Dagblaðið Vísir - DV - 29.03.1999, Side 12

12
MÁNUDAGUR 29. MARS 1999
Spurningin
Fylgist þú með ein-
hverjum íþróttum?
(Spurt á Suðurnesjum)
Þóra G. Einarsdóttir leiðbein-
andi: Já, ég fylgist með Keflavík í
körfu og fótbolta og styð Keflavík.
Dagný Helgadóttir leiðbeinandi:
Ég les yfir íþróttasíðuna í DV og
fylgist með körfunni í Njarðvík.
Hlíf Jónsdóttir leiðbeinandi: Já,
ég fylgist með körfunni og sundfólk-
inu okkar í Njarðvík.
Hulda Örlygsdóttir leiðbeinandi:
Já, ég fylgist mikið með íþróttum.
Ég horfi á allar íþróttir í sjónvarpi
og fer á leiki og held með Njarðvík-
urliðinu.
Pálína V. Eysteinsdóttir leiðbein-
andi: Ég fylgist með dansi, körfu-
bolta og öllum skemmtilegum
íþróttum þar sem sætir strákar eru
að keppa.
Ingibjörg S. Jakobsdóttir leið-
beinandi: Ég fylgist með körfubolt-
anum og held að sjálfsögðu með
UMFN.
Lesendur
Um áætlað sam-
þykki og nauðganir
- sýnum ábyrgð, verjum mannréttindi
„Hæstvirta löggjafarsamkomuna undir aðflugsbraut Reykjavíkurflugvallar
og framkvæmdavaldið, ríkisstjórnina, kallar enginn til ábyrgðar," segir bréf-
ritari.
Jón skrifar:
Oft má heyra þá viðbáru í kyn-
ferðisafbrotamálum að gerandinn
hafi taliö þolandann samþykkan
verknaðinum. Alþingi samþykkti
þann 17. des. lög varðandi miðstýrð-
an upplýsingabanka um þegnana.
Innlagnir í upplýsingbankann
munu grundvallast á áætluðu sam-
þykki einstaklinganna, núlifandi,
ófæddra, nýlátinna og löngu lát-
inna.
Fyrrum forseti lýðveldisins varp-
aði skugga á feril sinn með setu í
stjóm einkasérleyfisfyrirtækisins á
meðgöngutíma frumvarpsins. Nú-
verandi hæstvirtur forseti lýðveld-
isins staðfesti lögin og sýndi með
því að viðkomandi hefur ekki íhug-
að ástæðu þess að þjóðin kaus
einmitt hann til starfans. í þessu til-
viki var ærin ástæða til að beita 26.
grein stjómarskrárinnar.
Nýskipaður „landlæknir fólks-
ins“ sér fjármögnunina sem það ný-
stárlegasta við málið „eins og það
kemur upp núna“. Fjöldanum er
ráðlagt að bíða með úrsögn úr bank-
anum. Vísað er til væntanlegs
kynningarbæklings um gagna-
grunninn. Landlæknir upplýsir að
ýmsum spurningum verði svarað
en mörgum látið ósvarað. Fróðlegt
verður að sjá hvað fær að liggja í
þagnargildi.
Hefur ljóminn af þrjátíu silfur-
skildingum blindað samfélagið?
Einn öryggisventill er eftir, Hæsti-
réttur íslands. Að undanfórnu hefur
rétturinn styrkt stöðu sína gagnvart
löggjafar- og framkvæmdavaldinu.
Rétturinn mun taka á málshöfðun-
um vegna bankans á gmndvelli inn-
lendra og alþjóðlegra laga um per-
sónuréttindi einstaklingsins. Nauð-
vörnin mun felast í því að stefna öll-
um er rjúfa trúnaðarsamband lækn-
is og sjúklings.
Hæstvirta löggjafarsamkomuna
undir aðflugsbraut Reykjavíkur-
flugvallar og framkvæmdavaldið,
ríkisstjórnina, kallar enginn til
ábyrgðar. Fáir sjá ástæðu til að gera
stórkostlegar siðferðiskröfur til
þeirra stofnana. Haldreipið er
Hæstiréttur íslands. Takist réttin-
um ekki að slaka á krumlu ríkis-
valdsins og gælufyrirtækjanna mun
þeim fjölga er greiða atkvæði með
fótunum og kjósa sér búsetu fjarri
gamla Fróni.
