Dagblaðið Vísir - DV - 03.03.1999, Blaðsíða 12

12
MIÐVIKUDAGUR 3. MARS 1999
Spurningin
Hvað ætlar þú að gera
í sumarfríinu?
Aníta Ólafsdóttir skrifstofustjóri:
Ég fer í fjölskylduferð til Mallorca í
tvær vikur. Svo fer ég líka vestur.
Katrín Guðjónsdóttir: Ég veit ekki
hvert ég fer.
Kristín Edda Jónsdóttir, vinnur
við heimilishjálp: Ég veit ekki
hvort ég fer eitthvað í sumarfrí.
Víðir Sigrúnarson, vinnur á
Hrafnistu: Ég fæ ekkert sumarfrí.
Viðar Örn Victorsson nemi: Ég
ætla að vinna í sumarfríinu.
Veigar Arthúr Sigurðsson nemi:
Ég ætla að vinna í sumarfríinu.
Lesendur
Okkar kæra Al-
þýðubandalag
- svar til Hjörleifs Guttormssonar
Margrét Frímannsdóttir, form. Alþýðubandalags-
ins. - Landsfundir lögðu henni og flokksstjórn
þá skyldu á herðar að vinna að sameiginlegri
stefnuskrá og framboði þriggja stjórnmálaafla
Anna Kristín Gunnarsdóttir, Far-
skóla Norðurlands vestra, skrifar:
Kæri baráttufélagi!
Ég sé mig knúna til að fara
nokkrum orðum um grein þína frá
18. febrúar en þar skortir nokkuð á
þá vísindalegu nákvæmni sem þú
ert kunnur fyrir í öðrum skrifum,
t.d. um náttúrufar íslands. Það er
skaði að þau vinnubrögð sem vís-
indin kenna skuli víkja fyrir óvönd-
uðum málflutningi í grein þinni.
Fyrst skal vikið að þeirri ábyrgð
sem þú leggur á herðar forystu Al-
þýðubandalagsins og sér í lagi for-
mannsins, Margrétar Frímannsdótt-
ur. Þér er vel kunnugt um að í Al-
þýðubandalaginu tíðkast ekki ein-
ræði formannsins né að þingmenn
annist ákvarðanatöku heldur er
stefna mótuð af flokksmönnum
sjálfum. Landsfundir lögðu for-
manni og flokksstjórn þá skyldu á
herðar að vinna að sameiginlegri
stefnuskrá og framboði þriggja
stjórnmálaafla fyrir næstu alþingis-
kosningar. Það verk hefur Margrét
unnið af einstakri trúmennsku og
þrautseigju, ásamt þeim forystu-
mönnum flokksins sem hlýddu kalli
æðstu stofnunar flokksins. Hún ber
ekki ábyrgð á stöðu Alþýðubanda-
lagsins í dag, heldur félagar í
flokknum og ekki síður fyrrum fé-
lagar í flokknum.
Þú veist að þetta verk hefur verið
jafnerfitt og raun ber vitni vegna
þess að ýmsir í okkar röðum vildu
ekki hlýða kalli tímans en kusu að
ganga á eigin vegum. Það er ómak-
legt að gera einstakling ábyrgan fyr-
ir stöðu mála sem þú sjáifur og aðr-
ir sem yfirgefið hafa Alþýðubanda-
lagið bera ekki síðri ábyrgð á.
Málefnum þeirrar hreyfingar sem
þú hefur kosið að helga krafta þína
að sinni hefur ekki ver-
ið flaggað en það sem
þó hefur heyrst sker sig
á engan máta frá mál-
efnaskrá Samfylkingar-
innar. Við erum öll tals-
menn jafnaðar, unnend-
ur íslenskrar náttúru
og friðarsinnar. Ég
vænti þess að félagar
þínir muni láta málefni
eldri borgara, öryrkja,
sjúklinga og barnafólks
til sín taka. - En sér-
staða ykkar liggur ann-
ars staðar en í málefn-
um. Alþýðubandalagið
hefur komið misjafn-
lega út úr prófkjörum
að undanfórnu en ágæt-
lega á Norðurlandi. Það
sýnir mikinn styrk. Við
búum svo vel, þrátt fyr-
ir að sterkir þingmenn
hafi hopað, að eiga marga fram-
bærilega einstaklinga sem vilja
leiða lista Samfylkingar. Fjöldi
þeirra skipar málum á þann veg að
alþýðuflokksmenn leiða lista. Þess
vegna verðum við víða í baráttusæt-
um og þar með talin undirrituð. Við
munum vinna óbangin að góðu
gengi Alþýðubandalagsins, sem
okkur er báðum svo kært, í kom-
andi kosningum.
