Dagblaðið Vísir - DV - 04.10.1999, Blaðsíða 2

2
MÁNUDAGUR 4. OKTÓBER 1999
Fréttir
Steingrímur J. Sigfússon um fjárlagafrumvarp ríkisstjórnarinnar:
Selja ekki hundinn
mörgum sinnum
- sáttur en uggandi yfir veröbólgu, segir Páll Pétursson félagsmálaráðherra
Umræður um nýtt fjárlagafrum-
varp rtkisstjórnarinnar hefjast á
Alþingi á morg-
un. Þótt almenn
ánægja virðist
meðal þingmanna
um að gert sé ráð
fyrir að tekjuaf-
gangi sé skilað til
niðurgreiðslu á
skuldum hafa
stjórnarandstæð-
ingar ýmislegt
við frumvarpið að athuga. Því er
búist við snörpum umræðum um
frumvarpiö á fyrstu dögum þings-
ins.
Steingrímur J. Sigfússon,
Vinstrihreyfingunni - grænu fram-
boði, segir í sjálfu sér ekkert nema
gott um það að segja þegar afkoma
ríkissjóðs sé góð. „Menn verða þó
að hafa það í huga að þessi staða
væri önnur ef ekki væri inni í
myndinni mikil eignasala ríkisins,
þar sem fyrirtæki hafa nánast ver-
ið sett á útsölu.
Því liggur mönn-
um ósköpin öll á
að bókfæra sölu á
Fjárfestingar-
banka atvinnu-
lífsins fyrir ára-
mót. Það er þó
þannig að þessar
eignir ríkisins
selja menn ekki
nema einu sinni.
Þó að menn hafi á sínum tíma selt
hund á ísafirði mörgum sinnum
um borð í skip, þar sem hundurinn
stökk jafnharðan í sjóinn og synti í
land, þá leika menn það varla eftir
með eignir ríkisins.
Það þarf að huga að því hvemig
ávinningurinn er til kominn og
hvernig á að nota hann. Gallinn
við þessa góðu afkomu ríkissjóðs
er líka að hún er að miklu leyti til
komin vegna mikils viðskiptahalla
og þenslu í þjóðfélaginu. Það skilar
ríkissjóði tekjuauka í gegnum
veltu- og eyðsluskatta. Á slíkum
tímum braggast ríkissjóöur. Á
sama tima safna sveitarfélögin og
heimilin skuldum þannig að það
eru líka skuggahliðar á þessu. Það
er athyglisvert að það bólar ekkert
á tilraunum ríkisstjómarinnar í
þessu fmmvarpi til að taka á þess-
um þáttum. Svo er spurningin
hvort ekki hefði þá átt að skila ein-
hverju til þeirra sem hafa sannan-
lega borið skarðan hlut frá borði
undanfarin ár. Ég nefni þar hópa
eins og elli- og örorkulífeyrisþega,"
segir Steingrímur og telur einnig
að beita hefði mátt meira stjórn-
tækjum hins opinbera til að jafna á
milli þenslu á höfuðborgarsvæðinu
og samdráttar á landsbyggðinni.
Þokkalega sáttur
Páll Pétursson félagsmálaráð-
herra er nokkuð ánægður með
frumvarpið. „Ég held að það megi
segja að við séum þokkalega sáttir
í ríkisstjórninni með fjárlagafrum-
varpið. Það er margt mjög jákvætt
í því. Niðurgreiðsla skulda er gíf-
urlega mikilvæg, það hefur verið
borgað mikið niður og enn verður
bætt Auðvitað eru menn þó ugg-
andi yfir verðbólgunni. Menn hafa
þess vegna lagt á sig verulega
sjálfsafneitun varðandi gerð frum-
varpsins. Það verður frestað opin-
berum framkvæmdum. Lands-
byggðin lendir að vísu í einhverj-
um niðurskurði en það verður
reynt að skera meira niður þar
sem þenslan er mest. Ég er þokka-
lega sáttur við frumvarpið," segir
Páil.
-HKr.
