Dagblaðið Vísir - DV - 23.09.1999, Síða 18

18
' -fC
^:ilFlnwnSr~
Fyrsti íslenski internetbankinn:
Ekki lengur i
- lánsumsóknir gerðar beint úr tölvunni heima
FIMMTUDAGUR 23. SEPTEMBER 1999
biðröð
Fyrsti íslenski internetbankinn,
Netbankinn www.nb.is hóf starfsemi
sína 22. september. Samkvæmt frétta-
tilkynningu bankans á netinu, þá býð-
ur Netbankinn hærri innlánsvexti og
lægri útlánsvexti en áður hefur
þekkst á íslandi og ekki er krafist
ábyrgðarmanna eins og áður hefur
tíðkast í bankaviðskiptum. Þá segir
að Netbankinn er án bankastjóra,
enda má segja að sérhver viðskipta-
vinur sé sinn eigin bankastjóri. Að-
gengi að bankanum er í gegnum
Internetið, tölvupóst, síma, sjálfsaf-
greiðslutæki (snertibanka og hrað-
banka) og fax og hafa viðskiptavinir
aðgang að bankanum allan sólar-
hringinn. Fólk á því ekki lengur að
þurfa að fara í biðraðir hjá banka-
stjórum, það sækir einfaldlega um lán
og önnur bankaviðskipti í tölvunni
heima.
Geir Þórðarson, forsvarsmaður
Netbankans, segir viðtökurnar við
opnun bankans hafa verið mjög góð-
ar. Beiðnir um viðskipti streymi inn í
gegnum Internetið og hópur fólks sé
nú að vinna úr þeim.
Víst er að aðrir bankar fylgjast
grannt með þessu útspili SPRON, en
Innlánsvextir
á tékka- og debetkortareikningum 1. sept. 1999
Lægstu innvextir Hæstu innvextir
Búnaðarbankinn 0,50% 3,75%
Landsbankinn 0,40% 3,80%
íslandsbanki 0,90% 3,90%
Sparisjóðirnir 0,90% 8,02%
Netbankinn 3,02% 8,52%

Yfirlit yfir yfirdráttarvexti
á almennum tékkareikningum
(skv. vaxtatilkynningu banka og sparisjóða I. sept. 1999)
Búnaðarbankinn Hæstu yfirdráttarvextir 16,95% Lægstu yfirdráttarvextir 15,95%
Landsbankinn 16,80% 15,80%
íslandsbanki 16,75% 15,75%
Sparisjóðirnir 17,00% 15,00%
Netbankinn 16,00% 11.50%

við skulum líta nánar á hvað Net-
bankinn er.
Lánamöguleikar
Netbankans
í upplýsingum frá Netbankanum
segir að auðvelt sé að sækja um lán
hjá bankanum. Þar séu í boði hagstæð
kjör og þægilegt fyrirkomulag. Þar sé
heldur engin bið eftir útibússtjóra eða
þj ónustufulltrúa. Viðskiptavinurinn
fylli bara út umsókn í Netbankanum
og sendi hana inn. Þá segir að ekki
þurfi að sækja um aftur ef þörf sé á
láni síðar, því við fyrstu úthlutun er
úthlutað lánaheimild sem viðskipta-
vinur á að geta gengið að vísri. Fólk
Vextir á verðtryggð
um reikningum
- 60 mán.
Búnaðarbankinn 5,30%
Landsbankinn 5,20%
íslandsbanki 5,30%
Sparisjóðirnir 4,51%
Netbankinn 6,01%
þurfi aðeins að láta Netbankann vita
um upphæð og lánstegund og málið er
afgreitt. Hjá bankanum er boðið upp á
yfirdráttarlán, netkort (eins konar
veltukort), veðlán og lánaheimild.
Einnig er boðið er upp á afborgun-
arsamninga í 3 til 60 mánuði. Þá er
umsamda upphæði lögð inn á Net-
reikninginn viðkomandi og afborgun-
in skuldfærð mánaðarlega á Netreikn-
inginn. Samkvæmt upplýsingum
bankans eru slíkir samningar alltaf
hagstæðari en venjulegt skuldabréf,
raðgreiðslur á kreditkorti eða bílalán.
