Dagblaðið Vísir - DV - 08.09.1999, Blaðsíða 2

2
MIÐVIKUDAGUR 8. SEPTEMBER 1999
Fréttir
Heilbrigðisfulltrúi á Suðurlandi tvisvar 1 yfirheyrslu vegna Ásmundarstaða:
Fáránlegt mál
- og til aö beina kastljósinu frá campylobacter, segir Birgir Þóröarson
„Þetta mál er orðið fáránlegt,"
sagði Birgir Þórðarson, heilbrigðis-
fulltrúi á Suðurlandi, eftir að hafa
mætt til yfirheyrslu í annað sinn hjá
lögreglunni á Hvolsvelli. Matthías
Garðarsson, framkvæmdastjóri Heil-
brigðiseftirlits Suðurlands, hefur
einnig verið boðaður til yfirheyrslu.
Yfirheyrslurnar snúast um hvemig
úttektarskýrsla Heilbrigðiseftirlits
Suðurlands vegna eftirlitsferðar að
Ásmundarstöðum 13. júlí sl. hafi
komist til fjölmiðla. Hefur Heilbrigð-
isnefnd Suðurlands farið fram á opin-
bera rannsókn á málinu.
í DV þann 23. júlí sl. var rætt við
Matthías Garðarsson þar sem hann
lýsti afar slæmu ástandi í hreinlætis-
málum kjúklingabúsins að Ásmund-
arstöðum en það framleiðir Holta-
kjúklinga. Bjarni Ásgeir Jónsson,
kjúklingabóndi á
Ásmundarstöð-
um, hefur látið
lögreglunni í té
ljósrit af símbréf-
um sem innihalda
umrædda skýrslu.
Dagsetningin á
símbréfssending-
unni er 23. júlí,
eða daginn eftir
að Stöð 2 og Ríkissjónvarpið höfðu
greint frá málinu.
„Við neitum því staðfastlega að
hafa sent skýrsluna til ijölmiðla,“
sagði Birgir. „Hins vegar má benda á
að þessi skýrsla fór á marga staði,
bæði í viðkomandi ráðuneyti og
stofnanir.
Þegar ég fór í yfirheyrslur hjá lög-
regluembættinu á Hvolsvelli í fyrra
skiptið skilaði ég greinargerð um
málið. Síðan var ég boðaður aftur og
þá skilaði ég annarri greinargerð um
þetta sama mál. Ég veit ekki hvort
þessari furðulegu uppákomu er lokið
hvað mig varðar. Hitt veit ég að þetta
er til þess eins að beina kastljósinu
frá kjama málsins, þ.e. campylobact-
erfaraldrinum sem hefur geisað hér á
landi að undanfórnu. Markmið okkar
er að vinna að forvörnum þannig að
almenningur geti verið öruggur um
að sú matvara sem neytt er sé í lagi.
í ár hafa 339 einstaklingar veikst af
völdum campylobacter sem er langt í
frá ásættanlegt. Ég held að menn
hljóti að þurfa að sameinast um að
stöðva þessa þróun sem kostar þjóð-
félagið 300 milljónir á ársgrundvelli,
í stað þess að eyða kröftum sínum í
mál af þessu tagi.(
-JSS
Hreingerningar voru í algleymingi þegar Ijósmyndari DV leit um borð í togarann Ými frá Hafnarfirði. Svo sem frægt
var sökk togarinn í höfninni og varð stórtjón á vélum og rafkerfi. Nú er unnið hörðum höndum að því að koma skip-
inu aftur i' lag. DV-mynd S
Birgir Þórðarson.
Kona í mál vegna veitingar skólastjórastööu:
Krefst 9,6 milljóna bóta
DV, Vesturlandi:
í gær var dómtekið, í Héraðsdómi
Vesturlands, mál sem Auður Hrólfs-
dóttir höfðaði gegn Borgarbyggð.
