á aðalfundinum og þar kom
ffarn að nú í vikunni hefst sala nýrra
hlutabréfa í fyrirtækinu. Alls verða
seld hlutabréf fyrir 115 milljónir, og
þar af bréf á almennum markaði fyrir
45 milljónir króna að nafnvirði á
genginu 9,0.
Aðaleigendur fyrirtækisins, Þor-
steinn Már Baldvinsson og bræðumir
Þorsteinn og Kristján Vilhelmssynir
hafa ákveðið að nýta forkaupsrétt
sinn að nafnvirði 70 milljónir króna á
genginu 9,0 í þeim tilgangi að ffarn-
selja hann. Landsbréf á Norðurlandi
munu annast hlutafjárútboðiö og
munu útboðsgögn liggja fyrir á fóstu-
dagsmorgun.
Eftir fyrirhugaða sölu á nýju hluta-
fé og þegar lokið verður samrunaferli
Hrannar hf. við Samheija sem og
hlutabréfaskiptum við hluthafa Fiski-
mjöls og Lýsis hf., þar sem Samheiji
eignast 98% hlutafjár, verður heildar-
hlutafé Samherja hf. tæplega 1,4 millj-
arðar króna. Eignarhlutur Samheija-
þremenninganna mun verða 60%, eig-
endur Hrannar eiga 8,5% og eigendur
Fiskimjöls og Lýsis 10,5%.
Nýtt hlutafé verður notað tU lækk-
unar skulda og nýrra fjárfestinga. Er
fyrirhugað að nýta 300 mUJjónir
króna hins nýja hlutafjár tU fláífest-
inga innanlands og aðra eins upphæð
tU fjárfestinga erlendis. Nú i vikunni
var gengið ffá kaupum á hlut í tveim-
ur útgerðarfyrirtækjum og einu
vinnslufyrirtæki á austurströnd
Bandarikjanna. Þessi fyrirtæki gera
út fjögur skip sem aðaUega stunda
veiðar á sUd, makrU og smokkfiski.
Tvö þessara skipa ffysta aflann.
Á fundinum var ákveðið að eftia tU
framhaldsaðalfundar innan tveggja
mánaða. -gk
R-listi áfram
Dagur-Tíminn segir að R-list-
inn verði boðinn fram aftur í
Reykjavík í næstu sveitarstjóm-
arkosningunum. Formleg
ákvörðun verði tekin um næstu
helgi.
Námsgagnastofnun
einkavædd
Ríkisstjórnin kannar nú hvort
vit sé í að einkavæða Náms-
gagnastofnun, að sögn Viðskipta-
blaðsins.
Pólverjar fjölmennastir
Flestir útlendingar sem starfa
tímabundið á íslandi koma frá
PóUandi. 1016 atvinnuleyfi tU út-
lendinga voru gefin út árið 1996.
Morgunblaðið segir ffá.
Þjóðarátak rannsakað
Dómsmálaráðuneytið hefur
falið lögreglunni í Reykjavík að
kanna fjármál samtakanna Þjóð-
arátak gegn fikniefnum. Frum-
kvöðuU samtakanna er sakaöur
um að hafa staðið að fjársöfnun í
eigin þágu. RÚV sagði frá.
Nýtt varðskip
Nefhd, sem athugað hefur
skipamál Landhelgisgæslunnar,
vUl að nýtt skip verði smíðað,
helmingi stærra en Ægir og Týr.
Dómsmálaráöherra hefur lagt tU
við ríkisstjómina að það verði
gert. Ekki er talið borga sig að
lappa upp á varðskipið Óðin.
500 þús. tonn
Fiskafli veiðiflotans í febrúar
varð tæp 504 þúsund tonn, sem
er 50 þúsund tonnum meira en á
sama tima í fyrra. -SÁ