Veðlán eru verðtryggð jafngreiðslu-
lán frá 5 til 30 ára. Vextir eru fastir á
bilinu 6,20 - 8,50%
Veðlán eru eingöngu veitt gegn
veði i fasteign reikningshafa. Þegar
tekin er ákvörun um lánveitingu og
vaxtakjör er tekið mið af greiðslu-
getu, veðsetningarhlutfalli, verðmati
og seljanleika fasteignarinnar.
Veðsetningarhlutfall getur verið
allt að 70% af verðmæti fasteignarinn-
ar.
Netbankinn fer nýjar leiðir í lán-
veitingum. í upphafi gefur viðskipta-
vinurinn upplýsingar um sína hagi,
tekjur, skuldir, eignir og helstu flöl-
skylduaðstæður. Netbankinn metur
síðan greiðslugetu og eignastöðu og
úthlutar síðan lánaheimild hjá Net-
bankanum út frá því mati. Hægt er að
ráðstafa lánaheimildinni á milli yfir-
dráttarheimildar, heimildar á veltu-
kreditkorti eða afborgunarsamnings.
Til að viðhalda lánaheimildinni þarf
að senda bankanum árlega afrit af
skattskýrslu viðkomandi.
Tryggingar
fyrir lánum
Forsvarsmenn Netbankans segja að
þeir vilji að þú standir sjálf(ur) undir
skuldbindingum þínum en ekki vinir
eða vandamenn og því láni Netbank-
inn ekki með sjáifskuldarábyrgð. Til
tryggingar lánaheimildar þarf því að
þinglýsa tryggingarbréfi á fasteign-
ina. Þegar tekin er ákvörun um lána-
heimild er tekið mið af greiðslugetu,
veðsetningarhlutfalli, verðmati og
seljanleika fasteignarinnar. Veðsetn-
ingarhlutfall getur verið allt að 80%
af verðmæti fasteignarinnar. Þó getur
þú fengið lánaheimild sem getur ver-
ið allt að þrefóld mánaðarleg launa-
innborgun (hámark 600.000 kr.) án
nokkura trygginga.
Vaxtasamanburður
Vextir á netreikningi og sparnað-
arreikningum eru frá 3,2% til
8,52%.
Vextir á yfirdrætti á netreikningi
eru frá 11,5-16%.
Samanburður vaxta á óverðtryggðum sparireikningum, skv.
upplýsingum frá bönkum og sparisjóðum I. sept. 1999:
Lægstu vextir Hæstu vextir Skilyrði fyrir innlánum á hæstu vöxtum.
Búnaðarbankinn ; . 1,00% 8,52% Lágmark 20 milljónir, bundið í 10 daga.
Landsbankinn 0,70% 8,03% Lágmark 5 milljónir, bundið í 7 daga.
íslandsbanki 0,90% 8,02% Lágmark 250 þús., bundið I 10 daga.
Sparisjóðirnir 1,10% 8,02% Lágmark 250 þús., bundið I 10 daga.
Netbankinn 9,02% 9,02% Lágmark 250 þús., úttektargjald ef tekið er út innan 30 daga.
Enn ein þjónustuleiðin:
Símabanki Landsbankans
- sjálfstæð eining til að þjóna þeim sem vilja gera öll peningaviðskipti í gegnum síma
Þróun í peningaviðskiptum hér á
landi hefur tekið miklum framför-
um síðustu misserin. Nýlega var
kynntur Netbanki sparisjóðanna
sem á að gera fólki kleift að sinna
öllum sínum peningaviðskiptum i
gegnum tölvu. Þar er sú netþjónusta
banka og sparisjóða sem tíðkuð hef-
ur verið hér á landi um nokkurt
skeið stigin til fulls. Ekki er lengur
þörf á að fara í biðröðina hjá banka-
stjóra til að sækja um lán, það gera
menn einfaldlega heima hjá sér. Nýr
angi af svipuðum toga er Símabanki
Landsbanka islands. Þar er líka
hægt aö sinna öllum peningavið-
skiptum án þess nánast að stíga
nokkurn tíma fæti inn fyrir bankans
dyr. Menn einfaldlega slá á þráðinn
og gera með símtali öll peningavið-
skipti, hvort sem menn eru staddir
úti á götu með GSM-símann sinn
eða sitja heima við gamla símann
með snúrunni (GSMS).