Hentistefna
Margrét Frímannsdóttir, S-
lista, segir að það sé gott mark-
mið að skila tekjuafgangi. „Tekj-
ur ríkisins hafa aukist árlega um
milljarða í góðæri og það var tími
til kominn að
þess sæjust
merki í fjár-
lagafrumvarp-
inu með tekju-
afgangi. Hins
vegar verð ég
að segja það að
þetta er henti-
stefnulegt Margrét
frumvarp. Frímannsdóttir.
Maður sér ekki að það hafi verið
farið í verkefni einstakra stofn-
ana og ráðuneyta með það að
markmiði að forgangsraða upp á
nýtt. Tekjuaukinn felst ekki hvað
síst í óbeinu sköttunum og þeir
fara að langstærstum hluta til rík-
isins.
Menn höfðu stór orð um að
segja sölumönnum fíkniefna stríð
á hendur. Ég get ekki séð þess
stað í frumvarpinu. Ég er búin að
fara yfir bæði toll- og löggæslu og
framlög til að sinna forvarnar-
starfi hjá heilsugæslunni, þar er
samdráttur á flestum sviðum,"
segir Margrét. -HKr.
Komið var með slasaðan skipverja af japönsku túnfiskveiðiskipi tii hafnar f gær eftir langa sigiingu af miðunum.
Maðurinn féll úr brú skipsins niður á dekk og slasaðist talsvert. Skipið var statt rétt innan við 200 mílna fiskveiðilög-
sögu íslendinga og því tók siglingin í land þrjá daga. DV-mynd S
Óskar Bergsson meö vantraust á Framsóknarfélag Reykjavíkur:
Menn hætta að vera fram-
sóknarmenn við Elliðaár
„Eftir kosningamar i vor og þá út-
komu sem Framsóknarflokkurinn fékk
þá í Reykjavík taldi stór hópur fólks í
flokknum að nauðsyn bæri til að gera
ýmsar breytingar á innra starfi flokks-
ins. Vantraustið á stjóm Aðalsteins
Magnússonar, sem er ágætismaður,
beinist ekki að honum persónulega,"
sagði Óskar Bergsson í samtali við DV
i gær.
Hin feikivinsæla hljómsveit Skítamórall skemmti ungmennum við góðar
undirtektir á Hard Rock Café í gær. Hljómsveitin hefur átt annríkt undan-
farna mánuði þar sem hún hefur riðið um héruð með Bylgjulestinni frægu
og hrifið jafnt unga sem aldna upp úr skónum.___________________DV-mynd S
Vantraust á stjórn Framsóknarfélags
Reykjavíkur var borið upp á laugardag
og fellt með fimm atkvæða mun á fundi
þar sem yfir fímmtíu mættu, þar á með-
al þingmenn Reykjavíkur, Finnur Ing-
ólfsson og Ólafur Öm Haraldsson.
„Þama er á ferðinni óánægjuhópur
og hann stór. Við töpuðum 30 prósenta
fylgi í kosningunum og Finnur var með
næstflestar útstrikanir frambjóðenda í
alþingiskosningunum. Aðeins Árni
Johnsen fékk fleiri, munurinn var bara
sá að Árni vann kosningasigur," sagði
Óskar í gær.
Óskar Bergsson segir það sérkenni-
legt fyrir flokk sem er svo sterkur úti á
landi að svo virðist sem menn séu ekki
lengur framsóknarmenn þegar þeir
koma að Elliðaánum. „Það hefur ekki
verið haldið nógu vel á spöðunum í höf-
uðborginni, við ætluðum að breyta
þessu og urðum að fara þessa leið,“
sagði Óskar Bergsson í gær. Ekki náð-
ist í Finn Ingólfsson í gærkvöld. -JBP
Föst á Sprengisandi
Kalla þurfti út þyrlu Landhelgis-
gæslunnar auk björgunarsveita til
að aðstoða fólk sem fest hafði bíl
sinn í læk skammt norðan við Nýja-
dal á Sprengisandi. Fólkið, sem var
á norðurleið, reyndist vera á illa
búnum jeppa sem fraus fastur í læk
sem hann þurfti að fara yfir. -GLM
Stuttar fréttir i>v
Sáttatilraun
Sólveig Pétursdóttir dómsmála-
ráðherra hyggst beita sér fyrir því á
næsta ári að gerð
verði tilraun
með þá nýjung
að gefa fólki kost
á sáttaumleitun-
um í forsjár- og
umgengnismál-
um hjá embætti
sýslumannsins i
Reykjavik. Segir hún mikilvægt að
foreldrum sem eiga í forsjár- og um-
gengnisdeilum verði hjálpað að
finna lausn á þessum vandmeðfórnu
málum. Mbl.is sagði frá.