Kókaínmaður kemur heim
Gestur skrifar:
Ég held að margir séu mér sam-
mála um að fréttin í DV um að íslend-
ingur, sem setið hefur í varðhaldi í
Þýskalandi frá því seint á sl. ári en er
nú á heimleið fyrir tilstilli einhverra
sem „borguðu hann út“, sé hneyksli.
Ef á annað borð á að dæma mann
þennan, sem handtekinn var í Þýska-
landi með 2 kíló af kókaini, á hann
auðvitað að vera þar kyrr. Ég skil
ekki hvernig einhver hér á landi get-
ur tekið fram fyrir hendurnar á
þýsku lögreglunni og innt af höndum
peningatryggingu til að fá hann heim
til íslands.
Maður hlýtur að verða að þekkja
einhvern í dómskerfinu - nú eða yfir-
menn í lögreglunni - til að fá fram-
gang í þessu máli. Hún er nú farin að
ganga heldur langt þessi linkind og
eftirlátssemi við menn sem eru hand-
samaðir fyrir meint glæpaverk. Þeir
eru flestir komnir á götuna á ný eftir
stutta yfirheyrslu, eða svo gott sem.
Er nokkur furða þótt fólk hræðist
samfélagið hér?
Stórsveit Reykjavíkur fullþroska
- á afmælistónleikum í Ráðhúsinu
G.R.A. skrifar:
Stórsveit Reykjavíkur, undir
stjórn Sæbjörns Jónssonar, hélt af-
mælistónleika í Ráðhúsi Reykjavík-
ur sl. laugardag. Líklega hefur ekki
slíkur fiöldi mætt til leiks í einu í
þessu annars rúmgóða húsi.
Þetta voru sannkallaðir fagnaðar-
tímar fyrir hljómsveitina og aðdá-
endur hennar. Þarna var staðfest í
áheyrn viðstaddra að Stórsveitinni
verður gert fært að koma fram oftar
og með reglulegri hætti en áður.
Borgarstjóri, Ingibjörg Sólrún
Gísladóttir, staðfesti í upphafi tón-
leikanna með undirskrift sinni og
stjórnanda Stórsveitarinnar að nú
væri hljómsveitin komin í fóstur
hjá Reykjavíkurborg og afhenti
sveitinni eina og hálfa milljón
króna. Þar með er líka staðfest að
Stórsveit Reykjavíkur er fullþroska
hljómsveit með afbragðs hljóðfæra-
leikurum og vel þjálfuðum. Þetta
sannaði hún ásamt Sæbirni mynd-
arlega þetta laugardagssíðdegi.
Dagskráin var að uppistöðu lög
Neal Heftis. Djasssöngkonan Krist-
jana Stefánsdóttir kom fram með
[L,[l@[l[j^][D)/S\ þjónusta
allan sólarhringinn
Adcins 39,90 mínútan
- eða hringið í síma
GBÖ 5000
nríilli kl. 14 og 16
Stórsveit Reykjavíkur - fullþroska hljómsveit með afbragðs hljóðfæraleikur-
um og vel þjálfuðum.
sveitinni og sýndi hæfileika sína á
þessu sviði. Hún söng tæknilega vel
en hefði mátt setja í sig meiri kraft
til að hafa við sveitinni á köflum.
Söngkona þessi er án efa framtíðar-
músík með Stórsveitinni ef allt
gengur eftir.
Lögin eftir Neal Hefti voru vel
valin og útsetning þeirra sumra er
listavel unnin; „Teddy the Toad“,
„Why not“ og „The Kid from the
Red Bank“ eru dæmi um þetta. Lög
annarra þekktra úr stórsveitar-
heiminum komu þarna og við sögu.
Þar má nefna lagið „Love“ eftir
þýska hljómsveitarstjórann Bert
Kaempfert, sem var afkastamikill
lagasmiður og samdi fiölda vinsælla
laga (“Strangers in the Night“, „Af-
rican Beat“, „Spanish Eyes“, „Man-
hattan Marengue" o. fl.) - Kristjana
fór afar vel með lag Kaempferts.
Tónleikar Stórsveitarinnar eru
orðnir verulega eftirsóttir af al-
menningi og stórsveitartónlistin er
gengin aftur. Viða, t.d. í Þýskalandi,
eru tónlistarmenn að nýju að semja
lög sérstaklega fyrir stórsveitirnar.
Margir einleikarar létu til sín
heyra á tónleikunum og voru örugg-
ir. Þeir þurfa þó að geta staðið og
leikið á staðnum en ekki að færa sig
út af hljómsveitarpallinum. - Þetta
var í heild afar vel heppnuð stund
með Stórsveit Reykjavíkur á laugar-
dagssíðdegi.