P.S. í dag dvelur þriðji hver ís-
lenskur læknir erlendis.
Aðstoðum á alþjóðavettvangi
Helga Gunnarsdóttir skrifar:
Mér finnst að við íslendingar get-
um verið stoltir af aðstoð okkar á
alþjóöavettvangi þótt hún sé skiljan-
lega ekki fyrirferðarmikil á heims-
mælikvarða. Viö höfum þó sent
bæöi lækna og hjúkrunarfólk sem
aðstoðar og tekur þátt í hjálpar-
starfi Rauða krossins víða um heim
og svo sjálfboðaliða á stríðshrjáð
svæði þar sem sífellt er þörf á fólki
til að hlynna að sjúkum og særðum.
Nú eru gerðar loftárásir á eitt
rikja fyrrum Júgóslavíu. Á þessum
svæðum eigum við, að því er mig
minnir, einhverja landa sem eru
bundnir við hjálparstörf. Þetta er
ástand sem maður vill varla vita
af, svo miklar eru þær hörmungar
sem fólk þarna verður að líða.
Sannleikurinn er sá að við hér ger-
um okkur enga grein fyrir ástand-
inu þótt við sjáum myndir og heyr-
um fréttir.
Væri ég yngri að árum og sjálf-
stæður einstaklingur og einhleypur
myndi ég skrá mig til hjálparstarfa
á þessum svæðum. Ég vona að fleiri
íslendingar leggi lið á alþjóðavett-
vangi þegar kemur að svona alvar-
legum atburðum. Við tilheyrum
einu sinni Evrópusamfélaginu og
því ber okkur skylda til að taka
þátt á því sviði sem okkur hugnast
best, þ.e. hjálpar- og líknarstörf
hvers konar.
Hverja á að reka?
Mega almennir ibúar á Akureyri ekki græða á vel rekinni rafveitu í eigu bæj-
arfélagsins? spyr Kristinn m.a. í bréfinu.
Kristinn Snæland skrifar:
Nýlega mætti rafveitustjóri Akur-
eyrar á skjái landsmanna. Erindið
var að fræða okkur um að skynsam-
legt væri að breyta Rafveitunni í
hlutafélag. Með því væri hægt að
taka upp ódýrari og hagkvæmari
rekstur. Rafveitustjórinn lýsti því
líka yfir, aö þá yrði hann fyrstur
manna til þess að kaupa hlutafé í
þessu nýja, og væntanlega vel rekna
fyrirtæki. - Með þessari frétt ræddi
rafveitustjórinn okkur um það að
eins og ástatt væri nú þá væri Raf-
veita Akureyrar illa rekin og með
óhagkvæmum hætti.
Nú væri rétt að spyrja: Hvað er
til ráða? Ef rafveitustjórinn veit að
rafveitan er illa rekin og með óhag-
kvæmum hætti því þá ekki bara að
laga það og halda áfram að láta Ak-
ureyringa eiga fyrirtækið, og njóta
þá þess hagnaðar sem betur rekið
fyrirtæki skilar? En kannski eru
það hagsmunir séra Jóns sem raf-
veitustjórinn ber fyrir brjósti?
Skyldi rafveitustjórinn - verði
hann þá við stjórn í nýja hlutafélag-
inu - sem vafasamt verður að telja,
ef hann rekur fyrirtækið illa og með
óhagkvæmum hætti núna, án þess
að aðhafast nokkuð til úrbóta -
lækka laun rafveitustjórans og
fækka greiddum en óunnum yfir-
vinnutímum rafveitustjórans?
Eða skyldi rafveitustjóri hlutafé-
lagsins segja upp eldri starfsmönn-
um sem komnir eru á efri ár?
Mér finnst rafveitustjórinn
skulda áhugafólki um opinberan
rekstur svar við því ef almennir
íbúar á Akureyri mega ekki græöa
á vel rekinni rafveitu í eigu bæjar-
félagsins. Eða hverjir eru þá þeir
óskavinir sem hann vill að græði, ef
Rafveita Akureyrar verður gerð að
hlutafélagi?
