Dagblaðið Vísir - DV - 21.01.1998, Blaðsíða 23

MIÐVIKUDAGUR 21. JANÚAR 1998
31
Downey á ferð
og flugi í grjóti
Bandaríski leikarinn Robert
Downey yngri er alltaf á ferð og
flugi. Hann lætur meira að segja
ekki gistingu á vegum hins opin-
bera koma í veg fyrir það. Leik-
arinn afplánar sem kunnugt er
sex mánaða tugthúsvist fyrir að
brjóta skilorð. Frá því hann kom
í grjótið í Los Angeles hefur
hann flutt að minnsta kosti
tvisvar og sefur nú innan um 39
aðra fanga. Robert hefur aðgang
að síma, sjónvarpi og lesefhi á
meðan hann situr inni.
Jean-Claude
verður að blæða
Slagsmálaleikarinn Jean-
Claude Van Damme veit svo
sannarlega í hvað peningamir
hans fara á næstu árum. Dómari
einn í Los Angeles hefur úr-
skurðað að hann skuli greiða
sem svarar um átta milljónum
íslenskra króna á mánuði í fram-
færslueyri tveggja ára sonar síns
og eiginkonunnar fyrrverandi.
Frúin, Darcy LaPier, sótti um
skilnað í júni 1996 og bar við
ósættanlegum ágreiningi þeirra
í milli. Það er eins gott að Jean-
Claude verði langlífur á hvíta
tjaldinu.
Opraw gegn
kúabændum
Sjónvarpsstjarnan Oprah Win-
frey er komin í strið við naut-
gripabændur í Texas. Bændur
hafa höfðað skaðabótamál á
hendur henni og krefjast 850
milljóna króna í bætur. Þeir
segja að verð á nautakjöti hafi
lækkað þegar Oprah talaði illa
um hamborgara í þætti sínum
árið 1996. Þar var umræðuefnið
hið margumrædda kúafár.
Oprah verður í Texas í vikunni
þar sem val á kviðdómendum
stendur fyrir dyrum.
Sviðsljós
Leonardo DiCaprio:
Ég hef aldrei verið
hrifinn af ástarsögum
Leonardo DiCaprio, önnur aðal-
stjarnan í kvikmyndinni Titanic,
var ekki fyrsta val leikstjórans
James Cameron í hlutverkið sem
hefur gert hann heimsfrægan.
„En hann kom til við prufutökur og
sýndi nákvæmlega það sem ég var
að leita að,“ er haft eftir Cameron í
tímaritsviðtali.
Sjálfur var DiCaprio ekki ýkja
spenntur fyrir hlutverkinu í upp-
hafi. „Ég er ekki vanur að leika
svona opnar manneskjur. Áður hef
ég leikið þá sem hafa átt við vanda-
mál að stríða. Það var erfiðara en ég
hélt að leika einhvern sem var
svona líkur sjálfum mér. Og ef ég á
að vera alveg heiðarlegur hefur mig
aldrei langað til að leika í ástar-
mynd. Ég hef aldrei verið hrifinn af
ástarsögum," segir DiCaprio.
Hann hefur nýlega verið kjörinn
fallegasti karl í heimi af erlendu
vikuriti. Kate Winslet, sem leikur á
móti DiCaprio í Titanic, segir að
sennilega sé hann sá fallegasti í
heimi sem ekki þykir hann sjálfur
Leonardo DiCaprio og Kate Winslet um borð í Titanic. Leonardo var í
upphafi lítt spenntur fyrir hlutverkinu í kvikmyndinni Titanic. Kate vildi hins
vegar ólm leika í myndinni og var sannfærð um að hún væri sú rétta.
vera fallegur. „Fyrir mér er hann
bara Leo sem leysir vind með
vondri lykt,“ segir Kate í nýlegu
viðtali.
Leonardo DiCaprio er 23 ára gam-
all og býr enn heima hjá mömmu í
úthverfi Los Angeles.
Hann segir að undir venjulegum
kringumstæðum reyni stelpur ekki
við hann. Þær byrji oft á því að tala
við einhvern sem er með honum á
veitingastað í stað þess að ávarpa
hann beint. Vinir DiCaprios hafa
aðra sögu að segja af viðskiptum
hans við hitt kynið. Að því er erlend
blöð greina frá hringja frægar kon-
ur í Hollywood í kappann án afláts.
Hann er þó ekki sagður þiggja öll
boðin sem hann fær um heimsókn-
ir.
DiCaprio, sem aldrei hefur lært
leiklist, er nú orðinn svo frægur að
hann getur krafist þess við samn-
ingagerð að fá greidda flugmiða
handa félögum sínum svo þeir geti
heimsótt hann þar sem hann er við
tökur.
Breski hönnuðurinn John Galliano gengur hér af sviði ásamt fyrirsætum sem sýndu sköpunarverk hans á sýningu Dior í París á vor- og sumartískunni í
ár. Gestir á tískusýningunni höfðu ekki minni áhuga á að virða hönnuðinn fyrir sér og múnderinguna á honum en fatnað sýningarstúlknanna sjálfra.
Goldie spældur út í fyrrum kærustu:
Björk mætti ekki í upptökur
Trommu- og bassaguttinn Goldie
hugsar henni Björk okkar Guð-
mundsdóttur þegjandi þörfina.
Goldie, sem er gamall kærasti stór-
stjörnunnar okkar, hafði sent heit-
meynni fyrrverandi flugmiða svo
hún gæti komið og tekið þátt í upp-
töku á lagi fyrir nýjustu plötuna
hans. Björk lét hins vegar ekki sjá
sig og það fannst gyllta drengnum
miður.
„Þá hugsaði ég: Fjandinn sjálfur.
Fjandinn hirði hana. Eg geri bara
ráð fyrir að hún hafi verið spæld yf-
ir að ég skyldi ekki vilja vera með á
plötunni hennar. Svona er það nú,“
sagði Goldie í viðtali við sænska
blaðakonu.
„Það er sosum ekkert skrítið, hún
er jú sporðdreki," hélt popparinn
áfram og skellihló svo skein í gull-
tennurnar sem hann dregur áreið-
anlega nafn sitt af.
Goldie, sem réttu nafni heitir Clif-
ford Price, er 32 ára. Hann ólst upp
í bænum Walsall í miðhluta Eng-
lands. Foreldrarnir treystu sér ekki
til að ala stráksa upp og flakkaði
hann því milli fósturheimila. Svo
tók gatan við þar sem Goldie þótti
bera af öðrum (sennilega sem gull af
eiri) í veggjakroti. Svo fór hann út í
tónlistina og varð kóngur.
„Ég hef ekkert breyst. Ég er
áfram ég sjálfur og geri bara það
sem ég hef gaman af,“ sagði Goldie.
Björk olli Goldie vonbrigöum.