Stefnandi sótti um aðstoðarskóla-
stjórastöðu við Grunnskóla
Borgarbyggðar en var hafnað. í kjöl-
farið höfðaði Auður mál gegn Borg-
arbyggð og gerði þá kröfu að ráðn-
ing Hilmars Más Árnasonar í stöðu
aðstoðarskólastjóra yrði dæmd ólög-
mæt og að sér yrðu dæmdar skaða-
bætur, miskabætur og málskostnað-
ur. Auður gerir þær dómkröfur að
stefndi greiði 9,6 milljónir króna í
skaðabætur auk máls- og mats-
kostnaðar. Borgarbyggð hefur hafn-
að bótakröfum.
Jafnréttisráð komst að þeirri nið-
urstöðu að ekki hefði verið rétt
staðið að stöðuveitingunni.
Héraðsdómur Vesturlands féllst á
þá kröfu stefnanda að ráðning Hilm-
ars hefði verið ólögmæt. Einnig var
á það fallist í dómnum að stefnda
bæri að greiða stefnanda 300 þús-
und krónur í miskabætur og 100
þúsund í málskostnað. Héraðsdóm-
urinn var kveðinn upp 6. janúar síð-
astliðinn. Skaðabótakröfu málsins
kr. 2.647.763 auk vaxta var vísað frá
dómi vegna vanreifunar. Þessum
dómi var áfrýjað til Hæstaréttar og
er því réttur stefnanda til bóta þeg-
ar dæmdur. Lögmaður stefnanda
óskaði eftir að dómkvaddur yrði
matsmaður til þess að meta fjár-
hagslegt tjón stefnanda
Jón Erlingur Þorláksson trygg-
ingafræðingur
var dómkvaddur
til starfans og lá
mat hans fyrir 20.
júlí síðastliðinn.
Þann 10. ágúst rit-
aði lögmaður
stefnanda bréf og
gerði kröfu um fé-
bætur samkvæmt
útreikningi trygg-
ingafræðings, en
tók jafnframt
fram að stefnandi
væri fús að ljúka málinu með lægri
fjárhæð. Óskaði lögmaður stefnda
eftir viðræðum en bærinn hafnaði
því. -DVÓ
Grunnskólinn í Borgarnesi. DV-mynd DVÓ
Formaður Félags hrossabænda um miðstöð íslenska hestsins í Skagafirði:
Miðstöðin er á íslandi
„Miðstöð íslenska hestsins er á ís-
landi öllu, það vil ég strax taka
fram. Þó fagnar auðvitað Félag
hrossabænda auknum áhuga ís-
lenskra stjórnvalda á hestinum og
hestamennskunni og því að eitthvað
fari að gerast í íslenskum hrossabú-
skap. Þau verða hins vegar að gæta
sanngirni og aðstoð við greinina
verður að hafa almenna skírskotun
en ekki staðbundna,
nema þá að ætlunin
sé að styrkja sérstak-
lega atvinnu í til-
teknu héraði," sagði
Kristinn Guðnason,
formaður félags
hrossabænda, í sam-
tali við DV.
Kristinn sagði að
félagið gerði í sjálfu
sér ekki athugasemd
við það þótt tiltekið
hérað næði upp fjár-
magni inn í hrossa-
búgreinina í tengslum við einhvers
konar byggðaátak, svo framarlega
sem það komi ekki niður á sömu
starfsemi annars staðar á landinu.
Kristinn gekk á fund landbúnað-
arráðherra í fyrradag vegna
hugmynda um að gera Skagafjörð
að miðstöð íslenska hestsins. Hann
kvaðst hafa verið fullvissaður um
það að málið væri í vinnslu og að
það fengi farsæla lausn sem myndi
nýtast greininni í heild. Upphaflega
hefði þetta mál verið kynnt stjóm
félagsins þannig að það væri nánast
fullmótað og nauðsynlegt að ríða á
það endahnútinn hið allra fyrsta. Á
fundinum með ráðherra hefði kom-
ið í ljós að svo væri ekki.