DV
Sendiherra
sendur tónninn
Óskar Óskarsson skrifar:
Ég las mjög harðorða grein í
Morgunblaðinu eftir Hreggvið Jóns-
son, fyrrv. alþm., miðvikud. 28. febr-
úar. Þar fer hann hörðum orðum um
núverandi ríkissfiórn fyrir að skipa
Svavar Gestsson, fyrrverandi for-
mann Alþýðubandalagsins, sendi-
herra i Kanada. Hann tínir til ýmsa
verklega og huglæga þætti í störfum
Svavars sem stjórnmálamanns og
segir að ríkissfiórnin hafi hlaupið á
sig og eigi að afturkalla skipun
Svavars sem sendiherra. Annað sé
ekki boðlegt. Auðvitað veikir ríkis-
sfiórnin núverandi sig verulega og
sérstaklega stærri flokkurinn, Sjálf-
stæðisflokkurinn, með þessari skip-
un. Hitt er svo annað að hér kann að
búa miklu stærri stjórnmálaleg að-
gerð að baki og sést ekki að fullu
fyrr en að kosningum loknum.
Ríkisreknir
fjölmiðlar
Þorvarður hringdi:
Ég held að nú sé tíminn fyrir
stjórnmálamenn hér á landi til að
fylkja sér um þá skoðun fólks að rik-
isrekin fiölmiðlafyrirtæki séu liðin
tíð. Almenn óánægja er með RÚV-
Sjónvarpið, dagskrá þess og afnota-
gjald. Einkum þá reglugerð að menn
mega ekki kaupa sér sjónvarpstæki
nema hafa áður skráð það og greitt
afnotagjald til RÚV þótt enginn
áhugi sé á að kaupa dagskrá þess.
Ég tek undir lesendabréf í DV
mánudaginn 1. mars og blaðagrein
eftir Björgvin Guðmundsson undir
heitinu „Ríkisreknir fiölmiðlar eru
tímaskekkja". - Þetta eiga nú sfiórn-
málamenn að þora að viðurkenna.
Ekki rétt?
Of hátt gengi
hlutabréfa
Þórður skrifar:
Margir eru farnir að hugsa alvar-
lega um hvemig það megi vera að
verð á hlutabréfum í fyrirtækjum
sem sannanlega hafa ekki gengið of
vel á sl. ári eða hafa ekki nógu gott
„rygte“, eins og sagt var fyrr á
árum, stendur sífellt í stað og jafn-
vel hækkar. Menn í mínum kunn-
ingjahópi fullyrða að forsvarsmenn
einstakra verðbréfafyrirtækja bjóði
hreinlega þá þjónustu að halda
gengi hlutabréfa vissra fyrirtækja
uppi gegn þóknun frá sömu fyrir-
tækjum. Þetta hefur m.a. komið
fram hjá stjórnarformanni Nýherja
sem ýjaði að þessu í ræðu á fundi í
fyrirtæki sínu. Ef þetta gerist verð-
ur viðskiptaráðherra að láta fara
fram nákvæma athugun á málinu
með því að fylgjast með sölu og
kaupum á hlutabréfum fyrir tilstilli
fyrirtækja sem tekin eru fyrir með
útdrætti eða á annan hátt. Verð-
bréfaþing Islands er ekki rétti aðil-
inn til að kanna málið.
Japansferð
borgarstjóra
Sigrún hringdi:
Ég á ekki orð til vegna undrunar
á orðum sumra hér yfir Japansferð
borgarstjóra Reykjavíkur. Menn
býsnast yfir því ef rétt er að Hekla
hf. hafi greitt farmiða og uppihald
borgarstjóra og fylgdarliðs. Ég sem
skattborgari hefði fagnað því hefði
Reykjavikurborg sloppið við þann
kostnað, okkar vegna. Vitað er að
þessi þriðji hreyfill eða hvað það er
nefnt sem á að kaupa fyrir orkugeir-
ann verður keyptur frá Mitsubishi
úr því hinir fyrri tveir voru frá
sama fyrirtæki. Annað hefði verið
hrein flónska. Ég mótmæli harðlega
ummælum um að Reykjavík eigi
alltaf og ævinlega að borga, þurfi
borgarfulltrúar að fara utan til að
kynna sér viðskiptamál af þessu
tagi. Því eiga ekki viðkomandi við-
skiptafyrirtæki að greiða kostnað-
inn ef af viðskiptum verður. Þetta
tíðkast um allan heim og þykir sjálf-
sagt. - Ég skil ekkert í talsmanni
minnihluta borgarstjórnar að láta
eins og óð kind og setja sína flokks-
menn í farbann. Þarna er ekki við-
skiptavit á ferð. Því miður.