Ríkið dæmt
Héraðsdómur Reykjavíkur hefur
dæmt íslenska ríkið til að greiða
menntaskólakennara rúmar sex
milljónir króna vegna flártjóns sem
hann varð fyrir vegna ólögmætrar
brottvikningar úr starfi. Nefnd sem
fjallar um réttindi og skyldur
starfsmanna ríkisins komst að
þeirri niðurstöðu að menntamála-
ráðuneytið hefði ekki haft rétt til
að segja kennaranum upp tíma-
bundið. Bylgjan greindi frá.
Langir samningar betri
Rafiðnaðarsambandið (RSÍ) telur
að kjarasamningar til lengri tíma
séu frekar til þess fallnir að stuðla
að stöðugleika og stígandi kaup-
mætti en stuttir samningar. Þetta
kemur fram í ályktun sem sam-
þykkt var á kjaramálaráðstefnu
sambandsins. Mbl. is greindi frá.
Efast um lagalegt leyfi
Ögmundur Jónasson, þingmaður
vinstri-grænna, efast um að yfir-
völd hafi laga-
legt og siðferði-
legt leyfi til að
veita starfs-
mönnum ís-
lenskrar erfða-
greiningar
heimild tii að
kynna sér 30
sjúkraskrár á Sjúkrahúsi Reykja-
víkur. Hann ætlar að taka málið
upp á Alþingi og finnst eðlilegt að
leyfið verði tekið aftur. Sjúkrahús
Reykjavíkur hefur ákveðið að afmá
nöfn og kennitölur af þeim 30
sjúkraskrám sem starfsmenn ís-
lenskrar erfðagreiningar fá að
skoða þar. RÚV greindi frá.
Kröfuréttur
Ekki er útilokað að umsækjend-
ur um stöðu forstjóra Flugstöðvar
Leifs Eiríkssonar eigi kröfurétt á
hendur stjórnvöldum vegna tafa á
veitingu stöðunnar. Þetta er mat
lögmanns BHMR. Sjónvarpið
greindi frá.
Svikult hnoss
Maður sem hafði óskað eftir nán-
ari kynnum og frekari þjónustu
listdansmeyjar eftir dans hennar á
nektarstað í Reykjavík taldi sig
hafa verið svikinn í þeim viðskipt-
um. Maðurinn greiddi á bar
skemmtistaðarins 25.000 krónur
fyrir hina umbeðnu þjónustu. Þar
sem hann taldi sig hins vegar hafa
verið svikinn um þjónustuna kærði
hann til lögreglu.
Hannes Hlífar meistari
Hannes Hlífar Stefánsson varð i
dag íslandsmeistari í skák. Bar hann
sigurorðafHelga
Áss Grétarssyni
og var þetta
fjórða einvígis-
skák þeirra.
Skákmennirnir
gerðu jafntefli í
fyrstu skákinni,
Helgi vann aðra
skákina, en Hannes tvær síðustu.
Visir.is greindi frá.
Leiðrétting
í viðtali við Ingibjörgu Sólrúnu
Gisladóttur í Helgarblaði DV var
ranglega rætt um að Hrannar Pét-
ursson hefði vikið úr borgarstjórn
meðan málefni fyrirtækis hans
væru í rannsókn. Hér var að sjálf-
sögðu átt við Hrannar B. Arnars-
son og eru hlutaðeigandi aðilar
beðnir afsökunar á þessum mistök-
um. -hdm