„Við höfðum frétt af málinu á
skotspónum þar til greinargerð Vil-
hjálms Egilssonar kom fram. Það
sem mér fannst almennt athugavert
við plaggið er sú verkefnauppsetn-
ing sem þar kemur fram, en mörg
þeirra atriða sem þar em nefnd em
þegar í gangi og sum í ágætum gír,
en önnur skemmra á veg komin
vegna fjárskorts. Heildarfjármögn-
un ríkisins í hrossabúskapnum hef-
ur numið að mig minnir um 14
milljónum á ári. Vitanlega hlýtur
hrossabúskapur að teljast gott
býggðamál. Hann tengist svo mörg-
um atvinnugreinum, t.d. ferðaþjón-
ustunni. í henni virðist vera mikill
uppgangur, einmitt á forsendum
hestamennskunnar. Ég hlýt því aö
fagna auknum áhuga stjórnvalda á
þessari búgrein."
-SÁ
Stuttar fréttir i>v
Tal hf. kærir
Tal hf. mun í næstu viku senda
erindi til Eftirlitsstofnunar
EFTA og kvarta undan dræmum
viðbrögðum samgönguráðuneyt-
isins við úrskurði samkeppnisyf-
irvalda í kærumáli fyrirtækisins
vegna starfshátta Landssímans i
samkeppnisumhverfl.
Umhverfismat
Jón Sigurðsson, bankastjóri
Norræna flár-
festingarbank-
ans, telur að
mat á umhverf-
isáhrifum eigi
að vera einn
þeirra þátta
sem liggja eigi
að baki ákvörð-
un um fjárfestingu í framkvæmd-
um. Morgunblaðið greindi frá.
Hækkuðu um 18%
Heildarlaun opinberra starfs-
manna námu rétt tæpum 190 þús-
und krónum á mánuði að meðal-
tali í fyrra og hækkuðu um rúm
18% frá árinu áður. Dagvinnu-
laun hækkuðu enn þá meira hlut-
fallslega eða um tæpan fjórðung.
Morgunblaðið greindi frá.
Lýst eftir Ragnari
Eftfahagsbrotadeild ríkislög-
reglusflóra hefur ákveðið að lýsa
eftir Ragnari
Siguijónssyni,
57 ára kaup-
sýslumanni,
um víða veröld.
Ragnar hvarf í
London í byrj-
un apríl á
þessu ári og
hefur frést af honum í Taílandi.
Kaupir gufuorku
Hitaveita Suðurnesja og Lands-
virkjun undirrita orkusölusamn-
ing á föstudag um sölu á 28 MW
úr nýrri raforkuvirkjun á Svarts-
engi. Hluti orkunnar er ætlaður
álveri Norðuráls í Hvalfirði.
Morgunblaðið sagði frá.
Fé í El Grillo
Ríkisstjómin samþykkti í gær
ijögurra milljóna króna aukafjár-
veitingu til Landhelgisgæslunnar
til að fást við olíulekann úr E1
Grillo. Með þessu nema fjárveit-
ingar ríkisins til E1 Grillo-vand-
ans 10 milljónum króna.
Goshætta
Ríkisstjórnin ætlar að veita
um 28 milljónir króna á þessu ári
til frekari rannsókna og eftirlits
með Mýrdalsjökli. Fénu á að
skipta milli rannsóknarstofnana,
Landhelgisgæslunnar og Al-
mannavarna.
Framlenging
í gær var lánardrottnum og
kröfuhöfum Kaupfélags Þingey-
inga kynnt beiðni um framleng-
ingu á greiðslustöðvun félagsins.
Beiðnina á að leggja fyrir héraðs-
dóm á Akureyri á föstudag þegar
greiðslustöðvunin rennur út.
Sveitahreinsun
Ríkisstjórnin hefur samþykkt
tillögu Guðna
Ágústssonar
landbúnaðar-
ráðherra um
samstillt átak
til að hreinsa
og fegra sveitir
landsins og
mannvirki þar.
Verkefnið hefst 1. október næst-
komandi og stendur í ár.
70% á móti
í nýrri könnun, sem Gallup
gerði fyrir samtökin Verndum
Laugardalinn, kemur ffam að
rúm 70% borgarbúa eru andvíg
fyrirhuguðum húsbyggingum í
austanverðum Laugardalnum.
Yfir 30 þúsund manns hafa ritað
undir mótmæli vegna fram-
kvæmdanna.
-SÁ