DV
Rekstrar-
kostnaður
Sjónvarpsins
Hinrik skrifar:
Ég vil byrja á að taka undir
lesendabréf í DV fóstud. 12. þ.m.
undir fyrirsögninni „Sjónvai-pið
flytur að óþörfu - slegið fyrir
flutningskostnaði". Þarna var
rætt um væntanlegan flutning
Sjónvarps i Útvai-pshúsið við
Efstaleiti. Ég er sammála bréfrit-
ara áðurnefnds pistils um að
óþarfi sé að flytja Sjónvarpið, svo
dauða en rándýra stofnun sem
neyðir fólk til að greiða áskrift
kaupi það sér sjónvarpstæki til
að horfa á allt annað en Sjón-
varpið. Hitt er svo annað mál að
það væri fróðlegt að birta árs-
reikning Ríkisútvarpsins og þá
sérstaklega Sjónvarpsins opin-
berlega. Þar myndi sannast að
kostnaður Sjónvarpsins er
óheyrilegur og því rétt að leggja
það niður.
Skemmdar-
æðið ógn-
vænlegt
K.P.Ó. hringdi:
Það er ógnvænlegt að lesa
fréttir um síaukið skemmdaræði
víða um land. Nú síðast var það í
Vestmannaeyjum þar sem tveir
bilar voru stórskemmdir, þar
sem þeir stóðu, annar við flug-
völlinn, hinn við hafnarsvæðiö.
Það er, finnst mér, skylda hins
opinbera eins og í þessum tilvik-
um að það sjái um að vakta þessi
opinberu svæði allan sólarliring-
inn. Þama eru líka mannvirki
sem þarf að líta eftir og þá myndi
vaktmaður heyra eða verða var
við mannaferðir að næturþeli og
geta kallað til lögreglu.
Skemmdaræði unglinga er ekki
hægt að líða. Þetta lýsir líka
vissri vanþróun og skrílshætti
sem við viljum ekki búa við.
Engin utan-
ríkispólitík?
Páll Guðmundsson hringdi:
Mér finnst þunnur þrettándinn
I kosningayfirlýsingu Samfylk-
ingarinnar. Þar er t.d. ekki
minnst á varnarmál og utanríkis-
mál eru yfirleitt sniðgengin,
nema að aðild að ESB er ekki á
dagskrá. Þar er Samfylkingin
sammála núverandi ríkisstjórn,
sem ekki hefur viljað minnast á
Evrópubandalagið nema i fram-
hjáhlaupi. NATÓ er einskonar
bannorð hjá Samfylkingunni eft-
ir að sýndartillaga var borin upp
á Alþingi rétt fyrir lokin um að
taka upp viðræður um úrsögn úr
NATÓ eða eitthvað í þá áttina.
Samfylkingin er' því afar heima-
kær í kosningayfirlýsingu sinni;
það er jöfnuður, umhverfi, meng-
im, grænir fingur og bræðralag
sem fylkingin vill ræða og ræða
og ræða, í blöðum. Fær hún
virkilega atkvæði upp á þetta?
Ríkisútvarpið
heyrist illa
íbúi á Hvammstanga hringdi:
Ég les um aö Ríkisútvarpið
heyrist illa á Hornafirði, sam-
kvæmt frétt í DV. Þetta er nú
ekki nýtt fyrir landsbyggðarfólk.
En sama er, það er sjálfsagt að
áskrifendur láti til sín heyra eða
skrifi um þessa örbirgð Ríkisút-
varpsins í tæknimálum. Úrbótum
er sífellt lofað en lítið gerist. Hér
á Hvammstanga hafa íbúar oft
verið illa settir hvað útvarps-
sendingar varðar og einnig sjón-
varpssendingar. Ef ekki verður
gerð fullkomin endurbót á út-
sendingum þessara miðla verður
eins gott að búa bara viö útiloft-
net og diska sem ná flestum er-
lendum sjónvarpsdagskrám frá
gervihnöttum. Svona ástand er
ekki búandi við.