Kristján Guðmundsson, forstöðu-
maður markaðssviðs Landsbanka
íslands, segir Landsbankann hafa
rekið netbanka um nokkra hríð
undir heitinu „Einkabankinn". Þar
séu á annan tug þúsunda viðskipta-
manna sem stunda flesta þætti
bankaviðskipta í gegnu tölvuna
sína. Kristján segir Netbankann því
i raun ekkert nýtt fyrirbæri.
„Við munum horfa á þetta í víðu
ljósi, út frá því að allar dreifileiðir
bankans vinni saman í því að veita
heildar fiármálaþjónustu. Markmið-
ið er að bjóða upp á alla þætti
bankaviðskipta. Það hefur sýnt sig
að viðskiptavinir í dag nota símann
mikið til þess að eiga bankavið-
skipti. Það hefur orðið bylting í
þeim efnum á síðustu árum. Fólk
notar þetta tæki bæði til að fá upp-
lýsingar úr bankanum og til að eiga
viðskipti. Það vill geta gert milli-
færslur um síma, ásamt því að
stofna reikninga, fá yfirdrætti,
kaupa og selja verðbréf o.s.frv. Við
Kristján Guðmundsson, forstöðu-
maður markaðssviðs Landsbanka
íslands.
erum í raun eini bankinn sem býð-
ur upp á þennan valkost með Síma-
bankanum.
Þessi banki er alveg sjálfstæð ein-
ing innan bankans og er banki án
afgreiðslustaða. Það má ekki rugla
honum saman við upplýsinga- og
þjónustuver bankanna. Öll við-
skipti í Símabankanum fara fram í
gegnum símann, en það er einnig
hægt með tölvupósti og faxsending-
um. Þetta er banki fyrir þá sem eru
mikið á hreyfingu og vilja ekki
endilega vera bundnir við það áð
þurfa að setjast fyrir framan tölvu
til að sinna peningamálunum. í
Símabankanum bjóðum við svo
hærri innlánsvexti og lægri útláns-
vexti en Netbankinn gerir. Það er
líka mikilvægt að hafa í huga að við
erum með lægri gjaldskrá á þjón-
ustu en Netbanki sparisjóðanna,"
sagði Kristján Guðmundsson.
-HKr.
Öryggi í síma- og netbankaviðskiptum:
Passið upp á leyninúmerin
- forðist að nota hluta af kennitölu sem lykilnúmer
Öryggi í síma- og netbankavið-
skiptum hefur mjög verið í umræðu
eftir að upplýst hefur verið um ít-
rekuð svindlmál. Þó að áfóll geti
orðið, þá hafa bankar og sparisjóðir
strangt öryggiseftirlit meö öllum
viðskipum hvort sem þau fara fram
yfir borð gjaldkera, um síma eða í
gegnum Intemetið. Helsta áhættan í
slíkum viðskiptum er að fólk passi
ekki nægjanlega vel upp á notenda-
nöfn og lykilnúmer. Ekki á t.d. að
vera hægt að framkvæma neinar
aðgerðir í netbönkum, nema við-
komandi slái fyrst inn lykilnúmer
eða leyninúmer. Sumir bankar hafa
tvöfalt öryggiskerfi á þessu þar sem
bæði þarf að gefa upp notandanafn
og leyninúmer. Það er því afar mik-
ilvægt að fólk liggi á slíkum per-
sónuupplýsingum eins og ormar á
gulli.
í þeim tilfellum þar sem menn
hafa komist upp með að fram-
kvæma millifærslur af reikningum
óviðkomandi aðila, þá hafa þeir
gert það með því að finna út lykil-
númer reikningseigenda. Því eru
bankar farnir að ráðleggja fólki að
nota ekki hluta af kennitölu sem
leyni- og reikningsnumer. Öruggara
sé að vera með númer sem ekki er
hægt að finna með því einu að
skoða fæðingardag eða kennitölu
viðkomandi.
-HKr.